16
וַיָּבִ֨יאוּ֙a
אֶת־אֲרֹ֣ון הָֽאֱלֹהִ֔ים וַיַּצִּ֣יגוּb
אֹתֹ֔ו בְּתֹ֣וךְ הָאֹ֔הֶל אֲשֶׁ֥ר נָֽטָהc
־לֹ֖ו דָּוִ֑יד וַיַּקְרִ֛יבוּd
עֹלֹ֥ות וּשְׁלָמִ֖ים לִפְנֵ֥י הָאֱלֹהִֽים׃
2
וַיְכַ֣לa
דָּוִ֔יד מֵהַעֲלֹ֥ותb
הָעֹלָ֖ה וְהַשְּׁלָמִ֑ים וַיְבָ֥רֶךְc
אֶת־הָעָ֖ם בְּשֵׁ֥ם יְהוָֽה׃
3
וַיְחַלֵּק֙a
לְכָל־אִ֣ישׁ יִשְׂרָאֵ֔ל מֵאִ֖ישׁ וְעַד־אִשָּׁ֑ה לְאִישׁ֙ כִּכַּר־לֶ֔חֶם וְאֶשְׁפָּ֖רb
וַאֲשִׁישָֽׁהc
׃
4
וַיִּתֵּ֞ןa
לִפְנֵ֨י אֲרֹ֧ון יְהוָ֛ה מִן־הַלְוִיִּ֖ם מְשָׁרְתִ֑ים וּלְהַזְכִּיר֙b
וּלְהֹודֹ֣ותc
וּלְהַלֵּ֔לd
לַיהוָ֖ה אֱלֹהֵ֥י יִשְׂרָאֵֽל׃ פ
5
אָסָ֥ףa
הָרֹ֖אשׁ וּמִשְׁנֵ֣הוּb
זְכַרְיָ֑הc
יְעִיאֵ֡לd
וּשְׁמִֽירָמֹ֡ותe
וִֽיחִיאֵ֡לf
וּמַתִּתְיָ֡הg
וֶאֱלִיאָ֡בh
וּבְנָיָהוּ֩i
וְעֹבֵ֨ד אֱדֹ֜םj
וִֽיעִיאֵ֗לk
בִּכְלֵ֤י נְבָלִים֙l
וּבְכִנֹּרֹ֔ותm
וְאָסָ֖ףn
בַּֽמְצִלְתַּ֥יִםo
מַשְׁמִֽיעַp
׃
6
וּבְנָיָ֥הוּa
וְיַחֲזִיאֵ֖לb
הַכֹּהֲנִ֑ים בַּחֲצֹצְרֹ֣ותc
תָּמִ֔יד לִפְנֵ֖י אֲרֹ֥ון בְּרִית־הָאֱלֹהִֽים׃
7
בַּיֹּ֣ום הַה֗וּא אָ֣ז נָתַ֤ןa
דָּוִיד֙ בָּרֹ֔אשׁ לְהֹדֹ֖ותb
לַיהוָ֑ה בְּיַד־אָסָ֖ףc
וְאֶחָֽיו׃ פ
8
הֹוד֤וּa
לַֽיהוָה֙ קִרְא֣וּb
בִשְׁמֹ֔ו הֹודִ֥יעוּc
בָעַמִּ֖ים עֲלִילֹתָֽיוd
׃
9
שִׁ֤ירוּa
לֹו֙ זַמְּרוּb
־לֹ֔ו שִׂ֖יחוּc
בְּכָל־נִפְלְאֹתָֽיו׃
10
הִֽתְהַֽלְלוּ֙a
בְּשֵׁ֣ם קָדְשֹׁ֔ו יִשְׂמַ֕חb
לֵ֖ב מְבַקְשֵׁ֥יc
יְהוָֽה׃
11
דִּרְשׁ֤וּa
יְהוָה֙ וְעֻזֹּ֔ו בַּקְּשׁ֥וּb
פָנָ֖יו תָּמִֽיד׃
12
זִכְר֗וּa
נִפְלְאֹתָיו֙ אֲשֶׁ֣ר עָשָׂ֔הb
מֹפְתָ֖יוc
וּמִשְׁפְּטֵי־פִֽיהוּ׃
13
זֶ֚רַע יִשְׂרָאֵ֣ל עַבְדֹּ֔ו בְּנֵ֥י יַעֲקֹ֖ב בְּחִירָֽיוa
׃
14
ה֚וּא יְהוָ֣ה אֱלֹהֵ֔ינוּ בְּכָל־הָאָ֖רֶץ מִשְׁפָּטָֽיו׃
15
זִכְר֤וּa
לְעֹולָם֙ בְּרִיתֹ֔ו דָּבָ֥ר צִוָּ֖הb
לְאֶ֥לֶף דֹּֽור׃
16
אֲשֶׁ֤ר כָּרַת֙a
אֶת־אַבְרָהָ֔ם וּשְׁבוּעָתֹ֖וb
לְיִצְחָֽק׃
17
וַיַּעֲמִידֶ֤הָa
לְיַעֲקֹב֙ לְחֹ֔ק לְיִשְׂרָאֵ֖ל בְּרִ֥ית עֹולָֽם׃
18
לֵאמֹ֗רa
לְךָ֙ אֶתֵּ֣ןb
אֶֽרֶץ־כְּנָ֔עַן חֶ֖בֶל נַחֲלַתְכֶֽם׃
19
בִּֽהְיֹֽותְכֶם֙a
מְתֵ֣יb
מִסְפָּ֔ר כִּמְעַ֖ט וְגָרִ֥יםc
בָּֽהּ׃
20
וַיִּֽתְהַלְּכוּ֙a
מִגֹּ֣וי אֶל־גֹּ֔וי וּמִמַּמְלָכָ֖ה אֶל־עַ֥ם אַחֵֽר׃
21
לֹא־הִנִּ֤יחַa
לְאִישׁ֙ לְעָשְׁקָ֔םb
וַיֹּ֥וכַחc
עֲלֵיהֶ֖ם מְלָכִֽים׃
22
אַֽל־תִּגְּעוּ֙a
בִּמְשִׁיחָ֔יb
וּבִנְבִיאַ֖י אַל־תָּרֵֽעוּc
׃ פ
23
שִׁ֤ירוּa
לַֽיהוָה֙ כָּל־הָאָ֔רֶץ בַּשְּׂר֥וּb
מִיֹּֽום־אֶל־יֹ֖ום יְשׁוּעָתֹֽו׃
24
סַפְּר֤וּa
בַגֹּויִם֙ אֶת־כְּבֹודֹ֔ו בְּכָל־הָעַמִּ֖ים נִפְלְאֹתָֽיו׃
25
כִּי֩ גָדֹ֨ול יְהוָ֤ה וּמְהֻלָּל֙ מְאֹ֔ד וְנֹורָ֥א ה֖וּא עַל־כָּל־אֱלֹהִֽים׃
26
כִּ֠י כָּל־אֱלֹהֵ֤י הָעַמִּים֙ אֱלִילִ֔יםa
וַיהוָ֖ה שָׁמַ֥יִם עָשָֽׂהb
׃
27
הֹ֤ודa
וְהָדָר֙b
לְפָנָ֔יו עֹ֥ז וְחֶדְוָ֖הc
בִּמְקֹמֹֽו׃
28
הָב֤וּa
לַֽיהוָה֙ מִשְׁפְּחֹ֣ות עַמִּ֔ים הָב֥וּb
לַיהוָ֖ה כָּבֹ֥וד וָעֹֽז׃
29
הָב֥וּa
לַיהוָ֖ה כְּבֹ֣וד שְׁמֹ֑ו שְׂא֤וּb
מִנְחָה֙ וּבֹ֣אוּc
לְפָנָ֔יו הִשְׁתַּחֲו֥וּd
לַיהוָ֖ה בְּהַדְרַתe
־קֹֽדֶשׁ׃
30
חִ֤ילוּa
מִלְּפָנָיו֙ כָּל־הָאָ֔רֶץ אַף־תִּכֹּ֥וןb
תֵּבֵ֖לc
בַּל־תִּמֹּֽוטd
׃
31
יִשְׂמְח֤וּa
הַשָּׁמַ֨יִם֙ וְתָגֵ֣לb
הָאָ֔רֶץ וְיֹאמְר֥וּc
בַגֹּויִ֖ם יְהוָ֥ה מָלָֽךְd
׃
32
יִרְעַ֤םa
הַיָּם֙ וּמְלֹואֹ֔וb
יַעֲלֹ֥ץc
הַשָּׂדֶ֖ה וְכָל־אֲשֶׁר־בֹּֽו׃
33
אָ֥ז יְרַנְּנ֖וּa
עֲצֵ֣י הַיָּ֑עַר מִלִּפְנֵ֣י יְהוָ֔ה כִּי־בָ֖אb
לִשְׁפֹּ֥וטc
אֶת־הָאָֽרֶץ׃
34
הֹוד֤וּa
לַיהוָה֙ כִּ֣י טֹ֔וב כִּ֥י לְעֹולָ֖ם חַסְדֹּֽו׃
35
וְאִמְר֕וּa
הֹושִׁיעֵ֨נוּ֙b
אֱלֹהֵ֣י יִשְׁעֵ֔נוּc
וְקַבְּצֵ֥נוּd
וְהַצִּילֵ֖נוּe
מִן־הַגֹּויִ֑ם לְהֹדֹות֙f
לְשֵׁ֣ם קָדְשֶׁ֔ךָ לְהִשְׁתַּבֵּ֖חַg
בִּתְהִלָּתֶֽךָ׃
36
בָּר֤וּךְa
יְהוָה֙ אֱלֹהֵ֣י יִשְׂרָאֵ֔ל מִן־הָעֹולָ֖ם וְעַ֣ד הָעֹלָ֑ם וַיֹּאמְר֤וּb
כָל־הָעָם֙ אָמֵ֔ןc
וְהַלֵּ֖לd
לַֽיהוָֽה׃ פ
37
וַיַּֽעֲזָבa
־שָׁ֗ם לִפְנֵי֙ אֲרֹ֣ון בְּרִית־יְהוָ֔ה לְאָסָ֖ףb
וּלְאֶחָ֑יו לְשָׁרֵ֞תc
לִפְנֵ֧י הָאָרֹ֛ון תָּמִ֖יד לִדְבַר־יֹ֥ום בְּיֹומֹֽו׃
38
וְעֹבֵ֥ד אֱדֹ֛םa
וַאֲחֵיהֶ֖ם שִׁשִּׁ֣ים וּשְׁמֹונָ֑ה וְעֹבֵ֨ד אֱדֹ֧םb
בֶּן־יְדִית֛וּןc
וְחֹסָ֖הd
לְשֹׁעֲרִֽיםe
׃
39
וְאֵ֣ת׀ צָדֹ֣וק הַכֹּהֵ֗ן וְאֶחָיו֙ הַכֹּ֣הֲנִ֔ים לִפְנֵ֖י מִשְׁכַּ֣ן יְהוָ֑ה בַּבָּמָ֖ה אֲשֶׁ֥ר בְּגִבְעֹֽוןa
׃
40
לְֽהַעֲלֹות֩a
עֹלֹ֨ות לַיהוָ֜ה עַל־מִזְבַּ֧ח הָעֹלָ֛ה תָּמִ֖יד לַבֹּ֣קֶר וְלָעָ֑רֶב וּלְכָל־הַכָּתוּב֙b
בְּתֹורַ֣ת יְהוָ֔ה אֲשֶׁ֥ר צִוָּ֖הc
עַל־יִשְׂרָאֵֽל׃
41
וְעִמָּהֶם֙ הֵימָ֣ןa
וִֽידוּת֔וּןb
וּשְׁאָר֙c
הַבְּרוּרִ֔יםd
אֲשֶׁ֥ר נִקְּב֖וּe
בְּשֵׁמֹ֑ות לְהֹדֹות֙f
לַֽיהוָ֔ה כִּ֥י לְעֹולָ֖ם חַסְדֹּֽו׃
42
וְעִמָּהֶם֩ הֵימָ֨ןa
וִֽידוּת֜וּןb
חֲצֹצְרֹ֤ותc
וּמְצִלְתַּ֨יִם֙d
לְמַשְׁמִיעִ֔ים וּכְלֵ֖י שִׁ֣יר הָאֱלֹהִ֑ים וּבְנֵ֥י יְדוּת֖וּןe
לַשָּֽׁעַר׃
43
וַיֵּלְכ֥וּa
כָל־הָעָ֖ם אִ֣ישׁ לְבֵיתֹ֑ו וַיִּסֹּ֥בb
דָּוִ֖יד לְבָרֵ֥ךְc
אֶת־בֵּיתֹֽו׃ פ