מלכים א

וַיֵּשְׁב֖וּa שָׁלֹ֣שׁ שָׁנִ֑ים אֵ֚ין מִלְחָמָ֔ה בֵּ֥ין אֲרָ֖ם וּבֵ֥ין יִשְׂרָאֵֽל׃ פ

2 וַיְהִ֖יa בַּשָּׁנָ֣ה הַשְּׁלִישִׁ֑ית וַיֵּ֛רֶדb יְהֹושָׁפָ֥ט מֶֽלֶךְ־יְהוּדָ֖ה אֶל־מֶ֥לֶךְ יִשְׂרָאֵֽל׃

3 וַיֹּ֤אמֶרa מֶֽלֶךְ־יִשְׂרָאֵל֙ אֶל־עֲבָדָ֔יו הַיְדַעְתֶּ֕םb כִּֽי־לָ֖נוּ רָמֹ֣תc גִּלְעָ֑ד וַאֲנַ֣חְנוּ מַחְשִׁ֔יםd מִקַּ֣חַתe אֹתָ֔הּ מִיַּ֖ד מֶ֥לֶךְ אֲרָֽם׃

4 וַיֹּ֨אמֶר֙a אֶל־יְהֹ֣ושָׁפָ֔ט הֲתֵלֵ֥ךְb אִתִּ֛י לַמִּלְחָמָ֖ה רָמֹ֣תc גִּלְעָ֑ד וַיֹּ֤אמֶרd יְהֹֽושָׁפָט֙ אֶל־מֶ֣לֶךְ יִשְׂרָאֵ֔ל כָּמֹ֧ונִי כָמֹ֛וךָ כְּעַמִּ֥י כְעַמֶּ֖ךָ כְּסוּסַ֥י כְּסוּסֶֽיךָ׃

5 וַיֹּ֥אמֶרa יְהֹושָׁפָ֖ט אֶל־מֶ֣לֶךְ יִשְׂרָאֵ֑ל דְּרָשׁb ־נָ֥א כַיֹּ֖ום אֶת־דְּבַ֥ר יְהוָֽה׃

6 וַיִּקְבֹּ֨ץa מֶֽלֶךְ־יִשְׂרָאֵ֥ל אֶֽת־הַנְּבִיאִים֮ כְּאַרְבַּ֣ע מֵאֹ֣ות אִישׁ֒ וַיֹּ֣אמֶרb אֲלֵהֶ֗ם הַאֵלֵ֞ךְc עַל־רָמֹ֥תd גִּלְעָ֛ד לַמִּלְחָמָ֖ה אִם־אֶחְדָּ֑לe וַיֹּאמְר֣וּf עֲלֵ֔הg וְיִתֵּ֥ןh אֲדֹנָ֖י בְּיַ֥ד הַמֶּֽלֶךְ׃

7 וַיֹּ֨אמֶר֙a יְהֹ֣ושָׁפָ֔ט הַאֵ֨ין פֹּ֥ה נָבִ֛יא לַיהוָ֖ה עֹ֑וד וְנִדְרְשָׁ֖הb מֵאֹותֹֽו׃

8 וַיֹּ֣אמֶרa מֶֽלֶךְ־יִשְׂרָאֵ֣ל׀ אֶֽל־יְהֹושָׁפָ֡ט עֹ֣וד אִישׁ־אֶחָ֡ד לִדְרֹשׁ֩b אֶת־יְהוָ֨ה מֵאֹתֹ֜ו וַאֲנִ֣י שְׂנֵאתִ֗יוc כִּ֠י לֹֽא־יִתְנַבֵּ֨אd עָלַ֥י טֹוב֙ כִּ֣י אִם־רָ֔ע מִיכָ֖יְהוּe בֶּן־יִמְלָ֑הf וַיֹּ֨אמֶר֙g יְהֹ֣ושָׁפָ֔ט אַל־יֹאמַ֥רh הַמֶּ֖לֶךְ כֵּֽן׃

9 וַיִּקְרָא֙a מֶ֣לֶךְ יִשְׂרָאֵ֔ל אֶל־סָרִ֖יסb אֶחָ֑ד וַיֹּ֕אמֶרc מַהֲרָ֖הd מִיכָ֥יְהוּe בֶן־יִמְלָֽהf ׃

10 וּמֶ֣לֶךְ יִשְׂרָאֵ֡ל וִֽיהֹושָׁפָ֣ט מֶֽלֶךְ־יְהוּדָ֡ה יֹשְׁבִים֩a אִ֨ישׁ עַל־כִּסְאֹ֜ו מְלֻבָּשִׁ֤יםb בְּגָדִים֙ בְּגֹ֔רֶןc פֶּ֖תַח שַׁ֣עַר שֹׁמְרֹ֑ון וְכָ֨ל־הַנְּבִיאִ֔ים מִֽתְנַבְּאִ֖יםd לִפְנֵיהֶֽם׃

11 וַיַּ֥עַשׂa לֹ֛ו צִדְקִיָּ֥הb בֶֽן־כְּנַעֲנָ֖הc קַרְנֵ֣י בַרְזֶ֑ל וַיֹּ֨אמֶר֙d כֹּֽה־אָמַ֣רe יְהוָ֔ה בְּאֵ֛לֶּה תְּנַגַּ֥חf אֶת־אֲרָ֖ם עַד־כַּלֹּתָֽםg ׃

12 וְכָל־הַנְּבִאִ֔ים נִבְּאִ֥יםa כֵּ֖ן לֵאמֹ֑רb עֲלֵ֞הc רָמֹ֤תd גִּלְעָד֙ וְהַצְלַ֔חe וְנָתַ֥ןf יְהוָ֖ה בְּיַ֥ד הַמֶּֽלֶךְ׃

13 וְהַמַּלְאָ֞ךְ אֲשֶׁר־הָלַ֣ךְa ׀ לִקְרֹ֣אb מִיכָ֗יְהוּc דִּבֶּ֤רd אֵלָיו֙ לֵאמֹ֔רe הִנֵּה־נָ֞א דִּבְרֵ֧י הַנְּבִיאִ֛ים פֶּֽה־אֶחָ֥ד טֹ֖וב אֶל־הַמֶּ֑לֶךְ יְהִֽיf ־נָ֣א דבריךg כִּדְבַ֛ר אַחַ֥ד מֵהֶ֖ם וְדִבַּ֥רְתָּh טֹּֽוב׃

14 וַיֹּ֖אמֶרa מִיכָ֑יְהוּb חַי־יְהוָ֕ה כִּ֠י אֶת־אֲשֶׁ֨ר יֹאמַ֧רc יְהוָ֛ה אֵלַ֖י אֹתֹ֥ו אֲדַבֵּֽרd ׃

15 וַיָּבֹוא֮a אֶל־הַמֶּלֶךְ֒ וַיֹּ֨אמֶרb הַמֶּ֜לֶךְ אֵלָ֗יו מִיכָ֨יְהוּ֙c הֲנֵלֵ֞ךְd אֶל־רָמֹ֥תe גִּלְעָ֛ד לַמִּלְחָמָ֖ה אִם־נֶחְדָּ֑לf וַיֹּ֤אמֶרg אֵלָיו֙ עֲלֵ֣הh וְהַצְלַ֔חi וְנָתַ֥ןj יְהוָ֖ה בְּיַ֥ד הַמֶּֽלֶךְ׃

16 וַיֹּ֤אמֶרa אֵלָיו֙ הַמֶּ֔לֶךְ עַד־כַּמֶּ֥ה פְעָמִ֖ים אֲנִ֣י מַשְׁבִּעֶ֑ךָb אֲ֠שֶׁר לֹֽא־תְדַבֵּ֥רc אֵלַ֛י רַק־אֱמֶ֖ת בְּשֵׁ֥ם יְהוָֽה׃

17 וַיֹּ֗אמֶרa רָאִ֤יתִיb אֶת־כָּל־יִשְׂרָאֵל֙ נְפֹצִ֣יםc אֶל־הֶהָרִ֔ים כַּצֹּ֕אן אֲשֶׁ֥ר אֵין־לָהֶ֖ם רֹעֶ֑ה וַיֹּ֤אמֶרd יְהוָה֙ לֹֽא־אֲדֹנִ֣ים לָאֵ֔לֶּה יָשׁ֥וּבוּe אִישׁ־לְבֵיתֹ֖ו בְּשָׁלֹֽום׃

18 וַיֹּ֥אמֶרa מֶֽלֶךְ־יִשְׂרָאֵ֖ל אֶל־יְהֹושָׁפָ֑ט הֲלֹוא֙ אָמַ֣רְתִּיb אֵלֶ֔יךָ לֹֽוא־יִתְנַבֵּ֥אc עָלַ֛י טֹ֖וב כִּ֥י אִם־רָֽע׃

19 וַיֹּ֕אמֶרa לָכֵ֖ן שְׁמַ֣עb דְּבַר־יְהוָ֑ה רָאִ֤יתִיc אֶת־יְהוָה֙ יֹשֵׁ֣בd עַל־כִּסְאֹ֔ו וְכָל־צְבָ֤א הַשָּׁמַ֨יִם֙ עֹמֵ֣דe עָלָ֔יו מִימִינֹ֖ו וּמִשְּׂמֹאלֹֽו׃

20 וַיֹּ֣אמֶרa יְהוָ֗ה מִ֤י יְפַתֶּה֙b אֶת־אַחְאָ֔ב וְיַ֕עַלc וְיִפֹּ֖לd בְּרָמֹ֣תe גִּלְעָ֑ד וַיֹּ֤אמֶרf זֶה֙ בְּכֹ֔ה וְזֶ֥ה אֹמֵ֖רg בְּכֹֽה׃

21 וַיֵּצֵ֣אa הָר֗וּחַ וַֽיַּעֲמֹד֙b לִפְנֵ֣י יְהוָ֔ה וַיֹּ֖אמֶרc אֲנִ֣י אֲפַתֶּ֑נּוּd וַיֹּ֧אמֶרe יְהוָ֛ה אֵלָ֖יו בַּמָּֽה׃

22 וַיֹּ֗אמֶרa אֵצֵא֙b וְהָיִ֨יתִי֙c ר֣וּחַ שֶׁ֔קֶר בְּפִ֖י כָּל־נְבִיאָ֑יו וַיֹּ֗אמֶרd תְּפַתֶּה֙e וְגַם־תּוּכָ֔לf צֵ֖אg וַעֲשֵׂהh ־כֵֽן׃

23 וְעַתָּ֗ה הִנֵּ֨ה נָתַ֤ןa יְהוָה֙ ר֣וּחַ שֶׁ֔קֶר בְּפִ֖י כָּל־נְבִיאֶ֣יךָ אֵ֑לֶּה וַֽיהוָ֔ה דִּבֶּ֥רb עָלֶ֖יךָ רָעָֽה׃

24 וַיִּגַּשׁ֙a צִדְקִיָּ֣הוּ בֶֽן־כְּנַעֲנָ֔הb וַיַּכֶּ֥הc אֶת־מִיכָ֖יְהוּd עַל־הַלֶּ֑חִיe וַיֹּ֕אמֶרf אֵיg ־זֶ֨ה עָבַ֧רh רֽוּחַ־יְהוָ֛ה מֵאִתִּ֖י לְדַבֵּ֥רi אֹותָֽךְ׃

25 וַיֹּ֣אמֶרa מִיכָ֔יְהוּb הִנְּךָ֥ רֹאֶ֖הc בַּיֹּ֣ום הַה֑וּא אֲשֶׁ֥ר תָּבֹ֛אd חֶ֥דֶרe בְּחֶ֖דֶרf לְהֵחָבֵֽהg ׃

26 וַיֹּ֨אמֶר֙a מֶ֣לֶךְ יִשְׂרָאֵ֔ל קַ֚חb אֶת־מִיכָ֔יְהוּc וַהֲשִׁיבֵ֖הוּd אֶל־אָמֹ֣ןe שַׂר־הָעִ֑יר וְאֶל־יֹואָ֖שׁf בֶּן־הַמֶּֽלֶךְ׃

27 וְאָמַרְתָּ֗a כֹּ֚ה אָמַ֣רb הַמֶּ֔לֶךְ שִׂ֥ימוּc אֶת־זֶ֖ה בֵּ֣ית הַכֶּ֑לֶאd וְהַאֲכִילֻ֨הוּe לֶ֤חֶם לַ֨חַץ֙f וּמַ֣יִם לַ֔חַץg עַ֖ד בֹּאִ֥יh בְשָׁלֹֽום׃

28 וַיֹּ֣אמֶרa מִיכָ֔יְהוּb אִם־שֹׁ֤וב תָּשׁוּב֙c בְּשָׁלֹ֔ום לֹֽא־דִבֶּ֥רd יְהוָ֖ה בִּ֑י וַיֹּ֕אמֶרe שִׁמְע֖וּf עַמִּ֥ים כֻּלָּֽם׃

29 וַיַּ֧עַלa מֶֽלֶךְ־יִשְׂרָאֵ֛ל וְיהֹושָׁפָ֥ט מֶֽלֶךְ־יְהוּדָ֖ה רָמֹ֥תb גִּלְעָֽד׃

30 וַיֹּאמֶר֩a מֶ֨לֶךְ יִשְׂרָאֵ֜ל אֶל־יְהֹושָׁפָ֗ט הִתְחַפֵּשׂ֙b וָבֹ֣אc בַמִּלְחָמָ֔ה וְאַתָּ֖ה לְבַ֣שׁd בְּגָדֶ֑יךָ וַיִּתְחַפֵּשׂ֙e מֶ֣לֶךְ יִשְׂרָאֵ֔ל וַיָּבֹ֖ואf בַּמִּלְחָמָֽה׃

31 וּמֶ֣לֶךְ אֲרָ֡ם צִוָּ֣הa אֶת־שָׂרֵי֩ הָרֶ֨כֶב אֲשֶׁר־לֹ֜ו שְׁלֹשִׁ֤ים וּשְׁנַ֨יִם֙ לֵאמֹ֔רb לֹ֚א תִּלָּ֣חֲמ֔וּc אֶת־קָטֹ֖ן וְאֶת־גָּדֹ֑ול כִּ֛י אִֽם־אֶת־מֶ֥לֶךְ יִשְׂרָאֵ֖ל לְבַדֹּֽו׃

32 וַיְהִ֡יa כִּרְאֹות֩b שָׂרֵ֨י הָרֶ֜כֶב אֶת־יְהֹושָׁפָ֗ט וְהֵ֤מָּה אָֽמְרוּ֙c אַ֣ךְ מֶֽלֶךְ־יִשְׂרָאֵ֣ל ה֔וּא וַיָּסֻ֥רוּd עָלָ֖יו לְהִלָּחֵ֑םe וַיִּזְעַ֖קf יְהֹושָׁפָֽט׃

33 וַיְהִ֗יa כִּרְאֹות֙b שָׂרֵ֣י הָרֶ֔כֶב כִּֽי־לֹא־מֶ֥לֶךְ יִשְׂרָאֵ֖ל ה֑וּא וַיָּשׁ֖וּבוּc מֵאַחֲרָֽיו׃

34 וְאִ֗ישׁ מָשַׁ֤ךְa בַּקֶּ֨שֶׁת֙ לְתֻמֹּ֔וb וַיַּכֶּה֙c אֶת־מֶ֣לֶךְ יִשְׂרָאֵ֔ל בֵּ֥ין הַדְּבָקִ֖יםd וּבֵ֣ין הַשִּׁרְיָ֑ןe וַיֹּ֣אמֶרf לְרַכָּבֹ֗וg הֲפֹ֥ךְh יָדְךָ֛ וְהֹוצִיאֵ֥נִיi מִן־הַֽמַּחֲנֶ֖ה כִּ֥י הָחֳלֵֽיתִיj ׃

35 וַתַּעֲלֶ֤הa הַמִּלְחָמָה֙ בַּיֹּ֣ום הַה֔וּא וְהַמֶּ֗לֶךְ הָיָ֧הb מָעֳמָ֛דc בַּמֶּרְכָּבָ֖הd נֹ֣כַחe אֲרָ֑ם וַיָּ֣מָתf בָּעֶ֔רֶב וַיִּ֥צֶקg דַּֽם־הַמַּכָּ֖הh אֶל־חֵ֥יקi הָרָֽכֶב׃

36 וַיַּעֲבֹ֤רa הָרִנָּה֙b בַּֽמַּחֲנֶ֔ה כְּבֹ֥אc הַשֶּׁ֖מֶשׁ לֵאמֹ֑רd אִ֥ישׁ אֶל־עִירֹ֖ו וְאִ֥ישׁ אֶל־אַרְצֹֽו׃

37 וַיָּ֣מָתa הַמֶּ֔לֶךְ וַיָּבֹ֖ואb שֹׁמְרֹ֑ון וַיִּקְבְּר֥וּc אֶת־הַמֶּ֖לֶךְ בְּשֹׁמְרֹֽון׃

38 וַיִּשְׁטֹ֨ףa אֶת־הָרֶ֜כֶב עַ֣ל׀ בְּרֵכַ֣תb שֹׁמְרֹ֗ון וַיָּלֹ֤קּוּc הַכְּלָבִים֙d אֶת־דָּמֹ֔ו וְהַזֹּנֹ֖ות רָחָ֑צוּe כִּדְבַ֥ר יְהוָ֖ה אֲשֶׁ֥ר דִּבֵּֽרf ׃

39 וְיֶתֶר֩ דִּבְרֵ֨י אַחְאָ֜ב וְכָל־אֲשֶׁ֣ר עָשָׂ֗הa וּבֵ֤ית הַשֵּׁן֙ אֲשֶׁ֣ר בָּנָ֔הb וְכָל־הֶעָרִ֖ים אֲשֶׁ֣ר בָּנָ֑הc הֲלֹֽוא־הֵ֣ם כְּתוּבִ֗יםd עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

40 וַיִּשְׁכַּ֥בa אַחְאָ֖ב עִם־אֲבֹתָ֑יו וַיִּמְלֹ֛ךְb אֲחַזְיָ֥הוּc בְנֹ֖ו תַּחְתָּֽיו׃ פ

41 וִיהֹֽושָׁפָט֙ בֶּן־אָסָ֔א מָלַ֖ךְa עַל־יְהוּדָ֑ה בִּשְׁנַ֣ת אַרְבַּ֔ע לְאַחְאָ֖ב מֶ֥לֶךְ יִשְׂרָאֵֽל׃

42 יְהֹושָׁפָ֗ט בֶּן־שְׁלֹשִׁ֨ים וְחָמֵ֤שׁ שָׁנָה֙ בְּמָלְכֹ֔וa וְעֶשְׂרִ֤ים וְחָמֵשׁ֙ שָׁנָ֔ה מָלַ֖ךְb בִּירוּשָׁלִָ֑ם וְשֵׁ֣ם אִמֹּ֔ו עֲזוּבָ֖הc בַּת־שִׁלְחִֽיd ׃

43 וַיֵּ֗לֶךְa בְּכָל־דֶּ֛רֶךְ אָסָ֥א אָבִ֖יו לֹא־סָ֣רb מִמֶּ֑נּוּ לַעֲשֹׂ֥ותc הַיָּשָׁ֖ר בְּעֵינֵ֥י יְהוָֽה׃

44 אַ֥ךְ הַבָּמֹ֖ות לֹֽא־סָ֑רוּa עֹ֥וד הָעָ֛ם מְזַבְּחִ֥יםb וּֽמְקַטְּרִ֖יםc בַּבָּמֹֽות׃

45 וַיַּשְׁלֵ֥םa יְהֹושָׁפָ֖ט עִם־מֶ֥לֶךְ יִשְׂרָאֵֽל׃

46 וְיֶ֨תֶר דִּבְרֵ֧י יְהֹושָׁפָ֛ט וּגְבוּרָתֹ֥ו אֲשֶׁר־עָשָׂ֖הa וַאֲשֶׁ֣ר נִלְחָ֑םb הֲלֹֽא־הֵ֣ם כְּתוּבִ֗יםc עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יְהוּדָֽה׃

47 וְיֶ֨תֶר֙ הַקָּדֵ֔שׁa אֲשֶׁ֣ר נִשְׁאַ֔רb בִּימֵ֖י אָסָ֣א אָבִ֑יו בִּעֵ֖רc מִן־הָאָֽרֶץ׃

48 וּמֶ֥לֶךְ אֵ֛ין בֶּאֱדֹ֖ום נִצָּ֥ב מֶֽלֶךְ׃

49 יְהֹושָׁפָ֡ט עשׂרa אֳנִיֹּ֨ותb תַּרְשִׁ֜ישׁc לָלֶ֧כֶתd אֹופִ֛ירָהe לַזָּהָ֖ב וְלֹ֣א הָלָ֑ךְf כִּֽי־נשׁברהg אֳנִיֹּ֖ותh בְּעֶצְיֹ֥ון גָּֽבֶרi ׃

50 אָ֠ז אָמַ֞רa אֲחַזְיָ֤הוּb בֶן־אַחְאָב֙ אֶל־יְהֹ֣ושָׁפָ֔ט יֵלְכ֧וּc עֲבָדַ֛י עִם־עֲבָדֶ֖יךָ בָּאֳנִיֹּ֑ותd וְלֹ֥א אָבָ֖הe יְהֹושָׁפָֽט׃

51 וַיִּשְׁכַּ֤בa יְהֹֽושָׁפָט֙ עִם־אֲבֹתָ֔יו וַיִּקָּבֵר֙b עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְc יְהֹורָ֥םd בְּנֹ֖ו תַּחְתָּֽיו׃ ס

52 אֲחַזְיָ֣הוּa בֶן־אַחְאָ֗ב מָלַ֤ךְb עַל־יִשְׂרָאֵל֙ בְּשֹׁ֣מְרֹ֔ון בִּשְׁנַת֙ שְׁבַ֣ע עֶשְׂרֵ֔ה לִיהֹושָׁפָ֖ט מֶ֣לֶךְ יְהוּדָ֑ה וַיִּמְלֹ֥ךְc עַל־יִשְׂרָאֵ֖ל שְׁנָתָֽיִם׃

53 וַיַּ֥עַשׂa הָרַ֖ע בְּעֵינֵ֣י יְהוָ֑ה וַיֵּ֗לֶךְb בְּדֶ֤רֶךְ אָבִיו֙ וּבְדֶ֣רֶךְ אִמֹּ֔ו וּבְדֶ֨רֶךְ֙ יָרָבְעָ֣ם בֶּן־נְבָ֔טc אֲשֶׁ֥ר הֶחֱטִ֖יאd אֶת־יִשְׂרָאֵֽל׃

54 וַֽיַּעֲבֹד֙a אֶת־הַבַּ֔עַל וַיִּֽשְׁתַּחֲוֶ֖הb לֹ֑ו וַיַּכְעֵ֗סc אֶת־יְהוָה֙ אֱלֹהֵ֣י יִשְׂרָאֵ֔ל כְּכֹ֥ל אֲשֶׁר־עָשָׂ֖הd אָבִֽיו׃