דברי הימים א

15
וַיַּֽעַשׂa ־לֹ֥ו בָתִּ֖ים בְּעִ֣יר דָּוִ֑יד וַיָּ֤כֶןb מָקֹום֙ לַֽאֲרֹ֣ון הָֽאֱלֹהִ֔ים וַיֶּטc ־לֹ֖ו אֹֽהֶל׃
2  אָ֚ז אָמַ֣רa דָּוִ֔יד לֹ֤א לָשֵׂאת֙b אֶת־אֲרֹ֣ון הָֽאֱלֹהִ֔ים כִּ֖י אִם־הַלְוִיִּ֑ם כִּי־בָ֣ם׀ בָּחַ֣רc יְהוָ֗ה לָשֵׂ֞אתd אֶת־אֲרֹ֧ון יְהוָ֛ה וּֽלְשָׁרְתֹ֖וe עַד־עֹולָֽם׃ ס
3  וַיַּקְהֵ֥לa דָּוִ֛יד אֶת־כָּל־יִשְׂרָאֵ֖ל אֶל־יְרֽוּשָׁלִָ֑ם לְהַעֲלֹות֙b אֶת־אֲרֹ֣ון יְהוָ֔ה אֶל־מְקֹומֹ֖ו אֲשֶׁר־הֵכִ֥יןc לֹֽו׃
4  וַיֶּאֱסֹ֥ףa דָּוִ֛יד אֶת־בְּנֵ֥י אַֽהֲרֹ֖ן וְאֶת־הַלְוִיִּֽם׃
5  לִבְנֵ֖י קְהָ֑תa אוּרִיאֵ֣לb הַשָּׂ֔ר וְאֶחָ֖יו מֵאָ֥ה וְעֶשְׂרִֽים׃ ס
6  לִבְנֵ֖י מְרָרִ֑יa עֲשָׂיָ֣הb הַשָּׂ֔ר וְאֶחָ֖יו מָאתַ֥יִם וְעֶשְׂרִֽים׃ ס
7  לִבְנֵ֖י גֵּרְשֹׁ֑וםa יֹואֵ֣לb הַשָּׂ֔ר וְאֶחָ֖יו מֵאָ֥ה וּשְׁלֹשִֽׁים׃ ס
8  לִבְנֵ֖י אֱלִֽיצָפָ֑ןa שְׁמַֽעְיָ֥הb הַשָּׂ֖ר וְאֶחָ֥יו מָאתָֽיִם׃ ס
9  לִבְנֵ֖י חֶבְרֹ֑וןa אֱלִיאֵ֥לb הַשָּׂ֖ר וְאֶחָ֥יו שְׁמֹונִֽים׃ ס
10  לִבְנֵ֖י עֻזִּיאֵ֑לa עַמִּינָדָ֣בb הַשָּׂ֔ר וְאֶחָ֕יו מֵאָ֖ה וּשְׁנֵ֥ים עָשָֽׂר׃ ס
11  וַיִּקְרָ֣אa דָוִ֔יד לְצָדֹ֥וק וּלְאֶבְיָתָ֖רb הַכֹּֽהֲנִ֑ים וְלַלְוִיִּ֗ם לְאֽוּרִיאֵ֤לc עֲשָׂיָה֙d וְיֹואֵ֣לe שְׁמַֽעְיָ֔הf וֶאֱלִיאֵ֖לg וְעַמִּינָדָֽבh ׃
12  וַיֹּ֣אמֶרa לָהֶ֔ם אַתֶּ֛ם רָאשֵׁ֥י הָאָבֹ֖ות לַלְוִיִּ֑ם הִֽתְקַדְּשׁוּ֙b אַתֶּ֣ם וַאֲחֵיכֶ֔ם וְהַֽעֲלִיתֶ֗םc אֵ֣ת אֲרֹ֤ון יְהוָה֙ אֱלֹהֵ֣י יִשְׂרָאֵ֔ל אֶל־הֲכִינֹ֖ותִיd לֹֽו׃
13  כִּ֛י לְמַבָּרִ֥אשֹׁונָ֖ה לֹ֣א אַתֶּ֑ם פָּרַ֨ץa יְהוָ֤ה אֱלֹהֵ֨ינוּ֙ בָּ֔נוּ כִּי־לֹ֥א דְרַשְׁנֻ֖הוּb כַּמִּשְׁפָּֽט׃
14  וַיִּֽתְקַדְּשׁ֔וּa הַכֹּהֲנִ֖ים וְהַלְוִיִּ֑ם לְהַעֲלֹ֕ותb אֶת־אֲרֹ֥ון יְהוָ֖ה אֱלֹהֵ֥י יִשְׂרָאֵֽל׃
15  וַיִּשְׂא֣וּa בְנֵֽי־הַלְוִיִּ֗ם אֵ֚ת אֲרֹ֣ון הָֽאֱלֹהִ֔ים כַּאֲשֶׁ֛ר צִוָּ֥הb מֹשֶׁ֖ה כִּדְבַ֣ר יְהוָ֑ה בִּכְתֵפָ֥ם בַּמֹּטֹ֖ותc עֲלֵיהֶֽם׃ פ
16  וַיֹּ֣אמֶרa דָּוִיד֮ לְשָׂרֵ֣י הַלְוִיִּם֒ לְהַֽעֲמִ֗ידb אֶת־אֲחֵיהֶם֙ הַמְשֹׁ֣רְרִ֔יםc בִּכְלֵי־שִׁ֛יר נְבָלִ֥יםd וְכִנֹּרֹ֖ותe וּמְצִלְתָּ֑יִםf מַשְׁמִיעִ֥יםg לְהָרִֽיםh ־בְּקֹ֖ול לְשִׂמְחָֽה׃ פ
17  וַיַּעֲמִ֣ידוּa הַלְוִיִּ֗ם אֵ֚ת הֵימָ֣ןb בֶּן־יֹואֵ֔לc וּמִ֨ן־אֶחָ֔יו אָסָ֖ףd בֶּן־בֶּֽרֶכְיָ֑הוּe ס וּמִן־בְּנֵ֤י מְרָרִי֙f אֲחֵיהֶ֔ם אֵיתָ֖ןg בֶּן־קֽוּשָׁיָֽהוּh ׃
18  וְעִמָּהֶ֖ם אֲחֵיהֶ֣ם הַמִּשְׁנִ֑יםa זְכַרְיָ֡הוּb בֵּ֡ןc וְיַֽעֲזִיאֵ֡לd וּשְׁמִֽירָמֹ֡ותe וִיחִיאֵ֣לf ׀ וְעֻנִּ֡יg אֱלִיאָ֡בh וּבְנָיָ֡הוּi וּמַֽעֲשֵׂיָ֡הוּj וּמַתִּתְיָהוּ֩k וֶאֱלִ֨יפְלֵ֜הוּl וּמִקְנֵיָ֨הוּm וְעֹבֵ֥ד אֱדֹ֛םn וִֽיעִיאֵ֖לo הַשֹּׁעֲרִֽיםp ׃
19  וְהַמְשֹׁ֣רְרִ֔ים הֵימָ֥ןa אָסָ֖ףb וְאֵיתָ֑ןc בִּמְצִלְתַּ֥יִםd נְחֹ֖שֶׁת לְהַשְׁמִֽיעַe ׃
20  וּזְכַרְיָ֨הa וַעֲזִיאֵ֜לb וּשְׁמִֽירָמֹ֤ותc וִֽיחִיאֵל֙d וְעֻנִּ֣יe וֶֽאֱלִיאָ֔בf וּמַעֲשֵׂיָ֖הוּg וּבְנָיָ֑הוּh בִּנְבָלִ֖יםi עַל־עֲלָמֹֽותj ׃
21  וּמַתִּתְיָ֣הוּa וֶאֱלִֽיפְלֵ֗הוּb וּמִקְנֵיָ֨הוּ֙c וְעֹבֵ֣ד אֱדֹ֔םd וִֽיעִיאֵ֖לe וַעֲזַזְיָ֑הוּf בְּכִנֹּרֹ֥ותg עַל־הַשְּׁמִינִ֖יתh לְנַצֵּֽחַi ׃
22  וּכְנַנְיָ֥הוּa שַֽׂר־הַלְוִיִּ֖ם בְּמַשָּׂ֑אb יָסֹר֙c בַּמַּשָּׂ֔אd כִּ֥י מֵבִ֖יןe הֽוּא׃
23  וּבֶֽרֶכְיָה֙a וְאֶלְקָנָ֔הb שֹׁעֲרִ֖יםc לָאָרֹֽון׃
24  וּשְׁבַנְיָ֡הוּa וְיֹֽושָׁפָ֡טb וּנְתַנְאֵ֡לc וַעֲמָשַׂ֡יd וּ֠זְכַרְיָהוּe וּבְנָיָ֤הוּf וֶֽאֱלִיעֶ֨זֶר֙g הַכֹּ֣הֲנִ֔ים מחצצריםh בַּחֲצֹ֣צְרֹ֔ותi לִפְנֵ֖י אֲרֹ֣ון הָֽאֱלֹהִ֑ים וְעֹבֵ֤ד אֱדֹם֙j וִֽיחִיָּ֔הk שֹׁעֲרִ֖יםl לָאָרֹֽון׃
25  וַיְהִ֥יa דָוִ֛יד וְזִקְנֵ֥י יִשְׂרָאֵ֖ל וְשָׂרֵ֣י הָאֲלָפִ֑ים הַהֹֽלְכִ֗יםb לְֽהַעֲלֹ֞ותc אֶת־אֲרֹ֧ון בְּרִית־יְהוָ֛ה מִן־בֵּ֥ית עֹבֵֽד־אֱדֹ֖םd בְּשִׂמְחָֽה׃ ס
26  וַֽיְהִי֙a בֶּעְזֹ֣רb הָֽאֱלֹהִ֔ים אֶ֨ת־הַלְוִיִּ֔ם נֹשְׂאֵ֖יc אֲרֹ֣ון בְּרִית־יְהוָ֑ה וַיִּזְבְּח֥וּd שִׁבְעָֽה־פָרִ֖ים וְשִׁבְעָ֥ה אֵילִֽים׃
27  וְדָוִ֞יד מְכֻרְבָּ֣לa ׀ בִּמְעִ֣ילb בּ֗וּץc וְכָל־הַלְוִיִּם֙ הַנֹּשְׂאִ֣יםd אֶת־הָאָרֹ֔ון וְהַמְשֹׁ֣רְרִ֔ים וּכְנַנְיָ֛הe הַשַּׂ֥ר הַמַּשָּׂ֖אf הַמְשֹֽׁרְרִ֑ים וְעַל־דָּוִ֖יד אֵפֹ֥ודg בָּֽד׃
28  וְכָל־יִשְׂרָאֵ֗ל מַעֲלִים֙a אֶת־אֲרֹ֣ון בְּרִית־יְהוָ֔ה בִּתְרוּעָה֙b וּבְקֹ֣ול שֹׁופָ֔ר וּבַחֲצֹצְרֹ֖ותc וּבִמְצִלְתָּ֑יִםd מַשְׁמִעִ֕יםe בִּנְבָלִ֖יםf וְכִנֹּרֹֽותg ׃
29  וַיְהִ֗יa אֲרֹון֙ בְּרִ֣ית יְהוָ֔ה בָּ֖אb עַד־עִ֣יר דָּוִ֑יד וּמִיכַ֨לc בַּת־שָׁא֜וּל נִשְׁקְפָ֣הd ׀ בְּעַ֣ד הַחַלֹּ֗וןe וַתֵּ֨רֶאf אֶת־הַמֶּ֤לֶךְ דָּוִיד֙ מְרַקֵּ֣דg וּמְשַׂחֵ֔קh וַתִּ֥בֶזi לֹ֖ו בְּלִבָּֽהּ׃ פ