דברי הימים א

וּבְנֵ֣י יִשְׂרָאֵ֣ל׀ לְֽמִסְפָּרָ֡ם רָאשֵׁ֣י הָאָבֹ֣ות וְשָׂרֵ֣י הָֽאֲלָפִ֣ים׀ וְהַמֵּאֹ֡ות וְשֹׁטְרֵיהֶם֩a הַמְשָׁרְתִ֨יםb אֶת־הַמֶּ֜לֶךְ לְכֹ֣ל׀ דְּבַ֣ר הַֽמַּחְלְקֹ֗ותc הַבָּאָ֤הd וְהַיֹּצֵאת֙e חֹ֣דֶשׁ בְּחֹ֔דֶשׁ לְכֹ֖ל חָדְשֵׁ֣י הַשָּׁנָ֑ה הַֽמַּחֲלֹ֨קֶת֙f הָֽאַחַ֔ת עֶשְׂרִ֥ים וְאַרְבָּעָ֖ה אָֽלֶף׃ ס

2 עַ֞ל הַמַּחֲלֹ֤קֶתa הָרִֽאשֹׁונָה֙ לַחֹ֣דֶשׁ הָרִאשֹׁ֔ון יָֽשָׁבְעָ֖םb בֶּן־זַבְדִּיאֵ֑לc וְעַל֙ מַֽחֲלֻקְתֹּ֔וd עֶשְׂרִ֥ים וְאַרְבָּעָ֖ה אָֽלֶף׃

3 מִן־בְּנֵי־פֶ֗רֶץa הָרֹ֛אשׁ לְכָל־שָׂרֵ֥י הַצְּבָאֹ֖ות לַחֹ֥דֶשׁ הָרִאשֹֽׁון׃

4 וְעַ֞ל מַחֲלֹ֣קֶתa ׀ הַחֹ֣דֶשׁ הַשֵּׁנִ֗י דֹּודַ֤יb הָאֲחֹוחִי֙c וּמַ֣חֲלֻקְתֹּ֔וd וּמִקְלֹ֖ותe הַנָּגִ֑ידf וְעַל֙ מַחֲלֻקְתֹּ֔וg עֶשְׂרִ֥ים וְאַרְבָּעָ֖ה אָֽלֶף׃ ס

5 שַׂ֣ר הַצָּבָ֤א הַשְּׁלִישִׁי֙ לַחֹ֣דֶשׁ הַשְּׁלִישִׁ֔י בְּנָיָ֧הוּa בֶן־יְהֹויָדָ֛ע הַכֹּהֵ֖ן רֹ֑אשׁ וְעַל֙ מַחֲלֻקְתֹּ֔וb עֶשְׂרִ֥ים וְאַרְבָּעָ֖ה אָֽלֶף׃

6 ה֧וּא בְנָיָ֛הוּa גִּבֹּ֥ור הַשְּׁלֹשִׁ֖ים וְעַל־הַשְּׁלֹשִׁ֑ים וּמַ֣חֲלֻקְתֹּ֔וb עַמִּיזָבָ֖דc בְּנֹֽו׃ ס

7 הָֽרְבִיעִ֞י לַחֹ֣דֶשׁ הָרְבִיעִ֗י עֲשָׂה־אֵל֙a אֲחִ֣י יֹואָ֔ב וּזְבַדְיָ֥הb בְנֹ֖ו אַחֲרָ֑יו וְעַל֙ מַחֲלֻקְתֹּ֔וc עֶשְׂרִ֥ים וְאַרְבָּעָ֖ה אָֽלֶף׃ ס

8 הַחַמִישִׁי֙a לַחֹ֣דֶשׁ הַחֲמִישִׁ֔יb הַשַּׂ֖ר שַׁמְה֣וּתc הַיִּזְרָ֑חd וְעַל֙ מַחֲלֻקְתֹּ֔וe עֶשְׂרִ֥ים וְאַרְבָּעָ֖ה אָֽלֶף׃ ס

9 הַשִּׁשִּׁי֙a לַחֹ֣דֶשׁ הַשִּׁשִּׁ֔יb עִירָ֥אc בֶן־עִקֵּ֖שׁd הַתְּקֹועִ֑יe וְעַל֙ מַחֲלֻקְתֹּ֔וf עֶשְׂרִ֥ים וְאַרְבָּעָ֖ה אָֽלֶף׃ ס

10 הַשְּׁבִיעִי֙ לַחֹ֣דֶשׁ הַשְּׁבִיעִ֔י חֶ֥לֶץa הַפְּלֹונִ֖יb מִן־בְּנֵ֣י אֶפְרָ֑יִם וְעַל֙ מַחֲלֻקְתֹּ֔וc עֶשְׂרִ֥ים וְאַרְבָּעָ֖ה אָֽלֶף׃ ס

11 הַשְּׁמִינִי֙a לַחֹ֣דֶשׁ הַשְּׁמִינִ֔יb סִבְּכַ֥יc הַחֻשָׁתִ֖יd לַזַּרְחִ֑יe וְעַל֙ מַחֲלֻקְתֹּ֔וf עֶשְׂרִ֥ים וְאַרְבָּעָ֖ה אָֽלֶף׃ ס

12 הַתְּשִׁיעִי֙a לַחֹ֣דֶשׁ הַתְּשִׁיעִ֔יb אֲבִיעֶ֥זֶרc הָעַנְּתֹתִ֖יd לבןימיניe וְעַל֙ מַחֲלֻקְתֹּ֔וf עֶשְׂרִ֥ים וְאַרְבָּעָ֖ה אָֽלֶף׃ ס

13 הָעֲשִׂירִי֙a לַחֹ֣דֶשׁ הָעֲשִׂירִ֔יb מַהְרַ֥יc הַנְּטֹֽופָתִ֖יd לַזַּרְחִ֑יe וְעַל֙ מַֽחֲלֻקְתֹּ֔וf עֶשְׂרִ֥ים וְאַרְבָּעָ֖ה אָֽלֶף׃ ס

14 עַשְׁתֵּֽיa ־עָשָׂר֙ לְעַשְׁתֵּ֣יb ־עָשָׂ֣ר הַחֹ֔דֶשׁ בְּנָיָ֥הc הַפִּרְעָתֹונִ֖יd מִן־בְּנֵ֣י אֶפְרָ֑יִם וְעַל֙ מַחֲלֻקְתֹּ֔וe עֶשְׂרִ֥ים וְאַרְבָּעָ֖ה אָֽלֶף׃ ס

15 הַשְּׁנֵ֤ים עָשָׂר֙ לִשְׁנֵ֣ים עָשָׂ֣ר הַחֹ֔דֶשׁ חֶלְדַּ֥יa הַנְּטֹופָתִ֖יb לְעָתְנִיאֵ֑לc וְעַל֙ מַחֲלֻקְתֹּ֔וd עֶשְׂרִ֥ים וְאַרְבָּעָ֖ה אָֽלֶף׃ פ

16 וְעַל֙ שִׁבְטֵ֣י יִשְׂרָאֵ֔ל לָרֽאוּבֵנִ֣יa נָגִ֔ידb אֱלִיעֶ֖זֶרc בֶּן־זִכְרִ֑יd ס לַשִּׁ֨מְעֹונִ֔יe שְׁפַטְיָ֖הוּf בֶּֽן־מַעֲכָֽהg ׃ ס

17 לְלֵוִ֛י חֲשַׁבְיָ֥הa בֶן־קְמוּאֵ֖לb לְאַהֲרֹ֥ן צָדֹֽוק׃ ס

18 לִֽיהוּדָ֕ה אֱלִיה֖וּa מֵאֲחֵ֣י דָוִ֑יד לְיִ֨שָׂשכָ֔רb עָמְרִ֖יc בֶּן־מִיכָאֵֽלd ׃ ס

19 לִזְבוּלֻ֕ןa יִֽשְׁמַֽעְיָ֖הוּb בֶּן־עֹבַדְיָ֑הוּc לְנַ֨פְתָּלִ֔י יְרִימֹ֖ותd בֶּן־עַזְרִיאֵֽלe ׃ ס

20 לִבְנֵ֣י אֶפְרַ֔יִם הֹושֵׁ֖עַa בֶּן־עֲזַזְיָ֑הוּb לַחֲצִי֙ שֵׁ֣בֶט מְנַשֶּׁ֔ה יֹואֵ֖לc בֶּן־פְּדָיָֽהוּd ׃ ס

21 לַחֲצִ֤י הַֽמְנַשֶּׁה֙ גִּלְעָ֔דָה יִדֹּ֖וa בֶּן־זְכַרְיָ֑הוּb ס לְבִנְיָמִ֔ן יַעֲשִׂיאֵ֖לc בֶּן־אַבְנֵֽר׃ ס

22 לְדָ֕ן עֲזַרְאֵ֖לa בֶּן־יְרֹחָ֑םb אֵ֕לֶּה שָׂרֵ֖י שִׁבְטֵ֥י יִשְׂרָאֵֽל׃

23 וְלֹא־נָשָׂ֤אa דָוִיד֙ מִסְפָּרָ֔ם לְמִבֶּ֛ן עֶשְׂרִ֥ים שָׁנָ֖ה וּלְמָ֑טָּהb כִּ֚י אָמַ֣רc יְהוָ֔ה לְהַרְבֹּ֥ותd אֶת־יִשְׂרָאֵ֖ל כְּכֹוכְבֵ֥יe הַשָּׁמָֽיִם׃

24 יֹואָ֨ב בֶּן־צְרוּיָ֜הa הֵחֵ֤לb לִמְנֹות֙c וְלֹ֣א כִלָּ֔הd וַיְהִ֥יe בָזֹ֛את קֶ֖צֶףf עַל־יִשְׂרָאֵ֑ל וְלֹ֤א עָלָה֙g הַמִּסְפָּ֔ר בְּמִסְפַּ֥ר דִּבְרֵֽי־הַיָּמִ֖ים לַמֶּ֥לֶךְ דָּוִֽיד׃ ס

25 וְעַל֙ אֹצְרֹ֣ות הַמֶּ֔לֶךְ עַזְמָ֖וֶתa בֶּן־עֲדִיאֵ֑לb ס וְעַ֣ל הָֽאֹצָרֹ֡ות בַּשָּׂדֶ֞ה בֶּעָרִ֤ים וּבַכְּפָרִים֙c וּבַמִּגְדָּלֹ֔ותd יְהֹונָתָ֖ן בֶּן־עֻזִּיָּֽהוּe ׃ ס

26 וְעַ֗ל עֹשֵׂי֙ מְלֶ֣אכֶת הַשָּׂדֶ֔ה לַעֲבֹדַ֖ת הָאֲדָמָ֑ה עֶזְרִ֖יa בֶּן־כְּלֽוּבb ׃

27 וְעַל־הַ֨כְּרָמִ֔ים שִׁמְעִ֖יa הָרָֽמָתִ֑יb וְעַ֤ל שֶׁבַּכְּרָמִים֙ לְאֹצְרֹ֣ות הַיַּ֔יִן זַבְדִּ֖יc הַשִּׁפְמִֽיd ׃ ס

28 וְעַל־הַזֵּיתִ֤יםa וְהַשִּׁקְמִים֙b אֲשֶׁ֣ר בַּשְּׁפֵלָ֔הc בַּ֥עַל חָנָ֖ןd הַגְּדֵרִ֑יe ס וְעַל־אֹצְרֹ֥ות הַשֶּׁ֖מֶן יֹועָֽשׁf ׃ ס

29 וְעַל־הַבָּקָר֙ הָרֹעִ֣יםa בַּשָּׁרֹ֔וןb שׁטריc הַשָּׁרֹונִ֑יd וְעַל־הַבָּקָר֙ בָּֽעֲמָקִ֔ים שָׁפָ֖טe בֶּן־עַדְלָֽיf ׃ ס

30 וְעַל־הַ֨גְּמַלִּ֔ים אֹובִ֖ילa הַיִּשְׁמְעֵלִ֑יb וְעַל־הָ֣אֲתֹנֹ֔ותc יֶחְדְּיָ֖הוּd הַמֵּרֹנֹתִֽיe ׃ ס

31 וְעַל־הַצֹּ֖אן יָזִ֣יזa הַֽהַגְרִ֑יb כָּל־אֵ֨לֶּה֙ שָׂרֵ֣י הָרְכ֔וּשׁc אֲשֶׁ֖ר לַמֶּ֥לֶךְ דָּוִֽיד׃

32 וִֽיהֹונָתָ֤ן דֹּוד־דָּוִיד֙ יֹועֵ֔ץ אִישׁ־מֵבִ֥ין וְסֹופֵ֖ר ה֑וּא וִֽיחִיאֵ֥לa בֶּן־חַכְמֹונִ֖יb עִם־בְּנֵ֥י הַמֶּֽלֶךְ׃

33 וַאֲחִיתֹ֖פֶלa יֹועֵ֣ץ לַמֶּ֑לֶךְ ס וְחוּשַׁ֥יb הָאַרְכִּ֖יc רֵ֥עַ הַמֶּֽלֶךְ׃

34 וְאַחֲרֵ֣י אֲחִיתֹ֗פֶלa יְהֹויָדָ֤ע בֶּן־בְּנָיָ֨הוּ֙b וְאֶבְיָתָ֔רc וְשַׂר־צָבָ֥א לַמֶּ֖לֶךְ יֹואָֽב׃ פ