שמואל א

וַיְהִ֗יa כְּכַלֹּתֹו֙b לְדַבֵּ֣רc אֶל־שָׁא֔וּל וְנֶ֨פֶשׁ֙ יְהֹ֣ונָתָ֔ן נִקְשְׁרָ֖הd בְּנֶ֣פֶשׁ דָּוִ֑ד ויאהבוe יְהֹונָתָ֖ן כְּנַפְשֹֽׁו׃

2 וַיִּקָּחֵ֥הוּa שָׁא֖וּל בַּיֹּ֣ום הַה֑וּא וְלֹ֣א נְתָנֹ֔וb לָשׁ֖וּבc בֵּ֥ית אָבִֽיו׃

3 וַיִּכְרֹ֧תa יְהֹונָתָ֛ן וְדָוִ֖ד בְּרִ֑ית בְּאַהֲבָתֹ֥וb אֹתֹ֖ו כְּנַפְשֹֽׁו׃

4 וַיִּתְפַּשֵּׁ֣טa יְהֹונָתָ֗ן אֶֽת־הַמְּעִיל֙b אֲשֶׁ֣ר עָלָ֔יו וַֽיִּתְּנֵ֖הוּc לְדָוִ֑ד וּמַדָּ֕יוd וְעַד־חַרְבֹּ֥ו וְעַד־קַשְׁתֹּ֖ו וְעַד־חֲגֹרֹֽוe ׃

5 וַיֵּצֵ֨אa דָוִ֜ד בְּכֹל֩ אֲשֶׁ֨ר יִשְׁלָחֶ֤נּוּb שָׁאוּל֙ יַשְׂכִּ֔ילc וַיְשִׂמֵ֣הוּd שָׁא֔וּל עַ֖ל אַנְשֵׁ֣י הַמִּלְחָמָ֑ה וַיִּיטַב֙e בְּעֵינֵ֣י כָל־הָעָ֔ם וְגַ֕ם בְּעֵינֵ֖י עַבְדֵ֥י שָׁאֽוּל׃ פ

6 וַיְהִ֣יa בְּבֹואָ֗םb בְּשׁ֤וּבc דָּוִד֙ מֵהַכֹּ֣ותd אֶת־הַפְּלִשְׁתִּ֔י וַתֵּצֶ֨אנָהe הַנָּשִׁ֜ים מִכָּל־עָרֵ֤י יִשְׂרָאֵל֙ לשׁורf וְהַמְּחֹלֹ֔ותg לִקְרַ֖אתh שָׁא֣וּל הַמֶּ֑לֶךְ בְּתֻפִּ֥יםi בְּשִׂמְחָ֖ה וּבְשָׁלִשִֽׁיםj ׃

7 וַֽתַּעֲנֶ֛ינָהa הַנָּשִׁ֥ים הַֽמְשַׂחֲקֹ֖ותb וַתֹּאמַ֑רְןָc הִכָּ֤הd שָׁאוּל֙ באלפוe וְדָוִ֖ד בְּרִבְבֹתָֽיוf ׃

8 וַיִּ֨חַרa לְשָׁא֜וּל מְאֹ֗ד וַיֵּ֤רַעb בְּעֵינָיו֙ הַדָּבָ֣ר הַזֶּ֔ה וַיֹּ֗אמֶרc נָתְנ֤וּd לְדָוִד֙ רְבָבֹ֔ותe וְלִ֥י נָתְנ֖וּf הָאֲלָפִ֑ים וְעֹ֥וד לֹ֖ו אַ֥ךְ הַמְּלוּכָֽהg ׃

9 וַיְהִ֥יa שָׁא֖וּל עוןb אֶת־דָּוִ֑ד מֵהַיֹּ֥ום הַה֖וּא וָהָֽלְאָהc ׃ ס

10 וַיְהִ֣יa מִֽמָּחֳרָ֗תb וַתִּצְלַ֣חc רוּחַ֩ אֱלֹהִ֨ים׀ רָעָ֤ה׀ אֶל־שָׁאוּל֙ וַיִּתְנַבֵּ֣אd בְתֹוךְ־הַבַּ֔יִת וְדָוִ֛ד מְנַגֵּ֥ןe בְּיָדֹ֖ו כְּיֹ֣ום׀ בְּיֹ֑ום וְהַחֲנִ֖יתf בְּיַד־שָׁאֽוּל׃

11 וַיָּ֤טֶלa שָׁאוּל֙ אֶֽת־הַחֲנִ֔יתb וַיֹּ֕אמֶרc אַכֶּ֥הd בְדָוִ֖ד וּבַקִּ֑יר וַיִּסֹּ֥בe דָּוִ֛ד מִפָּנָ֖יו פַּעֲמָֽיִם׃

12 וַיִּרָ֥אa שָׁא֖וּל מִלִּפְנֵ֣י דָוִ֑ד כִּֽי־הָיָ֤הb יְהוָה֙ עִמֹּ֔ו וּמֵעִ֥ם שָׁא֖וּל סָֽרc ׃

13 וַיְסִרֵ֤הוּa שָׁאוּל֙ מֵֽעִמֹּ֔ו וַיְשִׂמֵ֥הוּb לֹ֖ו שַׂר־אָ֑לֶף וַיֵּצֵ֥אc וַיָּבֹ֖אd לִפְנֵ֥י הָעָֽם׃ פ

14 וַיְהִ֥יa דָוִ֛ד לְכָל־דרכוb מַשְׂכִּ֑ילc וַֽיהוָ֖ה עִמֹּֽו׃

15 וַיַּ֣רְאa שָׁא֔וּל אֲשֶׁר־ה֖וּא מַשְׂכִּ֣ילb מְאֹ֑ד וַיָּ֖גָרc מִפָּנָֽיו׃

16 וְכָל־יִשְׂרָאֵל֙ וִיהוּדָ֔ה אֹהֵ֖בa אֶת־דָּוִ֑ד כִּֽי־ה֛וּא יֹוצֵ֥אb וָבָ֖אc לִפְנֵיהֶֽם׃ פ

17 וַיֹּ֨אמֶרa שָׁא֜וּל אֶל־דָּוִ֗ד הִנֵּה֩ בִתִּ֨י הַגְּדֹולָ֤ה מֵרַב֙b אֹתָהּ֙ אֶתֶּןc ־לְךָ֣ לְאִשָּׁ֔ה אַ֚ךְ הֱיֵהd ־לִּ֣י לְבֶן־חַ֔יִל וְהִלָּחֵ֖םe מִלְחֲמֹ֣ות יְהוָ֑ה וְשָׁא֣וּל אָמַ֗רf אַל־תְּהִ֤יg יָדִי֙ בֹּ֔ו וּתְהִיh ־בֹ֖ו יַד־פְּלִשְׁתִּֽים׃ ס

18 וַיֹּ֨אמֶרa דָּוִ֜ד אֶל־שָׁא֗וּל מִ֤י אָֽנֹכִי֙ וּמִ֣י חַיַּ֔י מִשְׁפַּ֥חַת אָבִ֖י בְּיִשְׂרָאֵ֑ל כִּֽי־אֶהְיֶ֥הb חָתָ֖ןc לַמֶּֽלֶךְ׃

19 וַיְהִ֗יa בְּעֵ֥ת תֵּ֛תb אֶת־מֵרַ֥בc בַּת־שָׁא֖וּל לְדָוִ֑ד וְהִ֧יא נִתְּנָ֛הd לְעַדְרִיאֵ֥לe הַמְּחֹלָתִ֖יf לְאִשָּֽׁה׃

20 וַתֶּאֱהַ֛בa מִיכַ֥לb בַּת־שָׁא֖וּל אֶת־דָּוִ֑ד וַיַּגִּ֣דוּc לְשָׁא֔וּל וַיִּשַׁ֥רd הַדָּבָ֖ר בְּעֵינָֽיו׃

21 וַיֹּ֨אמֶרa שָׁא֜וּל אֶתְּנֶ֤נָּהb לֹּו֙ וּתְהִיc ־לֹ֣ו לְמֹוקֵ֔שׁd וּתְהִיe ־בֹ֖ו יַד־פְּלִשְׁתִּ֑ים וַיֹּ֤אמֶרf שָׁאוּל֙ אֶל־דָּוִ֔ד בִּשְׁתַּ֛יִם תִּתְחַתֵּ֥ןg בִּ֖י הַיֹּֽום׃

22 וַיְצַ֨וa שָׁא֜וּל אֶת־עבדוb דַּבְּר֨וּc אֶל־דָּוִ֤ד בַּלָּט֙d לֵאמֹ֔רe הִנֵּ֨ה חָפֵ֤ץf בְּךָ֙ הַמֶּ֔לֶךְ וְכָל־עֲבָדָ֖יו אֲהֵב֑וּךָg וְעַתָּ֖ה הִתְחַתֵּ֥ןh בַּמֶּֽלֶךְ׃

23 וַֽיְדַבְּר֞וּa עַבְדֵ֤י שָׁאוּל֙ בְּאָזְנֵ֣י דָוִ֔ד אֶת־הַדְּבָרִ֖ים הָאֵ֑לֶּה וַיֹּ֣אמֶרb דָּוִ֗ד הַֽנְקַלָּ֤הc בְעֵֽינֵיכֶם֙ הִתְחַתֵּ֣ןd בַּמֶּ֔לֶךְ וְאָנֹכִ֖י אִֽישׁ־רָ֥שׁe וְנִקְלֶֽהf ׃

24 וַיַּגִּ֜דוּa עַבְדֵ֥י שָׁא֛וּל לֹ֖ו לֵאמֹ֑רb כַּדְּבָרִ֥ים הָאֵ֖לֶּה דִּבֶּ֥רc דָּוִֽד׃ פ

25 וַיֹּ֨אמֶרa שָׁא֜וּל כֹּֽה־תֹאמְר֣וּb לְדָוִ֗ד אֵֽין־חֵ֤פֶץc לַמֶּ֨לֶךְ֙ בְּמֹ֔הַרd כִּ֗י בְּמֵאָה֙ עָרְלֹ֣ותe פְּלִשְׁתִּ֔ים לְהִנָּקֵ֖םf בְּאֹיְבֵ֣י הַמֶּ֑לֶךְ וְשָׁא֣וּל חָשַׁ֔בg לְהַפִּ֥ילh אֶת־דָּוִ֖ד בְּיַד־פְּלִשְׁתִּֽים׃

26 וַיַּגִּ֨דוּa עֲבָדָ֤יו לְדָוִד֙ אֶת־הַדְּבָרִ֣ים הָאֵ֔לֶּה וַיִּשַׁ֤רb הַדָּבָר֙ בְּעֵינֵ֣י דָוִ֔ד לְהִתְחַתֵּ֖ןc בַּמֶּ֑לֶךְ וְלֹ֥א מָלְא֖וּd הַיָּמִֽים׃

27 וַיָּ֨קָםa דָּוִ֜ד וַיֵּ֣לֶךְb ׀ ה֣וּא וַאֲנָשָׁ֗יו וַיַּ֣ךְc בַּפְּלִשְׁתִּים֮ מָאתַ֣יִם אִישׁ֒ וַיָּבֵ֤אd דָוִד֙ אֶת־עָרְלֹ֣תֵיהֶ֔םe וַיְמַלְא֣וּםf לַמֶּ֔לֶךְ לְהִתְחַתֵּ֖ןg בַּמֶּ֑לֶךְ וַיִּתֶּןh ־לֹ֥ו שָׁא֛וּל אֶת־מִיכַ֥לi בִּתֹּ֖ו לְאִשָּֽׁה׃ ס

28 וַיַּ֤רְאa שָׁאוּל֙ וַיֵּ֔דַעb כִּ֥י יְהוָ֖ה עִם־דָּוִ֑ד וּמִיכַ֥לc בַּת־שָׁא֖וּל אֲהֵבַֽתְהוּd ׃

29 וַיֹּ֣אסֶףa שָׁא֗וּל לֵרֹ֛אb מִפְּנֵ֥י דָוִ֖ד עֹ֑וד וַיְהִ֥יc שָׁא֛וּל אֹיֵ֥בd אֶת־דָּוִ֖ד כָּל־הַיָּמִֽים׃ ס

30 וַיֵּצְא֖וּa שָׂרֵ֣י פְלִשְׁתִּ֑ים וַיְהִ֣יb ׀ מִדֵּ֣יc צֵאתָ֗םd שָׂכַ֤לe דָּוִד֙ מִכֹּל֙ עַבְדֵ֣י שָׁא֔וּל וַיִּיקַ֥רf שְׁמֹ֖ו מְאֹֽד׃ ס