דברי הימים א

וַיַּֽעֲמֹ֥דa שָׂטָ֖ןb עַל־יִשְׂרָאֵ֑ל וַיָּ֨סֶת֙c אֶת־דָּוִ֔יד לִמְנֹ֖ותd אֶת־יִשְׂרָאֵֽל׃

2 וַיֹּ֨אמֶרa דָּוִ֤יד אֶל־יֹואָב֙ וְאֶל־שָׂרֵ֣י הָעָ֔ם לְכ֗וּb סִפְרוּ֙c אֶת־יִשְׂרָאֵ֔ל מִבְּאֵ֥ר שֶׁ֖בַעd וְעַד־דָּ֑ן וְהָבִ֣יאוּe אֵלַ֔י וְאֵדְעָ֖הf אֶת־מִסְפָּרָֽם׃

3 וַיֹּ֣אמֶרa יֹואָ֗ב יֹוסֵף֩b יְהוָ֨ה עַל־עַמֹּ֤ו׀ כָּהֵם֙ מֵאָ֣ה פְעָמִ֔ים הֲלֹא֙ אֲדֹנִ֣י הַמֶּ֔לֶךְ כֻּלָּ֥ם לַאדֹנִ֖י לַעֲבָדִ֑ים לָ֣מָּה יְבַקֵּ֥שׁc זֹאת֙ אֲדֹנִ֔י לָ֛מָּה יִהְיֶ֥הd לְאַשְׁמָ֖הe לְיִשְׂרָאֵֽל׃

4 וּדְבַר־הַמֶּ֖לֶךְ חָזַ֣קa עַל־יֹואָ֑ב וַיֵּצֵ֣אb יֹואָ֗ב וַיִּתְהַלֵּךְ֙c בְּכָל־יִשְׂרָאֵ֔ל וַיָּבֹ֖אd יְרוּשָׁלִָֽם׃

5 וַיִּתֵּ֥ןa יֹואָ֛ב אֶת־מִסְפַּ֥ר מִפְקַדb ־הָעָ֖ם אֶל־דָּוִ֑יד וַיְהִ֣יc כָֽל־יִשְׂרָאֵ֡ל אֶ֣לֶף אֲלָפִים֩ וּמֵאָ֨ה אֶ֤לֶף אִישׁ֙ שֹׁ֣לֵֽףd חֶ֔רֶב וִֽיהוּדָ֕ה אַרְבַּע֩ מֵאֹ֨ות וְשִׁבְעִ֥ים אֶ֛לֶף אִ֖ישׁ שֹׁ֥לֵֽףe חָֽרֶב׃

6 וְלֵוִי֙ וּבִנְיָמִ֔ן לֹ֥א פָקַ֖דa בְּתֹוכָ֑ם כִּֽי־נִתְעַ֥בb דְּבַר־הַמֶּ֖לֶךְ אֶת־יֹואָֽב׃

7 וַיֵּ֨רַע֙a בְּעֵינֵ֣י הָאֱלֹהִ֔ים עַל־הַדָּבָ֖ר הַזֶּ֑ה וַיַּ֖ךְb אֶת־יִשְׂרָאֵֽל׃ פ

8 וַיֹּ֤אמֶרa דָּוִיד֙ אֶל־הָ֣אֱלֹהִ֔ים חָטָ֣אתִֽיb מְאֹ֔ד אֲשֶׁ֥ר עָשִׂ֖יתִיc אֶת־הַדָּבָ֣ר הַזֶּ֑ה וְעַתָּ֗ה הַֽעֲבֶרd ־נָא֙ אֶת־עֲוֹ֣ון עַבְדְּךָ֔ כִּ֥י נִסְכַּ֖לְתִּיe מְאֹֽד׃ פ

9 וַיְדַבֵּ֤רa יְהוָה֙ אֶל־גָּ֔ד חֹזֵ֥הb דָוִ֖יד לֵאמֹֽרc ׃

10 לֵךְ֩a וְדִבַּרְתָּ֨b אֶל־דָּוִ֜יד לֵאמֹ֗רc כֹּ֚ה אָמַ֣רd יְהוָ֔ה שָׁלֹ֕ושׁ אֲנִ֖י נֹטֶ֣הe עָלֶ֑יךָ בְּחַרf ־לְךָ֛ אַחַ֥ת מֵהֵ֖נָּהg וְאֶֽעֱשֶׂהh ־לָּֽךְ׃

11 וַיָּ֥בֹאa גָ֖ד אֶל־דָּוִ֑יד וַיֹּ֥אמֶרb לֹ֛ו כֹּֽה־אָמַ֥רc יְהוָ֖ה קַבֶּלd ־לָֽךְ׃

12 אִם־שָׁלֹ֨ושׁ שָׁנִ֜ים רָעָ֗ב וְאִם־שְׁלֹשָׁ֨ה חֳדָשִׁ֜ים נִסְפֶּ֥הa מִפְּנֵי־צָרֶיךָ֮ וְחֶ֣רֶב אֹויְבֶ֣ךָ׀ לְמַשֶּׂגֶת֒b וְאִם־שְׁלֹ֣שֶׁת יָ֠מִים חֶ֣רֶב יְהוָ֤ה וְדֶ֨בֶר֙c בָּאָ֔רֶץ וּמַלְאַ֣ךְ יְהוָ֔ה מַשְׁחִ֖יתd בְּכָל־גְּב֣וּל יִשְׂרָאֵ֑ל וְעַתָּ֣ה רְאֵ֔הe מָֽה־אָשִׁ֥יבf אֶת־שֹׁלְחִ֖י דָּבָֽר׃ פ

13 וַיֹּ֧אמֶרa דָּוִ֛יד אֶל־גָּ֖ד צַרb ־לִ֣י מְאֹ֑ד אֶפְּלָהc ־נָּ֣א בְיַד־יְהוָ֗ה כִּֽי־רַבִּ֤ים רַחֲמָיו֙d מְאֹ֔ד וּבְיַד־אָדָ֖ם אַל־אֶפֹּֽלe ׃

14 וַיִּתֵּ֧ןa יְהוָ֛ה דֶּ֖בֶרb בְּיִשְׂרָאֵ֑ל וַיִּפֹּל֙c מִיִּשְׂרָאֵ֔ל שִׁבְעִ֥ים אֶ֖לֶף אִֽישׁ׃

15 וַיִּשְׁלַח֩a הָאֱלֹהִ֨ים׀ מַלְאָ֥ךְ׀ לִֽירוּשָׁלִַם֮ לְהַשְׁחִיתָהּ֒b וּכְהַשְׁחִ֗יתc רָאָ֤הd יְהוָה֙ וַיִּנָּ֣חֶםe עַל־הָֽרָעָ֔ה וַיֹּ֨אמֶרf לַמַּלְאָ֤ךְ הַמַּשְׁחִית֙ רַ֔ב עַתָּ֖ה הֶ֣רֶףg יָדֶ֑ךָ וּמַלְאַ֤ךְ יְהוָה֙ עֹמֵ֔דh עִם־גֹּ֖רֶןi אָרְנָ֥ןj הַיְבוּסִֽיk ׃ ס

16 וַיִּשָּׂ֨אa דָוִ֜יד אֶת־עֵינָ֗יו וַיַּ֞רְאb אֶת־מַלְאַ֤ךְ יְהוָה֙ עֹמֵ֗דc בֵּ֤ין הָאָ֨רֶץ֙ וּבֵ֣ין הַשָּׁמַ֔יִם וְחַרְבֹּ֤ו שְׁלוּפָה֙d בְּיָדֹ֔ו נְטוּיָ֖הe עַל־יְרוּשָׁלִָ֑ם וַיִּפֹּ֨לf דָּוִ֧יד וְהַזְּקֵנִ֛ים מְכֻסִּ֥יםg בַּשַּׂקִּ֖יםh עַל־פְּנֵיהֶֽם׃

17 וַיֹּ֣אמֶרa דָּוִ֣יד אֶֽל־הָאֱלֹהִ֡ים הֲלֹא֩ אֲנִ֨י אָמַ֜רְתִּיb לִמְנֹ֣ותc בָּעָ֗ם וַאֲנִי־ה֤וּא אֲשֶׁר־חָטָ֨אתִי֙d וְהָרֵ֣עַ הֲרֵעֹ֔ותִיe וְאֵ֥לֶּה הַצֹּ֖אן מֶ֣ה עָשׂ֑וּf יְהוָ֣ה אֱלֹהַ֗י תְּהִ֨יg נָ֤א יָֽדְךָ֙ בִּ֚י וּבְבֵ֣ית אָבִ֔י וּֽבְעַמְּךָ֖ לֹ֥א לְמַגֵּפָֽהh ׃ ס

18 וּמַלְאַ֧ךְ יְהוָ֛ה אָמַ֥רa אֶל־גָּ֖ד לֵאמֹ֣רb לְדָוִ֑יד כִּ֣י׀ יַעֲלֶ֣הc דָוִ֗יד לְהָקִ֤יםd מִזְבֵּ֨חַ֙ לַיהוָ֔ה בְּגֹ֖רֶןe אָרְנָ֥ןf הַיְבֻסִֽיg ׃

19 וַיַּ֤עַלa דָּוִיד֙ בִּדְבַר־גָּ֔ד אֲשֶׁ֥ר דִּבֶּ֖רb בְּשֵׁ֥ם יְהוָֽה׃

20 וַיָּ֣שָׁבa אָרְנָ֗ןb וַיַּרְא֙c אֶת־הַמַּלְאָ֔ךְ וְאַרְבַּ֧עַת בָּנָ֛יו עִמֹּ֖ו מִֽתְחַבְּאִ֑יםd וְאָרְנָ֖ןe דָּ֥שׁf חִטִּֽיםg ׃

21 וַיָּבֹ֥אa דָוִ֖יד עַד־אָרְנָ֑ןb וַיַּבֵּ֤טc אָרְנָן֙d וַיַּ֣רְאe אֶת־דָּוִ֔יד וַיֵּצֵא֙f מִן־הַגֹּ֔רֶןg וַיִּשְׁתַּ֧חוּh לְדָוִ֛יד אַפַּ֖יִם אָֽרְצָה׃

22 וַיֹּ֨אמֶרa דָּוִ֜יד אֶל־אָרְנָ֗ןb תְּנָהc ־לִּי֙ מְקֹ֣ום הַגֹּ֔רֶןd וְאֶבְנֶהe ־בֹּ֥ו מִזְבֵּ֖חַ לַיהוָ֑ה בְּכֶ֤סֶף מָלֵא֙f תְּנֵ֣הוּg לִ֔י וְתֵעָצַ֥רh הַמַּגֵּפָ֖הi מֵעַ֥ל הָעָֽם׃

23 וַיֹּ֨אמֶרa אָרְנָ֤ןb אֶל־דָּוִיד֙ קַֽחc ־לָ֔ךְ וְיַ֛עַשׂd אֲדֹנִ֥י הַמֶּ֖לֶךְ הַטֹּ֣וב בְּעֵינָ֑יו רְאֵה֩e נָתַ֨תִּיf הַבָּקָ֜ר לָֽעֹלֹ֗ות וְהַמֹּורִגִּ֧יםg לָעֵצִ֛ים וְהַחִטִּ֥יםh לַמִּנְחָ֖ה הַכֹּ֥ל נָתָֽתִּיi ׃

24 וַיֹּ֨אמֶרa הַמֶּ֤לֶךְ דָּוִיד֙ לְאָרְנָ֔ןb לֹ֕א כִּֽי־קָנֹ֥ה אֶקְנֶ֖הc בְּכֶ֣סֶף מָלֵ֑אd כִּ֠י לֹא־אֶשָּׂ֤אe אֲשֶׁר־לְךָ֙ לַיהוָ֔ה וְהַעֲלֹ֥ותf עֹולָ֖ה חִנָּֽםg ׃

25 וַיִּתֵּ֥ןa דָּוִ֛יד לְאָרְנָ֖ןb בַּמָּקֹ֑ום שִׁקְלֵ֣י זָהָ֔ב מִשְׁקָ֖לc שֵׁ֥שׁ מֵאֹֽות׃

26 וַיִּבֶן֩a שָׁ֨ם דָּוִ֤יד מִזְבֵּ֨חַ֙ לַיהוָ֔ה וַיַּ֥עַלb עֹלֹ֖ות וּשְׁלָמִ֑ים וַיִּקְרָא֙c אֶל־יְהוָ֔ה וַיַּֽעֲנֵ֤הוּd בָאֵשׁ֙ מִן־הַשָּׁמַ֔יִם עַ֖ל מִזְבַּ֥ח הָעֹלָֽה׃ פ

27 וַיֹּ֤אמֶרa יְהוָה֙ לַמַּלְאָ֔ךְ וַיָּ֥שֶׁבb חַרְבֹּ֖ו אֶל־נְדָנָֽהּc ׃

28 בָּעֵ֣ת הַהִ֔יא בִּרְאֹ֤ותa דָּוִיד֙ כִּי־עָנָ֣הוּb יְהוָ֔ה בְּגֹ֖רֶןc אָרְנָ֣ןd הַיְבוּסִ֑יe וַיִּזְבַּ֖חf שָֽׁם׃

29 וּמִשְׁכַּ֣ן יְ֠הוָה אֲשֶׁר־עָשָׂ֨הa מֹשֶׁ֧ה בַמִּדְבָּ֛ר וּמִזְבַּ֥ח הָעֹולָ֖ה בָּעֵ֣ת הַהִ֑יא בַּבָּמָ֖ה בְּגִבְעֹֽוןb ׃

30 וְלֹא־יָכֹ֥לa דָּוִ֛יד לָלֶ֥כֶתb לְפָנָ֖יו לִדְרֹ֣שׁc אֱלֹהִ֑ים כִּ֣י נִבְעַ֔תd מִפְּנֵ֕י חֶ֖רֶב מַלְאַ֥ךְ יְהוָֽה׃ ס