דברי הימים א

וַיֹּ֣אמֶרa דָּוִ֔יד זֶ֣ה ה֔וּא בֵּ֖ית יְהוָ֣ה הָאֱלֹהִ֑ים וְזֶה־מִּזְבֵּ֥חַ לְעֹלָ֖ה לְיִשְׂרָאֵֽל׃ ס

2 וַיֹּ֣אמֶרa דָּוִ֔יד לִכְנֹוס֙b אֶת־הַגֵּרִ֔ים אֲשֶׁ֖ר בְּאֶ֣רֶץ יִשְׂרָאֵ֑ל וַיַּעֲמֵ֣דc חֹֽצְבִ֗יםd לַחְצֹוב֙e אַבְנֵ֣י גָזִ֔יתf לִבְנֹ֖ותg בֵּ֥ית הָאֱלֹהִֽים׃

3 וּבַרְזֶ֣ל׀ לָ֠רֹב לַֽמִּסְמְרִ֞יםa לְדַלְתֹ֧ות הַשְּׁעָרִ֛ים וְלַֽמְחַבְּרֹ֖ותb הֵכִ֣יןc דָּוִ֑יד וּנְחֹ֥שֶׁת לָרֹ֖ב אֵ֥ין מִשְׁקָֽלd ׃

4 וַעֲצֵ֥י אֲרָזִ֖ים לְאֵ֣ין מִסְפָּ֑ר כִּֽי הֵ֠בִיאוּa הַצִּֽידֹנִ֨יםb וְהַצֹּרִ֜יםc עֲצֵ֧י אֲרָזִ֛ים לָרֹ֖ב לְדָוִֽיד׃ פ

5 וַיֹּ֣אמֶרa דָּוִ֗יד שְׁלֹמֹ֣ה בְנִי֮ נַ֣עַר וָרָךְ֒b וְהַבַּ֜יִת לִבְנֹ֣ותc לַיהוָ֗ה לְהַגְדִּ֨ילd ׀ לְמַ֜עְלָה לְשֵׁ֤ם וּלְתִפְאֶ֨רֶת֙e לְכָל־הָ֣אֲרָצֹ֔ות אָכִ֥ינָהf נָּ֖א לֹ֑ו וַיָּ֧כֶןg דָּוִ֛יד לָרֹ֖ב לִפְנֵ֥י מֹותֹֽו׃

6 וַיִּקְרָ֖אa לִשְׁלֹמֹ֣ה בְנֹ֑ו וַיְצַוֵּ֨הוּ֙b לִבְנֹ֣ותc בַּ֔יִת לַיהוָ֖ה אֱלֹהֵ֥י יִשְׂרָאֵֽל׃ ס

7 וַיֹּ֥אמֶרa דָּוִ֖יד לִשְׁלֹמֹ֑ה בנוb אֲנִי֙ הָיָ֣הc עִם־לְבָבִ֔י לִבְנֹ֣ותd בַּ֔יִת לְשֵׁ֖ם יְהוָ֥ה אֱלֹהָֽי׃

8 וַיְהִ֨יa עָלַ֤י דְּבַר־יְהוָה֙ לֵאמֹ֔רb דָּ֤ם לָרֹב֙ שָׁפַ֔כְתָּc וּמִלְחָמֹ֥ות גְּדֹלֹ֖ות עָשִׂ֑יתָd לֹֽא־תִבְנֶ֥הe בַ֨יִת֙ לִשְׁמִ֔י כִּ֚י דָּמִ֣ים רַבִּ֔ים שָׁפַ֥כְתָּf אַ֖רְצָה לְפָנָֽי׃

9 הִנֵּה־בֵ֞ן נֹולָ֣דa לָ֗ךְ ה֤וּא יִהְיֶה֙b אִ֣ישׁ מְנוּחָ֔הc וַהֲנִחֹ֥ותִיd לֹ֛ו מִכָּל־אֹויְבָ֖יו מִסָּבִ֑יב כִּ֤י שְׁלֹמֹה֙ יִהְיֶ֣הe שְׁמֹ֔ו וְשָׁלֹ֥ום וָשֶׁ֛קֶטf אֶתֵּ֥ןg עַל־יִשְׂרָאֵ֖ל בְּיָמָֽיו׃

10 הֽוּא־יִבְנֶ֥הa בַ֨יִת֙ לִשְׁמִ֔י וְהוּא֙ יִהְיֶהb ־לִּ֣י לְבֵ֔ן וַאֲנִי־לֹ֖ו לְאָ֑ב וַהֲכִ֨ינֹותִ֜יc כִּסֵּ֧א מַלְכוּתֹ֛ו עַל־יִשְׂרָאֵ֖ל עַד־עֹולָֽם׃

11 עַתָּ֣ה בְנִ֔י יְהִ֥יa יְהוָ֖ה עִמָּ֑ךְ וְהִצְלַחְתָּ֗b וּבָנִ֨יתָ֙c בֵּ֚ית יְהוָ֣ה אֱלֹהֶ֔יךָ כַּאֲשֶׁ֖ר דִּבֶּ֥רd עָלֶֽיךָ׃

12 אַ֣ךְ יִֽתֶּןa ־לְּךָ֤ יְהוָה֙ שֵׂ֣כֶלb וּבִינָ֔הc וִֽיצַוְּךָ֖d עַל־יִשְׂרָאֵ֑ל וְלִשְׁמֹ֕ורe אֶת־תֹּורַ֖ת יְהוָ֥ה אֱלֹהֶֽיךָ׃

13 אָ֣ז תַּצְלִ֔יחַa אִם־תִּשְׁמֹ֗ורb לַעֲשֹׂות֙c אֶת־הַֽחֻקִּ֣ים וְאֶת־הַמִּשְׁפָּטִ֔ים אֲשֶׁ֨ר צִוָּ֧הd יְהוָ֛ה אֶת־מֹשֶׁ֖ה עַל־יִשְׂרָאֵ֑ל חֲזַ֣קe וֶאֱמָ֔ץf אַל־תִּירָ֖אg וְאַל־תֵּחָֽתh ׃

14 וְהִנֵּ֨ה בְעָנְיִ֜יa הֲכִינֹ֣ותִיb לְבֵית־יְהוָ֗ה זָהָ֞ב כִּכָּרִ֤ים מֵֽאָה־אֶ֨לֶף֙ וְכֶ֗סֶף אֶ֤לֶף אֲלָפִים֙ כִּכָּרִ֔ים וְלַנְּחֹ֤שֶׁת וְלַבַּרְזֶל֙ אֵ֣ין מִשְׁקָ֔לc כִּ֥י לָרֹ֖ב הָיָ֑הd וְעֵצִ֤ים וַאֲבָנִים֙ הֲכִינֹ֔ותִיe וַעֲלֵיהֶ֖ם תֹּוסִֽיףf ׃

15 וְעִמְּךָ֤ לָרֹב֙ עֹשֵׂ֣י מְלָאכָ֔ה חֹצְבִ֕יםa וְחָרָשֵׁ֥יb אֶ֖בֶן וָעֵ֑ץ וְכָל־חָכָ֖ם בְּכָל־מְלָאכָֽה׃

16 לַזָּהָ֥ב לַכֶּ֛סֶף וְלַנְּחֹ֥שֶׁת וְלַבַּרְזֶ֖ל אֵ֣ין מִסְפָּ֑ר ק֣וּםa וַעֲשֵׂ֔הb וִיהִ֥יc יְהוָ֖ה עִמָּֽךְ׃

17 וַיְצַ֤וa דָּוִיד֙ לְכָל־שָׂרֵ֣י יִשְׂרָאֵ֔ל לַעְזֹ֖רb לִשְׁלֹמֹ֥ה בְנֹֽו׃

18 הֲלֹ֨א יְהוָ֤ה אֱלֹֽהֵיכֶם֙ עִמָּכֶ֔ם וְהֵנִ֥יחַa לָכֶ֖ם מִסָּבִ֑יב כִּ֣י׀ נָתַ֣ןb בְּיָדִ֗י אֵ֚ת יֹשְׁבֵ֣י הָאָ֔רֶץ וְנִכְבְּשָׁ֥הc הָאָ֛רֶץ לִפְנֵ֥י יְהוָ֖ה וְלִפְנֵ֥י עַמֹּֽו׃

19 עַתָּ֗ה תְּנ֤וּa לְבַבְכֶם֙ וְנַפְשְׁכֶ֔ם לִדְרֹ֖ושׁb לַיהוָ֣ה אֱלֹהֵיכֶ֑ם וְק֗וּמוּc וּבְנוּ֙d אֶת־מִקְדַּשׁ֙ יְהוָ֣ה הָֽאֱלֹהִ֔ים לְהָבִ֞יאe אֶת־אֲרֹ֣ון בְּרִית־יְהוָ֗ה וּכְלֵי֙ קֹ֣דֶשׁ הָֽאֱלֹהִ֔ים לַבַּ֖יִת הַנִּבְנֶ֥הf לְשֵׁם־יְהוָֽה׃ פ