מלכים א

וַיְהִי֙a יָמִ֣ים רַבִּ֔ים וּדְבַר־יְהוָ֗ה הָיָה֙b אֶל־אֵ֣לִיָּ֔הוּ בַּשָּׁנָ֥ה הַשְּׁלִישִׁ֖ית לֵאמֹ֑רc לֵ֚ךְd הֵרָאֵ֣הe אֶל־אַחְאָ֔ב וְאֶתְּנָ֥הf מָטָ֖רg עַל־פְּנֵ֥י הָאֲדָמָֽה׃

2 וַיֵּ֨לֶךְ֙a אֵֽלִיָּ֔הוּ לְהֵרָאֹ֖ותb אֶל־אַחְאָ֑ב וְהָרָעָ֖ב חָזָ֥ק בְּשֹׁמְרֹֽון׃

3 וַיִּקְרָ֣אa אַחְאָ֔ב אֶל־עֹבַדְיָ֖הוּb אֲשֶׁ֣ר עַל־הַבָּ֑יִת וְעֹבַדְיָ֗הוּc הָיָ֥הd יָרֵ֛אe אֶת־יְהוָ֖ה מְאֹֽד׃

4 וַיְהִי֙a בְּהַכְרִ֣יתb אִיזֶ֔בֶלc אֵ֖ת נְבִיאֵ֣י יְהוָ֑ה וַיִּקַּ֨חd עֹבַדְיָ֜הוּe מֵאָ֣ה נְבִאִ֗ים וַֽיַּחְבִּיאֵ֞םf חֲמִשִּׁ֥ים אִישׁ֙ בַּמְּעָרָ֔הg וְכִלְכְּלָ֖םh לֶ֥חֶם וָמָֽיִם׃

5 וַיֹּ֤אמֶרa אַחְאָב֙ אֶל־עֹ֣בַדְיָ֔הוּb לֵ֤ךְc בָּאָ֨רֶץ֙ אֶל־כָּל־מַעְיְנֵ֣יd הַמַּ֔יִם וְאֶ֖ל כָּל־הַנְּחָלִ֑ים אוּלַ֣יe ׀ נִמְצָ֣אf חָצִ֗ירg וּנְחַיֶּה֙h ס֣וּס וָפֶ֔רֶדi וְלֹ֥וא נַכְרִ֖יתj מֵהַבְּהֵמָֽה׃

6 וַֽיְחַלְּק֥וּa לָהֶ֛ם אֶת־הָאָ֖רֶץ לַֽעֲבָרb ־בָּ֑הּ אַחְאָ֞ב הָלַ֨ךְc בְּדֶ֤רֶךְ אֶחָד֙ לְבַדֹּ֔ו וְעֹֽבַדְיָ֛הוּd הָלַ֥ךְe בְּדֶרֶךְ־אֶחָ֖ד לְבַדֹּֽו׃

7 וַיְהִ֤יa עֹבַדְיָ֨הוּ֙b בַּדֶּ֔רֶךְ וְהִנֵּ֥ה אֵלִיָּ֖הוּ לִקְרָאתֹ֑וc וַיַּכִּרֵ֨הוּ֙d וַיִּפֹּ֣לe עַל־פָּנָ֔יו וַיֹּ֕אמֶרf הַאַתָּ֥ה זֶ֖ה אֲדֹנִ֥י אֵלִיָּֽהוּ׃

8 וַיֹּ֥אמֶרa לֹ֖ו אָ֑נִי לֵ֛ךְb אֱמֹ֥רc לַאדֹנֶ֖יךָ הִנֵּ֥ה אֵלִיָּֽהוּ׃

9 וַיֹּ֖אמֶרa מֶ֣ה חָטָ֑אתִיb כִּֽי־אַתָּ֞ה נֹתֵ֧ןc אֶֽת־עַבְדְּךָ֛ בְּיַד־אַחְאָ֖ב לַהֲמִיתֵֽנִיd ׃

10 חַ֣י׀ יְהוָ֣ה אֱלֹהֶ֗יךָ אִם־יֶשׁ־גֹּ֤וי וּמַמְלָכָה֙ אֲ֠שֶׁר לֹֽא־שָׁלַ֨חa אֲדֹנִ֥י שָׁם֙ לְבַקֶּשְׁךָ֔b וְאָמְר֖וּc אָ֑יִן וְהִשְׁבִּ֤יעַd אֶת־הַמַּמְלָכָה֙ וְאֶת־הַגֹּ֔וי כִּ֖י לֹ֥א יִמְצָאֶֽכָּהe ׃

11 וְעַתָּ֖ה אַתָּ֣ה אֹמֵ֑רa לֵ֛ךְb אֱמֹ֥רc לַאדֹנֶ֖יךָ הִנֵּ֥ה אֵלִיָּֽהוּ׃

12 וְהָיָ֞הa אֲנִ֣י׀ אֵלֵ֣ךְb מֵאִתָּ֗ךְ וְר֨וּחַ יְהוָ֤ה׀ יִֽשָּׂאֲךָ֙c עַ֚ל אֲשֶׁ֣ר לֹֽא־אֵדָ֔עd וּבָ֨אתִיe לְהַגִּ֧ידf לְאַחְאָ֛ב וְלֹ֥א יִֽמְצָאֲךָ֖g וַהֲרָגָ֑נִיh וְעַבְדְּךָ֛ יָרֵ֥אi אֶת־יְהוָ֖ה מִנְּעֻרָֽיj ׃

13 הֲלֹֽא־הֻגַּ֤דa לַֽאדֹנִי֙ אֵ֣ת אֲשֶׁר־עָשִׂ֔יתִיb בַּהֲרֹ֣גc אִיזֶ֔בֶלd אֵ֖ת נְבִיאֵ֣י יְהוָ֑ה וָאַחְבִּא֩e מִנְּבִיאֵ֨י יְהוָ֜ה מֵ֣אָה אִ֗ישׁ חֲמִשִּׁ֨ים חֲמִשִּׁ֥ים אִישׁ֙ בַּמְּעָרָ֔הf וָאֲכַלְכְּלֵ֖םg לֶ֥חֶם וָמָֽיִם׃

14 וְעַתָּה֙ אַתָּ֣ה אֹמֵ֔רa לֵ֛ךְb אֱמֹ֥רc לַֽאדֹנֶ֖יךָ הִנֵּ֣ה אֵלִיָּ֑הוּ וַהֲרָגָֽנִיd ׃ ס

15 וַיֹּ֨אמֶר֙a אֵֽלִיָּ֔הוּ חַ֚י יְהוָ֣ה צְבָאֹ֔ות אֲשֶׁ֥ר עָמַ֖דְתִּיb לְפָנָ֑יו כִּ֥י הַיֹּ֖ום אֵרָאֶ֥הc אֵלָֽיו׃

16 וַיֵּ֧לֶךְa עֹבַדְיָ֛הוּb לִקְרַ֥אתc אַחְאָ֖ב וַיַּגֶּדd ־לֹ֑ו וַיֵּ֥לֶךְe אַחְאָ֖ב לִקְרַ֥אתf אֵלִיָּֽהוּ׃

17 וַיְהִ֛יa כִּרְאֹ֥ותb אַחְאָ֖ב אֶת־אֵלִיָּ֑הוּ וַיֹּ֤אמֶרc אַחְאָב֙ אֵלָ֔יו הַאַתָּ֥ה זֶ֖ה עֹכֵ֥רd יִשְׂרָאֵֽל׃

18 וַיֹּ֗אמֶרa לֹ֤א עָכַ֨רְתִּי֙b אֶת־יִשְׂרָאֵ֔ל כִּ֥י אִם־אַתָּ֖ה וּבֵ֣ית אָבִ֑יךָ בַּֽעֲזָבְכֶם֙c אֶת־מִצְוֹ֣ת יְהוָ֔ה וַתֵּ֖לֶךְd אַחֲרֵ֥י הַבְּעָלִֽים׃

19 וְעַתָּ֗ה שְׁלַ֨חa קְבֹ֥ץb אֵלַ֛י אֶת־כָּל־יִשְׂרָאֵ֖ל אֶל־הַ֣ר הַכַּרְמֶ֑לc וְאֶת־נְבִיאֵ֨י הַבַּ֜עַל אַרְבַּ֧ע מֵאֹ֣ות וַחֲמִשִּׁ֗ים וּנְבִיאֵ֤י הָֽאֲשֵׁרָה֙d אַרְבַּ֣ע מֵאֹ֔ות אֹכְלֵ֖יe שֻׁלְחַ֥ן אִיזָֽבֶלf ׃

20 וַיִּשְׁלַ֥חa אַחְאָ֖ב בְּכָל־בְּנֵ֣י יִשְׂרָאֵ֑ל וַיִּקְבֹּ֥ץb אֶת־הַנְּבִיאִ֖ים אֶל־הַ֥ר הַכַּרְמֶֽלc ׃

21 וַיִּגַּ֨שׁa אֵלִיָּ֜הוּ אֶל־כָּל־הָעָ֗ם וַיֹּ֨אמֶר֙b עַד־מָתַ֞יc אַתֶּ֣ם פֹּסְחִים֮d עַל־שְׁתֵּ֣י הַסְּעִפִּים֒e אִם־יְהוָ֤ה הָֽאֱלֹהִים֙ לְכ֣וּf אַחֲרָ֔יו וְאִם־הַבַּ֖עַל לְכ֣וּg אַחֲרָ֑יו וְלֹֽא־עָנ֥וּh הָעָ֛ם אֹתֹ֖ו דָּבָֽר׃

22 וַיֹּ֤אמֶרa אֵלִיָּ֨הוּ֙ אֶל־הָעָ֔ם אֲנִ֞י נֹותַ֧רְתִּיb נָבִ֛יא לַיהוָ֖ה לְבַדִּ֑י וּנְבִיאֵ֣י הַבַּ֔עַל אַרְבַּע־מֵאֹ֥ות וַחֲמִשִּׁ֖ים אִֽישׁ׃

23 וְיִתְּנוּa ־לָ֜נוּ שְׁנַ֣יִם פָּרִ֗ים וְיִבְחֲר֣וּb לָהֶם֩ הַפָּ֨ר הָאֶחָ֜ד וִֽינַתְּחֻ֗הוּc וְיָשִׂ֨ימוּ֙d עַל־הָ֣עֵצִ֔ים וְאֵ֖שׁ לֹ֣א יָשִׂ֑ימוּe וַאֲנִ֞י אֶעֱשֶׂ֣הf ׀ אֶת־הַפָּ֣ר הָאֶחָ֗ד וְנָֽתַתִּי֙g עַל־הָ֣עֵצִ֔ים וְאֵ֖שׁ לֹ֥א אָשִֽׂיםh ׃

24 וּקְרָאתֶ֞םa בְּשֵׁ֣ם אֱלֹֽהֵיכֶ֗ם וַֽאֲנִי֙ אֶקְרָ֣אb בְשֵׁם־יְהוָ֔ה וְהָיָ֧הc הָאֱלֹהִ֛ים אֲשֶׁר־יַעֲנֶ֥הd בָאֵ֖שׁ ה֣וּא הָאֱלֹהִ֑ים וַיַּ֧עַןe כָּל־הָעָ֛ם וַיֹּאמְר֖וּf טֹ֥וב הַדָּבָֽר׃

25 וַיֹּ֨אמֶרa אֵלִיָּ֜הוּ לִנְבִיאֵ֣י הַבַּ֗עַל בַּחֲר֨וּb לָכֶ֜ם הַפָּ֤ר הָֽאֶחָד֙ וַעֲשׂ֣וּc רִאשֹׁנָ֔ה כִּ֥י אַתֶּ֖ם הָרַבִּ֑ים וְקִרְאוּ֙d בְּשֵׁ֣ם אֱלֹהֵיכֶ֔ם וְאֵ֖שׁ לֹ֥א תָשִֽׂימוּe ׃

26 וַ֠יִּקְחוּa אֶת־הַפָּ֨ר אֲשֶׁר־נָתַ֣ןb לָהֶם֮ וַֽיַּעֲשׂוּ֒c וַיִּקְרְא֣וּd בְשֵׁם־הַ֠בַּעַל מֵהַבֹּ֨קֶר וְעַד־הַצָּהֳרַ֤יִםe לֵאמֹר֙f הַבַּ֣עַל עֲנֵ֔נוּg וְאֵ֥ין קֹ֖ול וְאֵ֣ין עֹנֶ֑ה וַֽיְפַסְּח֔וּh עַל־הַמִּזְבֵּ֖חַ אֲשֶׁ֥ר עָשָֽׂהi ׃

27 וַיְהִ֨יa בַֽצָּהֳרַ֜יִםb וַיְהַתֵּ֧לc בָּהֶ֣ם אֵלִיָּ֗הוּ וַיֹּ֨אמֶר֙d קִרְא֤וּe בְקֹול־גָּדֹול֙ כִּֽי־אֱלֹהִ֣ים ה֔וּא כִּ֣י שִׂ֧יחַf וְכִֽי־שִׂ֛יגg לֹ֖ו וְכִֽי־דֶ֣רֶךְ לֹ֑ו אוּלַ֛יh יָשֵׁ֥ןi ה֖וּא וְיִקָֽץj ׃

28 וַֽיִּקְרְאוּ֙a בְּקֹ֣ול גָּדֹ֔ול וַיִּתְגֹּֽדְדוּ֙b כְּמִשְׁפָּטָ֔ם בַּחֲרָבֹ֖ות וּבָֽרְמָחִ֑יםc עַד־שְׁפָךְd ־דָּ֖ם עֲלֵיהֶֽם׃

29 וַֽיְהִי֙a כַּעֲבֹ֣רb הַֽצָּהֳרַ֔יִםc וַיִּֽתְנַבְּא֔וּd עַ֖ד לַעֲלֹ֣ותe הַמִּנְחָ֑ה וְאֵֽין־קֹ֥ול וְאֵין־עֹנֶ֖ה וְאֵ֥ין קָֽשֶׁבf ׃

30 וַיֹּ֨אמֶרa אֵלִיָּ֤הוּ לְכָל־הָעָם֙ גְּשׁ֣וּb אֵלַ֔י וַיִּגְּשׁ֥וּc כָל־הָעָ֖ם אֵלָ֑יו וַיְרַפֵּ֛אd אֶת־מִזְבַּ֥ח יְהוָ֖ה הֶהָרֽוּסe ׃

31 וַיִּקַּ֣חa אֵלִיָּ֗הוּ שְׁתֵּ֤ים עֶשְׂרֵה֙ אֲבָנִ֔ים כְּמִסְפַּ֖ר שִׁבְטֵ֣י בְנֵֽי־יַעֲקֹ֑ב אֲשֶׁר֩ הָיָ֨הb דְבַר־יְהוָ֤ה אֵלָיו֙ לֵאמֹ֔רc יִשְׂרָאֵ֖ל יִהְיֶ֥הd שְׁמֶֽךָ׃

32 וַיִּבְנֶ֧הa אֶת־הָאֲבָנִ֛ים מִזְבֵּ֖חַ בְּשֵׁ֣ם יְהוָ֑ה וַיַּ֣עַשׂb תְּעָלָ֗הc כְּבֵית֙ סָאתַ֣יִםd זֶ֔רַע סָבִ֖יב לַמִּזְבֵּֽחַ׃

33 וַֽיַּעֲרֹ֖ךְa אֶת־הָֽעֵצִ֑ים וַיְנַתַּח֙b אֶת־הַפָּ֔ר וַיָּ֖שֶׂםc עַל־הָעֵצִֽים׃

34 וַיֹּ֗אמֶרa מִלְא֨וּb אַרְבָּעָ֤ה כַדִּים֙c מַ֔יִם וְיִֽצְק֥וּd עַל־הָעֹלָ֖ה וְעַל־הָעֵצִ֑ים וַיֹּ֤אמֶרe שְׁנוּ֙f וַיִּשְׁנ֔וּg וַיֹּ֥אמֶרh שַׁלֵּ֖שׁוּi וַיְשַׁלֵּֽשׁוּj ׃

35 וַיֵּלְכ֣וּa הַמַּ֔יִם סָבִ֖יב לַמִּזְבֵּ֑חַ וְגַ֥ם אֶת־הַתְּעָלָ֖הb מִלֵּאc ־מָֽיִם׃

36 וַיְהִ֣יa ׀ בַּעֲלֹ֣ותb הַמִּנְחָ֗ה וַיִּגַּ֞שׁc אֵלִיָּ֣הוּ הַנָּבִיא֮ וַיֹּאמַר֒d יְהוָ֗ה אֱלֹהֵי֙ אַבְרָהָם֙ יִצְחָ֣ק וְיִשְׂרָאֵ֔ל הַיֹּ֣ום יִוָּדַ֗עe כִּֽי־אַתָּ֧ה אֱלֹהִ֛ים בְּיִשְׂרָאֵ֖ל וַאֲנִ֣י עַבְדֶּ֑ךָ ובדבריךf עָשִׂ֔יתִיg אֵ֥ת כָּל־הַדְּבָרִ֖ים הָאֵֽלֶּה׃

37 עֲנֵ֤נִיa יְהוָה֙ עֲנֵ֔נִיb וְיֵֽדְעוּ֙c הָעָ֣ם הַזֶּ֔ה כִּֽי־אַתָּ֥ה יְהוָ֖ה הָאֱלֹהִ֑ים וְאַתָּ֛ה הֲסִבֹּ֥תָd אֶת־לִבָּ֖ם אֲחֹרַנִּֽיתe ׃

38 וַתִּפֹּ֣לa אֵשׁ־יְהוָ֗ה וַתֹּ֤אכַלb אֶת־הָֽעֹלָה֙ וְאֶת־הָ֣עֵצִ֔ים וְאֶת־הָאֲבָנִ֖ים וְאֶת־הֶעָפָ֑ר וְאֶת־הַמַּ֥יִם אֲשֶׁר־בַּתְּעָלָ֖הc לִחֵֽכָהd ׃

39 וַיַּרְא֙a כָּל־הָעָ֔ם וַֽיִּפְּל֖וּb עַל־פְּנֵיהֶ֑ם וַיֹּ֣אמְר֔וּc יְהוָה֙ ה֣וּא הָאֱלֹהִ֔ים יְהוָ֖ה ה֥וּא הָאֱלֹהִֽים׃

40 וַיֹּאמֶר֩a אֵלִיָּ֨הוּ לָהֶ֜ם תִּפְשׂ֣וּb ׀ אֶת־נְבִיאֵ֣י הַבַּ֗עַל אִ֛ישׁ אַל־יִמָּלֵ֥טc מֵהֶ֖ם וַֽיִּתְפְּשׂ֑וּםd וַיֹּורִדֵ֤םe אֵלִיָּ֨הוּ֙ אֶל־נַ֣חַל קִישֹׁ֔וןf וַיִּשְׁחָטֵ֖םg שָֽׁם׃

41 וַיֹּ֤אמֶרa אֵלִיָּ֨הוּ֙ לְאַחְאָ֔ב עֲלֵ֖הb אֱכֹ֣לc וּשְׁתֵ֑הd כִּי־קֹ֖ול הֲמֹ֥ון הַגָּֽשֶׁםe ׃

42 וַיַּעֲלֶ֥הa אַחְאָ֖ב לֶאֱכֹ֣לb וְלִשְׁתֹּ֑ותc וְאֵ֨לִיָּ֜הוּ עָלָ֨הd אֶל־רֹ֤אשׁ הַכַּרְמֶל֙e וַיִּגְהַ֣רf אַ֔רְצָה וַיָּ֥שֶׂםg פָּנָ֖יו בֵּ֥ין ברכוh ׃

43 וַיֹּ֣אמֶרa אֶֽל־נַעֲרֹ֗ו עֲלֵֽהb ־נָא֙ הַבֵּ֣טc דֶּֽרֶךְ־יָ֔ם וַיַּ֨עַל֙d וַיַּבֵּ֔טe וַיֹּ֖אמֶרf אֵ֣ין מְא֑וּמָהg וַיֹּ֕אמֶרh שֻׁ֖בi שֶׁ֥בַע פְּעָמִֽים׃

44 וַֽיְהִי֙a בַּשְּׁבִעִ֔ית וַיֹּ֗אמֶרb הִנֵּה־עָ֛בc קְטַנָּ֥הd כְּכַף־אִ֖ישׁ עֹלָ֣הe מִיָּ֑ם וַיֹּ֗אמֶרf עֲלֵ֨הg אֱמֹ֤רh אֶל־אַחְאָב֙ אֱסֹ֣רi וָרֵ֔דj וְלֹ֥א יַעַצָרְכָ֖הk הַגָּֽשֶׁםl ׃

45 וַיְהִ֣יa ׀ עַד־כֹּ֣ה וְעַד־כֹּ֗ה וְהַשָּׁמַ֨יִם֙ הִֽתְקַדְּרוּ֙b עָבִ֣יםc וְר֔וּחַ וַיְהִ֖יd גֶּ֣שֶׁםe גָּדֹ֑ול וַיִּרְכַּ֥בf אַחְאָ֖ב וַיֵּ֥לֶךְg יִזְרְעֶֽאלָהh ׃

46 וְיַד־יְהוָ֗ה הָֽיְתָה֙a אֶל־אֵ֣לִיָּ֔הוּ וַיְשַׁנֵּ֖סb מָתְנָ֑יוc וַיָּ֨רָץ֙d לִפְנֵ֣י אַחְאָ֔ב עַד־בֹּאֲכָ֖הe יִזְרְעֶֽאלָהf ׃