דברי הימים א

וְכָל־יִשְׂרָאֵל֙ הִתְיַחְשׂ֔וּa וְהִנָּ֣ם כְּתוּבִ֔יםb עַל־סֵ֖פֶר מַלְכֵ֣י יִשְׂרָאֵ֑ל וִיהוּדָ֛ה הָגְל֥וּc לְבָבֶ֖ל בְּמַעֲלָֽםd ׃ ס

2 וְהַיֹּושְׁבִים֙ הָרִ֣אשֹׁנִ֔ים אֲשֶׁ֥ר בַּאֲחֻזָּתָ֖ם בְּעָרֵיהֶ֑ם יִשְׂרָאֵל֙ הַכֹּ֣הֲנִ֔ים הַלְוִיִּ֖ם וְהַנְּתִינִֽיםa ׃

3 וּבִירוּשָׁלִַ֨ם֙ יָשְׁב֔וּa מִן־בְּנֵ֥י יְהוּדָ֖ה וּמִן־בְּנֵ֣י בִנְיָמִ֑ן וּמִן־בְּנֵ֥י אֶפְרַ֖יִם וּמְנַשֶּֽׁה׃

4 עוּתַ֨יa בֶּן־עַמִּיה֤וּדb בֶּן־עָמְרִי֙c בֶּן־אִמְרִ֣יd בֶן־בנימןe ־בְּנֵי־פֶ֖רֶץf בֶּן־יְהוּדָֽה׃

5 וּמִן־הַשִּׁ֣ילֹונִ֔יa עֲשָׂיָ֥הb הַבְּכֹ֖ור וּבָנָֽיו׃

6 וּמִן־בְּנֵי־זֶ֖רַחa יְעוּאֵ֑לb וַאֲחֵיהֶ֖ם שֵׁשׁ־מֵאֹ֥ות וְתִשְׁעִֽים׃

7 וּמִן־בְּנֵ֖י בִּנְיָמִ֑ן סַלּוּא֙a בֶּן־מְשֻׁלָּ֔םb בֶּן־הֹודַוְיָ֖הc בֶּן־הַסְּנֻאָֽהd ׃

8 וְיִבְנְיָה֙a בֶּן־יְרֹחָ֔םb וְאֵלָ֥הc בֶן־עֻזִּ֖יd בֶּן־מִכְרִ֑יe וּמְשֻׁלָּם֙f בֶּן־שְׁפַטְיָ֔הg בֶּן־רְעוּאֵ֖לh בֶּן־יִבְנִיָּֽהi ׃

9 וַאֲחֵיהֶם֙ לְתֹ֣לְדֹותָ֔םa תְּשַׁ֥ע מֵאֹ֖ות וַחֲמִשִּׁ֣ים וְשִׁשָּׁ֑ה כָּל־אֵ֣לֶּה אֲנָשִׁ֔ים רָאשֵׁ֥י אָבֹ֖ות לְבֵ֥ית אֲבֹתֵיהֶֽם׃ ס

10 וּמִן־הַֽכֹּהֲנִ֑ים יְדַֽעְיָ֥הa וִיהֹויָרִ֖יבb וְיָכִֽיןc ׃

11 וַעֲזַרְיָ֨הa בֶן־חִלְקִיָּ֜הb בֶּן־מְשֻׁלָּ֣םc בֶּן־צָדֹ֗וק בֶּן־מְרָיֹות֙d בֶּן־אֲחִיט֔וּבe נְגִ֖ידf בֵּ֥ית הָאֱלֹהִֽים׃ ס

12 וַעֲדָיָה֙a בֶּן־יְרֹחָ֔םb בֶּן־פַּשְׁח֖וּרc בֶּן־מַלְכִּיָּ֑הd וּמַעְשַׂ֨יe בֶּן־עֲדִיאֵ֧לf בֶּן־יַחְזֵ֛רָהg בֶּן־מְשֻׁלָּ֥םh בֶּן־מְשִׁלֵּמִ֖יתi בֶּן־אִמֵּֽרj ׃

13 וַאֲחֵיהֶ֗ם רָאשִׁים֙ לְבֵ֣ית אֲבֹותָ֔ם אֶ֕לֶף וּשְׁבַ֥ע מֵאֹ֖ות וְשִׁשִּׁ֑ים גִּבֹּ֣ורֵי חֵ֔יל מְלֶ֖אכֶת עֲבֹודַ֥ת בֵּית־הָאֱלֹהִֽים׃

14 וּמִֽן־הַלְוִיִּ֑ם שְׁמַֽעְיָ֧הa בֶן־חַשּׁ֛וּבb בֶּן־עַזְרִיקָ֥םc בֶּן־חֲשַׁבְיָ֖הd מִן־בְּנֵ֥י מְרָרִֽיe ׃

15 וּבַקְבַּקַּ֥רa חֶ֖רֶשׁb וְגָלָ֑לc וּמַתַּנְיָה֙d בֶּן־מִיכָ֔אe בֶּן־זִכְרִ֖יf בֶּן־אָסָֽףg ׃

16 וְעֹבַדְיָה֙a בֶּֽן־שְׁמַֽעְיָ֔הb בֶּן־גָּלָ֖לc בֶּן־יְדוּת֑וּןd וּבֶרֶכְיָ֤הe בֶן־אָסָא֙ בֶּן־אֶלְקָנָ֔הf הַיֹּושֵׁ֖בg בְּחַצְרֵ֥י נְטֹופָתִֽיh ׃

17 וְהַשֹּׁעֲרִים֙a שַׁלּ֣וּםb וְעַקּ֔וּבc וְטַלְמֹ֖ןd וַאֲחִימָ֑ןe וַאֲחִיהֶ֥ם שַׁלּ֖וּםf הָרֹֽאשׁ׃

18 וְֽעַד־הֵ֔נָּה בְּשַׁ֥עַר הַמֶּ֖לֶךְ מִזְרָ֑חָה הֵ֚מָּה הַשֹּׁ֣עֲרִ֔יםa לְמַחֲנֹ֖ות בְּנֵ֥י לֵוִֽי׃

19 וְשַׁלּ֣וּםa בֶּן־קֹ֠ורֵאb בֶּן־אֶבְיָסָ֨ףc בֶּן־קֹ֜רַחd וְֽאֶחָ֧יו לְבֵית־אָבִ֣יו הַקָּרְחִ֗יםe עַ֚ל מְלֶ֣אכֶת הָעֲבֹודָ֔ה שֹׁמְרֵ֥יf הַסִּפִּ֖יםg לָאֹ֑הֶל וַאֲבֹֽתֵיהֶם֙ עַל־מַחֲנֵ֣ה יְהוָ֔ה שֹׁמְרֵ֖יh הַמָּבֹֽואi ׃

20 וּפִֽינְחָ֣סa בֶּן־אֶלְעָזָ֗ר נָגִ֨ידb הָיָ֧הc עֲלֵיהֶ֛ם לְפָנִ֖ים יְהוָ֥ה׀ עִמֹּֽו׃

21 זְכַרְיָה֙a בֶּ֣ן מְשֶֽׁלֶמְיָ֔הb שֹׁעֵ֥רc פֶּ֖תַח לְאֹ֥הֶל מֹועֵֽד׃

22 כֻּלָּ֤ם הַבְּרוּרִים֙a לְשֹׁעֲרִ֣יםb בַּסִּפִּ֔יםc מָאתַ֖יִם וּשְׁנֵ֣ים עָשָׂ֑ר הֵ֤מָּה בְחַצְרֵיהֶם֙ הִתְיַחְשָׂ֔םd הֵ֣מָּה יִסַּ֥דe דָּוִ֛יד וּשְׁמוּאֵ֥ל הָרֹאֶ֖הf בֶּאֱמוּנָתָֽםg ׃

23 וְהֵ֨ם וּבְנֵיהֶ֜ם עַל־הַשְּׁעָרִ֧ים לְבֵית־יְהוָ֛ה לְבֵ֥ית־הָאֹ֖הֶל לְמִשְׁמָרֹֽות׃

24 לְאַרְבַּ֣ע רוּחֹ֔ות יִהְי֖וּa הַשֹּׁעֲרִ֑יםb מִזְרָ֥ח יָ֖מָּה צָפֹ֥ונָה וָנֶֽגְבָּה׃

25 וַאֲחֵיהֶ֨ם בְּחַצְרֵיהֶ֜ם לָבֹ֨ואa לְשִׁבְעַ֧ת הַיָּמִ֛ים מֵעֵ֥ת אֶל־עֵ֖ת עִם־אֵֽלֶּה׃

26 כִּ֣י בֶאֱמוּנָ֞הa הֵ֗מָּה אַרְבַּ֨עַת֙ גִּבֹּרֵ֣י הַשֹּׁעֲרִ֔יםb הֵ֖ם הַלְוִיִּ֑ם וְהָיוּ֙c עַל־הַלְּשָׁכֹ֔ותd וְעַ֥ל הָאֹצְרֹ֖ות בֵּ֥ית הָאֱלֹהִֽים׃

27 וּסְבִיבֹ֥ות בֵּית־הָאֱלֹהִ֖ים יָלִ֑ינוּa כִּֽי־עֲלֵיהֶ֣ם מִשְׁמֶ֔רֶת וְהֵ֥ם עַל־הַמַּפְתֵּ֖חַb וְלַבֹּ֥קֶר לַבֹּֽקֶר׃

28 וּמֵהֶ֖ם עַל־כְּלֵ֣י הָעֲבֹודָ֑ה כִּֽי־בְמִסְפָּ֣ר יְבִיא֔וּםa וּבְמִסְפָּ֖ר יֹוצִיאֽוּםb ׃

29 וּמֵהֶ֗ם מְמֻנִּים֙a עַל־הַכֵּלִ֔ים וְעַ֖ל כָּל־כְּלֵ֣י הַקֹּ֑דֶשׁ וְעַל־הַסֹּ֨לֶת֙ וְהַיַּ֣יִן וְהַשֶּׁ֔מֶן וְהַלְּבֹונָ֖הb וְהַבְּשָׂמִֽיםc ׃

30 וּמִן־בְּנֵי֙ הַכֹּ֣הֲנִ֔ים רֹקְחֵ֥יa הַמִּרְקַ֖חַתb לַבְּשָׂמִֽיםc ׃

31 וּמַתִּתְיָה֙a מִן־הַלְוִיִּ֔ם ה֥וּא הַבְּכֹ֖ור לְשַׁלֻּ֣םb הַקָּרְחִ֑יc בֶּאֱמוּנָ֕הd עַ֖ל מַעֲשֵׂ֥ה הַחֲבִתִּֽיםe ׃

32 וּמִן־בְּנֵ֧י הַקְּהָתִ֛יa מִן־אֲחֵיהֶ֖ם עַל־לֶ֣חֶם הַֽמַּעֲרָ֑כֶתb לְהָכִ֖יןc שַׁבַּ֥ת שַׁבָּֽת׃ ס

33 וְאֵ֣לֶּה הַ֠מְשֹׁרְרִים רָאשֵׁ֨י אָבֹ֧ות לַלְוִיִּ֛ם בַּלְּשָׁכֹ֖תa פטיריםb כִּֽי־יֹומָ֥ם וָלַ֛יְלָה עֲלֵיהֶ֖ם בַּמְּלָאכָֽה׃

34 אֵלֶּה֩ רָאשֵׁ֨י הָאָבֹ֧ות לַלְוִיִּ֛ם לְתֹלְדֹותָ֖םa רָאשִׁ֑ים אֵ֖לֶּה יָשְׁב֥וּb בִירוּשָׁלִָֽם׃ פ

35 וּבְגִבְעֹ֛וןa יָשְׁב֥וּb אֲבִֽי־גִבְעֹ֖וןc יעואלd וְשֵׁ֥ם אִשְׁתֹּ֖ו מַעֲכָֽהe ׃

36 וּבְנֹ֥ו הַבְּכֹ֖ור עַבְדֹּ֑וןa וְצ֣וּרb וְקִ֔ישׁc וּבַ֥עַלd וְנֵ֖רe וְנָדָֽבf ׃

37 וּגְדֹ֣ורa וְאַחְיֹ֔וb וּזְכַרְיָ֖הc וּמִקְלֹֽותd ׃

38 וּמִקְלֹ֖ותa הֹולִ֣ידb אֶת־שִׁמְאָ֑םc וְאַף־הֵ֗ם נֶ֧גֶד אֲחֵיהֶ֛ם יָשְׁב֥וּd בִירֽוּשָׁלִַ֖ם עִם־אֲחֵיהֶֽם׃ ס

39 וְנֵר֙a הֹולִ֣ידb אֶת־קִ֔ישׁc וְקִ֖ישׁd הֹולִ֣ידe אֶת־שָׁא֑וּל וְשָׁא֗וּל הֹולִ֤ידf אֶת־יְהֹֽונָתָן֙ וְאֶת־מַלְכִּי־שׁ֔וּעַg וְאֶת־אֲבִינָדָ֖בh וְאֶת־אֶשְׁבָּֽעַלi ׃

40 וּבֶן־יְהֹונָתָ֖ן מְרִ֣יב בָּ֑עַלa וּמְרִי־בַ֖עַלb הֹולִ֥ידc אֶת־מִיכָֽהd ׃

41 וּבְנֵ֖י מִיכָ֑הa פִּיתֹ֥וןb וָמֶ֖לֶךְc וְתַחְרֵֽעַd ׃

42 וְאָחָז֙a הֹולִ֣ידb אֶת־יַעְרָ֔הc וְיַעְרָ֗הd הֹולִ֛ידe אֶת־עָלֶ֥מֶתf וְאֶת־עַזְמָ֖וֶתg וְאֶת־זִמְרִ֑יh וְזִמְרִ֖יi הֹולִ֥ידj אֶת־מֹוצָֽאk ׃

43 וּמֹוצָ֖אa הֹולִ֣ידb אֶת־בִּנְעָ֑אc וּרְפָיָ֥הd בְנֹ֛ו אֶלְעָשָׂ֥הe בְנֹ֖ו אָצֵ֥לf בְּנֹֽו׃

44 וּלְאָצֵל֮a שִׁשָּׁ֣ה בָנִים֒ וְאֵ֣לֶּה שְׁמֹותָ֗ם עַזְרִיקָ֥םb ׀ בֹּ֨כְרוּ֙c וְיִשְׁמָעֵ֣אלd וּשְׁעַרְיָ֔הe וְעֹבַדְיָ֖הf וְחָנָ֑ןg אֵ֖לֶּה בְּנֵ֥י אָצַֽלh ׃ פ