מלכים א

וּמַֽלְכַּתa ־שְׁבָ֗אb שֹׁמַ֛עַתc אֶת־שֵׁ֥מַעd שְׁלֹמֹ֖ה לְשֵׁ֣ם יְהוָ֑ה וַתָּבֹ֥אe לְנַסֹּתֹ֖וf בְּחִידֹֽותg ׃

2 וַתָּבֹ֣אa יְרוּשָׁלְַ֗מָה בְּחַיִל֮ כָּבֵ֣דb מְאֹד֒ גְּ֠מַלִּים נֹשְׂאִ֨יםc בְּשָׂמִ֧יםd וְזָהָ֛ב רַב־מְאֹ֖ד וְאֶ֣בֶן יְקָרָ֑הe וַתָּבֹא֙f אֶל־שְׁלֹמֹ֔ה וַתְּדַבֵּ֣רg אֵלָ֔יו אֵ֛ת כָּל־אֲשֶׁ֥ר הָיָ֖הh עִם־לְבָבָֽהּ׃

3 וַיַּגֶּדa ־לָ֥הּ שְׁלֹמֹ֖ה אֶת־כָּל־דְּבָרֶ֑יהָ לֹֽא־הָיָ֤הb דָּבָר֙ נֶעְלָ֣םc מִן־הַמֶּ֔לֶךְ אֲשֶׁ֧ר לֹ֦א הִגִּ֖ידd לָֽהּ׃

4 וַתֵּ֨רֶא֙a מַֽלְכַּתb ־שְׁבָ֔אc אֵ֖ת כָּל־חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽהd ׃

5 וּמַאֲכַ֣לa שֻׁלְחָנֹ֡ו וּמֹושַׁ֣בb עֲבָדָיו֩ וּמַעֲמַ֨דc משׁרתוd וּמַלְבֻּֽשֵׁיהֶם֙e וּמַשְׁקָ֔יוf וְעֹ֣לָתֹ֔ו אֲשֶׁ֥ר יַעֲלֶ֖הg בֵּ֣ית יְהוָ֑ה וְלֹא־הָ֥יָהh בָ֛הּ עֹ֖וד רֽוּחַ׃

6 וַתֹּ֨אמֶר֙a אֶל־הַמֶּ֔לֶךְ אֱמֶת֙ הָיָ֣הb הַדָּבָ֔ר אֲשֶׁ֥ר שָׁמַ֖עְתִּיc בְּאַרְצִ֑י עַל־דְּבָרֶ֖יךָ וְעַל־חָכְמָתֶֽךָ׃

7 וְלֹֽא־הֶאֱמַ֣נְתִּיa לַדְּבָרִ֗ים עַ֤ד אֲשֶׁר־בָּ֨אתִי֙b וַתִּרְאֶ֣ינָהc עֵינַ֔י וְהִנֵּ֥ה לֹֽא־הֻגַּדd ־לִ֖י הַחֵ֑צִי הֹוסַ֤פְתָּe חָכְמָה֙ וָטֹ֔וב אֶל־הַשְּׁמוּעָ֖הf אֲשֶׁ֥ר שָׁמָֽעְתִּיg ׃

8 אַשְׁרֵ֣יa אֲנָשֶׁ֔יךָ אַשְׁרֵ֖יb עֲבָדֶ֣יךָ אֵ֑לֶּה הָֽעֹמְדִ֤יםc לְפָנֶ֨יךָ֙ תָּמִ֔יד הַשֹּׁמְעִ֖יםd אֶת־חָכְמָתֶֽךָ׃

9 יְהִ֨יa יְהוָ֤ה אֱלֹהֶ֨יךָ֙ בָּר֔וּךְ אֲשֶׁר֙ חָפֵ֣ץb בְּךָ֔ לְתִתְּךָ֖c עַל־כִּסֵּ֣א יִשְׂרָאֵ֑ל בְּאַהֲבַ֨תd יְהוָ֤ה אֶת־יִשְׂרָאֵל֙ לְעֹלָ֔ם וַיְשִֽׂימְךָ֣e לְמֶ֔לֶךְ לַעֲשֹׂ֥ותf מִשְׁפָּ֖ט וּצְדָקָֽה׃

10 וַתִּתֵּ֨ןa לַמֶּ֜לֶךְ מֵאָ֥ה וְעֶשְׂרִ֣ים׀ כִּכַּ֣ר זָהָ֗ב וּבְשָׂמִ֛יםb הַרְבֵּ֥ה מְאֹ֖ד וְאֶ֣בֶן יְקָרָ֑הc לֹא־בָא֩d כַבֹּ֨שֶׂםe הַה֥וּא עֹוד֙ לָרֹ֔ב אֲשֶׁר־נָתְנָ֥הf מַֽלְכַּתg ־שְׁבָ֖אh לַמֶּ֥לֶךְ שְׁלֹמֹֽה׃

11 וְגַם֙ אֳנִ֣יa חִירָ֔םb אֲשֶׁר־נָשָׂ֥אc זָהָ֖ב מֵאֹופִ֑ירd הֵבִ֨יאe מֵאֹפִ֜ירf עֲצֵ֧י אַלְמֻגִּ֛יםg הַרְבֵּ֥ה מְאֹ֖ד וְאֶ֥בֶן יְקָרָֽהh ׃

12 וַיַּ֣עַשׂa הַ֠מֶּלֶךְ אֶת־עֲצֵ֨י הָאַלְמֻגִּ֜יםb מִסְעָ֤דc לְבֵית־יְהוָה֙ וּלְבֵ֣ית הַמֶּ֔לֶךְ וְכִנֹּרֹ֥ותd וּנְבָלִ֖יםe לַשָּׁרִ֑ים לֹ֣א בָֽאf ־כֵ֞ן עֲצֵ֤י אַלְמֻגִּים֙g וְלֹ֣א נִרְאָ֔הh עַ֖ד הַיֹּ֥ום הַזֶּֽה׃

13 וְהַמֶּ֨לֶךְ שְׁלֹמֹ֜ה נָתַ֣ןa לְמַֽלְכַּתb ־שְׁבָ֗אc אֶת־כָּל־חֶפְצָהּ֙d אֲשֶׁ֣ר שָׁאָ֔לָהe מִלְּבַד֙ אֲשֶׁ֣ר נָֽתַןf ־לָ֔הּ כְּיַ֖ד הַמֶּ֣לֶךְ שְׁלֹמֹ֑ה וַתֵּ֛פֶןg וַתֵּ֥לֶךְh לְאַרְצָ֖הּ הִ֥יא וַעֲבָדֶֽיהָ׃ ס

14 וַֽיְהִי֙a מִשְׁקַ֣לb הַזָּהָ֔ב אֲשֶׁר־בָּ֥אc לִשְׁלֹמֹ֖ה בְּשָׁנָ֣ה אֶחָ֑ת שֵׁ֥שׁ מֵאֹ֛ות שִׁשִּׁ֥ים וָשֵׁ֖שׁ כִּכַּ֥ר זָהָֽב׃

15 לְבַד֙ מֵאַנְשֵׁ֣י הַתָּרִ֔יםa וּמִסְחַ֖רb הָרֹכְלִ֑יםc וְכָל־מַלְכֵ֥י הָעֶ֖רֶבd וּפַחֹ֥ותe הָאָֽרֶץ׃

16 וַיַּ֨עַשׂa הַמֶּ֧לֶךְ שְׁלֹמֹ֛ה מָאתַ֥יִם צִנָּ֖הb זָהָ֣ב שָׁח֑וּטc שֵׁשׁ־מֵאֹ֣ות זָהָ֔ב יַעֲלֶ֖הd עַל־הַצִּנָּ֥הe הָאֶחָֽת׃

17 וּשְׁלֹשׁ־מֵאֹ֤ות מָֽגִנִּים֙ זָהָ֣ב שָׁח֔וּטa שְׁלֹ֤שֶׁת מָנִים֙b זָהָ֔ב יַעֲלֶ֖הc עַל־הַמָּגֵ֣ן הָאֶחָ֑ת וַיִּתְּנֵ֣םd הַמֶּ֔לֶךְ בֵּ֖ית יַ֥עַר הַלְּבָנֹֽון׃ פ

18 וַיַּ֧עַשׂa הַמֶּ֛לֶךְ כִּסֵּא־שֵׁ֖ן גָּדֹ֑ול וַיְצַפֵּ֖הוּb זָהָ֥ב מוּפָֽזc ׃

19 שֵׁ֧שׁ מַעֲלֹ֣ותa לַכִּסֵּ֗ה וְרֹאשׁ־עָגֹ֤לb לַכִּסֵּה֙ מֵאַֽחֲרָ֔יו וְיָדֹ֛ת מִזֶּ֥ה וּמִזֶּ֖ה אֶל־מְקֹ֣ום הַשָּׁ֑בֶתc וּשְׁנַ֣יִם אֲרָיֹ֔ותd עֹמְדִ֖יםe אֵ֥צֶל הַיָּדֹֽות׃

20 וּשְׁנֵ֧ים עָשָׂ֣ר אֲרָיִ֗יםa עֹמְדִ֥יםb שָׁ֛ם עַל־שֵׁ֥שׁ הַֽמַּעֲלֹ֖ותc מִזֶּ֣ה וּמִזֶּ֑ה לֹֽא־נַעֲשָׂ֥הd כֵ֖ן לְכָל־מַמְלָכֹֽות׃

21 וְ֠כֹל כְּלֵ֞י מַשְׁקֵ֨הa הַמֶּ֤לֶךְ שְׁלֹמֹה֙ זָהָ֔ב וְכֹ֗ל כְּלֵ֛י בֵּֽית־יַ֥עַר הַלְּבָנֹ֖ון זָהָ֣ב סָג֑וּרb אֵ֣ין כֶּ֗סֶף לֹ֥א נֶחְשָׁ֛בc בִּימֵ֥י שְׁלֹמֹ֖ה לִמְאֽוּמָהd ׃

22 כִּי֩ אֳנִ֨יa תַרְשִׁ֤ישׁb לַמֶּ֨לֶךְ֙ בַּיָּ֔ם עִ֖ם אֳנִ֣יc חִירָ֑םd אַחַת֩ לְשָׁלֹ֨שׁ שָׁנִ֜ים תָּבֹ֣ואe ׀ אֳנִ֣יf תַרְשִׁ֗ישׁg נֹֽשְׂאֵת֙h זָהָ֣ב וָכֶ֔סֶף שֶׁנְהַבִּ֥יםi וְקֹפִ֖יםj וְתֻכִּיִּֽיםk ׃

23 וַיִּגְדַּל֙a הַמֶּ֣לֶךְ שְׁלֹמֹ֔ה מִכֹּ֖ל מַלְכֵ֣י הָאָ֑רֶץ לְעֹ֖שֶׁרb וּלְחָכְמָֽה׃

24 וְכָ֨ל־הָאָ֔רֶץ מְבַקְשִׁ֖יםa אֶת־פְּנֵ֣י שְׁלֹמֹ֑ה לִשְׁמֹ֨עַ֙b אֶת־חָכְמָתֹ֔ו אֲשֶׁר־נָתַ֥ןc אֱלֹהִ֖ים בְּלִבֹּֽו׃

25 וְהֵ֣מָּה מְבִאִ֣יםa אִ֣ישׁ מִנְחָתֹ֡ו כְּלֵ֣י כֶסֶף֩ וּכְלֵ֨י זָהָ֤ב וּשְׂלָמֹות֙b וְנֵ֣שֶׁקc וּבְשָׂמִ֔יםd סוּסִ֖ים וּפְרָדִ֑יםe דְּבַר־שָׁנָ֖ה בְּשָׁנָֽה׃ ס

26 וַיֶּאֱסֹ֣ףa שְׁלֹמֹה֮ רֶ֣כֶב וּפָרָשִׁים֒ וַיְהִיb ־לֹ֗ו אֶ֤לֶף וְאַרְבַּע־מֵאֹות֙ רֶ֔כֶב וּשְׁנֵים־עָשָׂ֥ר אֶ֖לֶף פָּֽרָשִׁ֑ים וַיַּנְחֵם֙c בְּעָרֵ֣י הָרֶ֔כֶב וְעִם־הַמֶּ֖לֶךְ בִּירוּשָׁלִָֽם׃

27 וַיִּתֵּ֨ןa הַמֶּ֧לֶךְ אֶת־הַכֶּ֛סֶף בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ןb כַּשִּׁקְמִ֥יםc אֲשֶׁר־בַּשְּׁפֵלָ֖הd לָרֹֽב׃

28 וּמֹוצָ֧אa הַסּוּסִ֛ים אֲשֶׁ֥ר לִשְׁלֹמֹ֖ה מִמִּצְרָ֑יִם וּמִקְוֵ֕הb סֹחֲרֵ֣יc הַמֶּ֔לֶךְ יִקְח֥וּd מִקְוֵ֖הe בִּמְחִֽירf ׃

29 וַֽ֠תַּעֲלֶהa וַתֵּצֵ֨אb מֶרְכָּבָ֤הc מִמִּצְרַ֨יִם֙ בְּשֵׁ֣שׁ מֵאֹ֣ות כֶּ֔סֶף וְס֖וּס בַּחֲמִשִּׁ֣ים וּמֵאָ֑ה וְ֠כֵן לְכָל־מַלְכֵ֧י הַחִתִּ֛יםd וּלְמַלְכֵ֥י אֲרָ֖ם בְּיָדָ֥ם יֹצִֽאוּe ׃ פ