שמואל א

בֶּן־שָׁנָ֖ה שָׁא֣וּל בְּמָלְכֹ֑וa וּשְׁתֵּ֣י שָׁנִ֔ים מָלַ֖ךְb עַל־יִשְׂרָאֵֽל׃

2 וַיִּבְחַרa ־לֹ֨ו שָׁא֜וּל שְׁלֹ֣שֶׁת אֲלָפִים֮ מִיִּשְׂרָאֵל֒ וַיִּהְי֨וּb עִם־שָׁא֜וּל אַלְפַּ֗יִם בְּמִכְמָשׂ֙c וּבְהַ֣ר בֵּֽית־אֵ֔ל וְאֶ֗לֶף הָיוּ֙d עִם־יֹ֣ונָתָ֔ןe בְּגִבְעַ֖ת בִּנְיָמִ֑ין וְיֶ֣תֶר הָעָ֔ם שִׁלַּ֖חf אִ֥ישׁ לְאֹהָלָֽיו׃

3 וַיַּ֣ךְa יֹונָתָ֗ןb אֵ֣ת נְצִ֤יבc פְּלִשְׁתִּים֙ אֲשֶׁ֣ר בְּגֶ֔בַעd וַֽיִּשְׁמְע֖וּe פְּלִשְׁתִּ֑ים וְשָׁאוּל֩ תָּקַ֨עf בַּשֹּׁופָ֤ר בְּכָל־הָאָ֨רֶץ֙ לֵאמֹ֔רg יִשְׁמְע֖וּh הָעִבְרִֽיםi ׃

4 וְכָל־יִשְׂרָאֵ֞ל שָׁמְע֣וּa לֵאמֹ֗רb הִכָּ֤הc שָׁאוּל֙ אֶת־נְצִ֣יבd פְּלִשְׁתִּ֔ים וְגַם־נִבְאַשׁe יִשְׂרָאֵ֖ל בַּפְּלִשְׁתִּ֑ים וַיִּצָּעֲק֥וּf הָעָ֛ם אַחֲרֵ֥י שָׁא֖וּל הַגִּלְגָּֽלg ׃

5 וּפְלִשְׁתִּ֞ים נֶאֶסְפ֣וּa ׀ לְהִלָּחֵ֣םb עִם־יִשְׂרָאֵ֗ל שְׁלֹשִׁ֨ים אֶ֤לֶף רֶ֨כֶב֙ וְשֵׁ֤שֶׁת אֲלָפִים֙ פָּרָשִׁ֔ים וְעָ֕ם כַּחֹ֛ולc אֲשֶׁ֥ר עַל־שְׂפַֽת־הַיָּ֖ם לָרֹ֑ב וַֽיַּעֲלוּ֙d וַיַּחֲנ֣וּe בְמִכְמָ֔שׂf קִדְמַ֖תg בֵּ֥ית אָֽוֶןh ׃

6 וְאִ֨ישׁ יִשְׂרָאֵ֤ל רָאוּ֙a כִּ֣י צַרb ־לֹ֔ו כִּ֥י נִגַּ֖שׂc הָעָ֑ם וַיִּֽתְחַבְּא֣וּd הָעָ֗ם בַּמְּעָרֹ֤ותe וּבַֽחֲוָחִים֙f וּבַסְּלָעִ֔ים וּבַצְּרִחִ֖יםg וּבַבֹּרֹֽות׃

7 וְעִבְרִ֗יםa עָֽבְרוּ֙b אֶת־הַיַּרְדֵּ֔ן אֶ֥רֶץ גָּ֖ד וְגִלְעָ֑ד וְשָׁאוּל֙ עֹודֶ֣נּוּ בַגִּלְגָּ֔לc וְכָל־הָעָ֖ם חָרְד֥וּd אַחֲרָֽיו׃

8 וייחלa ׀ שִׁבְעַ֣ת יָמִ֗ים לַמֹּועֵד֙ אֲשֶׁ֣ר שְׁמוּאֵ֔ל וְלֹא־בָ֥אb שְׁמוּאֵ֖ל הַגִּלְגָּ֑לc וַיָּ֥פֶץd הָעָ֖ם מֵעָלָֽיו׃

9 וַיֹּ֣אמֶרa שָׁא֔וּל הַגִּ֣שׁוּb אֵלַ֔י הָעֹלָ֖ה וְהַשְּׁלָמִ֑ים וַיַּ֖עַלc הָעֹלָֽה׃

10 וַיְהִ֗יa כְּכַלֹּתֹו֙b לְהַעֲלֹ֣ותc הָעֹלָ֔ה וְהִנֵּ֥ה שְׁמוּאֵ֖ל בָּ֑אd וַיֵּצֵ֥אe שָׁא֛וּל לִקְרָאתֹ֖וf לְבָרֲכֹֽוg ׃

11 וַיֹּ֥אמֶרa שְׁמוּאֵ֖ל מֶ֣ה עָשִׂ֑יתָb וַיֹּ֣אמֶרc שָׁא֡וּל כִּֽי־רָאִיתִי֩d כִֽי־נָפַ֨ץe הָעָ֜ם מֵעָלַ֗י וְאַתָּה֙ לֹא־בָ֨אתָ֙f לְמֹועֵ֣ד הַיָּמִ֔ים וּפְלִשְׁתִּ֖ים נֶאֱסָפִ֥יםg מִכְמָֽשׂh ׃

12 וָאֹמַ֗רa עַ֠תָּה יֵרְד֨וּb פְלִשְׁתִּ֤ים אֵלַי֙ הַגִּלְגָּ֔לc וּפְנֵ֥י יְהוָ֖ה לֹ֣א חִלִּ֑יתִיd וָֽאֶתְאַפַּ֔קe וָאַעֲלֶ֖הf הָעֹלָֽה׃ ס

13 וַיֹּ֧אמֶרa שְׁמוּאֵ֛ל אֶל־שָׁא֖וּל נִסְכָּ֑לְתָּb לֹ֣א שָׁמַ֗רְתָּc אֶת־מִצְוַ֞ת יְהוָ֤ה אֱלֹהֶ֨יךָ֙ אֲשֶׁ֣ר צִוָּ֔ךְd כִּ֣י עַתָּ֗ה הֵכִ֨יןe יְהוָ֧ה אֶת־מַֽמְלַכְתְּךָ֛f אֶל־יִשְׂרָאֵ֖ל עַד־עֹולָֽם׃

14 וְעַתָּ֖ה מַמְלַכְתְּךָ֣a לֹא־תָק֑וּםb בִּקֵּשׁ֩c יְהוָ֨ה לֹ֜ו אִ֣ישׁ כִּלְבָבֹ֗ו וַיְצַוֵּ֨הוּd יְהוָ֤ה לְנָגִיד֙e עַל־עַמֹּ֔ו כִּ֚י לֹ֣א שָׁמַ֔רְתָּf אֵ֥ת אֲשֶֽׁר־צִוְּךָ֖g יְהוָֽה׃ פ

15 וַיָּ֣קָםa שְׁמוּאֵ֗ל וַיַּ֛עַלb מִן־הַגִּלְגָּ֖לc גִּבְעַ֣ת בִּנְיָמִ֑ן וַיִּפְקֹ֣דd שָׁא֗וּל אֶת־הָעָם֙ הַנִּמְצְאִ֣יםe עִמֹּ֔ו כְּשֵׁ֥שׁ מֵאֹ֖ות אִֽישׁ׃

16 וְשָׁא֞וּל וְיֹונָתָ֣ןa בְּנֹ֗ו וְהָעָם֙ הַנִּמְצָ֣אb עִמָּ֔ם יֹשְׁבִ֖יםc בְּגֶ֣בַעd בִּנְיָמִ֑ן וּפְלִשְׁתִּ֖ים חָנ֥וּe בְמִכְמָֽשׂf ׃

17 וַיֵּצֵ֧אa הַמַּשְׁחִ֛יתb מִמַּחֲנֵ֥ה פְלִשְׁתִּ֖ים שְׁלֹשָׁ֣ה רָאשִׁ֑ים הָרֹ֨אשׁ אֶחָ֥ד יִפְנֶ֛הc אֶל־דֶּ֥רֶךְ עָפְרָ֖הd אֶל־אֶ֥רֶץ שׁוּעָֽלe ׃

18 וְהָרֹ֤אשׁ אֶחָד֙ יִפְנֶ֔הa דֶּ֖רֶךְ בֵּ֣ית חֹרֹ֑וןb וְהָרֹ֨אשׁ אֶחָ֤ד יִפְנֶה֙c דֶּ֣רֶךְ הַגְּב֔וּל הַנִּשְׁקָ֛ףd עַל־גֵּ֥י הַצְּבֹעִ֖יםe הַמִּדְבָּֽרָה׃ ס

19 וְחָרָשׁ֙a לֹ֣א יִמָּצֵ֔אb בְּכֹ֖ל אֶ֣רֶץ יִשְׂרָאֵ֑ל כִּֽי־אמרc פְלִשְׁתִּ֔ים פֶּ֚ן יַעֲשׂ֣וּd הָעִבְרִ֔יםe חֶ֖רֶב אֹ֥ו חֲנִֽיתf ׃

20 וַיֵּרְד֥וּa כָל־יִשְׂרָאֵ֖ל הַפְּלִשְׁתִּ֑ים לִ֠לְטֹושׁb אִ֣ישׁ אֶת־מַחֲרַשְׁתֹּ֤וc וְאֶת־אֵתֹו֙d וְאֶת־קַרְדֻּמֹּ֔וe וְאֵ֖ת מַחֲרֵשָׁתֹֽוf ׃

21 וְֽהָיְתָ֞הa הַפְּצִ֣ירָהb פִ֗יםc לַמַּֽחֲרֵשֹׁת֙d וְלָ֣אֵתִ֔יםe וְלִשְׁלֹ֥שׁ קִלְּשֹׁ֖וןf וּלְהַקַּרְדֻּמִּ֑יםg וּלְהַצִּ֖יבh הַדָּרְבָֽןi ׃

22 וְהָיָה֙a בְּיֹ֣ום מִלְחֶ֔מֶתb וְלֹ֨א נִמְצָ֜אc חֶ֤רֶב וַחֲנִית֙d בְּיַ֣ד כָּל־הָעָ֔ם אֲשֶׁ֥ר אֶת־שָׁא֖וּל וְאֶת־יֹונָתָ֑ןe וַתִּמָּצֵ֣אf לְשָׁא֔וּל וּלְיֹונָתָ֖ןg בְּנֹֽו׃

23 וַיֵּצֵא֙a מַצַּ֣בb פְּלִשְׁתִּ֔ים אֶֽל־מַעֲבַ֖רc מִכְמָֽשׂd ׃ ס