דברי הימים א

וַיְהִי֙a אַחֲרֵי־כֵ֔ן וַיָּ֕מָתb נָחָ֖שׁc מֶ֣לֶךְ בְּנֵי־עַמֹּ֑ון וַיִּמְלֹ֥ךְd בְּנֹ֖ו תַּחְתָּֽיו׃

2 וַיֹּ֨אמֶרa דָּוִ֜יד אֶֽעֱשֶׂהb ־חֶ֣סֶד׀ עִם־חָנ֣וּןc בֶּן־נָחָ֗שׁd כִּֽי־עָשָׂ֨הe אָבִ֤יו עִמִּי֙ חֶ֔סֶד וַיִּשְׁלַ֥חf דָּוִ֛יד מַלְאָכִ֖ים לְנַחֲמֹ֣וg עַל־אָבִ֑יו וַיָּבֹאוּ֩h עַבְדֵ֨י דָוִ֜יד אֶל־אֶ֧רֶץ בְּנֵי־עַמֹּ֛ון אֶל־חָנ֖וּןi לְנַחֲמֹֽוj ׃

3 וַיֹּאמְרוּ֩a שָׂרֵ֨י בְנֵי־עַמֹּ֜ון לְחָנ֗וּןb הַֽמְכַבֵּ֨דc דָּוִ֤יד אֶת־אָבִ֨יךָ֙ בְּעֵינֶ֔יךָ כִּֽי־שָׁלַ֥חd לְךָ֖ מְנַחֲמִ֑ים הֲלֹ֡א בַּ֠עֲבוּרe לַחְקֹ֨רf וְלַהֲפֹ֤ךְg וּלְרַגֵּל֙h הָאָ֔רֶץ בָּ֥אוּi עֲבָדָ֖יו אֵלֶֽיךָ׃ פ

4 וַיִּקַּ֨חa חָנ֜וּןb אֶת־עַבְדֵ֤י דָוִיד֙ וַֽיְגַלְּחֵ֔םc וַיִּכְרֹ֧תd אֶת־מַדְוֵיהֶ֛םe בַּחֵ֖צִי עַד־הַמִּפְשָׂעָ֑הf וַֽיְשַׁלְּחֵֽםg ׃

5 וַיֵּלְכוּ֩a וַיַּגִּ֨ידוּb לְדָוִ֤יד עַל־הָֽאֲנָשִׁים֙ וַיִּשְׁלַ֣חc לִקְרָאתָ֔םd כִּי־הָי֥וּe הָאֲנָשִׁ֖ים נִכְלָמִ֣יםf מְאֹ֑ד וַיֹּ֤אמֶרg הַמֶּ֨לֶךְ֙ שְׁב֣וּh בִֽירֵחֹ֔ו עַ֛ד אֲשֶׁר־יְצַמַּ֥חi זְקַנְכֶ֖םj וְשַׁבְתֶּֽםk ׃

6 וַיִּרְאוּ֙a בְּנֵ֣י עַמֹּ֔ון כִּ֥י הִֽתְבָּאֲשׁ֖וּb עִם־דָּוִ֑יד וַיִּשְׁלַ֣חc חָ֠נוּןd וּבְנֵ֨י עַמֹּ֜ון אֶ֣לֶף כִּכַּר־כֶּ֗סֶף לִשְׂכֹּ֣רe לָ֠הֶם מִן־אֲרַ֨ם נַהֲרַ֜יִם וּמִן־אֲרַ֤ם מַעֲכָה֙f וּמִצֹּובָ֔הg רֶ֖כֶב וּפָרָשִֽׁים׃

7 וַיִּשְׂכְּר֣וּa לָהֶ֡ם שְׁנַיִם֩ וּשְׁלֹשִׁ֨ים אֶ֜לֶף רֶ֗כֶב וְאֶת־מֶ֤לֶךְ מַעֲכָה֙b וְאֶת־עַמֹּ֔ו וַיָּבֹ֕אוּc וַֽיַּחֲנ֖וּd לִפְנֵ֣י מֵידְבָ֑אe וּבְנֵ֣י עַמֹּ֗ון נֶאֶסְפוּ֙f מֵעָ֣רֵיהֶ֔ם וַיָּבֹ֖אוּg לַמִּלְחָמָֽה׃ פ

8 וַיִּשְׁמַ֖עa דָּוִ֑יד וַיִּשְׁלַח֙b אֶת־יֹואָ֔ב וְאֵ֥ת כָּל־צָבָ֖א הַגִּבֹּורִֽים׃

9 וַיֵּצְאוּ֙a בְּנֵ֣י עַמֹּ֔ון וַיַּֽעַרְכ֥וּb מִלְחָמָ֖ה פֶּ֣תַח הָעִ֑יר וְהַמְּלָכִ֣ים אֲשֶׁר־בָּ֔אוּc לְבַדָּ֖ם בַּשָּׂדֶֽה׃

10 וַיַּ֣רְאa יֹואָ֗ב כִּֽי־הָיְתָ֧הb פְנֵי־הַמִּלְחָמָ֛ה אֵלָ֖יו פָּנִ֣ים וְאָחֹ֑ורc וַיִּבְחַ֗רd מִכָּל־בָּחוּר֙e בְּיִשְׂרָאֵ֔ל וַֽיַּעֲרֹ֖ךְf לִקְרַ֥אתg אֲרָֽם׃

11 וְאֵת֙ יֶ֣תֶר הָעָ֔ם נָתַ֕ןa בְּיַ֖ד אַבְשַׁ֣יb אָחִ֑יו וַיַּ֣עַרְכ֔וּc לִקְרַ֖אתd בְּנֵ֥י עַמֹּֽון׃

12 וַיֹּ֗אמֶרa אִם־תֶּחֱזַ֤קb מִמֶּ֨נִּי֙ אֲרָ֔ם וְהָיִ֥יתָc לִּ֖י לִתְשׁוּעָ֑הd ס וְאִם־בְּנֵ֥י עַמֹּ֛ון יֶֽחֶזְק֥וּe מִמְּךָ֖ וְהֹושַׁעְתִּֽיךָf ׃

13 חֲזַ֤קa וְנִֽתְחַזְּקָה֙b בְּעַד־עַמֵּ֔נוּ וּבְעַ֖ד עָרֵ֣י אֱלֹהֵ֑ינוּ וַֽיהוָ֔ה הַטֹּ֥וב בְּעֵינָ֖יו יַעֲשֶֽׂהc ׃

14 וַיִּגַּ֨שׁa יֹואָ֜ב וְהָעָ֧ם אֲשֶׁר־עִמֹּ֛ו לִפְנֵ֥י אֲרָ֖ם לַמִּלְחָמָ֑ה וַיָּנ֖וּסוּb מִפָּנָֽיו׃

15 וּבְנֵ֨י עַמֹּ֤ון רָאוּ֙a כִּי־נָ֣סb אֲרָ֔ם וַיָּנ֣וּסוּc גַם־הֵ֗ם מִפְּנֵי֙ אַבְשַׁ֣יd אָחִ֔יו וַיָּבֹ֖אוּe הָעִ֑ירָה וַיָּבֹ֥אf יֹואָ֖ב יְרוּשָׁלִָֽם׃ פ

16 וַיַּ֣רְאa אֲרָ֗ם כִּ֣י נִגְּפוּ֮b לִפְנֵ֣י יִשְׂרָאֵל֒ וַֽיִּשְׁלְחוּ֙c מַלְאָכִ֔ים וַיֹּוצִ֣יאוּd אֶת־אֲרָ֔ם אֲשֶׁ֖ר מֵעֵ֣בֶר הַנָּהָ֑ר וְשֹׁופַ֛ךְe שַׂר־צְבָ֥א הֲדַדְעֶ֖זֶרf לִפְנֵיהֶֽם׃

17 וַיֻּגַּ֣דa לְדָוִ֗יד וַיֶּאֱסֹ֤ףb אֶת־כָּל־יִשְׂרָאֵל֙ וַיַּעֲבֹ֣רc הַיַּרְדֵּ֔ן וַיָּבֹ֣אd אֲלֵהֶ֔ם וַֽיַּעֲרֹ֖ךְe אֲלֵהֶ֑ם וַיַּעֲרֹ֨ךְf דָּוִ֜יד לִקְרַ֤אתg אֲרָם֙ מִלְחָמָ֔ה וַיִּֽלָּחֲמ֖וּh עִמֹּֽו׃

18 וַיָּ֣נָסa אֲרָם֮ מִלִּפְנֵ֣י יִשְׂרָאֵל֒ וַיַּהֲרֹ֨גb דָּוִ֜יד מֵאֲרָ֗ם שִׁבְעַ֤ת אֲלָפִים֙ רֶ֔כֶב וְאַרְבָּעִ֥ים אֶ֖לֶף אִ֣ישׁ רַגְלִ֑יc וְאֵ֛ת שֹׁופַ֥ךְd שַֽׂר־הַצָּבָ֖א הֵמִֽיתe ׃

19 וַיִּרְא֞וּa עַבְדֵ֣י הֲדַדְעֶ֗זֶרb כִּ֤י נִגְּפוּ֙c לִפְנֵ֣י יִשְׂרָאֵ֔ל וַיַּשְׁלִ֥ימוּd עִם־דָּוִ֖יד וַיַּֽעַבְדֻ֑הוּe וְלֹא־אָבָ֣הf אֲרָ֔ם לְהֹושִׁ֥יעַg אֶת־בְּנֵי־עַמֹּ֖ון עֹֽוד׃ פ