דברי הימים א

וְלִבְנֵ֥י אַהֲרֹ֖ן מַחְלְקֹותָ֑םa בְּנֵ֣י אַהֲרֹ֔ן נָדָב֙b וַאֲבִיה֔וּאc אֶלְעָזָ֖ר וְאִיתָמָֽרd ׃

2 וַיָּ֨מָתa נָדָ֤בb וַאֲבִיהוּא֙c לִפְנֵ֣י אֲבִיהֶ֔ם וּבָנִ֖ים לֹא־הָי֣וּd לָהֶ֑ם וַֽיְכַהֲנ֔וּe אֶלְעָזָ֖ר וְאִיתָמָֽרf ׃

3 וַיֶּֽחָלְקֵ֣םa דָּוִ֔יד וְצָדֹוק֙ מִן־בְּנֵ֣י אֶלְעָזָ֔ר וַאֲחִימֶ֖לֶךְb מִן־בְּנֵ֣י אִיתָמָ֑רc לִפְקֻדָּתָ֖םd בַּעֲבֹדָתָֽם׃

4 וַיִּמָּצְא֣וּa בְֽנֵי־אֶלְעָזָ֡ר רַבִּ֞ים לְרָאשֵׁ֧י הַגְּבָרִ֛ים מִן־בְּנֵ֥י אִיתָמָ֖רb וַֽיַּחְלְק֑וּםc לִבְנֵ֨י אֶלְעָזָ֜ר רָאשִׁ֤ים לְבֵית־אָבֹות֙ שִׁשָּׁ֣ה עָשָׂ֔ר וְלִבְנֵ֧י אִיתָמָ֛רd לְבֵ֥ית אֲבֹותָ֖ם שְׁמֹונָֽה׃

5 וַיַּחְלְק֥וּםa בְּגֹורָלֹ֖ות אֵ֣לֶּה עִם־אֵ֑לֶּה כִּי־הָי֤וּb שָֽׂרֵי־קֹ֨דֶשׁ֙ וְשָׂרֵ֣י הָאֱלֹהִ֔ים מִבְּנֵ֥י אֶלְעָזָ֖ר וּבִבְנֵ֥י אִיתָמָֽרc ׃ ס

6 וַֽיִּכְתְּבֵ֡םa שְֽׁמַֽעְיָה֩b בֶן־נְתַנְאֵ֨לc הַסֹּופֵ֜ר מִן־הַלֵּוִ֗י לִפְנֵ֨י הַמֶּ֤לֶךְ וְהַשָּׂרִים֙ וְצָדֹ֣וק הַכֹּהֵ֗ן וַאֲחִימֶ֨לֶךְ֙d בֶּן־אֶבְיָתָ֔רe וְרָאשֵׁי֙ הָֽאָבֹ֔ות לַכֹּהֲנִ֖ים וְלַלְוִיִּ֑ם בֵּֽית־אָ֣ב אֶחָ֗ד אָחֻז֙f לְאֶלְעָזָ֔ר וְאָחֻ֥זg ׀ אָחֻ֖זh לְאִיתָמָֽרi ׃ פ

7 וַיֵּצֵ֞אa הַגֹּורָ֤ל הָרִאשֹׁון֙ לִיהֹ֣ויָרִ֔יבb לִֽידַעְיָ֖הc הַשֵּׁנִֽי׃

8 לְחָרִם֙a הַשְּׁלִישִׁ֔י לִשְׂעֹרִ֖יםb הָרְבִעִֽי׃

9 לְמַלְכִּיָּה֙a הַחֲמִישִׁ֔יb לְמִיָּמִ֖ןc הַשִּׁשִּֽׁיd ׃

10 לְהַקֹּוץ֙a הַשְּׁבִעִ֔י לַאֲבִיָּ֖הb הַשְּׁמִינִֽיc ׃

11 לְיֵשׁ֨וּעַ֙a הַתְּשִׁעִ֔יb לִשְׁכַנְיָ֖הוּc הָעֲשִׂרִֽיd ׃

12 לְאֶלְיָשִׁיב֙a עַשְׁתֵּ֣יb עָשָׂ֔ר לְיָקִ֖יםc שְׁנֵ֥ים עָשָֽׂר׃

13 לְחֻפָּה֙a שְׁלֹשָׁ֣ה עָשָׂ֔ר לְיֶֽשֶׁבְאָ֖בb אַרְבָּעָ֥ה עָשָֽׂר׃

14 לְבִלְגָּה֙a חֲמִשָּׁ֣ה עָשָׂ֔ר לְאִמֵּ֖רb שִׁשָּׁ֥ה עָשָֽׂר׃

15 לְחֵזִיר֙a שִׁבְעָ֣ה עָשָׂ֔ר לְהַפִּצֵּ֖ץb שְׁמֹונָ֥ה עָשָֽׂר׃

16 לִֽפְתַחְיָה֙a תִּשְׁעָ֣ה עָשָׂ֔ר לִֽיחֶזְקֵ֖אלb הָעֶשְׂרִֽים׃

17 לְיָכִין֙a אֶחָ֣ד וְעֶשְׂרִ֔ים לְגָמ֖וּלb שְׁנַ֥יִם וְעֶשְׂרִֽים׃

18 לִדְלָיָ֨הוּ֙a שְׁלֹשָׁ֣ה וְעֶשְׂרִ֔ים לְמַֽעַזְיָ֖הוּb אַרְבָּעָ֥ה וְעֶשְׂרִֽים׃ פ

19 אֵ֣לֶּה פְקֻדָּתָ֞םa לַעֲבֹדָתָ֗ם לָבֹ֤ואb לְבֵית־יְהוָה֙ כְּמִשְׁפָּטָ֔ם בְּיַ֖ד אַהֲרֹ֣ן אֲבִיהֶ֑ם כַּאֲשֶׁ֣ר צִוָּ֔הוּc יְהוָ֖ה אֱלֹהֵ֥י יִשְׂרָאֵֽל׃ פ

20 וְלִבְנֵ֥י לֵוִ֖י הַנֹּותָרִ֑יםa לִבְנֵ֤י עַמְרָם֙b שֽׁוּבָאֵ֔לc לִבְנֵ֥י שׁוּבָאֵ֖לd יֶחְדְּיָֽהוּe ׃

21 לִרְחַבְיָ֑הוּa לִבְנֵ֣י רְחַבְיָ֔הוּb הָרֹ֖אשׁ יִשִּׁיָּֽהc ׃

22 לַיִּצְהָרִ֣יa שְׁלֹמֹ֔ותb לִבְנֵ֥י שְׁלֹמֹ֖ותc יָֽחַתd ׃

23 וּבְנָ֖י יְרִיָּ֑הוּa אֲמַרְיָ֨הוּ֙b הַשֵּׁנִ֔י יַחֲזִיאֵל֙c הַשְּׁלִישִׁ֔י יְקַמְעָ֖םd הָרְבִיעִֽי׃

24 בְּנֵ֤י עֻזִּיאֵל֙a מִיכָ֔הb לִבְנֵ֥י מִיכָ֖הc שׁמורd ׃

25 אֲחִ֤י מִיכָה֙a יִשִּׁיָּ֔הb לִבְנֵ֥י יִשִּׁיָּ֖הc זְכַרְיָֽהוּd ׃

26 בְּנֵ֤י מְרָרִי֙a מַחְלִ֣יb וּמוּשִׁ֔יc בְּנֵ֖י יַעֲזִיָּ֥הֽוּd בְנֹֽו׃

27 בְּנֵ֖י מְרָרִ֑יa לְיַֽעֲזִיָּ֣הֽוּb בְנֹ֔ו וְשֹׁ֥הַםc וְזַכּ֖וּרd וְעִבְרִֽיe ׃

28 לְמַחְלִי֙a אֶלְעָזָ֔ר וְלֹא־הָ֥יָהb לֹ֖ו בָּנִֽים׃

29 לְקִ֖ישׁa בְּנֵי־קִ֥ישׁb יְרַחְמְאֵֽלc ׃

30 וּבְנֵ֣י מוּשִׁ֔יa מַחְלִ֥יb וְעֵ֖דֶרc וִירִימֹ֑ותd אֵ֛לֶּה בְּנֵ֥י הַלְוִיִּ֖ם לְבֵ֥ית אֲבֹתֵיהֶֽם׃

31 וַיַּפִּילוּ֩a גַם־הֵ֨ם גֹּורָלֹ֜ות לְעֻמַּ֣תb ׀ אֲחֵיהֶ֣ם בְּנֵֽי־אַהֲרֹ֗ן לִפְנֵ֨י דָוִ֤יד הַמֶּ֨לֶךְ֙ וְצָדֹ֣וק וַאֲחִימֶ֔לֶךְc וְרָאשֵׁי֙ הָֽאָבֹ֔ות לַכֹּהֲנִ֖ים וְלַלְוִיִּ֑ם אָבֹ֣ות הָרֹ֔אשׁ לְעֻמַּ֖תd אָחִ֥יו הַקָּטָֽןe ׃ ס