שמואל א

וַיְהִ֣יa הַיֹּ֗ום וַיֹּ֨אמֶרb יֹונָתָ֤ןc בֶּן־שָׁאוּל֙ אֶל־הַנַּ֨עַר֙ נֹשֵׂ֣א כֵלָ֔יו לְכָ֗הd וְנַעְבְּרָה֙e אֶל־מַצַּ֣בf פְּלִשְׁתִּ֔ים אֲשֶׁ֖ר מֵעֵ֣בֶר הַלָּ֑זg וּלְאָבִ֖יו לֹ֥א הִגִּֽידh ׃

2 וְשָׁא֗וּל יֹושֵׁב֙a בִּקְצֵ֣ה הַגִּבְעָ֔הb תַּ֥חַת הָרִמֹּ֖וןc אֲשֶׁ֣ר בְּמִגְרֹ֑וןd וְהָעָם֙ אֲשֶׁ֣ר עִמֹּ֔ו כְּשֵׁ֥שׁ מֵאֹ֖ות אִֽישׁ׃

3 וַאֲחִיָּ֣הa בֶן־אֲחִט֡וּבb אֲחִ֡י אִיכָבֹ֣ודc ׀ בֶּן־פִּינְחָ֨סd בֶּן־עֵלִ֜יe כֹּהֵ֧ן׀ יְהוָ֛ה בְּשִׁלֹ֖וf נֹשֵׂ֣אg אֵפֹ֑ודh וְהָעָם֙ לֹ֣א יָדַ֔עi כִּ֥י הָלַ֖ךְj יֹונָתָֽןk ׃

4 וּבֵ֣ין הַֽמַּעְבְּרֹ֗ותa אֲשֶׁ֨ר בִּקֵּ֤שׁb יֹֽונָתָן֙c לַֽעֲבֹר֙d עַל־מַצַּ֣בe פְּלִשְׁתִּ֔ים שֵׁן־הַסֶּ֤לַע מֵהָעֵ֨בֶר֙ מִזֶּ֔ה וְשֵׁן־הַסֶּ֥לַע מֵהָעֵ֖בֶר מִזֶּ֑ה וְשֵׁ֤ם הָֽאֶחָד֙ בֹּוצֵ֔ץf וְשֵׁ֥ם הָאֶחָ֖ד סֶֽנֶּהg ׃

5 הַשֵּׁ֧ן הָאֶחָ֛ד מָצ֥וּקa מִצָּפֹ֖ון מ֣וּלb מִכְמָ֑שׂc וְהָאֶחָ֥ד מִנֶּ֖גֶב מ֥וּלd גָּֽבַעe ׃ ס

6 וַיֹּ֨אמֶרa יְהֹונָתָ֜ן אֶל־הַנַּ֣עַר׀ נֹשֵׂ֣א כֵלָ֗יו לְכָה֙b וְנַעְבְּרָ֗הc אֶל־מַצַּב֙d הָעֲרֵלִ֣יםe הָאֵ֔לֶּה אוּלַ֛יf יַעֲשֶׂ֥הg יְהוָ֖ה לָ֑נוּ כִּ֣י אֵ֤ין לַֽיהוָה֙ מַעְצֹ֔ורh לְהֹושִׁ֥יעַi בְּרַ֖ב אֹ֥ו בִמְעָֽט׃

7 וַיֹּ֤אמֶרa לֹו֙ נֹשֵׂ֣א כֵלָ֔יו עֲשֵׂ֖הb כָּל־אֲשֶׁ֣ר בִּלְבָבֶ֑ךָ נְטֵ֣הc לָ֔ךְ הִנְנִ֥י עִמְּךָ֖ כִּלְבָבֶֽךָ׃ ס

8 וַיֹּ֨אמֶר֙a יְהֹ֣ונָתָ֔ן הִנֵּ֛ה אֲנַ֥חְנוּ עֹבְרִ֖יםb אֶל־הָאֲנָשִׁ֑ים וְנִגְלִ֖ינוּc אֲלֵיהֶֽם׃

9 אִם־כֹּ֤ה יֹֽאמְרוּ֙a אֵלֵ֔ינוּ דֹּ֕מּוּb עַד־הַגִּיעֵ֖נוּc אֲלֵיכֶ֑ם וְעָמַ֣דְנוּd תַחְתֵּ֔ינוּ וְלֹ֥א נַעֲלֶ֖הe אֲלֵיהֶֽם׃

10 וְאִם־כֹּ֨ה יֹאמְר֜וּa עֲל֤וּb עָלֵ֨ינוּ֙ וְעָלִ֔ינוּc כִּֽי־נְתָנָ֥םd יְהוָ֖ה בְּיָדֵ֑נוּ וְזֶה־לָּ֖נוּ הָאֹֽות׃

11 וַיִּגָּל֣וּa שְׁנֵיהֶ֔ם אֶל־מַצַּ֖בb פְּלִשְׁתִּ֑ים וַיֹּאמְר֣וּc פְלִשְׁתִּ֔ים הִנֵּ֤ה עִבְרִים֙d יֹֽצְאִ֔יםe מִן־הַחֹרִ֖יםf אֲשֶׁ֥ר הִתְחַבְּאוּg ־שָֽׁם׃

12 וַיַּעֲנוּ֩a אַנְשֵׁ֨י הַמַּצָּבָ֜הb אֶת־יֹונָתָ֣ןc ׀ וְאֶת־נֹשֵׂ֣א כֵלָ֗יו וַיֹּֽאמְרוּ֙d עֲל֣וּe אֵלֵ֔ינוּ וְנֹודִ֥יעָהf אֶתְכֶ֖ם דָּבָ֑ר פ וַיֹּ֨אמֶרg יֹונָתָ֜ןh אֶל־נֹשֵׂ֤א כֵלָיו֙ עֲלֵ֣הi אַחֲרַ֔י כִּֽי־נְתָנָ֥םj יְהוָ֖ה בְּיַ֥ד יִשְׂרָאֵֽל׃

13 וַיַּ֣עַלa יֹונָתָ֗ןb עַל־יָדָיו֙ וְעַל־רַגְלָ֔יו וְנֹשֵׂ֥א כֵלָ֖יו אַחֲרָ֑יו וַֽיִּפְּלוּ֙c לִפְנֵ֣י יֹונָתָ֔ןd וְנֹשֵׂ֥א כֵלָ֖יו מְמֹותֵ֥תe אַחֲרָֽיו׃

14 וַתְּהִ֞יa הַמַּכָּ֣הb הָרִאשֹׁנָ֗ה אֲשֶׁ֨ר הִכָּ֧הc יֹונָתָ֛ןd וְנֹשֵׂ֥א כֵלָ֖יו כְּעֶשְׂרִ֣ים אִ֑ישׁ כְּבַחֲצִ֥י מַעֲנָ֖הe צֶ֥מֶדf שָׂדֶֽה׃

15 וַתְּהִי֩a חֲרָדָ֨הb בַמַּחֲנֶ֤ה בַשָּׂדֶה֙ וּבְכָל־הָעָ֔ם הַמַּצָּב֙c וְהַמַּשְׁחִ֔יתd חָרְד֖וּe גַּם־הֵ֑מָּה וַתִּרְגַּ֣זf הָאָ֔רֶץ וַתְּהִ֖יg לְחֶרְדַּ֥תh אֱלֹהִֽים׃

16 וַיִּרְא֤וּa הַצֹּפִים֙b לְשָׁא֔וּל בְּגִבְעַ֖ת בִּנְיָמִ֑ן וְהִנֵּ֧ה הֶהָמֹ֛ון נָמֹ֖וגc וַיֵּ֥לֶךְd וַהֲלֹֽםe ׃ פ

17 וַיֹּ֣אמֶרa שָׁא֗וּל לָעָם֙ אֲשֶׁ֣ר אִתֹּ֔ו פִּקְדוּb ־נָ֣א וּרְא֔וּc מִ֖י הָלַ֣ךְd מֵעִמָּ֑נוּ וַֽיִּפְקְד֔וּe וְהִנֵּ֛ה אֵ֥ין יֹונָתָ֖ןf וְנֹשֵׂ֥א כֵלָֽיו׃

18 וַיֹּ֤אמֶרa שָׁאוּל֙ לַֽאֲחִיָּ֔הb הַגִּ֖ישָׁהc אֲרֹ֣ון הָאֱלֹהִ֑ים כִּֽי־הָיָ֞הd אֲרֹ֧ון הָאֱלֹהִ֛ים בַּיֹּ֥ום הַה֖וּא וּבְנֵ֥י יִשְׂרָאֵֽל׃

19 וַיְהִ֗יa עַ֣ד דִּבֶּ֤רb שָׁאוּל֙ אֶל־הַכֹּהֵ֔ן וְהֶהָמֹ֗ון אֲשֶׁר֙ בְּמַחֲנֵ֣ה פְלִשְׁתִּ֔ים וַיֵּ֥לֶךְc הָלֹ֖וךְ וָרָ֑ב פ וַיֹּ֧אמֶרd שָׁא֛וּל אֶל־הַכֹּהֵ֖ן אֱסֹ֥ףe יָדֶֽךָ׃

20 וַיִּזָּעֵ֣קa שָׁא֗וּל וְכָל־הָעָם֙ אֲשֶׁ֣ר אִתֹּ֔ו וַיָּבֹ֖אוּb עַד־הַמִּלְחָמָ֑ה וְהִנֵּ֨ה הָיְתָ֜הc חֶ֤רֶב אִישׁ֙ בְּרֵעֵ֔הוּ מְהוּמָ֖הd גְּדֹולָ֥ה מְאֹֽד׃

21 וְהָעִבְרִ֗יםa הָי֤וּb לַפְּלִשְׁתִּים֙ כְּאֶתְמֹ֣ולc שִׁלְשֹׁ֔וםd אֲשֶׁ֨ר עָל֥וּe עִמָּ֛ם בַּֽמַּחֲנֶ֖ה סָבִ֑יב וְגַם־הֵ֗מָּה לִֽהְיֹות֙f עִם־יִשְׂרָאֵ֔ל אֲשֶׁ֥ר עִם־שָׁא֖וּל וְיֹונָתָֽןg ׃

22 וְכֹל֩ אִ֨ישׁ יִשְׂרָאֵ֜ל הַמִּֽתְחַבְּאִ֤יםa בְּהַר־אֶפְרַ֨יִם֙ שָֽׁמְע֔וּb כִּֽי־נָ֖סוּc פְּלִשְׁתִּ֑ים וַֽיַּדְבְּק֥וּd גַם־הֵ֛מָּה אַחֲרֵיהֶ֖ם בַּמִּלְחָמָֽה׃

23 וַיֹּ֧ושַׁעa יְהוָ֛ה בַּיֹּ֥ום הַה֖וּא אֶת־יִשְׂרָאֵ֑ל וְהַ֨מִּלְחָמָ֔ה עָבְרָ֖הb אֶת־בֵּ֥ית אָֽוֶןc ׃

24 וְאִֽישׁ־יִשְׂרָאֵ֥ל נִגַּ֖שׂa בַּיֹּ֣ום הַה֑וּא וַיֹּאֶל֩b שָׁא֨וּל אֶת־הָעָ֜ם לֵאמֹ֗רc אָר֣וּרd הָ֠אִישׁ אֲשֶׁר־יֹ֨אכַלe לֶ֜חֶם עַד־הָעֶ֗רֶב וְנִקַּמְתִּי֙f מֵאֹ֣יְבַ֔י וְלֹֽא טָעַ֥םg כָּל־הָעָ֖ם לָֽחֶם׃ ס

25 וְכָל־הָאָ֖רֶץ בָּ֣אוּa בַיָּ֑עַר וַיְהִ֥יb דְבַ֖שׁ עַל־פְּנֵ֥י הַשָּׂדֶֽה׃

26 וַיָּבֹ֤אa הָעָם֙ אֶל־הַיַּ֔עַרb וְהִנֵּ֖ה הֵ֣לֶךְc דְּבָ֑שׁ וְאֵין־מַשִּׂ֤יגd יָדֹו֙ אֶל־פִּ֔יו כִּֽי־יָרֵ֥אe הָעָ֖ם אֶת־הַשְּׁבֻעָֽהf ׃

27 וְיֹונָתָ֣ןa לֹֽא־שָׁמַ֗עb בְּהַשְׁבִּ֣יעַc אָבִיו֮ אֶת־הָעָם֒ וַיִּשְׁלַ֗חd אֶת־קְצֵ֤ה הַמַּטֶּה֙ אֲשֶׁ֣ר בְּיָדֹ֔ו וַיִּטְבֹּ֥לe אֹותָ֖הּ בְּיַעְרַ֣תf הַדְּבָ֑שׁ וַיָּ֤שֶׁבg יָדֹו֙ אֶל־פִּ֔יו ותראנהh עֵינָֽיו׃

28 וַיַּעַן֩a אִ֨ישׁ מֵֽהָעָ֜ם וַיֹּ֗אמֶרb הַשְׁבֵּעַ֩ הִשְׁבִּ֨יעַc אָבִ֤יךָ אֶת־הָעָם֙ לֵאמֹ֔רd אָר֥וּרe הָאִ֛ישׁ אֲשֶׁר־יֹ֥אכַלf לֶ֖חֶם הַיֹּ֑ום וַיָּ֖עַףg הָעָֽם׃

29 וַיֹּ֨אמֶר֙a יֹֽונָתָ֔ןb עָכַ֥רc אָבִ֖י אֶת־הָאָ֑רֶץ רְאוּd ־נָא֙ כִּֽי־אֹ֣רוּe עֵינַ֔י כִּ֣י טָעַ֔מְתִּיf מְעַ֖ט דְּבַ֥שׁ הַזֶּֽה׃

30 אַ֗ף כִּ֡י לוּא֩a אָכֹ֨ל אָכַ֤לb הַיֹּום֙ הָעָ֔ם מִשְּׁלַ֥ל אֹיְבָ֖יו אֲשֶׁ֣ר מָצָ֑אc כִּ֥י עַתָּ֛ה לֹֽא־רָבְתָ֥הd מַכָּ֖הe בַּפְּלִשְׁתִּֽים׃

31 וַיַּכּ֞וּa בַּיֹּ֤ום הַהוּא֙ בַּפְּלִשְׁתִּ֔ים מִמִּכְמָ֖שׂb אַיָּלֹ֑נָהc וַיָּ֥עַףd הָעָ֖ם מְאֹֽד׃

32 ויעשׂa הָעָם֙ אֶל־שׁללb וַיִּקְח֨וּc צֹ֧אן וּבָקָ֛ר וּבְנֵ֥י בָקָ֖ר וַיִּשְׁחֲטוּd ־אָ֑רְצָה וַיֹּ֥אכַלe הָעָ֖ם עַל־הַדָּֽם׃

33 וַיַּגִּ֤ידוּa לְשָׁאוּל֙ לֵאמֹ֔רb הִנֵּ֥ה הָעָ֛ם חֹטִ֥איםc לַֽיהוָ֖ה לֶאֱכֹ֣לd עַל־הַדָּ֑ם וַיֹּ֣אמֶרe בְּגַדְתֶּ֔םf גֹּֽלּוּg ־אֵלַ֥י הַיֹּ֖ום אֶ֥בֶן גְּדֹולָֽה׃

34 וַיֹּ֣אמֶרa שָׁא֣וּל פֻּ֣צוּb בָעָ֡ם וַאֲמַרְתֶּ֣םc לָהֶ֡ם הַגִּ֣ישׁוּd אֵלַי֩ אִ֨ישׁ שֹׁורֹ֜ו וְאִ֣ישׁ שְׂיֵ֗הוּe וּשְׁחַטְתֶּ֤םf בָּזֶה֙ וַאֲכַלְתֶּ֔םg וְלֹֽא־תֶחֶטְא֥וּh לַֽיהוָ֖ה לֶאֱכֹ֣לi אֶל־הַדָּ֑ם וַיַּגִּ֨שׁוּj כָל־הָעָ֜ם אִ֣ישׁ שֹׁורֹ֧ו בְיָ֛דֹו הַלַּ֖יְלָה וַיִּשְׁחֲטוּk ־שָֽׁם׃

35 וַיִּ֧בֶןa שָׁא֛וּל מִזְבֵּ֖חַ לַֽיהוָ֑ה אֹתֹ֣ו הֵחֵ֔לb לִבְנֹ֥ותc מִזְבֵּ֖חַ לַֽיהוָֽה׃ פ

36 וַיֹּ֣אמֶרa שָׁא֡וּל נֵרְדָ֣הb אַחֲרֵי֩ פְלִשְׁתִּ֨ים׀ לַ֜יְלָה וְֽנָבֹ֥זָהc בָהֶ֣ם׀ עַד־אֹ֣ורd הַבֹּ֗קֶר וְלֹֽא־נַשְׁאֵ֤רe בָּהֶם֙ אִ֔ישׁ וַיֹּ֣אמְר֔וּf כָּל־הַטֹּ֥וב בְּעֵינֶ֖יךָ עֲשֵׂ֑הg ס וַיֹּ֨אמֶר֙h הַכֹּהֵ֔ן נִקְרְבָ֥הi הֲלֹ֖םj אֶל־הָאֱלֹהִֽים׃

37 וַיִּשְׁאַ֤לa שָׁאוּל֙ בֵּֽאלֹהִ֔ים הַֽאֵרֵד֙b אַחֲרֵ֣י פְלִשְׁתִּ֔ים הֲתִתְּנֵ֖םc בְּיַ֣ד יִשְׂרָאֵ֑ל וְלֹ֥א עָנָ֖הוּd בַּיֹּ֥ום הַהֽוּא׃

38 וַיֹּ֣אמֶרa שָׁא֔וּל גֹּ֣שֽׁוּb הֲלֹ֔םc כֹּ֖ל פִּנֹּ֣ותd הָעָ֑ם וּדְע֣וּe וּרְא֔וּf בַּמָּ֗ה הָֽיְתָ֛הg הַחַטָּ֥את הַזֹּ֖את הַיֹּֽום׃

39 כִּ֣י חַי־יְהוָ֗ה הַמֹּושִׁ֨יעַ֙a אֶת־יִשְׂרָאֵ֔ל כִּ֧י אִם־יֶשְׁנֹ֛ו בְּיֹונָתָ֥ןb בְּנִ֖י כִּ֣י מֹ֣ות יָמ֑וּתc וְאֵ֥ין עֹנֵ֖הוּd מִכָּל־הָעָֽם׃

40 וַיֹּ֣אמֶרa אֶל־כָּל־יִשְׂרָאֵ֗ל אַתֶּם֙ תִּֽהְיוּ֙b לְעֵ֣בֶר אֶחָ֔ד וַֽאֲנִי֙ וְיֹונָתָ֣ןc בְּנִ֔י נִהְיֶ֖הd לְעֵ֣בֶר אֶחָ֑ד וַיֹּאמְר֤וּe הָעָם֙ אֶל־שָׁא֔וּל הַטֹּ֥וב בְּעֵינֶ֖יךָ עֲשֵֽׂהf ׃ ס

41 וַיֹּ֣אמֶרa שָׁא֗וּל אֶל־יְהוָ֛ה אֱלֹהֵ֥י יִשְׂרָאֵ֖ל הָ֣בָהb תָמִ֑ים וַיִּלָּכֵ֧דc יֹונָתָ֛ןd וְשָׁא֖וּל וְהָעָ֥ם יָצָֽאוּe ׃

42 וַיֹּ֣אמֶרa שָׁא֔וּל הַפִּ֕ילוּb בֵּינִ֕י וּבֵ֖ין יֹונָתָ֣ןc בְּנִ֑י וַיִּלָּכֵ֖דd יֹונָתָֽןe ׃

43 וַיֹּ֤אמֶרa שָׁאוּל֙ אֶל־יֹ֣ונָתָ֔ןb הַגִּ֥ידָהc לִּ֖י מֶ֣ה עָשִׂ֑יתָהd וַיַּגֶּדe ־לֹ֣ו יֹונָתָ֗ןf וַיֹּאמֶר֩g טָעֹ֨םh טָעַ֜מְתִּיi בִּקְצֵ֨ה הַמַּטֶּ֧ה אֲשֶׁר־בְּיָדִ֛י מְעַ֥ט דְּבַ֖שׁ הִנְנִ֥י אָמֽוּתj ׃

44 וַיֹּ֣אמֶרa שָׁא֔וּל כֹּֽה־יַעֲשֶׂ֥הb אֱלֹהִ֖ים וְכֹ֣ה יֹוסִ֑ףc כִּֽי־מֹ֥ות תָּמ֖וּתd יֹונָתָֽןe ׃

45 וַיֹּ֨אמֶרa הָעָ֜ם אֶל־שָׁא֗וּל הֲֽיֹונָתָ֤ןb ׀ יָמוּת֙c אֲשֶׁ֣ר עָ֠שָׂהd הַיְשׁוּעָ֨ה הַגְּדֹולָ֣ה הַזֹּאת֮ בְּיִשְׂרָאֵל֒ חָלִ֗ילָהe חַי־יְהוָה֙ אִם־יִפֹּ֞לf מִשַּׂעֲרַ֤תg רֹאשֹׁו֙ אַ֔רְצָה כִּֽי־עִם־אֱלֹהִ֥ים עָשָׂ֖הh הַיֹּ֣ום הַזֶּ֑ה וַיִּפְדּ֥וּi הָעָ֛ם אֶת־יֹונָתָ֖ןj וְלֹא־מֵֽתk ׃ ס

46 וַיַּ֣עַלa שָׁא֔וּל מֵאַחֲרֵ֖י פְּלִשְׁתִּ֑ים וּפְלִשְׁתִּ֖ים הָלְכ֥וּb לִמְקֹומָֽם׃

47 וְשָׁא֛וּל לָכַ֥דa הַמְּלוּכָ֖הb עַל־יִשְׂרָאֵ֑ל וַיִּלָּ֣חֶםc סָבִ֣יב׀ בְּֽכָל־אֹיְבָ֡יו בְּמֹואָ֣ב׀ וּבִבְנֵי־עַמֹּ֨ון וּבֶאֱדֹ֜ום וּבְמַלְכֵ֤י צֹובָה֙d וּבַפְּלִשְׁתִּ֔ים וּבְכֹ֥ל אֲשֶׁר־יִפְנֶ֖הe יַרְשִֽׁיעַf ׃

48 וַיַּ֣עַשׂa חַ֔יִל וַיַּ֖ךְb אֶת־עֲמָלֵ֑קc וַיַּצֵּ֥לd אֶת־יִשְׂרָאֵ֖ל מִיַּ֥ד שֹׁסֵֽהוּe ׃ ס

49 וַיִּֽהְיוּ֙a בְּנֵ֣י שָׁא֔וּל יֹונָתָ֥ןb וְיִשְׁוִ֖יc וּמַלְכִּי־שׁ֑וּעַd וְשֵׁם֙ שְׁתֵּ֣י בְנֹתָ֔יו שֵׁ֤ם הַבְּכִירָה֙e מֵרַ֔בf וְשֵׁ֥ם הַקְּטַנָּ֖הg מִיכַֽלh ׃

50 וְשֵׁם֙ אֵ֣שֶׁת שָׁא֔וּל אֲחִינֹ֖עַםa בַּת־אֲחִימָ֑עַץb וְשֵׁ֤ם שַׂר־צְבָאֹו֙ אֲבִינֵ֔ר בֶּן־נֵ֖רc דֹּ֥וד שָׁאֽוּל׃

51 וְקִ֧ישׁa אֲבִֽי־שָׁא֛וּל וְנֵ֥רb אֲבִֽי־אַבְנֵ֖ר בֶּן־אֲבִיאֵֽלc ׃ ס

52 וַתְּהִ֤יa הַמִּלְחָמָה֙ חֲזָקָ֣ה עַל־פְּלִשְׁתִּ֔ים כֹּ֖ל יְמֵ֣י שָׁא֑וּל וְרָאָ֨הb שָׁא֜וּל כָּל־אִ֤ישׁ גִּבֹּור֙ וְכָל־בֶּן־חַ֔יִל וַיַּאַסְפֵ֖הוּc אֵלָֽיו׃ ס