29
וַיֹּ֨אמֶרa
דָּוִ֤יד הַמֶּ֨לֶךְ֙ לְכָל־הַקָּהָ֔ל שְׁלֹמֹ֨ה בְנִ֥י אֶחָ֛ד בָּֽחַרb
־בֹּ֥ו אֱלֹהִ֖ים נַ֣עַר וָרָ֑ךְc
וְהַמְּלָאכָ֣ה גְדֹולָ֔ה כִּ֣י לֹ֤א לְאָדָם֙ הַבִּירָ֔הd
כִּ֖י לַיהוָ֥ה אֱלֹהִֽים׃
2
וּֽכְכָל־כֹּחִ֞י הֲכִינֹ֣ותִיa
לְבֵית־אֱלֹהַ֗י הַזָּהָ֣ב׀ לַ֠זָּהָב וְהַכֶּ֨סֶף לַכֶּ֜סֶף וְהַנְּחֹ֣שֶׁת לַנְּחֹ֗שֶׁת הַבַּרְזֶל֙ לַבַּרְזֶ֔ל וְהָעֵצִ֖ים לָעֵצִ֑ים אַבְנֵי־שֹׁ֨הַםb
וּמִלּוּאִ֜יםc
אַבְנֵי־פ֣וּךְd
וְרִקְמָ֗הe
וְכֹ֨ל אֶ֧בֶן יְקָרָ֛הf
וְאַבְנֵי־שַׁ֖יִשׁg
לָרֹֽב׃
3
וְעֹ֗וד בִּרְצֹותִי֙a
בְּבֵ֣ית אֱלֹהַ֔י יֶשׁ־לִ֥י סְגֻלָּ֖הb
זָהָ֣ב וָכָ֑סֶף נָתַ֤תִּיc
לְבֵית־אֱלֹהַי֙ לְמַ֔עְלָה מִכָּל־הֲכִינֹ֖ותִיd
לְבֵ֥ית הַקֹּֽדֶשׁ׃
4
שְׁלֹ֧שֶׁת אֲלָפִ֛ים כִּכְּרֵ֥י זָהָ֖ב מִזְּהַ֣ב אֹופִ֑ירa
וְשִׁבְעַ֨ת אֲלָפִ֤ים כִּכַּר־כֶּ֨סֶף֙ מְזֻקָּ֔קb
לָט֖וּחַc
קִירֹ֥ות הַבָּתִּֽים׃
5
לַזָּהָ֤ב לַזָּהָב֙ וְלַכֶּ֣סֶף לַכֶּ֔סֶף וּלְכָל־מְלָאכָ֖ה בְּיַ֣ד חָרָשִׁ֑יםa
וּמִ֣י מִתְנַדֵּ֔בb
לְמַלֹּ֥אותc
יָדֹ֛ו הַיֹּ֖ום לַיהוָֽה׃
6
וַיִּֽתְנַדְּבוּ֩a
שָׂרֵ֨י הָאָבֹ֜ות וְשָׂרֵ֣י׀ שִׁבְטֵ֣י יִשְׂרָאֵ֗ל וְשָׂרֵ֤י הָאֲלָפִים֙ וְהַמֵּאֹ֔ות וּלְשָׂרֵ֖י מְלֶ֥אכֶת הַמֶּֽלֶךְ׃
7
וַֽיִּתְּנ֞וּa
לַעֲבֹודַ֣ת בֵּית־הָאֱלֹהִ֗ים זָהָ֞ב כִּכָּרִ֣ים חֲמֵֽשֶׁת־אֲלָפִים֮ וַאֲדַרְכֹנִ֣יםb
רִבֹּו֒c
וְכֶ֗סֶף כִּכָּרִים֙ עֲשֶׂ֣רֶת אֲלָפִ֔ים וּנְחֹ֕שֶׁת רִבֹּ֛וd
וּשְׁמֹונַ֥ת אֲלָפִ֖ים כִּכָּרִ֑ים וּבַרְזֶ֖ל מֵֽאָה־אֶ֥לֶף כִּכָּרִֽים׃
8
וְהַנִּמְצָ֤אa
אִתֹּו֙ אֲבָנִ֔ים נָתְנ֖וּb
לְאֹוצַ֣ר בֵּית־יְהוָ֑ה עַ֥ל יַד־יְחִיאֵ֖לc
הַגֵּרְשֻׁנִּֽיd
׃
9
וַיִּשְׂמְח֤וּa
הָעָם֙ עַל־הִֽתְנַדְּבָ֔םb
כִּ֚י בְּלֵ֣ב שָׁלֵ֔םc
הִֽתְנַדְּב֖וּd
לַיהוָ֑ה וְגַם֙ דָּוִ֣יד הַמֶּ֔לֶךְ שָׂמַ֖חe
שִׂמְחָ֥ה גְדֹולָֽה׃ פ
10
וַיְבָ֤רֶךְa
דָּוִיד֙ אֶת־יְהוָ֔ה לְעֵינֵ֖י כָּל־הַקָּהָ֑ל וַיֹּ֣אמֶרb
דָּוִ֗יד בָּר֨וּךְc
אַתָּ֤ה יְהוָה֙ אֱלֹהֵי֙ יִשְׂרָאֵ֣ל אָבִ֔ינוּ מֵעֹולָ֖ם וְעַד־עֹולָֽם׃
11
לְךָ֣ יְ֠הוָה הַגְּדֻלָּ֨הa
וְהַגְּבוּרָ֤ה וְהַתִּפְאֶ֨רֶת֙b
וְהַנֵּ֣צַחc
וְהַהֹ֔ודd
כִּי־כֹ֖ל בַּשָּׁמַ֣יִם וּבָאָ֑רֶץ לְךָ֤ יְהוָה֙ הַמַּמְלָכָ֔ה וְהַמִּתְנַשֵּׂ֖אe
לְכֹ֥ל׀ לְרֹֽאשׁ׃
12
וְהָעֹ֤שֶׁרa
וְהַכָּבֹוד֙ מִלְּפָנֶ֔יךָ וְאַתָּה֙ מֹושֵׁ֣לb
בַּכֹּ֔ל וּבְיָדְךָ֖ כֹּ֣חַ וּגְבוּרָ֑ה וּבְיָ֣דְךָ֔ לְגַדֵּ֥לc
וּלְחַזֵּ֖קd
לַכֹּֽל׃
13
וְעַתָּ֣ה אֱלֹהֵ֔ינוּ מֹודִ֥יםa
אֲנַ֖חְנוּ לָ֑ךְ וּֽמְהַֽלְלִ֖יםb
לְשֵׁ֥ם תִּפְאַרְתֶּֽךָc
׃
14
וְכִ֨י מִ֤י אֲנִי֙ וּמִ֣י עַמִּ֔י כִּֽי־נַעְצֹ֣רa
כֹּ֔חַ לְהִתְנַדֵּ֖בb
כָּזֹ֑את כִּֽי־מִמְּךָ֣ הַכֹּ֔ל וּמִיָּדְךָ֖ נָתַ֥נּוּc
לָֽךְ׃
15
כִּֽי־גֵרִ֨ים אֲנַ֧חְנוּ לְפָנֶ֛יךָ וְתֹושָׁבִ֖יםa
כְּכָל־אֲבֹתֵ֑ינוּ כַּצֵּ֧ל׀ יָמֵ֛ינוּ עַל־הָאָ֖רֶץ וְאֵ֥ין מִקְוֶֽהb
׃
16
יְהוָ֣ה אֱלֹהֵ֔ינוּ כֹ֣ל הֶהָמֹ֤ון הַזֶּה֙ אֲשֶׁ֣ר הֲכִינֹ֔נוּa
לִבְנֹֽותb
־לְךָ֥ בַ֖יִת לְשֵׁ֣ם קָדְשֶׁ֑ךָ מִיָּדְךָ֥ היאc
וּלְךָ֥ הַכֹּֽל׃
17
וְיָדַ֣עְתִּיa
אֱלֹהַ֔י כִּ֤י אַתָּה֙ בֹּחֵ֣ןb
לֵבָ֔ב וּמֵישָׁרִ֖יםc
תִּרְצֶ֑הd
אֲנִ֗י בְּיֹ֤שֶׁרe
לְבָבִי֙ הִתְנַדַּ֣בְתִּיf
כָל־אֵ֔לֶּה וְעַתָּ֗ה עַמְּךָ֙ הַנִּמְצְאוּg
־פֹ֔ה רָאִ֥יתִיh
בְשִׂמְחָ֖ה לְהִֽתְנַדֶּבi
־לָֽךְ׃
18
יְהוָ֗ה אֱ֠לֹהֵי אַבְרָהָ֞ם יִצְחָ֤ק וְיִשְׂרָאֵל֙ אֲבֹתֵ֔ינוּ שֳׁמְרָהa
־זֹּ֣את לְעֹולָ֔ם לְיֵ֥צֶרb
מַחְשְׁבֹ֖ותc
לְבַ֣ב עַמֶּ֑ךָ וְהָכֵ֥ןd
לְבָבָ֖ם אֵלֶֽיךָ׃
19
וְלִשְׁלֹמֹ֣ה בְנִ֗י תֵּ֚ןa
לֵבָ֣ב שָׁלֵ֔םb
לִשְׁמֹור֙c
מִצְוֹתֶ֔יךָ עֵדְוֹתֶ֖יךָ וְחֻקֶּ֑יךָ וְלַעֲשֹׂ֣ותd
הַכֹּ֔ל וְלִבְנֹ֖ותe
הַבִּירָ֥הf
אֲשֶׁר־הֲכִינֹֽותִיg
׃ פ
20
וַיֹּ֤אמֶרa
דָּוִיד֙ לְכָל־הַקָּהָ֔ל בָּֽרְכוּb
־נָ֖א אֶת־יְהוָ֣ה אֱלֹהֵיכֶ֑ם וַיְבָרֲכ֣וּc
כָֽל־הַקָּהָ֗ל לַיהוָה֙ אֱלֹהֵ֣י אֲבֹֽתֵיהֶ֔ם וַיִּקְּד֧וּd
וַיִּֽשְׁתַּחֲו֛וּe
לַיהוָ֖ה וְלַמֶּֽלֶךְ׃
21
וַיִּזְבְּח֣וּa
לַיהוָ֣ה׀ זְ֠בָחִים וַיַּעֲל֨וּb
עֹלֹ֜ות לַיהוָ֗ה לְֽמָחֳרַת֮c
הַיֹּ֣ום הַהוּא֒ פָּרִ֨ים אֶ֜לֶף אֵילִ֥ים אֶ֛לֶף כְּבָשִׂ֥ים אֶ֖לֶף וְנִסְכֵּיהֶ֑ם וּזְבָחִ֥ים לָרֹ֖ב לְכָל־יִשְׂרָאֵֽל׃
22
וַיֹּאכְל֨וּa
וַיִּשְׁתּ֜וּb
לִפְנֵ֧י יְהוָ֛ה בַּיֹּ֥ום הַה֖וּא בְּשִׂמְחָ֣ה גְדֹולָ֑ה וַיַּמְלִ֤יכוּc
שֵׁנִית֙ לִשְׁלֹמֹ֣ה בֶן־דָּוִ֔יד וַיִּמְשְׁח֧וּd
לַיהוָ֛ה לְנָגִ֥ידe
וּלְצָדֹ֖וק לְכֹהֵֽן׃
23
וַיֵּ֣שֶׁבa
שְׁ֠לֹמֹה עַל־כִּסֵּ֨א יְהוָ֧ה׀ לְמֶ֛לֶךְ תַּֽחַת־דָּוִ֥יד אָבִ֖יו וַיַּצְלַ֑חb
וַיִּשְׁמְע֥וּc
אֵלָ֖יו כָּל־יִשְׂרָאֵֽל׃
24
וְכָל־הַשָּׂרִים֙ וְהַגִּבֹּרִ֔ים וְגַ֕ם כָּל־בְּנֵ֖י הַמֶּ֣לֶךְ דָּוִ֑יד נָ֣תְנוּa
יָ֔ד תַּ֖חַת שְׁלֹמֹ֥ה הַמֶּֽלֶךְ׃
25
וַיְגַדֵּ֨לa
יְהוָ֤ה אֶת־שְׁלֹמֹה֙ לְמַ֔עְלָה לְעֵינֵ֖י כָּל־יִשְׂרָאֵ֑ל וַיִּתֵּ֤ןb
עָלָיו֙ הֹ֣ודc
מַלְכ֔וּת אֲ֠שֶׁר לֹֽא־הָיָ֧הd
עַל־כָּל־מֶ֛לֶךְ לְפָנָ֖יו עַל־יִשְׂרָאֵֽל׃ פ
26
וְדָוִיד֙ בֶּן־יִשָׁ֔יa
מָלַ֖ךְb
עַל־כָּל־יִשְׂרָאֵֽל׃
27
וְהַיָּמִ֗ים אֲשֶׁ֤ר מָלַךְ֙a
עַל־יִשְׂרָאֵ֔ל אַרְבָּעִ֖ים שָׁנָ֑ה בְּחֶבְרֹ֤ון מָלַךְ֙b
שֶׁ֣בַע שָׁנִ֔ים וּבִירוּשָׁלִַ֥ם מָלַ֖ךְc
שְׁלֹשִׁ֥ים וְשָׁלֹֽושׁ׃
28
וַיָּ֨מָת֙a
בְּשֵׂיבָ֣הb
טֹובָ֔ה שְׂבַ֥עc
יָמִ֖ים עֹ֣שֶׁרd
וְכָבֹ֑וד וַיִּמְלֹ֛ךְe
שְׁלֹמֹ֥ה בְנֹ֖ו תַּחְתָּֽיו׃
29
וְדִבְרֵי֙ דָּוִ֣יד הַמֶּ֔לֶךְ הָרִאשֹׁנִ֖ים וְהָאֲחרֹנִ֑ים הִנָּ֣ם כְּתוּבִ֗יםa
עַל־דִּבְרֵי֙ שְׁמוּאֵ֣ל הָרֹאֶ֔הb
וְעַל־דִּבְרֵי֙ נָתָ֣ןc
הַנָּבִ֔יא וְעַל־דִּבְרֵ֖י גָּ֥ד הַחֹזֶֽהd
׃
30
עִ֥ם כָּל־מַלְכוּתֹ֖ו וּגְבוּרָתֹ֑ו וְהָעִתִּ֗ים אֲשֶׁ֨ר עָבְר֤וּa
עָלָיו֙ וְעַל־יִשְׂרָאֵ֔ל וְעַ֖ל כָּל־מַמְלְכֹ֥ות הָאֲרָצֹֽות׃ פ