מלכים א

וְהַמֶּ֤לֶךְ דָּוִד֙ זָקֵ֔ןa בָּ֖אb בַּיָּמִ֑ים וַיְכַסֻּ֨הוּ֙c בַּבְּגָדִ֔ים וְלֹ֥א יִחַ֖םd לֹֽו׃

2 וַיֹּ֧אמְרוּa לֹ֣ו עֲבָדָ֗יו יְבַקְשׁ֞וּb לַאדֹנִ֤י הַמֶּ֨לֶךְ֙ נַעֲרָ֣ה בְתוּלָ֔ה וְעָֽמְדָה֙c לִפְנֵ֣י הַמֶּ֔לֶךְ וּתְהִיd ־לֹ֖ו סֹכֶ֑נֶתe וְשָׁכְבָ֣הf בְחֵיקֶ֔ךָg וְחַ֖םh לַאדֹנִ֥י הַמֶּֽלֶךְ׃

3 וַיְבַקְשׁוּ֙a נַעֲרָ֣ה יָפָ֔הb בְּכֹ֖ל גְּב֣וּל יִשְׂרָאֵ֑ל וַֽיִּמְצְא֗וּc אֶת־אֲבִישַׁג֙d הַשּׁ֣וּנַמִּ֔יתe וַיָּבִ֥אוּf אֹתָ֖הּ לַמֶּֽלֶךְ׃

4 וְהַֽנַּעֲרָ֖ה יָפָ֣הa עַד־מְאֹ֑ד וַתְּהִ֨יb לַמֶּ֤לֶךְ סֹכֶ֨נֶת֙c וַתְּשָׁ֣רְתֵ֔הוּd וְהַמֶּ֖לֶךְ לֹ֥א יְדָעָֽהּe ׃

5 וַאֲדֹנִיָּ֧הa בֶן־חַגִּ֛יתb מִתְנַשֵּׂ֥אc לֵאמֹ֖רd אֲנִ֣י אֶמְלֹ֑ךְe וַיַּ֣עַשׂf לֹ֗ו רֶ֚כֶב וּפָ֣רָשִׁ֔ים וַחֲמִשִּׁ֥ים אִ֖ישׁ רָצִ֥יםg לְפָנָֽיו׃

6 וְלֹֽא־עֲצָבֹ֨וa אָבִ֤יו מִיָּמָיו֙ לֵאמֹ֔רb מַדּ֖וּעַ כָּ֣כָהc עָשִׂ֑יתָd וְגַם־ה֤וּא טֹֽוב־תֹּ֨אַר֙e מְאֹ֔ד וְאֹתֹ֥ו יָלְדָ֖הf אַחֲרֵ֥י אַבְשָׁלֹֽום׃

7 וַיִּהְי֣וּa דְבָרָ֔יו עִ֚ם יֹואָ֣ב בֶּן־צְרוּיָ֔הb וְעִ֖ם אֶבְיָתָ֣רc הַכֹּהֵ֑ן וַֽיַּעְזְר֔וּd אַחֲרֵ֖י אֲדֹנִיָּֽהe ׃

8 וְצָדֹ֣וק הַ֠כֹּהֵן וּבְנָיָ֨הוּa בֶן־יְהֹויָדָ֜ע וְנָתָ֤ןb הַנָּבִיא֙ וְשִׁמְעִ֣יc וְרֵעִ֔יd וְהַגִּבֹּורִ֖ים אֲשֶׁ֣ר לְדָוִ֑ד לֹ֥א הָי֖וּe עִם־אֲדֹנִיָּֽהוּf ׃

9 וַיִּזְבַּ֣חa אֲדֹנִיָּ֗הוּb צֹ֤אן וּבָקָר֙ וּמְרִ֔יאc עִ֚ם אֶ֣בֶן הַזֹּחֶ֔לֶתd אֲשֶׁר־אֵ֖צֶל עֵ֣ין רֹגֵ֑לe וַיִּקְרָ֗אf אֶת־כָּל־אֶחָיו֙ בְּנֵ֣י הַמֶּ֔לֶךְ וּלְכָל־אַנְשֵׁ֥י יְהוּדָ֖ה עַבְדֵ֥י הַמֶּֽלֶךְ׃

10 וְֽאֶת־נָתָן֩a הַנָּבִ֨יא וּבְנָיָ֜הוּb וְאֶת־הַגִּבֹּורִ֛ים וְאֶת־שְׁלֹמֹ֥ה אָחִ֖יו לֹ֥א קָרָֽאc ׃

11 וַיֹּ֣אמֶרa נָתָ֗ןb אֶל־בַּת־שֶׁ֤בַעc אֵם־שְׁלֹמֹה֙ לֵאמֹ֔רd הֲלֹ֣וא שָׁמַ֔עַתְּe כִּ֥י מָלַ֖ךְf אֲדֹנִיָּ֣הוּg בֶן־חַגִּ֑יתh וַאֲדֹנֵ֥ינוּ דָוִ֖ד לֹ֥א יָדָֽעi ׃

12 וְעַתָּ֕ה לְכִ֛יa אִיעָצֵ֥ךְb נָ֖א עֵצָ֑ה וּמַלְּטִי֙c אֶת־נַפְשֵׁ֔ךְ וְאֶת־נֶ֥פֶשׁ בְּנֵ֖ךְ שְׁלֹמֹֽה׃

13 לְכִ֞יa וּבֹ֣אִיb ׀ אֶל־הַמֶּ֣לֶךְ דָּוִ֗ד וְאָמַ֤רְתְּc אֵלָיו֙ הֲלֹֽא־אַתָּ֞ה אֲדֹנִ֣י הַמֶּ֗לֶךְ נִשְׁבַּ֤עְתָּd לַאֲמָֽתְךָ֙ לֵאמֹ֔רe כִּֽי־שְׁלֹמֹ֤ה בְנֵךְ֙ יִמְלֹ֣ךְf אַחֲרַ֔י וְה֖וּא יֵשֵׁ֣בg עַל־כִּסְאִ֑י וּמַדּ֖וּעַ מָלַ֥ךְh אֲדֹנִיָֽהוּi ׃

14 הִנֵּ֗ה עֹודָ֛ךְ מְדַבֶּ֥רֶתa שָׁ֖ם עִם־הַמֶּ֑לֶךְ וַאֲנִי֙ אָבֹ֣ואb אַחֲרַ֔יִךְ וּמִלֵּאתִ֖יc אֶת־דְּבָרָֽיִךְ׃

15 וַתָּבֹ֨אa בַת־שֶׁ֤בֶעb אֶל־הַמֶּ֨לֶךְ֙ הַחַ֔דְרָהc וְהַמֶּ֖לֶךְ זָקֵ֣ןd מְאֹ֑ד וַֽאֲבִישַׁג֙e הַשּׁ֣וּנַמִּ֔יתf מְשָׁרַ֖תg אֶת־הַמֶּֽלֶךְ׃

16 וַתִּקֹּ֣דa בַּת־שֶׁ֔בַעb וַתִּשְׁתַּ֖חוּc לַמֶּ֑לֶךְ וַיֹּ֥אמֶרd הַמֶּ֖לֶךְ מַה־לָּֽךְ׃

17 וַתֹּ֣אמֶרa לֹ֗ו אֲדֹנִי֙ אַתָּ֨ה נִשְׁבַּ֜עְתָּb בַּֽיהוָ֤ה אֱלֹהֶ֨יךָ֙ לַֽאֲמָתֶ֔ךָ כִּֽי־שְׁלֹמֹ֥ה בְנֵ֖ךְ יִמְלֹ֣ךְc אַחֲרָ֑י וְה֖וּא יֵשֵׁ֥בd עַל־כִּסְאִֽי׃

18 וְעַתָּ֕ה הִנֵּ֥ה אֲדֹנִיָּ֖הa מָלָ֑ךְb וְעַתָּ֛ה אֲדֹנִ֥י הַמֶּ֖לֶךְ לֹ֥א יָדָֽעְתָּc ׃

19 וַ֠יִּזְבַּחa שֹׁ֥ור וּֽמְרִיאb ־וְצֹאן֮ לָרֹב֒ וַיִּקְרָא֙c לְכָל־בְּנֵ֣י הַמֶּ֔לֶךְ וּלְאֶבְיָתָר֙d הַכֹּהֵ֔ן וּלְיֹאָ֖ב שַׂ֣ר הַצָּבָ֑א וְלִשְׁלֹמֹ֥ה עַבְדְּךָ֖ לֹ֥א קָרָֽאe ׃

20 וְאַתָּה֙ אֲדֹנִ֣י הַמֶּ֔לֶךְ עֵינֵ֥י כָל־יִשְׂרָאֵ֖ל עָלֶ֑יךָ לְהַגִּ֣ידa לָהֶ֔ם מִ֗י יֵשֵׁ֛בb עַל־כִּסֵּ֥א אֲדֹנִֽי־הַמֶּ֖לֶךְ אַחֲרָֽיו׃

21 וְהָיָ֕הa כִּשְׁכַ֥בb אֲדֹנִֽי־הַמֶּ֖לֶךְ עִם־אֲבֹתָ֑יו וְהָיִ֗יתִיc אֲנִ֛י וּבְנִ֥י שְׁלֹמֹ֖ה חַטָּאִֽיםd ׃

22 וְהִנֵּ֛ה עֹודֶ֥נָּה מְדַבֶּ֖רֶתa עִם־הַמֶּ֑לֶךְ וְנָתָ֥ןb הַנָּבִ֖יא בָּֽאc ׃

23 וַיַּגִּ֤ידוּa לַמֶּ֨לֶךְ֙ לֵאמֹ֔רb הִנֵּ֖ה נָתָ֣ןc הַנָּבִ֑יא וַיָּבֹא֙d לִפְנֵ֣י הַמֶּ֔לֶךְ וַיִּשְׁתַּ֧חוּe לַמֶּ֛לֶךְ עַל־אַפָּ֖יו אָֽרְצָה׃

24 וַיֹּאמֶר֮a נָתָן֒b אֲדֹנִ֣י הַמֶּ֔לֶךְ אַתָּ֣ה אָמַ֔רְתָּc אֲדֹנִיָּ֖הוּd יִמְלֹ֣ךְe אַחֲרָ֑י וְה֖וּא יֵשֵׁ֥בf עַל־כִּסְאִֽי׃

25 כִּ֣י׀ יָרַ֣דa הַיֹּ֗ום וַ֠יִּזְבַּחb שֹׁ֥ור וּֽמְרִיאc ־וְצֹאן֮ לָרֹב֒ וַיִּקְרָא֩d לְכָל־בְּנֵ֨י הַמֶּ֜לֶךְ וּלְשָׂרֵ֤י הַצָּבָא֙ וּלְאֶבְיָתָ֣רe הַכֹּהֵ֔ן וְהִנָּ֛ם אֹכְלִ֥יםf וְשֹׁתִ֖יםg לְפָנָ֑יו וַיֹּ֣אמְר֔וּh יְחִ֖יi הַמֶּ֥לֶךְ אֲדֹנִיָּֽהוּj ׃

26 וְלִ֣י אֲנִֽי־עַ֠בְדֶּךָ וּלְצָדֹ֨ק הַכֹּהֵ֜ן וְלִבְנָיָ֧הוּa בֶן־יְהֹויָדָ֛ע וְלִשְׁלֹמֹ֥ה עַבְדְּךָ֖ לֹ֥א קָרָֽאb ׃

27 אִ֗ם מֵאֵת֙ אֲדֹנִ֣י הַמֶּ֔לֶךְ נִהְיָ֖הa הַדָּבָ֣ר הַזֶּ֑ה וְלֹ֤א הֹודַ֨עְתָּ֙b אֶֽת־עבדיךc מִ֗י יֵשֵׁ֛בd עַל־כִּסֵּ֥א אֲדֹנִֽי־הַמֶּ֖לֶךְ אַחֲרָֽיו׃ ס

28 וַיַּ֨עַןa הַמֶּ֤לֶךְ דָּוִד֙ וַיֹּ֔אמֶרb קִרְאוּc ־לִ֖י לְבַת־שָׁ֑בַעd וַתָּבֹא֙e לִפְנֵ֣י הַמֶּ֔לֶךְ וַֽתַּעֲמֹ֖דf לִפְנֵ֥י הַמֶּֽלֶךְ׃

29 וַיִּשָּׁבַ֥עa הַמֶּ֖לֶךְ וַיֹּאמַ֑רb חַי־יְהוָ֕ה אֲשֶׁר־פָּדָ֥הc אֶת־נַפְשִׁ֖י מִכָּל־צָרָֽה׃

30 כִּ֡י כַּאֲשֶׁר֩ נִשְׁבַּ֨עְתִּיa לָ֜ךְ בַּיהוָ֨ה אֱלֹהֵ֤י יִשְׂרָאֵל֙ לֵאמֹ֔רb כִּֽי־שְׁלֹמֹ֤ה בְנֵךְ֙ יִמְלֹ֣ךְc אַחֲרַ֔י וְה֛וּא יֵשֵׁ֥בd עַל־כִּסְאִ֖י תַּחְתָּ֑י כִּ֛י כֵּ֥ן אֶעֱשֶׂ֖הe הַיֹּ֥ום הַזֶּֽה׃

31 וַתִּקֹּ֨דa בַּת־שֶׁ֤בַעb אַפַּ֨יִם֙ אֶ֔רֶץ וַתִּשְׁתַּ֖חוּc לַמֶּ֑לֶךְ וַתֹּ֕אמֶרd יְחִ֗יe אֲדֹנִ֛י הַמֶּ֥לֶךְ דָּוִ֖ד לְעֹלָֽם׃ פ

32 וַיֹּ֣אמֶרa ׀ הַמֶּ֣לֶךְ דָּוִ֗ד קִרְאוּb ־לִ֞י לְצָדֹ֤וק הַכֹּהֵן֙ וּלְנָתָ֣ןc הַנָּבִ֔יא וְלִבְנָיָ֖הוּd בֶּן־יְהֹויָדָ֑ע וַיָּבֹ֖אוּe לִפְנֵ֥י הַמֶּֽלֶךְ׃

33 וַיֹּ֨אמֶרa הַמֶּ֜לֶךְ לָהֶ֗ם קְח֤וּb עִמָּכֶם֙ אֶת־עַבְדֵ֣י אֲדֹנֵיכֶ֔ם וְהִרְכַּבְתֶּם֙c אֶת־שְׁלֹמֹ֣ה בְנִ֔י עַל־הַפִּרְדָּ֖הd אֲשֶׁר־לִ֑י וְהֹורַדְתֶּ֥םe אֹתֹ֖ו אֶל־גִּחֹֽוןf ׃

34 וּמָשַׁ֣חa אֹתֹ֣ו שָׁ֠ם צָדֹ֨וק הַכֹּהֵ֜ן וְנָתָ֧ןb הַנָּבִ֛יא לְמֶ֖לֶךְ עַל־יִשְׂרָאֵ֑ל וּתְקַעְתֶּם֙c בַּשֹּׁופָ֔ר וַאֲמַרְתֶּ֕םd יְחִ֖יe הַמֶּ֥לֶךְ שְׁלֹמֹֽה׃

35 וַעֲלִיתֶ֣םa אַחֲרָ֗יו וּבָא֙b וְיָשַׁ֣בc עַל־כִּסְאִ֔י וְה֥וּא יִמְלֹ֖ךְd תַּחְתָּ֑י וְאֹתֹ֤ו צִוִּ֨יתִי֙e לִֽהְיֹ֣ותf נָגִ֔ידg עַל־יִשְׂרָאֵ֖ל וְעַל־יְהוּדָֽה׃

36 וַיַּ֨עַןa בְּנָיָ֧הוּb בֶן־יְהֹֽויָדָ֛ע אֶת־הַמֶּ֖לֶךְ וַיֹּ֣אמֶרc ׀ אָמֵ֑ןd כֵּ֚ן יֹאמַ֣רe יְהוָ֔ה אֱלֹהֵ֖י אֲדֹנִ֥י הַמֶּֽלֶךְ׃

37 כַּאֲשֶׁ֨ר הָיָ֤הa יְהוָה֙ עִם־אֲדֹנִ֣י הַמֶּ֔לֶךְ כֵּ֖ן יהיb עִם־שְׁלֹמֹ֑ה וִֽיגַדֵּל֙c אֶת־כִּסְאֹ֔ו מִ֨כִּסֵּ֔א אֲדֹנִ֖י הַמֶּ֥לֶךְ דָּוִֽד׃

38 וַיֵּ֣רֶדa צָדֹ֣וק הַ֠כֹּהֵן וְנָתָ֨ןb הַנָּבִ֜יא וּבְנָיָ֣הוּc בֶן־יְהֹויָדָ֗ע וְהַכְּרֵתִי֙d וְהַפְּלֵתִ֔יe וַיַּרְכִּ֨בוּ֙f אֶת־שְׁלֹמֹ֔ה עַל־פִּרְדַּ֖תg הַמֶּ֣לֶךְ דָּוִ֑ד וַיֹּלִ֥כוּh אֹתֹ֖ו עַל־גִּחֹֽוןi ׃

39 וַיִּקַּח֩a צָדֹ֨וק הַכֹּהֵ֜ן אֶת־קֶ֤רֶן הַשֶּׁ֨מֶן֙ מִן־הָאֹ֔הֶל וַיִּמְשַׁ֖חb אֶת־שְׁלֹמֹ֑ה וַֽיִּתְקְעוּ֙c בַּשֹּׁופָ֔ר וַיֹּֽאמְרוּ֙d כָּל־הָעָ֔ם יְחִ֖יe הַמֶּ֥לֶךְ שְׁלֹמֹֽה׃

40 וַיַּעֲל֤וּa כָל־הָעָם֙ אַֽחֲרָ֔יו וְהָעָם֙ מְחַלְּלִ֣יםb בַּחֲלִלִ֔יםc וּשְׂמֵחִ֖יםd שִׂמְחָ֣ה גְדֹולָ֑ה וַתִּבָּקַ֥עe הָאָ֖רֶץ בְּקֹולָֽם׃

41 וַיִּשְׁמַ֣עa אֲדֹנִיָּ֗הוּb וְכָל־הַקְּרֻאִים֙ אֲשֶׁ֣ר אִתֹּ֔ו וְהֵ֖ם כִּלּ֣וּc לֶאֱכֹ֑לd וַיִּשְׁמַ֤עe יֹואָב֙ אֶת־קֹ֣ול הַשֹּׁופָ֔ר וַיֹּ֕אמֶרf מַדּ֥וּעַ קֹֽול־הַקִּרְיָ֖הg הֹומָֽהh ׃

42 עֹודֶ֣נּוּ מְדַבֵּ֔רa וְהִנֵּ֧ה יֹונָתָ֛ןb בֶּן־אֶבְיָתָ֥רc הַכֹּהֵ֖ן בָּ֑אd וַיֹּ֤אמֶרe אֲדֹנִיָּ֨הוּ֙f בֹּ֔אg כִּ֣י אִ֥ישׁ חַ֛יִל אַ֖תָּה וְטֹ֥וב תְּבַשֵּֽׂרh ׃

43 וַיַּ֨עַן֙a יֹונָתָ֔ןb וַיֹּ֖אמֶרc לַאֲדֹנִיָּ֑הוּd אֲבָ֕לe אֲדֹנֵ֥ינוּ הַמֶּֽלֶךְ־דָּוִ֖ד הִמְלִ֥יךְf אֶת־שְׁלֹמֹֽה׃

44 וַיִּשְׁלַ֣חa אִתֹּֽו־הַ֠מֶּלֶךְ אֶת־צָדֹ֨וק הַכֹּהֵ֜ן וְאֶת־נָתָ֣ןb הַנָּבִ֗יא וּבְנָיָ֨הוּ֙c בֶּן־יְהֹ֣ויָדָ֔ע וְהַכְּרֵתִ֖יd וְהַפְּלֵתִ֑יe וַיַּרְכִּ֣בוּf אֹתֹ֔ו עַ֖ל פִּרְדַּ֥תg הַמֶּֽלֶךְ׃

45 וַיִּמְשְׁח֣וּa אֹתֹ֡ו צָדֹ֣וק הַכֹּהֵ֣ן וְנָתָן֩b הַנָּבִ֨יא לְמֶ֜לֶךְ בְּגִחֹ֗וןc וַיַּעֲל֤וּd מִשָּׁם֙ שְׂמֵחִ֔יםe וַתֵּהֹ֖םf הַקִּרְיָ֑הg ה֥וּא הַקֹּ֖ול אֲשֶׁ֥ר שְׁמַעְתֶּֽםh ׃

46 וְגַם֙ יָשַׁ֣בa שְׁלֹמֹ֔ה עַ֖ל כִּסֵּ֥א הַמְּלוּכָֽהb ׃

47 וְגַם־בָּ֜אוּa עַבְדֵ֣י הַמֶּ֗לֶךְ לְ֠בָרֵךְb אֶת־אֲדֹנֵ֜ינוּ הַמֶּ֣לֶךְ דָּוִד֮ לֵאמֹר֒c יֵיטֵ֨בd אלהיךe אֶת־שֵׁ֤ם שְׁלֹמֹה֙ מִשְּׁמֶ֔ךָ וִֽיגַדֵּ֥לf אֶת־כִּסְאֹ֖ו מִכִּסְאֶ֑ךָ וַיִּשְׁתַּ֥חוּg הַמֶּ֖לֶךְ עַל־הַמִּשְׁכָּֽבh ׃

48 וְגַם־כָּ֖כָהa אָמַ֣רb הַמֶּ֑לֶךְ בָּר֨וּךְc יְהוָ֜ה אֱלֹהֵ֣י יִשְׂרָאֵ֗ל אֲשֶׁ֨ר נָתַ֥ןd הַיֹּ֛ום יֹשֵׁ֥בe עַל־כִּסְאִ֖י וְעֵינַ֥י רֹאֹֽותf ׃

49 וַיֶּֽחֶרְדוּ֙a וַיָּקֻ֔מוּb כָּל־הַ֨קְּרֻאִ֔ים אֲשֶׁ֖ר לַאֲדֹנִיָּ֑הוּc וַיֵּלְכ֖וּd אִ֥ישׁ לְדַרְכֹּֽו׃

50 וַאֲדֹ֣נִיָּ֔הוּa יָרֵ֖אb מִפְּנֵ֣י שְׁלֹמֹ֑ה וַיָּ֣קָםc וַיֵּ֔לֶךְd וַֽיַּחֲזֵ֖קe בְּקַרְנֹ֥ות הַמִּזְבֵּֽחַ׃

51 וַיֻּגַּ֤דa לִשְׁלֹמֹה֙ לֵאמֹ֔רb הִנֵּה֙ אֲדֹ֣נִיָּ֔הוּc יָרֵ֖אd אֶת־הַמֶּ֣לֶךְ שְׁלֹמֹ֑ה וְ֠הִנֵּה אָחַ֞זe בְּקַרְנֹ֤ות הַמִּזְבֵּ֨חַ֙ לֵאמֹ֔רf יִשָּֽׁבַֽעg ־לִ֤י כַיֹּום֙ הַמֶּ֣לֶךְ שְׁלֹמֹ֔ה אִם־יָמִ֥יתh אֶת־עַבְדֹּ֖ו בֶּחָֽרֶב׃

52 וַיֹּ֣אמֶרa שְׁלֹמֹ֔ה אִ֚ם יִהְיֶ֣הb לְבֶן־חַ֔יִל לֹֽא־יִפֹּ֥לc מִשַּׂעֲרָתֹ֖וd אָ֑רְצָה וְאִם־רָעָ֥ה תִמָּצֵאe ־בֹ֖ו וָמֵֽתf ׃

53 וַיִּשְׁלַ֞חa הַמֶּ֣לֶךְ שְׁלֹמֹ֗ה וַיֹּרִדֻ֨הוּ֙b מֵעַ֣ל הַמִּזְבֵּ֔חַ וַיָּבֹ֕אc וַיִּשְׁתַּ֖חוּd לַמֶּ֣לֶךְ שְׁלֹמֹ֑ה וַיֹּֽאמֶרe ־לֹ֥ו שְׁלֹמֹ֖ה לֵ֥ךְf לְבֵיתֶֽךָ׃ פ