שמואל א

וַיֹּ֤אמֶרa שְׁמוּאֵל֙ אֶל־כָּל־יִשְׂרָאֵ֔ל הִנֵּה֙ שָׁמַ֣עְתִּיb בְקֹֽלְכֶ֔ם לְכֹ֥ל אֲשֶׁר־אֲמַרְתֶּ֖םc לִ֑י וָאַמְלִ֥יךְd עֲלֵיכֶ֖ם מֶֽלֶךְ׃

2 וְעַתָּ֞ה הִנֵּ֥ה הַמֶּ֣לֶךְ׀ מִתְהַלֵּ֣ךְa לִפְנֵיכֶ֗ם וַאֲנִי֙ זָקַ֣נְתִּיb וָשַׂ֔בְתִּיc וּבָנַ֖י הִנָּ֣ם אִתְּכֶ֑ם וַאֲנִי֙ הִתְהַלַּ֣כְתִּיd לִפְנֵיכֶ֔ם מִנְּעֻרַ֖יe עַד־הַיֹּ֥ום הַזֶּֽה׃

3 הִנְנִ֣י עֲנ֣וּa בִי֩ נֶ֨גֶד יְהוָ֜ה וְנֶ֣גֶד מְשִׁיחֹ֗וb אֶת־שֹׁור֩׀ מִ֨י לָקַ֜חְתִּיc וַחֲמֹ֧ור מִ֣י לָקַ֗חְתִּיd וְאֶת־מִ֤י עָשַׁ֨קְתִּי֙e אֶת־מִ֣י רַצֹּ֔ותִיf וּמִיַּד־מִי֙ לָקַ֣חְתִּיg כֹ֔פֶרh וְאַעְלִ֥יםi עֵינַ֖י בֹּ֑ו וְאָשִׁ֖יבj לָכֶֽם׃

4 וַיֹּ֣אמְר֔וּa לֹ֥א עֲשַׁקְתָּ֖נוּb וְלֹ֣א רַצֹּותָ֑נוּc וְלֹֽא־לָקַ֥חְתָּd מִיַּד־אִ֖ישׁ מְאֽוּמָהe ׃

5 וַיֹּ֨אמֶרa אֲלֵיהֶ֜ם עֵ֧ד יְהוָ֣ה בָּכֶ֗ם וְעֵ֤ד מְשִׁיחֹו֙b הַיֹּ֣ום הַזֶּ֔ה כִּ֣י לֹ֧א מְצָאתֶ֛םc בְּיָדִ֖י מְא֑וּמָהd וַיֹּ֖אמֶרe עֵֽד׃ פ

6 וַיֹּ֥אמֶרa שְׁמוּאֵ֖ל אֶל־הָעָ֑ם יְהוָ֗ה אֲשֶׁ֤ר עָשָׂה֙b אֶת־מֹשֶׁ֣ה וְאֶֽת־אַהֲרֹ֔ן וַאֲשֶׁ֧ר הֶעֱלָ֛הc אֶת־אֲבֹתֵיכֶ֖ם מֵאֶ֥רֶץ מִצְרָֽיִם׃

7 וְעַתָּ֗ה הִֽתְיַצְּב֛וּa וְאִשָּׁפְטָ֥הb אִתְּכֶ֖ם לִפְנֵ֣י יְהוָ֑ה אֵ֚ת כָּל־צִדְקֹ֣ות יְהוָ֔ה אֲשֶׁר־עָשָׂ֥הc אִתְּכֶ֖ם וְאֶת־אֲבֹותֵיכֶֽם׃

8 כַּֽאֲשֶׁר־בָּ֥אa יַעֲקֹ֖ב מִצְרָ֑יִם וַיִּזְעֲק֤וּb אֲבֹֽותֵיכֶם֙ אֶל־יְהוָ֔ה וַיִּשְׁלַ֨חc יְהוָ֜ה אֶת־מֹשֶׁ֣ה וְאֶֽת־אַהֲרֹ֗ן וַיֹּוצִ֤יאוּd אֶת־אֲבֹֽתֵיכֶם֙ מִמִּצְרַ֔יִם וַיֹּשִׁב֖וּםe בַּמָּקֹ֥ום הַזֶּֽה׃

9 וַֽיִּשְׁכְּח֖וּa אֶת־יְהוָ֣ה אֱלֹהֵיהֶ֑ם וַיִּמְכֹּ֣רb אֹתָ֡ם בְּיַ֣ד סִֽיסְרָא֩c שַׂר־צְבָ֨א חָצֹ֜ורd וּבְיַד־פְּלִשְׁתִּ֗ים וּבְיַד֙ מֶ֣לֶךְ מֹואָ֔ב וַיִּֽלָּחֲמ֖וּe בָּֽם׃

10 וַיִּזְעֲק֤וּa אֶל־יְהוָה֙ ויאמרb חָטָ֔אנוּc כִּ֤י עָזַ֨בְנוּ֙d אֶת־יְהוָ֔ה וַנַּעֲבֹ֥דe אֶת־הַבְּעָלִ֖ים וְאֶת־הָעַשְׁתָּרֹ֑ותf וְעַתָּ֗ה הַצִּילֵ֛נוּg מִיַּ֥ד אֹיְבֵ֖ינוּ וְנַעַבְדֶֽךָּh ׃

11 וַיִּשְׁלַ֤חa יְהוָה֙ אֶת־יְרֻבַּ֣עַלb וְאֶת־בְּדָ֔ןc וְאֶת־יִפְתָּ֖חd וְאֶת־שְׁמוּאֵ֑ל וַיַּצֵּ֨לe אֶתְכֶ֜ם מִיַּ֤ד אֹֽיְבֵיכֶם֙ מִסָּבִ֔יב וַתֵּשְׁב֖וּf בֶּֽטַחg ׃

12 וַתִּרְא֗וּa כִּֽי־נָחָ֞שׁb מֶ֣לֶךְ בְּנֵֽי־עַמֹּון֮ בָּ֣אc עֲלֵיכֶם֒ וַתֹּ֣אמְרוּd לִ֔י לֹ֕א כִּי־מֶ֖לֶךְ יִמְלֹ֣ךְe עָלֵ֑ינוּ וַיהוָ֥ה אֱלֹהֵיכֶ֖ם מַלְכְּכֶֽם׃

13 וְעַתָּ֗ה הִנֵּ֥ה הַמֶּ֛לֶךְ אֲשֶׁ֥ר בְּחַרְתֶּ֖םa אֲשֶׁ֣ר שְׁאֶלְתֶּ֑םb וְהִנֵּ֨ה נָתַ֧ןc יְהוָ֛ה עֲלֵיכֶ֖ם מֶֽלֶךְ׃

14 אִם־תִּֽירְא֣וּa אֶת־יְהוָ֗ה וַעֲבַדְתֶּ֤םb אֹתֹו֙ וּשְׁמַעְתֶּ֣םc בְּקֹלֹ֔ו וְלֹ֥א תַמְר֖וּd אֶת־פִּ֣י יְהוָ֑ה וִהְיִתֶ֣םe גַּם־אַתֶּ֗ם וְגַם־הַמֶּ֨לֶךְ֙ אֲשֶׁ֣ר מָלַ֣ךְf עֲלֵיכֶ֔ם אַחַ֖ר יְהוָ֥ה אֱלֹהֵיכֶֽם׃

15 וְאִם־לֹ֤א תִשְׁמְעוּ֙a בְּקֹ֣ול יְהוָ֔ה וּמְרִיתֶ֖םb אֶת־פִּ֣י יְהוָ֑ה וְהָיְתָ֧הc יַד־יְהוָ֛ה בָּכֶ֖ם וּבַאֲבֹתֵיכֶֽם׃

16 גַּם־עַתָּה֙ הִתְיַצְּב֣וּa וּרְא֔וּb אֶת־הַדָּבָ֥ר הַגָּדֹ֖ול הַזֶּ֑ה אֲשֶׁ֣ר יְהוָ֔ה עֹשֶׂ֖הc לְעֵינֵיכֶֽם׃

17 הֲלֹ֤וא קְצִירa ־חִטִּים֙b הַיֹּ֔ום אֶקְרָא֙c אֶל־יְהוָ֔ה וְיִתֵּ֥ןd קֹלֹ֖ות וּמָטָ֑רe וּדְע֣וּf וּרְא֗וּg כִּֽי־רָעַתְכֶ֤ם רַבָּה֙ אֲשֶׁ֤ר עֲשִׂיתֶם֙h בְּעֵינֵ֣י יְהוָ֔ה לִשְׁאֹ֥ולi לָכֶ֖ם מֶֽלֶךְ׃ ס

18 וַיִּקְרָ֤אa שְׁמוּאֵל֙ אֶל־יְהוָ֔ה וַיִּתֵּ֧ןb יְהוָ֛ה קֹלֹ֥ת וּמָטָ֖רc בַּיֹּ֣ום הַה֑וּא וַיִּירָ֨אd כָל־הָעָ֥ם מְאֹ֛ד אֶת־יְהוָ֖ה וְאֶת־שְׁמוּאֵֽל׃

19 וַיֹּאמְר֨וּa כָל־הָעָ֜ם אֶל־שְׁמוּאֵ֗ל הִתְפַּלֵּ֧לb בְּעַד־עֲבָדֶ֛יךָ אֶל־יְהוָ֥ה אֱלֹהֶ֖יךָ וְאַל־נָמ֑וּתc כִּֽי־יָסַ֤פְנוּd עַל־כָּל־חַטֹּאתֵ֨ינוּ֙ רָעָ֔ה לִשְׁאֹ֥לe לָ֖נוּ מֶֽלֶךְ׃ ס

20 וַיֹּ֨אמֶרa שְׁמוּאֵ֤ל אֶל־הָעָם֙ אַל־תִּירָ֔אוּb אַתֶּ֣ם עֲשִׂיתֶ֔םc אֵ֥ת כָּל־הָרָעָ֖ה הַזֹּ֑את אַ֗ךְ אַל־תָּס֨וּרוּ֙d מֵאַחֲרֵ֣י יְהוָ֔ה וַעֲבַדְתֶּ֥םe אֶת־יְהוָ֖ה בְּכָל־לְבַבְכֶֽם׃

21 וְלֹ֖א תָּס֑וּרוּa כִּ֣י׀ אַחֲרֵ֣י הַתֹּ֗הוּb אֲשֶׁ֧ר לֹֽא־יֹועִ֛ילוּc וְלֹ֥א יַצִּ֖ילוּd כִּי־תֹ֥הוּe הֵֽמָּה׃

22 כִּ֠י לֹֽא־יִטֹּ֤שׁa יְהוָה֙ אֶת־עַמֹּ֔ו בַּעֲב֖וּרb שְׁמֹ֣ו הַגָּדֹ֑ול כִּ֚י הֹואִ֣ילc יְהוָ֔ה לַעֲשֹׂ֥ותd אֶתְכֶ֛ם לֹ֖ו לְעָֽם׃

23 גַּ֣ם אָנֹכִ֗י חָלִ֤ילָהa לִּי֙ מֵחֲטֹ֣אb לַֽיהוָ֔ה מֵחֲדֹ֖לc לְהִתְפַּלֵּ֣לd בַּעַדְכֶ֑ם וְהֹורֵיתִ֣יe אֶתְכֶ֔ם בְּדֶ֥רֶךְ הַטֹּובָ֖ה וְהַיְשָׁרָֽה׃

24 אַ֣ךְ׀ יְר֣אוּa אֶת־יְהוָ֗ה וַעֲבַדְתֶּ֥םb אֹתֹ֛ו בֶּאֱמֶ֖ת בְּכָל־לְבַבְכֶ֑ם כִּ֣י רְא֔וּc אֵ֥ת אֲשֶׁר־הִגְדִּ֖לd עִמָּכֶֽם׃

25 וְאִם־הָרֵ֖עַ תָּרֵ֑עוּa גַּם־אַתֶּ֥ם גַּֽם־מַלְכְּכֶ֖ם תִּסָּפֽוּb ׃ פ