מלכים א

וּשְׁלֹמֹ֗ה הָיָ֤הa מֹושֵׁל֙b בְּכָל־הַמַּמְלָכֹ֔ות מִן־הַנָּהָר֙ אֶ֣רֶץ פְּלִשְׁתִּ֔ים וְעַ֖ד גְּב֣וּל מִצְרָ֑יִם מַגִּשִׁ֥יםc מִנְחָ֛ה וְעֹבְדִ֥יםd אֶת־שְׁלֹמֹ֖ה כָּל־יְמֵ֥י חַיָּֽיו׃ פ

2 וַיְהִ֥יa לֶֽחֶם־שְׁלֹמֹ֖ה לְיֹ֣ום אֶחָ֑ד שְׁלֹשִׁ֥ים כֹּר֙b סֹ֔לֶת וְשִׁשִּׁ֥ים כֹּ֖רc קָֽמַחd ׃

3 עֲשָׂרָ֨ה בָקָ֜ר בְּרִאִ֗יםa וְעֶשְׂרִ֥ים בָּקָ֛ר רְעִ֖יb וּמֵ֣אָה צֹ֑אן לְ֠בַד מֵֽאַיָּ֤לc וּצְבִי֙d וְיַחְמ֔וּרe וּבַרְבֻּרִ֖יםf אֲבוּסִֽיםg ׃

4 כִּי־ה֞וּא רֹדֶ֣הa ׀ בְּכָל־עֵ֣בֶר הַנָּהָ֗ר מִתִּפְסַח֙b וְעַד־עַזָּ֔הc בְּכָל־מַלְכֵ֖י עֵ֣בֶר הַנָּהָ֑ר וְשָׁלֹ֗ום הָ֥יָהd לֹ֛ו מִכָּל־עֲבָרָ֖יו מִסָּבִֽיב׃

5 וַיֵּשֶׁב֩a יְהוּדָ֨ה וְיִשְׂרָאֵ֜ל לָבֶ֗טַחb אִ֣ישׁ תַּ֤חַת גַּפְנֹו֙ וְתַ֣חַת תְּאֵֽנָתֹ֔וc מִדָּ֖ן וְעַד־בְּאֵ֣ר שָׁ֑בַעd כֹּ֖ל יְמֵ֥י שְׁלֹמֹֽה׃ ס

6 וַיְהִ֣יa לִשְׁלֹמֹ֗ה אַרְבָּעִ֥ים אֶ֛לֶף אֻרְוֹ֥תb סוּסִ֖ים לְמֶרְכָּבֹ֑וc וּשְׁנֵים־עָשָׂ֥ר אֶ֖לֶף פָּרָשִֽׁים׃

7 וְכִלְכְּלוּ֩a הַנִּצָּבִ֨ים הָאֵ֜לֶּה אֶת־הַמֶּ֣לֶךְ שְׁלֹמֹ֗ה וְאֵ֧ת כָּל־הַקָּרֵ֛בb אֶל־שֻׁלְחַ֥ן הַמֶּֽלֶךְ־שְׁלֹמֹ֖ה אִ֣ישׁ חָדְשֹׁ֑ו לֹ֥א יְעַדְּר֖וּc דָּבָֽר׃

8 וְהַשְּׂעֹרִ֣יםa וְהַתֶּ֔בֶןb לַסּוּסִ֖ים וְלָרָ֑כֶשׁc יָבִ֗אוּd אֶל־הַמָּקֹום֙ אֲשֶׁ֣ר יִֽהְיֶהe ־שָּׁ֔ם אִ֖ישׁ כְּמִשְׁפָּטֹֽו׃ ס

9 וַיִּתֵּן֩a אֱלֹהִ֨ים חָכְמָ֧ה לִשְׁלֹמֹ֛ה וּתְבוּנָ֖הb הַרְבֵּ֣ה מְאֹ֑ד וְרֹ֣חַב לֵ֔ב כַּחֹ֕ולc אֲשֶׁ֖ר עַל־שְׂפַ֥ת הַיָּֽם׃

10 וַתֵּ֨רֶב֙a חָכְמַ֣ת שְׁלֹמֹ֔ה מֵֽחָכְמַ֖ת כָּל־בְּנֵי־קֶ֑דֶם וּמִכֹּ֖ל חָכְמַ֥ת מִצְרָֽיִם׃

11 וַיֶּחְכַּם֮a מִכָּל־הָֽאָדָם֒ מֵאֵיתָ֣ןb הָאֶזְרָחִ֗יc וְהֵימָ֧ןd וְכַלְכֹּ֛לe וְדַרְדַּ֖עf בְּנֵ֣י מָחֹ֑ולg וַיְהִֽיh ־שְׁמֹ֥ו בְכָֽל־הַגֹּויִ֖ם סָבִֽיב׃

12 וַיְדַבֵּ֕רa שְׁלֹ֥שֶׁת אֲלָפִ֖ים מָשָׁ֑לb וַיְהִ֥יc שִׁירֹ֖ו חֲמִשָּׁ֥ה וָאָֽלֶף׃

13 וַיְדַבֵּר֮a עַל־הָֽעֵצִים֒ מִן־הָאֶ֨רֶז֙ אֲשֶׁ֣ר בַּלְּבָנֹ֔ון וְעַד֙ הָאֵזֹ֔ובb אֲשֶׁ֥ר יֹצֵ֖אc בַּקִּ֑יר וַיְדַבֵּר֙d עַל־הַבְּהֵמָ֣ה וְעַל־הָעֹ֔וף וְעַל־הָרֶ֖מֶשׂe וְעַל־הַדָּגִֽיםf ׃

14 וַיָּבֹ֨אוּ֙a מִכָּל־הָ֣עַמִּ֔ים לִשְׁמֹ֕עַb אֵ֖ת חָכְמַ֣ת שְׁלֹמֹ֑ה מֵאֵת֙ כָּל־מַלְכֵ֣י הָאָ֔רֶץ אֲשֶׁ֥ר שָׁמְע֖וּc אֶת־חָכְמָתֹֽו׃ ס

15 וַ֠יִּשְׁלַחa חִירָ֨םb מֶֽלֶךְ־צֹ֤ורc אֶת־עֲבָדָיו֙ אֶל־שְׁלֹמֹ֔ה כִּ֣י שָׁמַ֔עd כִּ֥י אֹתֹ֛ו מָשְׁח֥וּe לְמֶ֖לֶךְ תַּ֣חַת אָבִ֑יהוּ כִּ֣י אֹהֵ֗ב הָיָ֥הf חִירָ֛םg לְדָוִ֖ד כָּל־הַיָּמִֽים׃ ס

16 וַיִּשְׁלַ֣חa שְׁלֹמֹ֔ה אֶל־חִירָ֖םb לֵאמֹֽרc ׃

17 אַתָּ֨ה יָדַ֜עְתָּa אֶת־דָּוִ֣ד אָבִ֗י כִּ֣י לֹ֤א יָכֹל֙b לִבְנֹ֣ותc בַּ֗יִת לְשֵׁם֙ יְהוָ֣ה אֱלֹהָ֔יו מִפְּנֵ֥י הַמִּלְחָמָ֖ה אֲשֶׁ֣ר סְבָבֻ֑הוּd עַ֤ד תֵּתe ־יְהוָה֙ אֹתָ֔ם תַּ֖חַת כַּפֹּ֥ות רגלוf ׃

18 וְעַתָּ֕ה הֵנִ֨יחַa יְהוָ֧ה אֱלֹהַ֛י לִ֖י מִסָּבִ֑יב אֵ֣ין שָׂטָ֔ןb וְאֵ֖ין פֶּ֥גַעc רָֽע׃

19 וְהִנְנִ֣י אֹמֵ֔רa לִבְנֹ֣ותb בַּ֔יִת לְשֵׁ֖ם יְהוָ֣ה אֱלֹהָ֑י כַּאֲשֶׁ֣ר׀ דִּבֶּ֣רc יְהוָ֗ה אֶל־דָּוִ֤ד אָבִי֙ לֵאמֹ֔רd בִּנְךָ֗ אֲשֶׁ֨ר אֶתֵּ֤ןe תַּחְתֶּ֨יךָ֙ עַל־כִּסְאֶ֔ךָ הֽוּא־יִבְנֶ֥הf הַבַּ֖יִת לִשְׁמִֽי׃

20 וְעַתָּ֡ה צַוֵּה֩a וְיִכְרְתוּb ־לִ֨י אֲרָזִ֜ים מִן־הַלְּבָנֹ֗ון וַֽעֲבָדַי֙ יִהְי֣וּc עִם־עֲבָדֶ֔יךָ וּשְׂכַ֤רd עֲבָדֶ֨יךָ֙ אֶתֵּ֣ןe לְךָ֔ כְּכֹ֖ל אֲשֶׁ֣ר תֹּאמֵ֑רf כִּ֣י׀ אַתָּ֣ה יָדַ֗עְתָּg כִּ֣י אֵ֥ין בָּ֛נוּ אִ֛ישׁ יֹדֵ֥עַh לִכְרָתi ־עֵצִ֖ים כַּצִּדֹנִֽיםj ׃

21 וַיְהִ֞יa כִּשְׁמֹ֧עַb חִירָ֛םc אֶת־דִּבְרֵ֥י שְׁלֹמֹ֖ה וַיִּשְׂמַ֣חd מְאֹ֑ד וַיֹּ֗אמֶרe בָּר֤וּךְ יְהוָה֙ הַיֹּ֔ום אֲשֶׁ֨ר נָתַ֤ןf לְדָוִד֙ בֵּ֣ן חָכָ֔ם עַל־הָעָ֥ם הָרָ֖ב הַזֶּֽה׃

22 וַיִּשְׁלַ֤חa חִירָם֙b אֶל־שְׁלֹמֹ֣ה לֵאמֹ֔רc שָׁמַ֕עְתִּיd אֵ֥ת אֲשֶׁר־שָׁלַ֖חְתָּe אֵלָ֑י אֲנִ֤י אֶֽעֱשֶׂה֙f אֶת־כָּל־חֶפְצְךָ֔g בַּעֲצֵ֥י אֲרָזִ֖ים וּבַעֲצֵ֥י בְרֹושִֽׁיםh ׃

23 עֲ֠בָדַי יֹרִ֨דוּa מִן־הַלְּבָנֹ֜ון יָ֗מָּה וַ֠אֲנִי אֲשִׂימֵ֨םb דֹּבְרֹ֤ותc בַּיָּם֙ עַֽד־הַמָּקֹ֞ום אֲשֶׁר־תִּשְׁלַ֥חd אֵלַ֛י וְנִפַּצְתִּ֥יםe שָׁ֖ם וְאַתָּ֣ה תִשָּׂ֑אf וְאַתָּה֙ תַּעֲשֶׂ֣הg אֶת־חֶפְצִ֔יh לָתֵ֖תi לֶ֥חֶם בֵּיתִֽי׃

24 וַיְהִ֨יa חִירֹ֜וםb נֹתֵ֣ןc לִשְׁלֹמֹ֗ה עֲצֵ֧י אֲרָזִ֛ים וַעֲצֵ֥י בְרֹושִׁ֖יםd כָּל־חֶפְצֹֽוe ׃

25 וּשְׁלֹמֹה֩ נָתַ֨ןa לְחִירָ֜םb עֶשְׂרִים֩ אֶ֨לֶף כֹּ֤רc חִטִּים֙d מַכֹּ֣לֶתe לְבֵיתֹ֔ו וְעֶשְׂרִ֥ים כֹּ֖רf שֶׁ֣מֶן כָּתִ֑יתg כֹּֽה־יִתֵּ֧ןh שְׁלֹמֹ֛ה לְחִירָ֖םi שָׁנָ֥ה בְשָׁנָֽה׃ פ

26 וַיהוָ֗ה נָתַ֤ןa חָכְמָה֙ לִשְׁלֹמֹ֔ה כַּאֲשֶׁ֖ר דִּבֶּרb ־לֹ֑ו וַיְהִ֣יc שָׁלֹ֗ם בֵּ֤ין חִירָם֙d וּבֵ֣ין שְׁלֹמֹ֔ה וַיִּכְרְת֥וּe בְרִ֖ית שְׁנֵיהֶֽם׃

27 וַיַּ֨עַלa הַמֶּ֧לֶךְ שְׁלֹמֹ֛ה מַ֖סb מִכָּל־יִשְׂרָאֵ֑ל וַיְהִ֣יc הַמַּ֔סd שְׁלֹשִׁ֥ים אֶ֖לֶף אִֽישׁ׃

28 וַיִּשְׁלָחֵ֣םa לְבָנֹ֗ונָה עֲשֶׂ֨רֶת אֲלָפִ֤ים בַּחֹ֨דֶשׁ֙ חֲלִיפֹ֔ותb חֹ֚דֶשׁ יִהְי֣וּc בַלְּבָנֹ֔ון שְׁנַ֥יִם חֳדָשִׁ֖ים בְּבֵיתֹ֑ו וַאֲדֹנִירָ֖םd עַל־הַמַּֽסe ׃ ס

29 וַיְהִ֧יa לִשְׁלֹמֹ֛ה שִׁבְעִ֥ים אֶ֖לֶף נֹשֵׂ֣אb סַבָּ֑לc וּשְׁמֹנִ֥ים אֶ֖לֶף חֹצֵ֥בd בָּהָֽר׃

30 לְ֠בַד מִשָּׂרֵ֨י הַנִּצָּבִ֤ים לִשְׁלֹמֹה֙ אֲשֶׁ֣ר עַל־הַמְּלָאכָ֔ה שְׁלֹ֥שֶׁת אֲלָפִ֖ים וּשְׁלֹ֣שׁ מֵאֹ֑ות הָרֹדִ֣יםa בָּעָ֔ם הָעֹשִׂ֖יםb בַּמְּלָאכָֽה׃

31 וַיְצַ֣וa הַמֶּ֡לֶךְ וַיַּסִּעוּ֩b אֲבָנִ֨ים גְּדֹלֹ֜ות אֲבָנִ֧ים יְקָרֹ֛ותc לְיַסֵּ֥דd הַבָּ֖יִת אַבְנֵ֥י גָזִֽיתe ׃

32 וַֽיִּפְסְל֞וּa בֹּנֵ֧י שְׁלֹמֹ֛ה וּבֹנֵ֥י חִירֹ֖וםb וְהַגִּבְלִ֑יםc וַיָּכִ֛ינוּd הָעֵצִ֥ים וְהָאֲבָנִ֖ים לִבְנֹ֥ותe הַבָּֽיִת׃ פ