מלכים א

וְהִנֵּ֣ה׀ אִ֣ישׁ אֱלֹהִ֗ים בָּ֧אa מִיהוּדָ֛ה בִּדְבַ֥ר יְהוָ֖ה אֶל־בֵּֽית־אֵ֑ל וְיָרָבְעָ֛ם עֹמֵ֥דb עַל־הַמִּזְבֵּ֖חַ לְהַקְטִֽירc ׃

2 וַיִּקְרָ֤אa עַל־הַמִּזְבֵּ֨חַ֙ בִּדְבַ֣ר יְהוָ֔ה וַיֹּ֨אמֶר֙b מִזְבֵּ֣חַ מִזְבֵּ֔חַ כֹּ֖ה אָמַ֣רc יְהוָ֑ה הִנֵּֽה־בֵ֞ן נֹולָ֤דd לְבֵית־דָּוִד֙ יֹאשִׁיָּ֣הוּ שְׁמֹ֔ו וְזָבַ֣חe עָלֶ֗יךָ אֶת־כֹּהֲנֵ֤י הַבָּמֹות֙ הַמַּקְטִרִ֣יםf עָלֶ֔יךָ וְעַצְמֹ֥ות אָדָ֖ם יִשְׂרְפ֥וּg עָלֶֽיךָ׃

3 וְנָתַן֩a בַּיֹּ֨ום הַה֤וּא מֹופֵת֙b לֵאמֹ֔רc זֶ֣ה הַמֹּופֵ֔תd אֲשֶׁ֖ר דִּבֶּ֣רe יְהוָ֑ה הִנֵּ֤ה הַמִּזְבֵּ֨חַ֙ נִקְרָ֔עf וְנִשְׁפַּ֖ךְg הַדֶּ֥שֶׁןh אֲשֶׁר־עָלָֽיו׃

4 וַיְהִי֩a כִשְׁמֹ֨עַb הַמֶּ֜לֶךְ אֶת־דְּבַ֣ר אִישׁ־הָאֱלֹהִ֗ים אֲשֶׁ֨ר קָרָ֤אc עַל־הַמִּזְבֵּ֨חַ֙ בְּבֵֽית־אֵ֔ל וַיִּשְׁלַ֨חd יָרָבְעָ֧ם אֶת־יָדֹ֛ו מֵעַ֥ל הַמִּזְבֵּ֖חַ לֵאמֹ֣רe ׀ תִּפְשֻׂ֑הוּf וַתִּיבַ֤שׁg יָדֹו֙ אֲשֶׁ֣ר שָׁלַ֣חh עָלָ֔יו וְלֹ֥א יָכֹ֖לi לַהֲשִׁיבָ֥הּj אֵלָֽיו׃

5 וְהַמִּזְבֵּ֣חַ נִקְרָ֔עa וַיִּשָּׁפֵ֥ךְb הַדֶּ֖שֶׁןc מִן־הַמִּזְבֵּ֑חַ כַּמֹּופֵ֗תd אֲשֶׁ֥ר נָתַ֛ןe אִ֥ישׁ הָאֱלֹהִ֖ים בִּדְבַ֥ר יְהוָֽה׃

6 וַיַּ֨עַןa הַמֶּ֜לֶךְ וַיֹּ֣אמֶרb ׀ אֶל־אִ֣ישׁ הָאֱלֹהִ֗ים חַלc ־נָ֞א אֶת־פְּנֵ֨י יְהוָ֤ה אֱלֹהֶ֨יךָ֙ וְהִתְפַּלֵּ֣לd בַּעֲדִ֔י וְתָשֹׁ֥בe יָדִ֖י אֵלָ֑י וַיְחַ֤לf אִישׁ־הָֽאֱלֹהִים֙ אֶת־פְּנֵ֣י יְהוָ֔ה וַתָּ֤שָׁבg יַד־הַמֶּ֨לֶךְ֙ אֵלָ֔יו וַתְּהִ֖יh כְּבָרִֽאשֹׁנָֽה׃

7 וַיְדַבֵּ֤רa הַמֶּ֨לֶךְ֙ אֶל־אִ֣ישׁ הָאֱלֹהִ֔ים בֹּאָהb ־אִתִּ֥י הַבַּ֖יְתָה וּֽסְעָ֑דָהc וְאֶתְּנָ֥הd לְךָ֖ מַתָּֽתe ׃

8 וַיֹּ֤אמֶרa אִישׁ־הָֽאֱלֹהִים֙ אֶל־הַמֶּ֔לֶךְ אִם־תִּתֶּןb ־לִי֙ אֶת־חֲצִ֣י בֵיתֶ֔ךָ לֹ֥א אָבֹ֖אc עִמָּ֑ךְ וְלֹֽא־אֹ֤כַלd לֶ֨חֶם֙ וְלֹ֣א אֶשְׁתֶּהe ־מַּ֔יִם בַּמָּקֹ֖ום הַזֶּֽה׃

9 כִּֽי־כֵ֣ן׀ צִוָּ֣הa אֹתִ֗י בִּדְבַ֤ר יְהוָה֙ לֵאמֹ֔רb לֹא־תֹ֥אכַלc לֶ֖חֶם וְלֹ֣א תִשְׁתֶּהd ־מָּ֑יִם וְלֹ֣א תָשׁ֔וּבe בַּדֶּ֖רֶךְ אֲשֶׁ֥ר הָלָֽכְתָּf ׃

10 וַיֵּ֖לֶךְa בְּדֶ֣רֶךְ אַחֵ֑ר וְלֹֽא־שָׁ֣בb בַּדֶּ֔רֶךְ אֲשֶׁ֛ר בָּ֥אc בָ֖הּ אֶל־בֵּֽית־אֵֽל׃ פ

11 וְנָבִ֤יא אֶחָד֙ זָקֵ֔ן יֹשֵׁ֖בa בְּבֵֽית־אֵ֑ל וַיָּבֹ֣ואb בְנֹ֡ו וַיְסַפֶּרc ־לֹ֣ו אֶת־כָּל־הַמַּעֲשֶׂ֣ה אֲשֶׁר־עָשָׂה֩d אִישׁ־הָאֱלֹהִ֨ים׀ הַיֹּ֜ום בְּבֵֽית־אֵ֗ל אֶת־הַדְּבָרִים֙ אֲשֶׁ֣ר דִּבֶּ֣רe אֶל־הַמֶּ֔לֶךְ וַֽיְסַפְּר֖וּםf לַאֲבִיהֶֽם׃

12 וַיְדַבֵּ֤רa אֲלֵהֶם֙ אֲבִיהֶ֔ם אֵֽיb ־זֶ֥ה הַדֶּ֖רֶךְ הָלָ֑ךְc וַיִּרְא֣וּd בָנָ֗יו אֶת־הַדֶּ֨רֶךְ֙ אֲשֶׁ֤ר הָלַךְ֙e אִ֣ישׁ הָאֱלֹהִ֔ים אֲשֶׁר־בָּ֖אf מִיהוּדָֽה׃

13 וַיֹּ֨אמֶר֙a אֶל־בָּנָ֔יו חִבְשׁוּb ־לִ֖י הַחֲמֹ֑ור וַיַּחְבְּשׁוּc ־לֹ֣ו הַחֲמֹ֔ור וַיִּרְכַּ֖בd עָלָֽיו׃

14 וַיֵּ֗לֶךְa אַֽחֲרֵי֙ אִ֣ישׁ הָאֱלֹהִ֔ים וַיִּ֨מְצָאֵ֔הוּb יֹשֵׁ֖בc תַּ֣חַת הָאֵלָ֑הd וַיֹּ֣אמֶרe אֵלָ֗יו הַאַתָּ֧ה אִישׁ־הָאֱלֹהִ֛ים אֲשֶׁר־בָּ֥אתָf מִֽיהוּדָ֖ה וַיֹּ֥אמֶרg אָֽנִי׃

15 וַיֹּ֣אמֶרa אֵלָ֔יו לֵ֥ךְb אִתִּ֖י הַבָּ֑יְתָה וֶאֱכֹ֖לc לָֽחֶם׃

16 וַיֹּ֗אמֶרa לֹ֥א אוּכַ֛לb לָשׁ֥וּבc אִתָּ֖ךְ וְלָבֹ֣ואd אִתָּ֑ךְ וְלֹֽא־אֹ֣כַלe לֶ֗חֶם וְלֹֽא־אֶשְׁתֶּ֤הf אִתְּךָ֙ מַ֔יִם בַּמָּקֹ֖ום הַזֶּֽה׃

17 כִּֽי־דָבָ֤ר אֵלַי֙ בִּדְבַ֣ר יְהוָ֔ה לֹֽא־תֹאכַ֣לa לֶ֔חֶם וְלֹֽא־תִשְׁתֶּ֥הb שָׁ֖ם מָ֑יִם לֹא־תָשׁ֣וּבc לָלֶ֔כֶתd בַּדֶּ֖רֶךְ אֲשֶׁר־הָלַ֥כְתָּe בָּֽהּ׃

18 וַיֹּ֣אמֶרa לֹ֗ו גַּם־אֲנִ֣י נָבִיא֮ כָּמֹוךָ֒ וּמַלְאָ֡ךְ דִּבֶּ֣רb אֵלַי֩ בִּדְבַ֨ר יְהוָ֜ה לֵאמֹ֗רc הֲשִׁבֵ֤הוּd אִתְּךָ֙ אֶל־בֵּיתֶ֔ךָ וְיֹ֥אכַלe לֶ֖חֶם וְיֵ֣שְׁתְּf מָ֑יִם כִּחֵ֖שׁg לֹֽו׃

19 וַיָּ֣שָׁבa אִתֹּ֗ו וַיֹּ֥אכַלb לֶ֛חֶם בְּבֵיתֹ֖ו וַיֵּ֥שְׁתְּc מָֽיִם׃

20 וַיְהִ֕יa הֵ֥ם יֹשְׁבִ֖יםb אֶל־הַשֻּׁלְחָ֑ן פ וַֽיְהִי֙c דְּבַר־יְהוָ֔ה אֶל־הַנָּבִ֖יא אֲשֶׁ֥ר הֱשִׁיבֹֽוd ׃

21 וַיִּקְרָ֞אa אֶל־אִ֣ישׁ הָאֱלֹהִ֗ים אֲשֶׁר־בָּ֤אb מִֽיהוּדָה֙ לֵאמֹ֔רc כֹּ֖ה אָמַ֣רd יְהוָ֑ה יַ֗עַן כִּ֤י מָרִ֨יתָ֙e פִּ֣י יְהוָ֔ה וְלֹ֤א שָׁמַ֨רְתָּ֙f אֶת־הַמִּצְוָ֔ה אֲשֶׁ֥ר צִוְּךָ֖g יְהוָ֥ה אֱלֹהֶֽיךָ׃

22 וַתָּ֗שָׁבa וַתֹּ֤אכַלb לֶ֨חֶם֙ וַתֵּ֣שְׁתְּc מַ֔יִם בַּמָּקֹום֙ אֲשֶׁ֣ר דִּבֶּ֣רd אֵלֶ֔יךָ אַל־תֹּ֥אכַלe לֶ֖חֶם וְאַל־תֵּ֣שְׁתְּf מָ֑יִם לֹֽא־תָבֹ֥ואg נִבְלָתְךָ֖h אֶל־קֶ֥בֶר אֲבֹתֶֽיךָ׃

23 וַיְהִ֗יa אַחֲרֵ֛י אָכְלֹ֥וb לֶ֖חֶם וְאַחֲרֵ֣י שְׁתֹותֹ֑וc וַיַּחֲבָשׁd ־לֹ֣ו הַחֲמֹ֔ור לַנָּבִ֖יא אֲשֶׁ֥ר הֱשִׁיבֹֽוe ׃

24 וַיֵּ֕לֶךְa וַיִּמְצָאֵ֧הוּb אַרְיֵ֛הc בַּדֶּ֖רֶךְ וַיְמִיתֵ֑הוּd וַתְּהִ֤יe נִבְלָתֹו֙f מֻשְׁלֶ֣כֶתg בַּדֶּ֔רֶךְ וְהַחֲמֹור֙ עֹמֵ֣דh אֶצְלָ֔הּ וְהָ֣אַרְיֵ֔הi עֹמֵ֖דj אֵ֥צֶל הַנְּבֵלָֽהk ׃

25 וְהִנֵּ֧ה אֲנָשִׁ֣ים עֹבְרִ֗יםa וַיִּרְא֤וּb אֶת־הַנְּבֵלָה֙c מֻשְׁלֶ֣כֶתd בַּדֶּ֔רֶךְ וְאֶת־הָ֣אַרְיֵ֔הe עֹמֵ֖דf אֵ֣צֶל הַנְּבֵלָ֑הg וַיָּבֹ֨אוּ֙h וַיְדַבְּר֣וּi בָעִ֔יר אֲשֶׁ֛ר הַנָּבִ֥יא הַזָּקֵ֖ן יֹשֵׁ֥בj בָּֽהּ׃

26 וַיִּשְׁמַ֣עa הַנָּבִיא֮ אֲשֶׁ֣ר הֱשִׁיבֹ֣וb מִן־הַדֶּרֶךְ֒ וַיֹּ֨אמֶר֙c אִ֣ישׁ הָאֱלֹהִ֣ים ה֔וּא אֲשֶׁ֥ר מָרָ֖הd אֶת־פִּ֣י יְהוָ֑ה וַיִּתְּנֵ֨הוּe יְהוָ֜ה לָאַרְיֵ֗הf וַֽיִּשְׁבְּרֵ֨הוּ֙g וַיְמִתֵ֔הוּh כִּדְבַ֥ר יְהוָ֖ה אֲשֶׁ֥ר דִּבֶּרi ־לֹֽו׃

27 וַיְדַבֵּ֤רa אֶל־בָּנָיו֙ לֵאמֹ֔רb חִבְשׁוּc ־לִ֖י אֶֽת־הַחֲמֹ֑ור וַֽיַּחֲבֹֽשׁוּd ׃

28 וַיֵּ֗לֶךְa וַיִּמְצָ֤אb אֶת־נִבְלָתֹו֙c מֻשְׁלֶ֣כֶתd בַּדֶּ֔רֶךְ וַֽחֲמֹור֙ וְהָ֣אַרְיֵ֔הe עֹמְדִ֖יםf אֵ֣צֶל הַנְּבֵלָ֑הg לֹֽא־אָכַ֤לh הָֽאַרְיֵה֙i אֶת־הַנְּבֵלָ֔הj וְלֹ֥א שָׁבַ֖רk אֶֽת־הַחֲמֹֽור׃

29 וַיִּשָּׂ֨אa הַנָּבִ֜יא אֶת־נִבְלַ֧תb אִישׁ־הָאֱלֹהִ֛ים וַיַּנִּחֵ֥הוּc אֶֽל־הַחֲמֹ֖ור וַיְשִׁיבֵ֑הוּd וַיָּבֹ֗אe אֶל־עִיר֙ הַנָּבִ֣יא הַזָּקֵ֔ן לִסְפֹּ֖דf וּלְקָבְרֹֽוg ׃

30 וַיַּנַּ֥חa אֶת־נִבְלָתֹ֖וb בְּקִבְרֹ֑ו וַיִּסְפְּד֥וּc עָלָ֖יו הֹ֥וי אָחִֽי׃

31 וַיְהִי֮a אַחֲרֵ֣י קָבְרֹ֣וb אֹתֹו֒ וַיֹּ֤אמֶרc אֶל־בָּנָיו֙ לֵאמֹ֔רd בְּמֹותִי֙ וּקְבַרְתֶּ֣םe אֹתִ֔י בַּקֶּ֕בֶר אֲשֶׁ֛ר אִ֥ישׁ הָאֱלֹהִ֖ים קָב֣וּרf בֹּ֑ו אֵ֚צֶל עַצְמֹתָ֔יו הַנִּ֖יחוּg אֶת־עַצְמֹתָֽי׃

32 כִּי֩ הָיֹ֨ה יִהְיֶ֜הa הַדָּבָ֗ר אֲשֶׁ֤ר קָרָא֙b בִּדְבַ֣ר יְהוָ֔ה עַל־הַמִּזְבֵּ֖חַ אֲשֶׁ֣ר בְּבֵֽית־אֵ֑ל וְעַל֙ כָּל־בָּתֵּ֣י הַבָּמֹ֔ות אֲשֶׁ֖ר בְּעָרֵ֥י שֹׁמְרֹֽון׃ פ

33 אַחַר֙ הַדָּבָ֣ר הַזֶּ֔ה לֹֽא־שָׁ֥בa יָרָבְעָ֖ם מִדַּרְכֹּ֣ו הָרָעָ֑ה וַ֠יָּשָׁבb וַיַּ֜עַשׂc מִקְצֹ֤ותd הָעָם֙ כֹּהֲנֵ֣י בָמֹ֔ות הֶֽחָפֵץ֙e יְמַלֵּ֣אf אֶת־יָדֹ֔ו וִיהִ֖יg כֹּהֲנֵ֥י בָמֹֽות׃

34 וַיְהִי֙a בַּדָּבָ֣ר הַזֶּ֔ה לְחַטַּ֖את בֵּ֣ית יָרָבְעָ֑ם וּלְהַכְחִיד֙b וּלְהַשְׁמִ֔ידc מֵעַ֖ל פְּנֵ֥י הָאֲדָמָֽה׃ פ