מלכים א

וַיִּתְחַתֵּ֣ןa שְׁלֹמֹ֔ה אֶת־פַּרְעֹ֖ה מֶ֣לֶךְ מִצְרָ֑יִם וַיִּקַּ֣חb אֶת־בַּת־פַּרְעֹ֗ה וַיְבִיאֶ֨הָ֙c אֶל־עִ֣יר דָּוִ֔ד עַ֣ד כַּלֹּתֹ֗וd לִבְנֹ֤ותe אֶת־בֵּיתֹו֙ וְאֶת־בֵּ֣ית יְהוָ֔ה וְאֶת־חֹומַ֥ת יְרוּשָׁלִַ֖ם סָבִֽיב׃

2 רַ֣ק הָעָ֔ם מְזַבְּחִ֖יםa בַּבָּמֹ֑ות כִּ֠י לֹא־נִבְנָ֥הb בַ֨יִת֙ לְשֵׁ֣ם יְהוָ֔ה עַ֖ד הַיָּמִ֥ים הָהֵֽם׃ פ

3 וַיֶּאֱהַ֤בa שְׁלֹמֹה֙ אֶת־יְהוָ֔ה לָלֶ֕כֶתb בְּחֻקֹּ֖ות דָּוִ֣ד אָבִ֑יו רַ֚ק בַּבָּמֹ֔ות ה֥וּא מְזַבֵּ֖חַc וּמַקְטִֽירd ׃

4 וַיֵּ֨לֶךְa הַמֶּ֤לֶךְ גִּבְעֹ֨נָה֙b לִזְבֹּ֣חַc שָׁ֔ם כִּ֥י הִ֖יא הַבָּמָ֣ה הַגְּדֹולָ֑ה אֶ֤לֶף עֹלֹות֙ יַעֲלֶ֣הd שְׁלֹמֹ֔ה עַ֖ל הַמִּזְבֵּ֥חַ הַהֽוּא׃

5 בְּגִבְעֹ֗וןa נִרְאָ֧הb יְהֹוָ֛ה אֶל־שְׁלֹמֹ֖ה בַּחֲלֹ֣ום הַלָּ֑יְלָה וַיֹּ֣אמֶרc אֱלֹהִ֔ים שְׁאַ֖לd מָ֥ה אֶתֶּןe ־לָֽךְ׃

6 וַיֹּ֣אמֶרa שְׁלֹמֹ֗ה אַתָּ֨ה עָשִׂ֜יתָb עִם־עַבְדְּךָ֙ דָוִ֣ד אָבִי֮ חֶ֣סֶד גָּדֹול֒ כַּאֲשֶׁר֩ הָלַ֨ךְc לְפָנֶ֜יךָ בֶּאֱמֶ֧ת וּבִצְדָקָ֛ה וּבְיִשְׁרַ֥תd לֵבָ֖ב עִמָּ֑ךְ וַתִּשְׁמָרe ־לֹ֗ו אֶת־הַחֶ֤סֶד הַגָּדֹול֙ הַזֶּ֔ה וַתִּתֶּןf ־לֹ֥ו בֵ֛ן יֹשֵׁ֥בg עַל־כִּסְאֹ֖ו כַּיֹּ֥ום הַזֶּֽה׃

7 וְעַתָּה֙ יְהוָ֣ה אֱלֹהָ֔י אַתָּה֙ הִמְלַ֣כְתָּa אֶֽת־עַבְדְּךָ֔ תַּ֖חַת דָּוִ֣ד אָבִ֑י וְאָֽנֹכִי֙ נַ֣עַר קָטֹ֔ן לֹ֥א אֵדַ֖עb צֵ֥אתc וָבֹֽאd ׃

8 וְעַ֨בְדְּךָ֔ בְּתֹ֥וךְ עַמְּךָ֖ אֲשֶׁ֣ר בָּחָ֑רְתָּa עַם־רָ֕ב אֲשֶׁ֧ר לֹֽא־יִמָּנֶ֛הb וְלֹ֥א יִסָּפֵ֖רc מֵרֹֽב׃

9 וְנָתַתָּ֨a לְעַבְדְּךָ֜ לֵ֤ב שֹׁמֵ֨עַ֙ לִשְׁפֹּ֣טb אֶֽת־עַמְּךָ֔ לְהָבִ֖יןc בֵּֽין־טֹ֣וב לְרָ֑ע כִּ֣י מִ֤י יוּכַל֙d לִשְׁפֹּ֔טe אֶת־עַמְּךָ֥ הַכָּבֵ֖דf הַזֶּֽה׃

10 וַיִּיטַ֥בa הַדָּבָ֖ר בְּעֵינֵ֣י אֲדֹנָ֑י כִּ֚י שָׁאַ֣לb שְׁלֹמֹ֔ה אֶת־הַדָּבָ֖ר הַזֶּֽה׃

11 וַיֹּ֨אמֶרa אֱלֹהִ֜ים אֵלָ֗יו יַעַן֩ אֲשֶׁ֨ר שָׁאַ֜לְתָּb אֶת־הַדָּבָ֣ר הַזֶּ֗ה וְלֹֽא־שָׁאַ֨לְתָּc לְּךָ֜ יָמִ֣ים רַבִּ֗ים וְלֹֽא־שָׁאַ֤לְתָּd לְּךָ֙ עֹ֔שֶׁרe וְלֹ֥א שָׁאַ֖לְתָּf נֶ֣פֶשׁ אֹיְבֶ֑יךָ וְשָׁאַ֧לְתָּg לְּךָ֛ הָבִ֖יןh לִשְׁמֹ֥עַi מִשְׁפָּֽט׃

12 הִנֵּ֥ה עָשִׂ֖יתִיa כִּדְבָרֶ֑יךָ הִנֵּ֣ה׀ נָתַ֣תִּיb לְךָ֗ לֵ֚ב חָכָ֣ם וְנָבֹ֔ון אֲשֶׁ֤ר כָּמֹ֨וךָ֙ לֹא־הָיָ֣הc לְפָנֶ֔יךָ וְאַחֲרֶ֖יךָ לֹא־יָק֥וּםd כָּמֹֽוךָ׃

13 וְגַ֨ם אֲשֶׁ֤ר לֹֽא־שָׁאַ֨לְתָּ֙a נָתַ֣תִּיb לָ֔ךְ גַּם־עֹ֖שֶׁרc גַּם־כָּבֹ֑וד אֲ֠שֶׁר לֹא־הָיָ֨הd כָמֹ֥וךָ אִ֛ישׁ בַּמְּלָכִ֖ים כָּל־יָמֶֽיךָ׃

14 וְאִ֣ם׀ תֵּלֵ֣ךְa בִּדְרָכַ֗י לִשְׁמֹ֤רb חֻקַּי֙ וּמִצְוֹתַ֔י כַּאֲשֶׁ֥ר הָלַ֖ךְc דָּוִ֣יד אָבִ֑יךָ וְהַאַרַכְתִּ֖יd אֶת־יָמֶֽיךָ׃ ס

15 וַיִּקַ֥ץa שְׁלֹמֹ֖ה וְהִנֵּ֣ה חֲלֹ֑ום וַיָּבֹ֨ואb יְרוּשָׁלִַ֜ם וַֽיַּעֲמֹ֣דc ׀ לִפְנֵ֣י׀ אֲרֹ֣ון בְּרִית־אֲדֹנָ֗י וַיַּ֤עַלd עֹלֹות֙ וַיַּ֣עַשׂe שְׁלָמִ֔ים וַיַּ֥עַשׂf מִשְׁתֶּ֖הg לְכָל־עֲבָדָֽיו׃ פ

16 אָ֣ז תָּבֹ֗אנָהa שְׁתַּ֛יִם נָשִׁ֥ים זֹנֹ֖ות אֶל־הַמֶּ֑לֶךְ וַֽתַּעֲמֹ֖דְנָהb לְפָנָֽיו׃

17 וַתֹּ֜אמֶרa הָאִשָּׁ֤ה הָֽאַחַת֙ בִּ֣יb אֲדֹנִ֔י אֲנִי֙ וְהָאִשָּׁ֣ה הַזֹּ֔את יֹשְׁבֹ֖תc בְּבַ֣יִת אֶחָ֑ד וָאֵלֵ֥דd עִמָּ֖הּ בַּבָּֽיִת׃

18 וַיְהִ֞יa בַּיֹּ֤ום הַשְּׁלִישִׁי֙ לְלִדְתִּ֔יb וַתֵּ֖לֶדc גַּם־הָאִשָּׁ֣ה הַזֹּ֑את וַאֲנַ֣חְנוּ יַחְדָּ֗ו אֵֽין־זָ֤ר אִתָּ֨נוּ֙ בַּבַּ֔יִת זוּלָתִ֥יd שְׁתַּֽיִם־אֲנַ֖חְנוּ בַּבָּֽיִת׃

19 וַיָּ֛מָתa בֶּן־הָאִשָּׁ֥ה הַזֹּ֖את לָ֑יְלָה אֲשֶׁ֥ר שָׁכְבָ֖הb עָלָֽיו׃

20 וַתָּקָם֩a בְּתֹ֨וךְ הַלַּ֜יְלָה וַתִּקַּ֧חb אֶת־בְּנִ֣י מֵֽאֶצְלִ֗י וַאֲמָֽתְךָ֙ יְשֵׁנָ֔הc וַתַּשְׁכִּיבֵ֖הוּd בְּחֵיקָ֑הּe וְאֶת־בְּנָ֥הּ הַמֵּ֖ת הִשְׁכִּ֥יבָהf בְחֵיקִֽיg ׃

21 וָאָקֻ֥םa בַּבֹּ֛קֶר לְהֵינִ֥יקb אֶת־בְּנִ֖י וְהִנֵּה־מֵ֑תc וָאֶתְבֹּונֵ֤ןd אֵלָיו֙ בַּבֹּ֔קֶר וְהִנֵּ֛ה לֹֽא־הָיָ֥הe בְנִ֖י אֲשֶׁ֥ר יָלָֽדְתִּיf ׃

22 וַתֹּאמֶר֩a הָאִשָּׁ֨ה הָאַחֶ֜רֶת לֹ֣א כִ֗י בְּנִ֤י הַחַי֙ וּבְנֵ֣ךְ הַמֵּ֔ת וְזֹ֤את אֹמֶ֨רֶת֙b לֹ֣א כִ֔י בְּנֵ֥ךְ הַמֵּ֖ת וּבְנִ֣י הֶחָ֑י וַתְּדַבֵּ֖רְנָהc לִפְנֵ֥י הַמֶּֽלֶךְ׃

23 וַיֹּ֣אמֶרa הַמֶּ֔לֶךְ זֹ֣את אֹמֶ֔רֶתb זֶה־בְּנִ֥י הַחַ֖י וּבְנֵ֣ךְ הַמֵּ֑ת וְזֹ֤את אֹמֶ֨רֶת֙c לֹ֣א כִ֔י בְּנֵ֥ךְ הַמֵּ֖ת וּבְנִ֥י הֶחָֽי׃ פ

24 וַיֹּ֥אמֶרa הַמֶּ֖לֶךְ קְח֣וּb לִי־חָ֑רֶב וַיָּבִ֥אוּc הַחֶ֖רֶב לִפְנֵ֥י הַמֶּֽלֶךְ׃

25 וַיֹּ֣אמֶרa הַמֶּ֔לֶךְ גִּזְר֛וּb אֶת־הַיֶּ֥לֶד הַחַ֖י לִשְׁנָ֑יִם וּתְנ֤וּc אֶֽת־הַחֲצִי֙ לְאַחַ֔ת וְאֶֽת־הַחֲצִ֖י לְאֶחָֽת׃

26 וַתֹּ֣אמֶרa הָאִשָּׁה֩ אֲשֶׁר־בְּנָ֨הּ הַחַ֜י אֶל־הַמֶּ֗לֶךְ כִּֽי־נִכְמְר֣וּb רַחֲמֶיהָ֮c עַל־בְּנָהּ֒ וַתֹּ֣אמֶרd ׀ בִּ֣יe אֲדֹנִ֗י תְּנוּf ־לָהּ֙ אֶת־הַיָּל֣וּד הַחַ֔י וְהָמֵ֖ת אַל־תְּמִיתֻ֑הוּg וְזֹ֣את אֹמֶ֗רֶתh גַּם־לִ֥י גַם־לָ֛ךְ לֹ֥א יִהְיֶ֖הi גְּזֹֽרוּj ׃

27 וַיַּ֨עַןa הַמֶּ֜לֶךְ וַיֹּ֗אמֶרb תְּנוּc ־לָהּ֙ אֶת־הַיָּל֣וּד הַחַ֔י וְהָמֵ֖ת לֹ֣א תְמִיתֻ֑הוּd הִ֖יא אִמֹּֽו׃

28 וַיִּשְׁמְע֣וּa כָל־יִשְׂרָאֵ֗ל אֶת־הַמִּשְׁפָּט֙ אֲשֶׁ֣ר שָׁפַ֣טb הַמֶּ֔לֶךְ וַיִּֽרְא֖וּc מִפְּנֵ֣י הַמֶּ֑לֶךְ כִּ֣י רָא֔וּd כִּֽי־חָכְמַ֧ת אֱלֹהִ֛ים בְּקִרְבֹּ֖ו לַעֲשֹׂ֥ותe מִשְׁפָּֽט׃ ס