דברי הימים א

וְדָוִ֥יד זָקֵ֖ןa וְשָׂבַ֣עb יָמִ֑ים וַיַּמְלֵ֛ךְc אֶת־שְׁלֹמֹ֥ה בְנֹ֖ו עַל־יִשְׂרָאֵֽל׃

2 וַיֶּאֱסֹף֙a אֶת־כָּל־שָׂרֵ֣י יִשְׂרָאֵ֔ל וְהַכֹּהֲנִ֖ים וְהַלְוִיִּֽם׃

3 וַיִּסָּֽפְרוּ֙a הַלְוִיִּ֔ם מִבֶּ֛ן שְׁלֹשִׁ֥ים שָׁנָ֖ה וָמָ֑עְלָה וַיְהִ֨יb מִסְפָּרָ֤ם לְגֻלְגְּלֹתָם֙c לִגְבָרִ֔ים שְׁלֹשִׁ֥ים וּשְׁמֹונָ֖ה אָֽלֶף׃

4 מֵאֵ֗לֶּה לְנַצֵּ֨חַ֙a עַל־מְלֶ֣אכֶת בֵּית־יְהוָ֔ה עֶשְׂרִ֥ים וְאַרְבָּעָ֖ה אָ֑לֶף וְשֹׁטְרִ֥יםb וְשֹׁפְטִ֖ים שֵׁ֥שֶׁת אֲלָפִֽים׃

5 וְאַרְבַּ֥עַת אֲלָפִ֖ים שֹׁעֲרִ֑יםa וְאַרְבַּ֤עַת אֲלָפִים֙ מְהַֽלְלִ֣יםb לַיהוָ֔ה בַּכֵּלִ֕ים אֲשֶׁ֥ר עָשִׂ֖יתִיc לְהַלֵּֽלd ׃

6 וַיֶּֽחָלְקֵ֥םa דָּוִ֖יד מַחְלְקֹ֑ותb ס לִבְנֵ֣י לֵוִ֔י לְגֵרְשֹׁ֖וןc קְהָ֥תd וּמְרָרִֽיe ׃ ס

7 לַגֵּרְשֻׁנִּ֖יa לַעְדָּ֥ןb וְשִׁמְעִֽיc ׃ ס

8 בְּנֵ֣י לַעְדָּ֗ןa הָרֹ֧אשׁ יְחִיאֵ֛לb וְזֵתָ֥םc וְיֹואֵ֖לd שְׁלֹשָֽׁה׃ ס

9 בְּנֵ֣י שִׁמְעִ֗יa שׁלמותb וַחֲזִיאֵ֛לc וְהָרָ֖ןd שְׁלֹשָׁ֑ה אֵ֛לֶּה רָאשֵׁ֥י הָאָבֹ֖ות לְלַעְדָּֽןe ׃ ס

10 וּבְנֵ֣י שִׁמְעִ֔יa יַ֣חַתb זִינָ֔אc וִיע֖וּשׁd וּבְרִיעָ֑הe אֵ֥לֶּה בְנֵי־שִׁמְעִ֖יf אַרְבָּעָֽה׃

11 וַֽיְהִיa ־יַ֣חַתb הָרֹ֔אשׁ וְזִיזָ֖הc הַשֵּׁנִ֑י וִיע֤וּשׁd וּבְרִיעָה֙e לֹֽא־הִרְבּ֣וּf בָנִ֔ים וַיִּֽהְיוּ֙g לְבֵ֣ית אָ֔ב לִפְקֻדָּ֖הh אֶחָֽת׃ ס

12 בְּנֵ֣י קְהָ֗תa עַמְרָ֥םb יִצְהָ֛רc חֶבְרֹ֥וןd וְעֻזִּיאֵ֖לe אַרְבָּעָֽה׃ ס

13 בְּנֵ֥י עַמְרָ֖םa אַהֲרֹ֣ן וּמֹשֶׁ֑ה וַיִּבָּדֵ֣לb אַהֲרֹ֡ן לְֽהַקְדִּישֹׁו֩c קֹ֨דֶשׁ קָֽדָשִׁ֤ים הֽוּא־וּבָנָיו֙ עַד־עֹולָ֔ם לְהַקְטִיר֩d לִפְנֵ֨י יְהוָ֧ה לְשָׁרְתֹ֛וe וּלְבָרֵ֥ךְf בִּשְׁמֹ֖ו עַד־עֹולָֽם׃

14 וּמֹשֶׁ֖ה אִ֣ישׁ הָאֱלֹהִ֑ים בָּנָ֕יו יִקָּרְא֖וּa עַל־שֵׁ֥בֶט הַלֵּוִֽי׃

15 בְּנֵ֣י מֹשֶׁ֔ה גֵּרְשֹׁ֖םa וֶאֱלִיעֶֽזֶרb ׃

16 בְּנֵ֥י גֵרְשֹׁ֖וםa שְׁבוּאֵ֥לb הָרֹֽאשׁ׃

17 וַיִּֽהְי֥וּa בְנֵי־אֱלִיעֶ֖זֶרb רְחַבְיָ֣הc הָרֹ֑אשׁ וְלֹא־הָיָ֤הd לֶאֱלִיעֶ֨זֶר֙e בָּנִ֣ים אֲחֵרִ֔ים וּבְנֵ֥י רְחַבְיָ֖הf רָב֥וּg לְמָֽעְלָה׃

18 בְּנֵ֥י יִצְהָ֖רa שְׁלֹמִ֥יתb הָרֹֽאשׁ׃ ס

19 בְּנֵ֖י חֶבְרֹ֑וןa יְרִיָּ֤הוּb הָרֹאשׁ֙ אֲמַרְיָ֣הc הַשֵּׁנִ֔י יַחֲזִיאֵל֙d הַשְּׁלִישִׁ֔י וִֽיקַמְעָ֖םe הָרְבִיעִֽי׃

20 בְּנֵ֖י עֻזִּיאֵ֑לa מִיכָ֣הb הָרֹ֔אשׁ וְיִשִּׁיָּ֖הc הַשֵּׁנִֽי׃ ס

21 בְּנֵ֤י מְרָרִי֙a מַחְלִ֣יb וּמוּשִׁ֔יc בְּנֵ֥י מַחְלִ֖יd אֶלְעָזָ֥ר וְקִֽישׁe ׃

22 וַיָּ֨מָת֙a אֶלְעָזָ֔ר וְלֹא־הָ֥יוּb לֹ֛ו בָּנִ֖ים כִּ֣י אִם־בָּנֹ֑ות וַיִּשָּׂא֥וּםc בְּנֵי־קִ֖ישׁd אֲחֵיהֶֽם׃

23 בְּנֵ֣י מוּשִׁ֗יa מַחְלִ֥יb וְעֵ֛דֶרc וִירֵמֹ֖ותd שְׁלֹשָֽׁה׃

24 אֵ֣לֶּה בְנֵֽי־לֵוִי֩ לְבֵ֨ית אֲבֹתֵיהֶ֜ם רָאשֵׁ֧י הָאָבֹ֣ות לִפְקוּדֵיהֶ֗ם בְּמִסְפַּ֤ר שֵׁמֹות֙ לְגֻלְגְּלֹתָ֔םa עֹשֵׂה֙b הַמְּלָאכָ֔ה לַעֲבֹדַ֖ת בֵּ֣ית יְהוָ֑ה מִבֶּ֛ן עֶשְׂרִ֥ים שָׁנָ֖ה וָמָֽעְלָה׃

25 כִּ֚י אָמַ֣רa דָּוִ֔יד הֵנִ֛יחַb יְהוָ֥ה אֱלֹהֵֽי־יִשְׂרָאֵ֖ל לְעַמֹּ֑ו וַיִּשְׁכֹּ֥ןc בִּירוּשָׁלִַ֖ם עַד־לְעֹולָֽם׃

26 וְגַ֖ם לַלְוִיִּ֑ם אֵין־לָשֵׂ֧אתa אֶת־הַמִּשְׁכָּ֛ן וְאֶת־כָּל־כֵּלָ֖יו לַעֲבֹדָתֹֽו׃

27 כִּ֣י בְדִבְרֵ֤י דָוִיד֙ הָאַ֣חֲרֹנִ֔ים הֵ֖מָּה מִסְפַּ֣ר בְּנֵי־לֵוִ֑י מִבֶּ֛ן עֶשְׂרִ֥ים שָׁנָ֖ה וּלְמָֽעְלָה׃

28 כִּ֣י מַעֲמָדָ֞םa לְיַד־בְּנֵ֣י אַהֲרֹ֗ן לַעֲבֹדַת֙ בֵּ֣ית יְהוָ֔ה עַל־הַחֲצֵרֹות֙ וְעַל־הַלְּשָׁכֹ֔ותb וְעַֽל־טָהֳרַ֖תc לְכָל־קֹ֑דֶשׁ וּמַֽעֲשֵׂ֔ה עֲבֹדַ֖ת בֵּ֥ית הָאֱלֹהִֽים׃

29 וּלְלֶ֨חֶם הַֽמַּעֲרֶ֜כֶתa וּלְסֹ֤לֶת לְמִנְחָה֙ וְלִרְקִיקֵ֣יb הַמַּצֹּ֔ות וְלַֽמַּחֲבַ֖תc וְלַמֻּרְבָּ֑כֶתd וּלְכָל־מְשׂוּרָ֖הe וּמִדָּֽה׃

30 וְלַעֲמֹד֙a בַּבֹּ֣קֶר בַּבֹּ֔קֶר לְהֹדֹ֥ותb וּלְהַלֵּ֖לc לַיהוָ֑ה וְכֵ֖ן לָעָֽרֶב׃

31 וּלְכֹ֨ל הַעֲלֹ֤ותa עֹלֹות֙ לַיהוָ֔ה לַשַּׁבָּתֹ֔ות לֶחֳדָשִׁ֖ים וְלַמֹּעֲדִ֑ים בְּמִסְפָּ֨ר כְּמִשְׁפָּ֧ט עֲלֵיהֶ֛ם תָּמִ֖יד לִפְנֵ֥י יְהוָֽה׃

32 וְשָׁמְר֞וּa אֶת־מִשְׁמֶ֣רֶת אֹֽהֶל־מֹועֵ֗ד וְאֵת֙ מִשְׁמֶ֣רֶת הַקֹּ֔דֶשׁ וּמִשְׁמֶ֕רֶת בְּנֵ֥י אַהֲרֹ֖ן אֲחֵיהֶ֑ם לַעֲבֹדַ֖ת בֵּ֥ית יְהוָֽה׃ פ