מלכים א

וּבִשְׁנַת֙ שְׁמֹנֶ֣ה עֶשְׂרֵ֔ה לַמֶּ֖לֶךְ יָרָבְעָ֣ם בֶּן־נְבָ֑טa מָלַ֥ךְb אֲבִיָּ֖םc עַל־יְהוּדָֽה׃

2 שָׁלֹ֣שׁ שָׁנִ֔ים מָלַ֖ךְa בִּירוּשָׁלִָ֑ם וְשֵׁ֣ם אִמֹּ֔ו מַעֲכָ֖הb בַּת־אֲבִישָׁלֹֽוםc ׃

3 וַיֵּ֕לֶךְa בְּכָל־חַטֹּ֥אות אָבִ֖יו אֲשֶׁר־עָשָׂ֣הb לְפָנָ֑יו וְלֹא־הָיָ֨הc לְבָבֹ֤ו שָׁלֵם֙d עִם־יְהוָ֣ה אֱלֹהָ֔יו כִּלְבַ֖ב דָּוִ֥ד אָבִֽיו׃

4 כִּ֚י לְמַ֣עַן דָּוִ֔ד נָתַן֩a יְהוָ֨ה אֱלֹהָ֥יו לֹ֛ו נִ֖ירb בִּירוּשָׁלִָ֑ם לְהָקִ֤יםc אֶת־בְּנֹו֙ אַחֲרָ֔יו וּֽלְהַעֲמִ֖ידd אֶת־יְרוּשָׁלִָֽם׃

5 אֲשֶׁ֨ר עָשָׂ֥הa דָוִ֛ד אֶת־הַיָּשָׁ֖ר בְּעֵינֵ֣י יְהוָ֑ה וְלֹֽא־סָ֞רb מִכֹּ֣ל אֲשֶׁר־צִוָּ֗הוּc כֹּ֚ל יְמֵ֣י חַיָּ֔יו רַ֕ק בִּדְבַ֖ר אוּרִיָּ֥הd הַחִתִּֽיe ׃

6 וּמִלְחָמָ֨ה הָיְתָ֧הa בֵין־רְחַבְעָ֛ם וּבֵ֥ין יָרָבְעָ֖ם כָּל־יְמֵ֥י חַיָּֽיו׃

7 וְיֶ֨תֶר דִּבְרֵ֤י אֲבִיָּם֙a וְכָל־אֲשֶׁ֣ר עָשָׂ֔הb הֲלֹֽוא־הֵ֣ם כְּתוּבִ֗יםc עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה וּמִלְחָמָ֥ה הָיְתָ֛הd בֵּ֥ין אֲבִיָּ֖םe וּבֵ֥ין יָרָבְעָֽם׃

8 וַיִּשְׁכַּ֤בa אֲבִיָּם֙b עִם־אֲבֹתָ֔יו וַיִּקְבְּר֥וּc אֹתֹ֖ו בְּעִ֣יר דָּוִ֑ד וַיִּמְלֹ֛ךְd אָסָ֥א בְנֹ֖ו תַּחְתָּֽיו׃ פ

9 וּבִשְׁנַ֣ת עֶשְׂרִ֔ים לְיָרָבְעָ֖ם מֶ֣לֶךְ יִשְׂרָאֵ֑ל מָלַ֥ךְa אָסָ֖א מֶ֥לֶךְ יְהוּדָֽה׃

10 וְאַרְבָּעִ֤ים וְאַחַת֙ שָׁנָ֔ה מָלַ֖ךְa בִּירוּשָׁלִָ֑ם וְשֵׁ֣ם אִמֹּ֔ו מַעֲכָ֖הb בַּת־אֲבִישָׁלֹֽוםc ׃

11 וַיַּ֧עַשׂa אָסָ֛א הַיָּשָׁ֖ר בְּעֵינֵ֣י יְהוָ֑ה כְּדָוִ֖ד אָבִֽיו׃

12 וַיַּעֲבֵ֥רa הַקְּדֵשִׁ֖יםb מִן־הָאָ֑רֶץ וַיָּ֨סַר֙c אֶת־כָּל־הַגִּלֻּלִ֔יםd אֲשֶׁ֥ר עָשׂ֖וּe אֲבֹתָֽיו׃

13 וְגַ֣ם׀ אֶת־מַעֲכָ֣הa אִמֹּ֗ו וַיְסִרֶ֨הָ֙b מִגְּבִירָ֔הc אֲשֶׁר־עָשְׂתָ֥הd מִפְלֶ֖צֶתe לָאֲשֵׁרָ֑הf וַיִּכְרֹ֤תg אָסָא֙ אֶת־מִפְלַצְתָּ֔הּh וַיִּשְׂרֹ֖ףi בְּנַ֥חַל קִדְרֹֽוןj ׃

14 וְהַבָּמֹ֖ות לֹא־סָ֑רוּa רַ֣ק לְבַב־אָסָ֗א הָיָ֥הb שָׁלֵ֛םc עִם־יְהוָ֖ה כָּל־יָמָֽיו׃

15 וַיָּבֵא֙a אֶת־קָדְשֵׁ֣י אָבִ֔יו וקדשׁוb בֵּ֣ית יְהוָ֑ה כֶּ֥סֶף וְזָהָ֖ב וְכֵלִֽים׃

16 וּמִלְחָמָ֨ה הָיְתָ֜הa בֵּ֣ין אָסָ֗א וּבֵ֛ין בַּעְשָׁ֥אb מֶֽלֶךְ־יִשְׂרָאֵ֖ל כָּל־יְמֵיהֶֽם׃

17 וַיַּ֨עַלa בַּעְשָׁ֤אb מֶֽלֶךְ־יִשְׂרָאֵל֙ עַל־יְהוּדָ֔ה וַיִּ֖בֶןc אֶת־הָרָמָ֑הd לְבִלְתִּ֗י תֵּ֚תe יֹצֵ֣א וָבָ֔א לְאָסָ֖א מֶ֥לֶךְ יְהוּדָֽה׃

18 וַיִּקַּ֣חa אָ֠סָא אֶת־כָּל־הַכֶּ֨סֶף וְהַזָּהָ֜ב הַֽנֹּותָרִ֣יםb ׀ בְּאֹוצְרֹ֣ות בֵּית־יְהוָ֗ה וְאֶת־אֹֽוצְרֹות֙ בֵּ֣ית מלךc וַֽיִּתְּנֵ֖םd בְּיַד־עֲבָדָ֑יו וַיִּשְׁלָחֵ֞םe הַמֶּ֣לֶךְ אָסָ֗א אֶל־בֶּן־֠הֲדַדf בֶּן־טַבְרִמֹּ֤ןg בֶּן־חֶזְיֹון֙h מֶ֣לֶךְ אֲרָ֔ם הַיֹּשֵׁ֥בi בְּדַמֶּ֖שֶׂקj לֵאמֹֽרk ׃

19 בְּרִית֙ בֵּינִ֣י וּבֵינֶ֔ךָ בֵּ֥ין אָבִ֖י וּבֵ֣ין אָבִ֑יךָ הִנֵּה֩ שָׁלַ֨חְתִּֽיa לְךָ֥ שֹׁ֨חַד֙b כֶּ֣סֶף וְזָהָ֔ב לֵ֣ךְc הָפֵ֗רָהd אֶת־בְּרִֽיתְךָ֙ אֶת־בַּעְשָׁ֣אe מֶֽלֶךְ־יִשְׂרָאֵ֔ל וְיַעֲלֶ֖הf מֵעָלָֽי׃

20 וַיִּשְׁמַ֨עa בֶּן־הֲדַ֜דb אֶל־הַמֶּ֣לֶךְ אָסָ֗א וַ֠יִּשְׁלַחc אֶת־שָׂרֵ֨י הַחֲיָלִ֤ים אֲשֶׁר־לֹו֙ עַל־עָרֵ֣י יִשְׂרָאֵ֔ל וַיַּךְ֙d אֶת־עִיֹּ֣וןe וְאֶת־דָּ֔ן וְאֵ֖ת אָבֵ֣ל בֵּֽית־מַעֲכָ֑הf וְאֵת֙ כָּל־כִּנְרֹ֔ותg עַ֖ל כָּל־אֶ֥רֶץ נַפְתָּלִֽי׃

21 וַֽיְהִי֙a כִּשְׁמֹ֣עַb בַּעְשָׁ֔אc וַיֶּחְדַּ֕לd מִבְּנֹ֖ותe אֶת־הָֽרָמָ֑הf וַיֵּ֖שֶׁבg בְּתִרְצָֽהh ׃

22 וְהַמֶּ֨לֶךְ אָסָ֜א הִשְׁמִ֤יעַa אֶת־כָּל־יְהוּדָה֙ אֵ֣ין נָקִ֔יb וַיִּשְׂא֞וּc אֶת־אַבְנֵ֤י הָֽרָמָה֙d וְאֶת־עֵצֶ֔יהָ אֲשֶׁ֥ר בָּנָ֖הe בַּעְשָׁ֑אf וַיִּ֤בֶןg בָּם֙ הַמֶּ֣לֶךְ אָסָ֔א אֶת־גֶּ֥בַעh בִּנְיָמִ֖ן וְאֶת־הַמִּצְפָּֽהi ׃

23 וְיֶ֣תֶר כָּל־דִּבְרֵֽי־אָ֠סָא וְכָל־גְּב֨וּרָתֹ֜ו וְכָל־אֲשֶׁ֣ר עָשָׂ֗הa וְהֶֽעָרִים֙ אֲשֶׁ֣ר בָּנָ֔הb הֲלֹֽא־הֵ֣מָּה כְתוּבִ֗יםc עַל־סֵ֛פֶר דִּבְרֵ֥י הַיָּמִ֖ים לְמַלְכֵ֣י יְהוּדָ֑ה רַ֚ק לְעֵ֣ת זִקְנָתֹ֔וd חָלָ֖הe אֶת־רַגְלָֽיו׃

24 וַיִּשְׁכַּ֤בa אָסָא֙ עִם־אֲבֹתָ֔יו וַיִּקָּבֵר֙b עִם־אֲבֹתָ֔יו בְּעִ֖יר דָּוִ֣ד אָבִ֑יו וַיִּמְלֹ֛ךְc יְהֹושָׁפָ֥ט בְּנֹ֖ו תַּחְתָּֽיו׃ פ

25 וְנָדָ֣בa בֶּן־יָרָבְעָ֗ם מָלַךְ֙b עַל־יִשְׂרָאֵ֔ל בִּשְׁנַ֣ת שְׁתַּ֔יִם לְאָסָ֖א מֶ֣לֶךְ יְהוּדָ֑ה וַיִּמְלֹ֥ךְc עַל־יִשְׂרָאֵ֖ל שְׁנָתָֽיִם׃

26 וַיַּ֥עַשׂa הָרַ֖ע בְּעֵינֵ֣י יְהוָ֑ה וַיֵּ֨לֶךְ֙b בְּדֶ֣רֶךְ אָבִ֔יו וּ֨בְחַטָּאתֹ֔ו אֲשֶׁ֥ר הֶחֱטִ֖יאc אֶת־יִשְׂרָאֵֽל׃

27 וַיִּקְשֹׁ֨רa עָלָ֜יו בַּעְשָׁ֤אb בֶן־אֲחִיָּה֙c לְבֵ֣ית יִשָּׂשכָ֔רd וַיַּכֵּ֣הוּe בַעְשָׁ֔אf בְּגִבְּתֹ֖וןg אֲשֶׁ֣ר לַפְּלִשְׁתִּ֑ים וְנָדָב֙h וְכָל־יִשְׂרָאֵ֔ל צָרִ֖יםi עַֽל־גִּבְּתֹֽוןj ׃

28 וַיְמִתֵ֣הוּa בַעְשָׁ֔אb בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְc תַּחְתָּֽיו׃

29 וַיְהִ֣יa כְמָלְכֹ֗וb הִכָּה֙c אֶת־כָּל־בֵּ֣ית יָרָבְעָ֔ם לֹֽא־הִשְׁאִ֧ירd כָּל־נְשָׁמָ֛הe לְיָרָבְעָ֖ם עַד־הִשְׁמִדֹ֑וf כִּדְבַ֣ר יְהוָ֔ה אֲשֶׁ֣ר דִּבֶּ֔רg בְּיַד־עַבְדֹּ֖ו אֲחִיָּ֥הh הַשִּׁילֹנִֽיi ׃

30 עַל־חַטֹּ֤אות יָרָבְעָם֙ אֲשֶׁ֣ר חָטָ֔אa וַאֲשֶׁ֥ר הֶחֱטִ֖יאb אֶת־יִשְׂרָאֵ֑ל בְּכַעְסֹ֕וc אֲשֶׁ֣ר הִכְעִ֔יסd אֶת־יְהוָ֖ה אֱלֹהֵ֥י יִשְׂרָאֵֽל׃

31 וְיֶ֛תֶר דִּבְרֵ֥י נָדָ֖בa וְכָל־אֲשֶׁ֣ר עָשָׂ֑הb הֲלֹא־הֵ֣ם כְּתוּבִ֗יםc עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃

32 וּמִלְחָמָ֨ה הָיְתָ֜הa בֵּ֣ין אָסָ֗א וּבֵ֛ין בַּעְשָׁ֥אb מֶֽלֶךְ־יִשְׂרָאֵ֖ל כָּל־יְמֵיהֶֽם׃ פ

33 בִּשְׁנַ֣ת שָׁלֹ֔שׁ לְאָסָ֖א מֶ֣לֶךְ יְהוּדָ֑ה מָ֠לַךְa בַּעְשָׁ֨אb בֶן־אֲחִיָּ֤הc עַל־כָּל־יִשְׂרָאֵל֙ בְּתִרְצָ֔הd עֶשְׂרִ֥ים וְאַרְבַּ֖ע שָׁנָֽה׃

34 וַיַּ֥עַשׂa הָרַ֖ע בְּעֵינֵ֣י יְהוָ֑ה וַיֵּ֨לֶךְ֙b בְּדֶ֣רֶךְ יָרָבְעָ֔ם וּ֨בְחַטָּאתֹ֔ו אֲשֶׁ֥ר הֶחֱטִ֖יאc אֶת־יִשְׂרָאֵֽל׃ ס