13
וַיִּוָּעַ֣ץa
דָּוִ֗יד עִם־שָׂרֵ֧י הָאֲלָפִ֛ים וְהַמֵּאֹ֖ות לְכָל־נָגִֽידb
׃
2
וַיֹּ֨אמֶרa
דָּוִ֜יד לְכֹ֣ל׀ קְהַ֣ל יִשְׂרָאֵ֗ל אִם־עֲלֵיכֶ֨ם טֹ֜וב וּמִן־יְהוָ֣ה אֱלֹהֵ֗ינוּ נִפְרְצָה֙b
נִשְׁלְחָ֞הc
עַל־אַחֵ֣ינוּ הַנִּשְׁאָרִ֗יםd
בְּכֹל֙ אַרְצֹ֣ות יִשְׂרָאֵ֔ל וְעִמָּהֶ֛ם הַכֹּהֲנִ֥ים וְהַלְוִיִּ֖ם בְּעָרֵ֣י מִגְרְשֵׁיהֶ֑ם וְיִקָּבְצ֖וּe
אֵלֵֽינוּ׃
3
וְנָסֵ֛בָּהa
אֶת־אֲרֹ֥ון אֱלֹהֵ֖ינוּ אֵלֵ֑ינוּ כִּי־לֹ֥א דְרַשְׁנֻ֖הוּb
בִּימֵ֥י שָׁאֽוּל׃
4
וַיֹּאמְר֥וּa
כָֽל־הַקָּהָ֖ל לַעֲשֹׂ֣ותb
כֵּ֑ן כִּֽי־יָשַׁ֥רc
הַדָּבָ֖ר בְּעֵינֵ֥י כָל־הָעָֽם׃
5
וַיַּקְהֵ֤לa
דָּוִיד֙ אֶת־כָּל־יִשְׂרָאֵ֔ל מִן־שִׁיחֹ֥ורb
מִצְרַ֖יִם וְעַד־לְבֹ֣ואc
חֲמָ֑תd
לְהָבִיא֙e
אֶת־אֲרֹ֣ון הָאֱלֹהִ֔ים מִקִּרְיַ֖ת יְעָרִֽיםf
׃
6
וַיַּ֨עַלa
דָּוִ֤יד וְכָל־יִשְׂרָאֵל֙ בַּעֲלָ֔תָהb
אֶל־קִרְיַ֥ת יְעָרִ֖יםc
אֲשֶׁ֣ר לִיהוּדָ֑ה לְהַעֲלֹ֣ותd
מִשָּׁ֗ם אֵת֩ אֲרֹ֨ון הָאֱלֹהִ֧ים׀ יְהוָ֛ה יֹושֵׁ֥בe
הַכְּרוּבִ֖ים אֲשֶׁר־נִקְרָ֥אf
שֵֽׁם׃
7
וַיַּרְכִּ֜יבוּa
אֶת־אֲרֹ֤ון הָאֱלֹהִים֙ עַל־עֲגָלָ֣הb
חֲדָשָׁ֔ה מִבֵּ֖ית אֲבִינָדָ֑בc
וְעֻזָּ֣אd
וְאַחְיֹ֔וe
נֹהֲגִ֖יםf
בָּעֲגָלָֽהg
׃
8
וְדָוִ֣יד וְכָל־יִשְׂרָאֵ֗ל מְשַׂחֲקִ֛יםa
לִפְנֵ֥י הָאֱלֹהִ֖ים בְּכָל־עֹ֑ז וּבְשִׁירִ֤ים וּבְכִנֹּרֹות֙b
וּבִנְבָלִ֣יםc
וּבְתֻפִּ֔יםd
וּבִמְצִלְתַּ֖יִםe
וּבַחֲצֹצְרֹֽותf
׃
9
וַיָּבֹ֖אוּa
עַד־גֹּ֣רֶןb
כִּידֹ֑ןc
וַיִּשְׁלַ֨חd
עֻזָּ֜אe
אֶת־יָדֹ֗ו לֶאֱחֹז֙f
אֶת־הָ֣אָרֹ֔ון כִּ֥י שָֽׁמְט֖וּg
הַבָּקָֽר׃
10
וַיִּֽחַרa
־אַ֤ף יְהוָה֙ בְּעֻזָּ֔אb
וַיַּכֵּ֕הוּc
עַ֛ל אֲשֶׁר־שָׁלַ֥חd
יָדֹ֖ו עַל־הָאָרֹ֑ון וַיָּ֥מָתe
שָׁ֖ם לִפְנֵ֥י אֱלֹהִֽים׃
11
וַיִּ֣חַרa
לְדָוִ֔יד כִּֽי־פָרַ֧ץb
יְהוָ֛ה פֶּ֖רֶץc
בְּעֻזָּ֑אd
וַיִּקְרָ֞אe
לַמָּקֹ֤ום הַהוּא֙ פֶּ֣רֶץ עֻזָּ֔אf
עַ֖ד הַיֹּ֥ום הַזֶּֽה׃
12
וַיִּירָ֤אa
דָוִיד֙ אֶת־הָ֣אֱלֹהִ֔ים בַּיֹּ֥ום הַה֖וּא לֵאמֹ֑רb
הֵ֚יךְc
אָבִ֣יאd
אֵלַ֔י אֵ֖ת אֲרֹ֥ון הָאֱלֹהִֽים׃
13
וְלֹֽא־הֵסִ֨ירa
דָּוִ֧יד אֶת־הָאָרֹ֛ון אֵלָ֖יו אֶל־עִ֣יר דָּוִ֑יד וַיַּטֵּ֕הוּb
אֶל־בֵּ֥ית עֹבֵֽד־אֱדֹ֖םc
הַגִּתִּֽיd
׃
14
וַיֵּשֶׁב֩a
אֲרֹ֨ון הָאֱלֹהִ֜ים עִם־בֵּ֨ית עֹבֵ֥ד אֱדֹ֛םb
בְּבֵיתֹ֖ו שְׁלֹשָׁ֣ה חֳדָשִׁ֑ים וַיְבָ֧רֶךְc
יְהוָ֛ה אֶת־בֵּ֥ית עֹבֵֽד־אֱדֹ֖םd
וְאֶת־כָּל־אֲשֶׁר־לֹֽו׃ פ