שמואל א

וַיַּ֗עַלa נָחָשׁ֙b הָֽעַמֹּונִ֔יc וַיִּ֖חַןd עַל־יָבֵ֣שׁe גִּלְעָ֑ד וַיֹּ֨אמְר֜וּf כָּל־אַנְשֵׁ֤י יָבֵישׁ֙g אֶל־נָחָ֔שׁh כְּרָתi ־לָ֥נוּ בְרִ֖ית וְנַעַבְדֶֽךָּj ׃

2 וַיֹּ֣אמֶרa אֲלֵיהֶ֗ם נָחָשׁ֙b הָעַמֹּונִ֔יc בְּזֹאת֙ אֶכְרֹ֣תd לָכֶ֔ם בִּנְקֹ֥ורe לָכֶ֖ם כָּל־עֵ֣ין יָמִ֑ין וְשַׂמְתִּ֥יהָf חֶרְפָּ֖ה עַל־כָּל־יִשְׂרָאֵֽל׃

3 וַיֹּאמְר֨וּa אֵלָ֜יו זִקְנֵ֣י יָבֵ֗ישׁb הֶ֤רֶףc לָ֨נוּ֙ שִׁבְעַ֣ת יָמִ֔ים וְנִשְׁלְחָה֙d מַלְאָכִ֔ים בְּכֹ֖ל גְּב֣וּל יִשְׂרָאֵ֑ל וְאִם־אֵ֥ין מֹושִׁ֛יעַe אֹתָ֖נוּ וְיָצָ֥אנוּf אֵלֶֽיךָ׃

4 וַיָּבֹ֤אוּa הַמַּלְאָכִים֙ גִּבְעַ֣ת שָׁא֔וּל וַיְדַבְּר֥וּb הַדְּבָרִ֖ים בְּאָזְנֵ֣י הָעָ֑ם וַיִּשְׂא֧וּc כָל־הָעָ֛ם אֶת־קֹולָ֖ם וַיִּבְכּֽוּd ׃

5 וְהִנֵּ֣ה שָׁא֗וּל בָּ֣אa אַחֲרֵ֤י הַבָּקָר֙ מִן־הַשָּׂדֶ֔ה וַיֹּ֣אמֶרb שָׁא֔וּל מַה־לָּעָ֖ם כִּ֣י יִבְכּ֑וּc וַיְסַ֨פְּרוּd ־לֹ֔ו אֶת־דִּבְרֵ֖י אַנְשֵׁ֥י יָבֵֽישׁe ׃

6 וַתִּצְלַ֤חa רֽוּחַ־אֱלֹהִים֙ עַל־שָׁא֔וּל בשׁמעוb אֶת־הַדְּבָרִ֣ים הָאֵ֑לֶּה וַיִּ֥חַרc אַפֹּ֖ו מְאֹֽד׃

7 וַיִּקַּח֩a צֶ֨מֶדb בָּקָ֜ר וַֽיְנַתְּחֵ֗הוּc וַיְשַׁלַּ֞חd בְּכָל־גְּב֣וּל יִשְׂרָאֵל֮ בְּיַ֣ד הַמַּלְאָכִ֣ים׀ לֵאמֹר֒e אֲשֶׁר֩ אֵינֶ֨נּוּ יֹצֵ֜אf אַחֲרֵ֤י שָׁאוּל֙ וְאַחַ֣ר שְׁמוּאֵ֔ל כֹּ֥ה יֵעָשֶׂ֖הg לִבְקָרֹ֑ו וַיִּפֹּ֤לh פַּֽחַדi ־יְהוָה֙ עַל־הָעָ֔ם וַיֵּצְא֖וּj כְּאִ֥ישׁ אֶחָֽד׃

8 וַֽיִּפְקְדֵ֖םa בְּבָ֑זֶקb וַיִּהְי֤וּc בְנֵֽי־יִשְׂרָאֵל֙ שְׁלֹ֣שׁ מֵאֹ֣ות אֶ֔לֶף וְאִ֥ישׁ יְהוּדָ֖ה שְׁלֹשִׁ֥ים אָֽלֶף׃

9 וַיֹּאמְר֞וּa לַמַּלְאָכִ֣ים הַבָּאִ֗יםb כֹּ֤ה תֹֽאמְרוּן֙c לְאִישׁ֙ יָבֵ֣ישׁd גִּלְעָ֔ד מָחָ֛ר תִּהְיֶֽהe ־לָכֶ֥ם תְּשׁוּעָ֖הf בחםg הַשָּׁ֑מֶשׁ וַיָּבֹ֣אוּh הַמַּלְאָכִ֗ים וַיַּגִּ֛ידוּi לְאַנְשֵׁ֥י יָבֵ֖ישׁj וַיִּשְׂמָֽחוּk ׃

10 וַֽיֹּאמְרוּ֙a אַנְשֵׁ֣י יָבֵ֔ישׁb מָחָ֖ר נֵצֵ֣אc אֲלֵיכֶ֑ם וַעֲשִׂיתֶ֣םd לָּ֔נוּ כְּכָל־הַטֹּ֖וב בְּעֵינֵיכֶֽם׃ ס

11 וַיְהִ֣יa מִֽמָּחֳרָ֗תb וַיָּ֨שֶׂםc שָׁא֣וּל אֶת־הָעָם֮ שְׁלֹשָׁ֣ה רָאשִׁים֒ וַיָּבֹ֤אוּd בְתֹוךְ־הַֽמַּחֲנֶה֙ בְּאַשְׁמֹ֣רֶתe הַבֹּ֔קֶר וַיַּכּ֥וּf אֶת־עַמֹּ֖ון עַד־חֹ֣םg הַיֹּ֑ום וַיְהִ֤יh הַנִּשְׁאָרִים֙i וַיָּפֻ֔צוּj וְלֹ֥א נִשְׁאֲרוּk ־בָ֖ם שְׁנַ֥יִם יָֽחַדl ׃

12 וַיֹּ֤אמֶרa הָעָם֙ אֶל־שְׁמוּאֵ֔ל מִ֣י הָאֹמֵ֔רb שָׁא֖וּל יִמְלֹ֣ךְc עָלֵ֑ינוּ תְּנ֥וּd הָאֲנָשִׁ֖ים וּנְמִיתֵֽםe ׃

13 וַיֹּ֣אמֶרa שָׁא֔וּל לֹֽא־יוּמַ֥תb אִ֖ישׁ בַּיֹּ֣ום הַזֶּ֑ה כִּ֥י הַיֹּ֛ום עָשָֽׂהc ־יְהוָ֥ה תְּשׁוּעָ֖הd בְּיִשְׂרָאֵֽל׃ ס

14 וַיֹּ֤אמֶרa שְׁמוּאֵל֙ אֶל־הָעָ֔ם לְכ֖וּb וְנֵלְכָ֣הc הַגִּלְגָּ֑לd וּנְחַדֵּ֥שׁe שָׁ֖ם הַמְּלוּכָֽהf ׃

15 וַיֵּלְכ֨וּa כָל־הָעָ֜ם הַגִּלְגָּ֗לb וַיַּמְלִכוּ֩c שָׁ֨ם אֶת־שָׁא֜וּל לִפְנֵ֤י יְהוָה֙ בַּגִּלְגָּ֔לd וַיִּזְבְּחוּe ־שָׁ֛ם זְבָחִ֥ים שְׁלָמִ֖ים לִפְנֵ֣י יְהוָ֑ה וַיִּשְׂמַ֨חf שָׁ֥ם שָׁא֛וּל וְכָל־אַנְשֵׁ֥י יִשְׂרָאֵ֖ל עַד־מְאֹֽד׃ פ