מלכים א

וַיֹּאמֶר֩a אֵלִיָּ֨הוּ הַתִּשְׁבִּ֜יb מִתֹּשָׁבֵ֣יc גִלְעָד֮ אֶל־אַחְאָב֒ חַי־יְהוָ֞ה אֱלֹהֵ֤י יִשְׂרָאֵל֙ אֲשֶׁ֣ר עָמַ֣דְתִּיd לְפָנָ֔יו אִם־יִהְיֶ֛הe הַשָּׁנִ֥ים הָאֵ֖לֶּה טַ֣לf וּמָטָ֑רg כִּ֖י אִם־לְפִ֥י דְבָרִֽי׃ ס

2 וַיְהִ֥יa דְבַר־יְהוָ֖ה אֵלָ֥יו לֵאמֹֽרb ׃

3 לֵ֣ךְa מִזֶּ֔ה וּפָנִ֥יתָb לְּךָ֖ קֵ֑דְמָה וְנִסְתַּרְתָּ֙c בְּנַ֣חַל כְּרִ֔יתd אֲשֶׁ֖ר עַל־פְּנֵ֥י הַיַּרְדֵּֽן׃

4 וְהָיָ֖הa מֵהַנַּ֣חַל תִּשְׁתֶּ֑הb וְאֶת־הָעֹרְבִ֣יםc צִוִּ֔יתִיd לְכַלְכֶּלְךָ֖e שָֽׁם׃

5 וַיֵּ֥לֶךְa וַיַּ֖עַשׂb כִּדְבַ֣ר יְהוָ֑ה וַיֵּ֗לֶךְc וַיֵּ֨שֶׁב֙d בְּנַ֣חַל כְּרִ֔יתe אֲשֶׁ֖ר עַל־פְּנֵ֥י הַיַּרְדֵּֽן׃

6 וְהָעֹרְבִ֗יםa מְבִיאִ֨יםb לֹ֜ו לֶ֤חֶם וּבָשָׂר֙ בַּבֹּ֔קֶר וְלֶ֥חֶם וּבָשָׂ֖ר בָּעָ֑רֶב וּמִן־הַנַּ֖חַל יִשְׁתֶּֽהc ׃

7 וַיְהִ֛יa מִקֵּ֥ץ יָמִ֖ים וַיִּיבַ֣שׁb הַנָּ֑חַל כִּ֛י לֹֽא־הָיָ֥הc גֶ֖שֶׁםd בָּאָֽרֶץ׃ ס

8 וַיְהִ֥יa דְבַר־יְהוָ֖ה אֵלָ֥יו לֵאמֹֽרb ׃

9 ק֣וּםa לֵ֤ךְb צָרְפַ֨תָה֙c אֲשֶׁ֣ר לְצִידֹ֔וןd וְיָשַׁבְתָּ֖e שָׁ֑ם הִנֵּ֨ה צִוִּ֥יתִיf שָׁ֛ם אִשָּׁ֥ה אַלְמָנָ֖ה לְכַלְכְּלֶֽךָg ׃

10 וַיָּ֣קָםa ׀ וַיֵּ֣לֶךְb צָרְפַ֗תָהc וַיָּבֹא֙d אֶל־פֶּ֣תַח הָעִ֔יר וְהִנֵּֽה־שָׁ֛ם אִשָּׁ֥ה אַלְמָנָ֖ה מְקֹשֶׁ֣שֶׁתe עֵצִ֑ים וַיִּקְרָ֤אf אֵלֶ֨יהָ֙ וַיֹּאמַ֔רg קְחִיh ־נָ֨א לִ֧י מְעַט־מַ֛יִם בַּכְּלִ֖י וְאֶשְׁתֶּֽהi ׃

11 וַתֵּ֖לֶךְa לָקַ֑חַתb וַיִּקְרָ֤אc אֵלֶ֨יהָ֙ וַיֹּאמַ֔רd לִֽקְחִיe ־נָ֥א לִ֛י פַּתf ־לֶ֖חֶם בְּיָדֵֽךְ׃

12 וַתֹּ֗אמֶרa חַי־יְהוָ֤ה אֱלֹהֶ֨יךָ֙ אִם־יֶשׁ־לִ֣י מָעֹ֔וגb כִּ֣י אִם־מְלֹ֤אc כַף־קֶ֨מַח֙d בַּכַּ֔דe וּמְעַט־שֶׁ֖מֶן בַּצַּפָּ֑חַתf וְהִנְנִ֨י מְקֹשֶׁ֜שֶׁתg שְׁנַ֣יִם עֵצִ֗ים וּבָ֨אתִי֙h וַעֲשִׂיתִ֨יהוּ֙i לִ֣י וְלִבְנִ֔י וַאֲכַלְנֻ֖הוּj וָמָֽתְנוּk ׃

13 וַיֹּ֨אמֶרa אֵלֶ֤יהָ אֵלִיָּ֨הוּ֙ אַל־תִּ֣ירְאִ֔יb בֹּ֖אִיc עֲשִׂ֣יd כִדְבָרֵ֑ךְ אַ֣ךְ עֲשִׂיe ־לִ֣י מִ֠שָּׁם עֻגָ֨הf קְטַנָּ֤הg בָרִאשֹׁנָה֙ וְהֹוצֵ֣אתְh לִ֔י וְלָ֣ךְ וְלִבְנֵ֔ךְ תַּעֲשִׂ֖יi בָּאַחֲרֹנָֽה׃ ס

14 כִּ֣י כֹה֩ אָמַ֨רa יְהוָ֜ה אֱלֹהֵ֣י יִשְׂרָאֵ֗ל כַּ֤דb הַקֶּ֨מַח֙c לֹ֣א תִכְלָ֔הd וְצַפַּ֥חַתe הַשֶּׁ֖מֶן לֹ֣א תֶחְסָ֑רf עַ֠ד יֹ֧ום תתןg ־יְהוָ֛ה גֶּ֖שֶׁםh עַל־פְּנֵ֥י הָאֲדָמָֽה׃

15 וַתֵּ֥לֶךְa וַתַּעֲשֶׂ֖הb כִּדְבַ֣ר אֵלִיָּ֑הוּ וַתֹּ֧אכַלc הואd ־והיאe וּבֵיתָ֖הּ יָמִֽים׃

16 כַּ֤דa הַקֶּ֨מַח֙b לֹ֣א כָלָ֔תָהc וְצַפַּ֥חַתd הַשֶּׁ֖מֶן לֹ֣א חָסֵ֑רe כִּדְבַ֣ר יְהוָ֔ה אֲשֶׁ֥ר דִּבֶּ֖רf בְּיַ֥ד אֵלִיָּֽהוּ׃ פ

17 וַיְהִ֗יa אַחַר֙ הַדְּבָרִ֣ים הָאֵ֔לֶּה חָלָ֕הb בֶּן־הָאִשָּׁ֖ה בַּעֲלַ֣תc הַבָּ֑יִת וַיְהִ֤יd חָלְיֹו֙e חָזָ֣ק מְאֹ֔ד עַ֛ד אֲשֶׁ֥ר לֹא־נֹֽותְרָהf ־בֹּ֖ו נְשָׁמָֽהg ׃

18 וַתֹּ֨אמֶר֙a אֶל־אֵ֣לִיָּ֔הוּ מַה־לִּ֥י וָלָ֖ךְ אִ֣ישׁ הָאֱלֹהִ֑ים בָּ֧אתָb אֵלַ֛י לְהַזְכִּ֥ירc אֶת־עֲוֹנִ֖י וּלְהָמִ֥יתd אֶת־בְּנִֽי׃

19 וַיֹּ֥אמֶרa אֵלֶ֖יהָ תְּנִֽיb ־לִ֣י אֶת־בְּנֵ֑ךְ וַיִּקָּחֵ֣הוּc מֵחֵיקָ֗הּd וַֽיַּעֲלֵ֨הוּ֙e אֶל־הָעֲלִיָּ֗הf אֲשֶׁר־הוּא֙ יֹשֵׁ֣בg שָׁ֔ם וַיַּשְׁכִּבֵ֖הוּh עַל־מִטָּתֹֽוi ׃

20 וַיִּקְרָ֥אa אֶל־יְהוָ֖ה וַיֹּאמַ֑רb יְהוָ֣ה אֱלֹהָ֔י הֲ֠גַם עַל־הָאַלְמָנָ֞ה אֲשֶׁר־אֲנִ֨י מִתְגֹּורֵ֥רc עִמָּ֛הּ הֲרֵעֹ֖ותָd לְהָמִ֥יתe אֶת־בְּנָֽהּ׃

21 וַיִּתְמֹדֵ֤דa עַל־הַיֶּ֨לֶד֙ שָׁלֹ֣שׁ פְּעָמִ֔ים וַיִּקְרָ֥אb אֶל־יְהוָ֖ה וַיֹּאמַ֑רc יְהוָ֣ה אֱלֹהָ֔י תָּ֥שָׁבd נָ֛א נֶֽפֶשׁ־הַיֶּ֥לֶד הַזֶּ֖ה עַל־קִרְבֹּֽו׃

22 וַיִּשְׁמַ֥עa יְהוָ֖ה בְּקֹ֣ול אֵלִיָּ֑הוּ וַתָּ֧שָׁבb נֶֽפֶשׁ־הַיֶּ֛לֶד עַל־קִרְבֹּ֖ו וַיֶּֽחִיc ׃

23 וַיִּקַּ֨חa אֵלִיָּ֜הוּ אֶת־הַיֶּ֗לֶד וַיֹּרִדֵ֤הוּb מִן־הָעֲלִיָּה֙c הַבַּ֔יְתָה וַֽיִּתְּנֵ֖הוּd לְאִמֹּ֑ו וַיֹּ֨אמֶר֙e אֵ֣לִיָּ֔הוּ רְאִ֖יf חַ֥י בְּנֵֽךְ׃

24 וַתֹּ֤אמֶרa הָֽאִשָּׁה֙ אֶל־אֵ֣לִיָּ֔הוּ עַתָּה֙ זֶ֣ה יָדַ֔עְתִּיb כִּ֛י אִ֥ישׁ אֱלֹהִ֖ים אָ֑תָּה וּדְבַר־יְהוָ֥ה בְּפִ֖יךָ אֱמֶֽת׃ פ