8
אָ֣ז יַקְהֵ֣לa
שְׁלֹמֹ֣ה אֶת־זִקְנֵ֣י יִשְׂרָאֵ֡ל אֶת־כָּל־רָאשֵׁ֣י הַמַּטֹּות֩ נְשִׂיאֵ֨י הָאָבֹ֜ות לִבְנֵ֧י יִשְׂרָאֵ֛ל אֶל־הַמֶּ֥לֶךְ שְׁלֹמֹ֖ה יְרוּשָׁלִָ֑ם לְֽהַעֲלֹ֞ותb
אֶת־אֲרֹ֧ון בְּרִית־יְהוָ֛ה מֵעִ֥יר דָּוִ֖ד הִ֥יא צִיֹּֽון׃
2
וַיִּקָּ֨הֲל֜וּa
אֶל־הַמֶּ֤לֶךְ שְׁלֹמֹה֙ כָּל־אִ֣ישׁ יִשְׂרָאֵ֔ל בְּיֶ֥רַחb
הָאֵֽתָנִ֖יםc
בֶּחָ֑ג ה֖וּא הַחֹ֥דֶשׁ הַשְּׁבִיעִֽי׃
3
וַיָּבֹ֕אוּa
כֹּ֖ל זִקְנֵ֣י יִשְׂרָאֵ֑ל וַיִּשְׂא֥וּb
הַכֹּהֲנִ֖ים אֶת־הָאָרֹֽון׃
4
וַֽיַּעֲל֞וּa
אֶת־אֲרֹ֤ון יְהוָה֙ וְאֶת־אֹ֣הֶל מֹועֵ֔ד וְאֶֽת־כָּל־כְּלֵ֥י הַקֹּ֖דֶשׁ אֲשֶׁ֣ר בָּאֹ֑הֶל וַיַּעֲל֣וּb
אֹתָ֔ם הַכֹּהֲנִ֖ים וְהַלְוִיִּֽם׃
5
וְהַמֶּ֣לֶךְ שְׁלֹמֹ֗ה וְכָל־עֲדַ֤ת יִשְׂרָאֵל֙ הַנֹּועָדִ֣יםa
עָלָ֔יו אִתֹּ֖ו לִפְנֵ֣י הָֽאָרֹ֑ון מְזַבְּחִים֙b
צֹ֣אן וּבָקָ֔ר אֲשֶׁ֧ר לֹֽא־יִסָּפְר֛וּc
וְלֹ֥א יִמָּנ֖וּd
מֵרֹֽב׃
6
וַיָּבִ֣אוּa
הַ֠כֹּהֲנִים אֶת־אֲרֹ֨ון בְּרִית־יְהוָ֧ה אֶל־מְקֹומֹ֛ו אֶל־דְּבִ֥ירb
הַבַּ֖יִת אֶל־קֹ֣דֶשׁ הַקֳּדָשִׁ֑ים אֶל־תַּ֖חַת כַּנְפֵ֥י הַכְּרוּבִֽים׃
7
כִּ֤י הַכְּרוּבִים֙ פֹּרְשִׂ֣יםa
כְּנָפַ֔יִם אֶל־מְקֹ֖ום הָֽאָרֹ֑ון וַיָּסֹ֧כּוּb
הַכְּרֻבִ֛ים עַל־הָאָרֹ֥ון וְעַל־בַּדָּ֖יו מִלְמָֽעְלָה׃
8
וַֽיַּאֲרִכוּ֮a
הַבַּדִּים֒ וַיֵּרָאוּ֩b
רָאשֵׁ֨י הַבַּדִּ֤ים מִן־הַקֹּ֨דֶשׁ֙ עַל־פְּנֵ֣י הַדְּבִ֔ירc
וְלֹ֥א יֵרָא֖וּd
הַח֑וּצָה וַיִּ֣הְיוּe
שָׁ֔ם עַ֖ד הַיֹּ֥ום הַזֶּֽה׃
9
אֵ֚ין בָּֽאָרֹ֔ון רַ֗ק שְׁנֵי֙ לֻחֹ֣ותa
הָאֲבָנִ֔ים אֲשֶׁ֨ר הִנִּ֥חַb
שָׁ֛ם מֹשֶׁ֖ה בְּחֹרֵ֑בc
אֲשֶׁ֨ר כָּרַ֤תd
יְהוָה֙ עִם־בְּנֵ֣י יִשְׂרָאֵ֔ל בְּצֵאתָ֖םe
מֵאֶ֥רֶץ מִצְרָֽיִם׃
10
וַיְהִ֕יa
בְּצֵ֥אתb
הַכֹּהֲנִ֖ים מִן־הַקֹּ֑דֶשׁ וְהֶעָנָ֥ן מָלֵ֖אc
אֶת־בֵּ֥ית יְהוָֽה׃
11
וְלֹֽא־יָכְל֧וּa
הַכֹּהֲנִ֛ים לַעֲמֹ֥דb
לְשָׁרֵ֖תc
מִפְּנֵ֥י הֶֽעָנָ֑ן כִּי־מָלֵ֥אd
כְבֹוד־יְהוָ֖ה אֶת־בֵּ֥ית יְהוָֽה׃ פ
12
אָ֖ז אָמַ֣רa
שְׁלֹמֹ֑ה יְהוָ֣ה אָמַ֔רb
לִשְׁכֹּ֖ןc
בָּעֲרָפֶֽלd
׃
13
בָּנֹ֥ה בָנִ֛יתִיa
בֵּ֥ית זְבֻ֖לb
לָ֑ךְ מָכֹ֥וןc
לְשִׁבְתְּךָ֖d
עֹולָמִֽים׃
14
וַיַּסֵּ֤בa
הַמֶּ֨לֶךְ֙ אֶת־פָּנָ֔יו וַיְבָ֕רֶךְb
אֵ֖ת כָּל־קְהַ֣ל יִשְׂרָאֵ֑ל וְכָל־קְהַ֥ל יִשְׂרָאֵ֖ל עֹמֵֽדc
׃
15
וַיֹּ֗אמֶרa
בָּר֤וּךְb
יְהוָה֙ אֱלֹהֵ֣י יִשְׂרָאֵ֔ל אֲשֶׁר֙ דִּבֶּ֣רc
בְּפִ֔יו אֵ֖ת דָּוִ֣ד אָבִ֑י וּבְיָדֹ֥ו מִלֵּ֖אd
לֵאמֹֽרe
׃
16
מִן־הַיֹּ֗ום אֲשֶׁ֨ר הֹוצֵ֜אתִיa
אֶת־עַמִּ֣י אֶת־יִשְׂרָאֵל֮ מִמִּצְרַיִם֒ לֹֽא־בָחַ֣רְתִּיb
בְעִ֗יר מִכֹּל֙ שִׁבְטֵ֣י יִשְׂרָאֵ֔ל לִבְנֹ֣ותc
בַּ֔יִת לִהְיֹ֥ותd
שְׁמִ֖י שָׁ֑ם וָאֶבְחַ֣רe
בְּדָוִ֔ד לִֽהְיֹ֖ותf
עַל־עַמִּ֥י יִשְׂרָאֵֽל׃
17
וַיְהִ֕יa
עִם־לְבַ֖ב דָּוִ֣ד אָבִ֑י לִבְנֹ֣ותb
בַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃
18
וַיֹּ֤אמֶרa
יְהוָה֙ אֶל־דָּוִ֣ד אָבִ֔י יַ֗עַן אֲשֶׁ֤ר הָיָה֙b
עִם־לְבָ֣בְךָ֔ לִבְנֹ֥ותc
בַּ֖יִת לִשְׁמִ֑י הֱטִיבֹ֔תָd
כִּ֥י הָיָ֖הe
עִם־לְבָבֶֽךָ׃
19
רַ֣ק אַתָּ֔ה לֹ֥א תִבְנֶ֖הa
הַבָּ֑יִת כִּ֤י אִם־בִּנְךָ֙ הַיֹּצֵ֣אb
מֵחֲלָצֶ֔יךָc
הֽוּא־יִבְנֶ֥הd
הַבַּ֖יִת לִשְׁמִֽי׃
20
וַיָּ֣קֶםa
יְהוָ֔ה אֶת־דְּבָרֹ֖ו אֲשֶׁ֣ר דִּבֵּ֑רb
וָאָקֻ֡םc
תַּחַת֩ דָּוִ֨ד אָבִ֜י וָאֵשֵׁ֣בd
עַל־כִּסֵּ֣א יִשְׂרָאֵ֗ל כַּֽאֲשֶׁר֙ דִּבֶּ֣רe
יְהוָ֔ה וָאֶבְנֶ֣הf
הַבַּ֔יִת לְשֵׁ֥ם יְהוָ֖ה אֱלֹהֵ֥י יִשְׂרָאֵֽל׃
21
וָאָשִׂ֨םa
שָׁ֤ם מָקֹום֙ לָֽאָרֹ֔ון אֲשֶׁר־שָׁ֖ם בְּרִ֣ית יְהוָ֑ה אֲשֶׁ֤ר כָּרַת֙b
עִם־אֲבֹתֵ֔ינוּ בְּהֹוצִיאֹ֥וc
אֹתָ֖ם מֵאֶ֥רֶץ מִצְרָֽיִם׃ ס
22
וַיַּעֲמֹ֣דa
שְׁלֹמֹ֗ה לִפְנֵי֙ מִזְבַּ֣ח יְהוָ֔ה נֶ֖גֶד כָּל־קְהַ֣ל יִשְׂרָאֵ֑ל וַיִּפְרֹ֥שׂb
כַּפָּ֖יו הַשָּׁמָֽיִם׃
23
וַיֹּאמַ֗רa
יְהוָ֞ה אֱלֹהֵ֤י יִשְׂרָאֵל֙ אֵין־כָּמֹ֣וךָ אֱלֹהִ֔ים בַּשָּׁמַ֣יִם מִמַּ֔עַל וְעַל־הָאָ֖רֶץ מִתָּ֑חַת שֹׁמֵ֤רb
הַבְּרִית֙ וְֽהַחֶ֔סֶד לַעֲבָדֶ֕יךָ הַהֹלְכִ֥יםc
לְפָנֶ֖יךָ בְּכָל־לִבָּֽם׃
24
אֲשֶׁ֣ר שָׁמַ֗רְתָּa
לְעַבְדְּךָ֙ דָּוִ֣ד אָבִ֔י אֵ֥ת אֲשֶׁר־דִּבַּ֖רְתָּb
לֹ֑ו וַתְּדַבֵּ֥רc
בְּפִ֛יךָ וּבְיָדְךָ֥ מִלֵּ֖אתָd
כַּיֹּ֥ום הַזֶּֽה׃
25
וְעַתָּ֞ה יְהוָ֣ה׀ אֱלֹהֵ֣י יִשְׂרָאֵ֗ל שְׁ֠מֹרa
לְעַבְדְּךָ֙ דָוִ֤ד אָבִי֙ אֵת֩ אֲשֶׁ֨ר דִּבַּ֤רְתָּb
לֹּו֙ לֵאמֹ֔רc
לֹא־יִכָּרֵ֨תd
לְךָ֥ אִישׁ֙ מִלְּפָנַ֔י יֹשֵׁ֖בe
עַל־כִּסֵּ֣א יִשְׂרָאֵ֑ל רַ֠ק אִם־יִשְׁמְר֨וּf
בָנֶ֤יךָ אֶת־דַּרְכָּם֙ לָלֶ֣כֶתg
לְפָנַ֔י כַּאֲשֶׁ֥ר הָלַ֖כְתָּh
לְפָנָֽי׃
26
וְעַתָּ֖ה אֱלֹהֵ֣י יִשְׂרָאֵ֑ל יֵאָ֤מֶןa
נָא֙ דבריךb
אֲשֶׁ֣ר דִּבַּ֔רְתָּc
לְעַבְדְּךָ֖ דָּוִ֥ד אָבִֽי׃
27
כִּ֚י הַֽאֻמְנָ֔םa
יֵשֵׁ֥בb
אֱלֹהִ֖ים עַל־הָאָ֑רֶץ הִ֠נֵּה הַשָּׁמַ֜יִם וּשְׁמֵ֤י הַשָּׁמַ֨יִם֙ לֹ֣א יְכַלְכְּל֔וּךָc
אַ֕ף כִּֽי־הַבַּ֥יִת הַזֶּ֖ה אֲשֶׁ֥ר בָּנִֽיתִיd
׃
28
וּפָנִ֜יתָa
אֶל־תְּפִלַּ֧ת עַבְדְּךָ֛ וְאֶל־תְּחִנָּתֹ֖וb
יְהוָ֣ה אֱלֹהָ֑י לִשְׁמֹ֤עַc
אֶל־הָֽרִנָּה֙d
וְאֶל־הַתְּפִלָּ֔ה אֲשֶׁ֧ר עַבְדְּךָ֛ מִתְפַּלֵּ֥לe
לְפָנֶ֖יךָ הַיֹּֽום׃
29
לִהְיֹות֩a
עֵינֶ֨ךָ פְתֻחֹ֜ותb
אֶל־הַבַּ֤יִת הַזֶּה֙ לַ֣יְלָה וָיֹ֔ום אֶל־הַ֨מָּקֹ֔ום אֲשֶׁ֣ר אָמַ֔רְתָּc
יִהְיֶ֥הd
שְׁמִ֖י שָׁ֑ם לִשְׁמֹ֨עַ֙e
אֶל־הַתְּפִלָּ֔ה אֲשֶׁ֣ר יִתְפַּלֵּ֣לf
עַבְדְּךָ֔ אֶל־הַמָּקֹ֖ום הַזֶּֽה׃
30
וְשָׁ֨מַעְתָּ֜a
אֶל־תְּחִנַּ֤תb
עַבְדְּךָ֙ וְעַמְּךָ֣ יִשְׂרָאֵ֔ל אֲשֶׁ֥ר יִֽתְפַּֽלְל֖וּc
אֶל־הַמָּקֹ֣ום הַזֶּ֑ה וְ֠אַתָּה תִּשְׁמַ֞עd
אֶל־מְקֹ֤ום שִׁבְתְּךָ֙ אֶל־הַשָּׁמַ֔יִם וְשָׁמַעְתָּ֖e
וְסָלָֽחְתָּf
׃
31
אֵת֩ אֲשֶׁ֨ר יֶחֱטָ֥אa
אִישׁ֙ לְרֵעֵ֔הוּ וְנָֽשָׁאb
־בֹ֥ו אָלָ֖הc
לְהַֽאֲלֹתֹ֑וd
וּבָ֗אe
אָלָ֛הf
לִפְנֵ֥י מִֽזְבַּחֲךָ֖ בַּבַּ֥יִת הַזֶּֽה׃
32
וְאַתָּ֣ה׀ תִּשְׁמַ֣עa
הַשָּׁמַ֗יִם וְעָשִׂ֨יתָ֙b
וְשָׁפַטְתָּ֣c
אֶת־עֲבָדֶ֔יךָ לְהַרְשִׁ֣יעַd
רָשָׁ֔ע לָתֵ֥תe
דַּרְכֹּ֖ו בְּרֹאשֹׁ֑ו וּלְהַצְדִּ֣יקf
צַדִּ֔יק לָ֥תֶתg
לֹ֖ו כְּצִדְקָתֹֽו׃ ס
33
בְּֽהִנָּגֵ֞ףa
עַמְּךָ֧ יִשְׂרָאֵ֛ל לִפְנֵ֥י אֹויֵ֖ב אֲשֶׁ֣ר יֶחֶטְאוּb
־לָ֑ךְ וְשָׁ֤בוּc
אֵלֶ֨יךָ֙ וְהֹוד֣וּd
אֶת־שְׁמֶ֔ךָ וְהִֽתְפַּֽלְל֧וּe
וְהִֽתְחַנְּנ֛וּf
אֵלֶ֖יךָ בַּבַּ֥יִת הַזֶּֽה׃
34
וְאַתָּה֙ תִּשְׁמַ֣עa
הַשָּׁמַ֔יִם וְסָ֣לַחְתָּ֔b
לְחַטַּ֖את עַמְּךָ֣ יִשְׂרָאֵ֑ל וַהֲשֵֽׁבֹתָם֙c
אֶל־הָ֣אֲדָמָ֔ה אֲשֶׁ֥ר נָתַ֖תָּd
לַאֲבֹותָֽם׃ ס
35
בְּהֵעָצֵ֥רa
שָׁמַ֛יִם וְלֹא־יִהְיֶ֥הb
מָטָ֖רc
כִּ֣י יֶחֶטְאוּd
־לָ֑ךְ וְהִֽתְפַּֽלְל֞וּe
אֶל־הַמָּקֹ֤ום הַזֶּה֙ וְהֹוד֣וּf
אֶת־שְׁמֶ֔ךָ וּמֵחַטָּאתָ֥ם יְשׁוּב֖וּןg
כִּ֥י תַעֲנֵֽםh
׃
36
וְאַתָּ֣ה׀ תִּשְׁמַ֣עa
הַשָּׁמַ֗יִם וְסָ֨לַחְתָּ֜b
לְחַטַּ֤את עֲבָדֶ֨יךָ֙ וְעַמְּךָ֣ יִשְׂרָאֵ֔ל כִּ֥י תֹורֵ֛םc
אֶת־הַדֶּ֥רֶךְ הַטֹּובָ֖ה אֲשֶׁ֣ר יֵֽלְכוּd
־בָ֑הּ וְנָתַתָּ֤הe
מָטָר֙f
עַל־אַרְצְךָ֔ אֲשֶׁר־נָתַ֥תָּהg
לְעַמְּךָ֖ לְנַחֲלָֽה׃ ס
37
רָעָ֞ב כִּֽי־יִהְיֶ֣הa
בָאָ֗רֶץ דֶּ֣בֶרb
כִּֽי־יִ֠הְיֶהc
שִׁדָּפֹ֨וןd
יֵרָקֹ֜וןe
אַרְבֶּ֤הf
חָסִיל֙g
כִּ֣י יִהְיֶ֔הh
כִּ֧י יָֽצַרi
־לֹ֛ו אֹיְבֹ֖ו בְּאֶ֣רֶץ שְׁעָרָ֑יו כָּל־נֶ֖גַע כָּֽל־מַחֲלָֽהj
׃
38
כָּל־תְּפִלָּ֣ה כָל־תְּחִנָּ֗הa
אֲשֶׁ֤ר תִֽהְיֶה֙b
לְכָל־הָ֣אָדָ֔ם לְכֹ֖ל עַמְּךָ֣ יִשְׂרָאֵ֑ל אֲשֶׁ֣ר יֵדְע֗וּןc
אִ֚ישׁ נֶ֣גַע לְבָבֹ֔ו וּפָרַ֥שׂd
כַּפָּ֖יו אֶל־הַבַּ֥יִת הַזֶּֽה׃
39
וְ֠אַתָּה תִּשְׁמַ֨עa
הַשָּׁמַ֜יִם מְכֹ֤וןb
שִׁבְתֶּ֨ךָ֙ וְסָלַחְתָּ֣c
וְעָשִׂ֔יתָd
וְנָתַתָּ֤e
לָאִישׁ֙ כְּכָל־דְּרָכָ֔יו אֲשֶׁ֥ר תֵּדַ֖עf
אֶת־לְבָבֹ֑ו כִּֽי־אַתָּ֤ה יָדַ֨עְתָּ֙g
לְבַדְּךָ֔ אֶת־לְבַ֖ב כָּל־בְּנֵ֥י הָאָדָֽם׃
40
לְמַ֨עַן֙ יִֽרָא֔וּךָa
כָּל־הַ֨יָּמִ֔ים אֲשֶׁר־הֵ֥ם חַיִּ֖ים עַל־פְּנֵ֣י הָאֲדָמָ֑ה אֲשֶׁ֥ר נָתַ֖תָּהb
לַאֲבֹתֵֽינוּ׃
41
וְגַם֙ אֶל־הַנָּכְרִ֔יa
אֲשֶׁ֛ר לֹא־מֵעַמְּךָ֥ יִשְׂרָאֵ֖ל ה֑וּא וּבָ֛אb
מֵאֶ֥רֶץ רְחֹוקָ֖ה לְמַ֥עַן שְׁמֶֽךָ׃
42
כִּ֤י יִשְׁמְעוּן֙a
אֶת־שִׁמְךָ֣ הַגָּדֹ֔ול וְאֶת־יָֽדְךָ֙ הַֽחֲזָקָ֔ה וּֽזְרֹעֲךָ֖ הַנְּטוּיָ֑ה וּבָ֥אb
וְהִתְפַּלֵּ֖לc
אֶל־הַבַּ֥יִת הַזֶּֽה׃
43
אַתָּ֞ה תִּשְׁמַ֤עa
הַשָּׁמַ֨יִם֙ מְכֹ֣וןb
שִׁבְתֶּ֔ךָ וְעָשִׂ֕יתָc
כְּכֹ֛ל אֲשֶׁר־יִקְרָ֥אd
אֵלֶ֖יךָ הַנָּכְרִ֑יe
לְמַ֣עַן יֵדְעוּן֩f
כָּל־עַמֵּ֨י הָאָ֜רֶץ אֶת־שְׁמֶ֗ךָ לְיִרְאָ֤הg
אֹֽתְךָ֙ כְּעַמְּךָ֣ יִשְׂרָאֵ֔ל וְלָדַ֕עַתh
כִּי־שִׁמְךָ֣ נִקְרָ֔אi
עַל־הַבַּ֥יִת הַזֶּ֖ה אֲשֶׁ֥ר בָּנִֽיתִיj
׃
44
כִּי־יֵצֵ֨אa
עַמְּךָ֤ לַמִּלְחָמָה֙ עַל־אֹ֣יְבֹ֔ו בַּדֶּ֖רֶךְ אֲשֶׁ֣ר תִּשְׁלָחֵ֑םb
וְהִתְפַּֽלְל֣וּc
אֶל־יְהוָ֗ה דֶּ֤רֶךְ הָעִיר֙ אֲשֶׁ֣ר בָּחַ֣רְתָּd
בָּ֔הּ וְהַבַּ֖יִת אֲשֶׁר־בָּנִ֥תִיe
לִשְׁמֶֽךָ׃
45
וְשָׁמַעְתָּ֙a
הַשָּׁמַ֔יִם אֶת־תְּפִלָּתָ֖ם וְאֶת־תְּחִנָּתָ֑םb
וְעָשִׂ֖יתָc
מִשְׁפָּטָֽם׃
46
כִּ֣י יֶֽחֶטְאוּa
־לָ֗ךְ כִּ֣י אֵ֤ין אָדָם֙ אֲשֶׁ֣ר לֹא־יֶחֱטָ֔אb
וְאָנַפְתָּ֣c
בָ֔ם וּנְתַתָּ֖םd
לִפְנֵ֣י אֹויֵ֑ב וְשָׁב֤וּםe
שֹֽׁבֵיהֶם֙f
אֶל־אֶ֣רֶץ הָאֹויֵ֔ב רְחֹוקָ֖ה אֹ֥ו קְרֹובָֽה׃
47
וְהֵשִׁ֨יבוּ֙a
אֶל־לִבָּ֔ם בָּאָ֖רֶץ אֲשֶׁ֣ר נִשְׁבּוּb
־שָׁ֑ם וְשָׁ֣בוּc
׀ וְהִֽתְחַנְּנ֣וּd
אֵלֶ֗יךָ בְּאֶ֤רֶץ שֹֽׁבֵיהֶם֙e
לֵאמֹ֔רf
חָטָ֥אנוּg
וְהֶעֱוִ֖ינוּh
רָשָֽׁעְנוּi
׃
48
וְשָׁ֣בוּa
אֵלֶ֗יךָ בְּכָל־לְבָבָם֙ וּבְכָל־נַפְשָׁ֔ם בְּאֶ֥רֶץ אֹיְבֵיהֶ֖ם אֲשֶׁר־שָׁב֣וּb
אֹתָ֑ם וְהִֽתְפַּֽלְל֣וּc
אֵלֶ֗יךָ דֶּ֤רֶךְ אַרְצָם֙ אֲשֶׁ֣ר נָתַ֣תָּהd
לַאֲבֹותָ֔ם הָעִיר֙ אֲשֶׁ֣ר בָּחַ֔רְתָּe
וְהַבַּ֖יִת אֲשֶׁר־בניתf
לִשְׁמֶֽךָ׃
49
וְשָׁמַעְתָּ֤a
הַשָּׁמַ֨יִם֙ מְכֹ֣וןb
שִׁבְתְּךָ֔ אֶת־תְּפִלָּתָ֖ם וְאֶת־תְּחִנָּתָ֑םc
וְעָשִׂ֖יתָd
מִשְׁפָּטָֽם׃
50
וְסָלַחְתָּ֤a
לְעַמְּךָ֙ אֲשֶׁ֣ר חָֽטְאוּb
־לָ֔ךְ וּלְכָל־פִּשְׁעֵיהֶ֖ם אֲשֶׁ֣ר פָּשְׁעוּc
־בָ֑ךְ וּנְתַתָּ֧םd
לְרַחֲמִ֛יםe
לִפְנֵ֥י שֹׁבֵיהֶ֖םf
וְרִֽחֲמֽוּםg
׃
51
כִּֽי־עַמְּךָ֥ וְנַחֲלָתְךָ֖ הֵ֑ם אֲשֶׁ֤ר הֹוצֵ֨אתָ֙a
מִמִּצְרַ֔יִם מִתֹּ֖וךְ כּ֥וּרb
הַבַּרְזֶֽל׃
52
לִהְיֹ֨ותa
עֵינֶ֤יךָ פְתֻחֹות֙b
אֶל־תְּחִנַּ֣תc
עַבְדְּךָ֔ וְאֶל־תְּחִנַּ֖תd
עַמְּךָ֣ יִשְׂרָאֵ֑ל לִשְׁמֹ֣עַe
אֲלֵיהֶ֔ם בְּכֹ֖ל קָרְאָ֥םf
אֵלֶֽיךָ׃
53
כִּֽי־אַתָּ֞ה הִבְדַּלְתָּ֤םa
לְךָ֙ לְֽנַחֲלָ֔ה מִכֹּ֖ל עַמֵּ֣י הָאָ֑רֶץ כַּאֲשֶׁ֨ר דִּבַּ֜רְתָּb
בְּיַ֣ד׀ מֹשֶׁ֣ה עַבְדֶּ֗ךָ בְּהֹוצִיאֲךָ֧c
אֶת־אֲבֹתֵ֛ינוּ מִמִּצְרַ֖יִם אֲדֹנָ֥י יְהוִֽה׃ פ
54
וַיְהִ֣יa
׀ כְּכַלֹּ֣ותb
שְׁלֹמֹ֗ה לְהִתְפַּלֵּל֙c
אֶל־יְהוָ֔ה אֵ֛ת כָּל־הַתְּפִלָּ֥ה וְהַתְּחִנָּ֖הd
הַזֹּ֑את קָ֞םe
מִלִּפְנֵ֨י מִזְבַּ֤ח יְהוָה֙ מִכְּרֹ֣עַf
עַל־בִּרְכָּ֔יוg
וְכַפָּ֖יו פְּרֻשֹׂ֥ותh
הַשָּׁמָֽיִם׃
55
וַֽיַּעְמֹ֕דa
וַיְבָ֕רֶךְb
אֵ֖ת כָּל־קְהַ֣ל יִשְׂרָאֵ֑ל קֹ֥ול גָּדֹ֖ול לֵאמֹֽרc
׃
56
בָּר֣וּךְa
יְהוָ֗ה אֲשֶׁ֨ר נָתַ֤ןb
מְנוּחָה֙c
לְעַמֹּ֣ו יִשְׂרָאֵ֔ל כְּכֹ֖ל אֲשֶׁ֣ר דִּבֵּ֑רd
לֹֽא־נָפַ֞לe
דָּבָ֣ר אֶחָ֗ד מִכֹּל֙ דְּבָרֹ֣ו הַטֹּ֔וב אֲשֶׁ֣ר דִּבֶּ֔רf
בְּיַ֖ד מֹשֶׁ֥ה עַבְדֹּֽו׃
57
יְהִ֨יa
יְהוָ֤ה אֱלֹהֵ֨ינוּ֙ עִמָּ֔נוּ כַּאֲשֶׁ֥ר הָיָ֖הb
עִם־אֲבֹתֵ֑ינוּ אַל־יַעַזְבֵ֖נוּc
וְאַֽל־יִטְּשֵֽׁנוּd
׃
58
לְהַטֹּ֥ותa
לְבָבֵ֖נוּ אֵלָ֑יו לָלֶ֣כֶתb
בְּכָל־דְּרָכָ֗יו וְלִשְׁמֹ֨רc
מִצְוֹתָ֤יו וְחֻקָּיו֙ וּמִשְׁפָּטָ֔יו אֲשֶׁ֥ר צִוָּ֖הd
אֶת־אֲבֹתֵֽינוּ׃
59
וְיִֽהְי֨וּa
דְבָרַ֜י אֵ֗לֶּה אֲשֶׁ֤ר הִתְחַנַּ֨נְתִּי֙b
לִפְנֵ֣י יְהוָ֔ה קְרֹבִ֛ים אֶל־יְהוָ֥ה אֱלֹהֵ֖ינוּ יֹומָ֣ם וָלָ֑יְלָה לַעֲשֹׂ֣ותc
׀ מִשְׁפַּ֣ט עַבְדֹּ֗ו וּמִשְׁפַּ֛ט עַמֹּ֥ו יִשְׂרָאֵ֖ל דְּבַר־יֹ֥ום בְּיֹומֹֽו׃
60
לְמַ֗עַן דַּ֚עַתa
כָּל־עַמֵּ֣י הָאָ֔רֶץ כִּ֥י יְהוָ֖ה ה֣וּא הָאֱלֹהִ֑ים אֵ֖ין עֹֽוד׃
61
וְהָיָ֤הa
לְבַבְכֶם֙ שָׁלֵ֔םb
עִ֖ם יְהוָ֣ה אֱלֹהֵ֑ינוּ לָלֶ֧כֶתc
בְּחֻקָּ֛יו וְלִשְׁמֹ֥רd
מִצְוֹתָ֖יו כַּיֹּ֥ום הַזֶּֽה׃
62
וְֽהַמֶּ֔לֶךְ וְכָל־יִשְׂרָאֵ֖ל עִמֹּ֑ו זֹבְחִ֥יםa
זֶ֖בַח לִפְנֵ֥י יְהוָֽה׃
63
וַיִּזְבַּ֣חa
שְׁלֹמֹ֗ה אֵ֣ת זֶ֣בַח הַשְּׁלָמִים֮ אֲשֶׁ֣ר זָבַ֣חb
לַיהוָה֒ בָּקָ֗ר עֶשְׂרִ֤ים וּשְׁנַ֨יִם֙ אֶ֔לֶף וְצֹ֕אן מֵאָ֥ה וְעֶשְׂרִ֖ים אָ֑לֶף וַֽיַּחְנְכוּ֙c
אֶת־בֵּ֣ית יְהוָ֔ה הַמֶּ֖לֶךְ וְכָל־בְּנֵ֥י יִשְׂרָאֵֽל׃
64
בַּיֹּ֣ום הַה֗וּא קִדַּ֨שׁa
הַמֶּ֜לֶךְ אֶת־תֹּ֣וךְ הֶחָצֵ֗ר אֲשֶׁר֙ לִפְנֵ֣י בֵית־יְהוָ֔ה כִּי־עָ֣שָׂהb
שָׁ֗ם אֶת־הָֽעֹלָה֙ וְאֶת־הַמִּנְחָ֔ה וְאֵ֖ת חֶלְבֵ֣י הַשְּׁלָמִ֑ים כִּֽי־מִזְבַּ֤ח הַנְּחֹ֨שֶׁת֙ אֲשֶׁ֣ר לִפְנֵ֣י יְהוָ֔ה קָטֹ֗ן מֵֽהָכִיל֙c
אֶת־הָעֹלָ֣ה וְאֶת־הַמִּנְחָ֔ה וְאֵ֖ת חֶלְבֵ֥י הַשְּׁלָמִֽים׃
65
וַיַּ֣עַשׂa
שְׁלֹמֹ֣ה בָֽעֵת־הַהִ֣יא׀ אֶת־הֶחָ֡ג וְכָל־יִשְׂרָאֵ֣ל עִמֹּו֩ קָהָ֨ל גָּדֹ֜ול מִלְּבֹ֥ואb
חֲמָ֣תc
׀ עַד־נַ֣חַל מִצְרַ֗יִם לִפְנֵי֙ יְהוָ֣ה אֱלֹהֵ֔ינוּ שִׁבְעַ֥ת יָמִ֖ים וְשִׁבְעַ֣ת יָמִ֑ים אַרְבָּעָ֥ה עָשָׂ֖ר יֹֽום׃
66
בַּיֹּ֤ום הַשְּׁמִינִי֙a
שִׁלַּ֣חb
אֶת־הָעָ֔ם וַֽיְבָרֲכ֖וּc
אֶת־הַמֶּ֑לֶךְ וַיֵּלְכ֣וּd
לְאָהֳלֵיהֶ֗ם שְׂמֵחִים֙e
וְטֹ֣ובֵי לֵ֔ב עַ֣ל כָּל־הַטֹּובָ֗ה אֲשֶׁ֨ר עָשָׂ֤הf
יְהוָה֙ לְדָוִ֣ד עַבְדֹּ֔ו וּלְיִשְׂרָאֵ֖ל עַמֹּֽו׃