רות

וַיְהִ֗י בִּימֵי֙ שְׁפֹ֣טa הַשֹּׁפְטִ֔יםb וַיְהִ֥י רָעָ֖בc בָּאָ֑רֶץ וַיֵּ֨לֶךְ אִ֜ישׁ מִבֵּ֧ית לֶ֣חֶם יְהוּדָ֗ה לָגוּר֙d בִּשְׂדֵ֣י מֹואָ֔ב ה֥וּא וְאִשְׁתֹּ֖וe וּשְׁנֵ֥יf בָנָֽיו׃

٢ וְשֵׁ֣ם הָאִ֣ישׁ אֱֽלִימֶ֡לֶךְ וְשֵׁם֩ אִשְׁתֹּ֨ו נָעֳמִ֜י וְשֵׁ֥ם שְׁנֵֽיa ־בָנָ֣יו׀ מַחְלֹ֤ון וְכִלְיֹון֙ אֶפְרָתִ֔יםb מִבֵּ֥ית לֶ֖חֶם יְהוּדָ֑ה וַיָּבֹ֥אוּ שְׂדֵי־מֹואָ֖ב וַיִּֽהְיוּ־שָֽׁםc ׃

٣ וַיָּ֥מָתa אֱלִימֶ֖לֶךְ אִ֣ישׁ נָעֳמִ֑י וַתִּשָּׁאֵ֥רb הִ֖יא וּשְׁנֵ֥יc בָנֶֽיהָ׃

٤ וַיִּשְׂא֣וּa לָהֶ֗ם נָשִׁים֙ מֹֽאֲבִיֹּ֔ות שֵׁ֤ם הָֽאַחַת֙b עָרְפָּ֔ה וְשֵׁ֥ם הַשֵּׁנִ֖יתc ר֑וּת וַיֵּ֥שְׁבוּ שָׁ֖םd כְּעֶ֥שֶׂרe שָׁנִֽיםf ׃

٥ וַיָּמ֥וּתוּ גַם־שְׁנֵיהֶ֖םa מַחְלֹ֣ון וְכִלְיֹ֑ון וַתִּשָּׁאֵר֙b הָֽאִשָּׁ֔ה מִשְּׁנֵ֥יc יְלָדֶ֖יהָd וּמֵאִישָֽׁהּ׃

٦ וַתָּ֤קָם הִיא֙ וְכַלֹּתֶ֔יהָa וַתָּ֖שָׁב מִשְּׂדֵ֣י מֹואָ֑ב כִּ֤י שָֽׁמְעָה֙ בִּשְׂדֵ֣ה מֹואָ֔ב כִּֽי־פָקַ֤ד יְהוָה֙ אֶת־עַמֹּ֔ו לָתֵ֥ת לָהֶ֖ם לָֽחֶם׃

٧ וַתֵּצֵ֗א מִן־הַמָּקֹום֙ אֲשֶׁ֣ר הָיְתָה־שָׁ֔מָּהa וּשְׁתֵּ֥יb כַלֹּתֶ֖יהָc עִמָּ֑הּ וַתֵּלַ֣כְנָה בַדֶּ֔רֶךְ לָשׁ֖וּב אֶל־אֶ֥רֶץ יְהוּדָֽה׃

٨ וַתֹּ֤אמֶר נָעֳמִי֙ לִשְׁתֵּ֣יa כַלֹּתֶ֔יהָb לֵ֣כְנָה שֹּׁ֔בְנָה אִשָּׁ֖ה לְבֵ֣ית אִמָּ֑הּc יעשׂהd יְהוָ֤ה עִמָּכֶם֙ חֶ֔סֶד כַּאֲשֶׁ֧ר עֲשִׂיתֶ֛ם עִם־הַמֵּתִ֖יםe וְעִמָּדִֽיf ׃

٩ יִתֵּ֤ן יְהוָה֙ לָכֶ֔ם וּמְצֶ֣אןָa מְנוּחָ֔הb אִשָּׁ֖הc בֵּ֣ית אִישָׁ֑הּ וַתִּשַּׁ֣קd לָהֶ֔ן וַתִּשֶּׂ֥אנָהe קֹולָ֖ןf וַתִּבְכֶּֽינָהg ׃

١٠ וַתֹּאמַ֖רְנָה־לָּ֑הּ כִּי־אִתָּ֥ךְa נָשׁ֖וּב לְעַמֵּֽךְ׃

١١ וַתֹּ֤אמֶר נָעֳמִי֙ שֹׁ֣בְנָה בְנֹתַ֔יa לָ֥מָּהb תֵלַ֖כְנָה עִמִּ֑י הַֽעֹֽודc ־לִ֤י בָנִים֙ בְּֽמֵעַ֔יd וְהָי֥וּ לָכֶ֖ם לַאֲנָשִֽׁים׃

١٢ שֹׁ֤בְנָה בְנֹתַי֙a לֵ֔כְןָ כִּ֥י זָקַ֖נְתִּיb מִהְיֹ֣ות לְאִ֑ישׁ כִּ֤י אָמַ֨רְתִּי֙ יֶשׁc ־לִ֣י תִקְוָ֔הd גַּ֣ם הָיִ֤יתִי הַלַּ֨יְלָה֙ לְאִ֔ישׁ וְגַ֖ם יָלַ֥דְתִּיe בָנִֽים׃

١٣ הֲלָהֵ֣ןa ׀ תְּשַׂבֵּ֗רְנָהb עַ֚ד אֲשֶׁ֣ר יִגְדָּ֔לוּc הֲלָהֵן֙d תֵּֽעָגֵ֔נָהe לְבִלְתִּ֖יf הֱיֹ֣ות לְאִ֑ישׁ אַ֣לg בְּנֹתַ֗יh כִּֽי־מַרi ־לִ֤י מְאֹד֙ מִכֶּ֔ם כִּֽי־יָצְאָ֥ה בִ֖י יַד־יְהוָֽה׃

١٤ וַתִּשֶּׂ֣נָהa קֹולָ֔ןb וַתִּבְכֶּ֖ינָהc עֹ֑ודd וַתִּשַּׁ֤קe עָרְפָּה֙ לַחֲמֹותָ֔הּf וְר֖וּת דָּ֥בְקָהg בָּֽהּ׃

١٥ וַתֹּ֗אמֶר הִנֵּה֙ שָׁ֣בָה יְבִמְתֵּ֔ךְa אֶל־עַמָּ֖הּ וְאֶל־אֱלֹהֶ֑יהָ שׁ֖וּבִי אַחֲרֵ֥יb יְבִמְתֵּֽךְc ׃

١٦ וַתֹּ֤אמֶר רוּת֙ אַלa ־תִּפְגְּעִיb ־בִ֔י לְעָזְבֵ֖ךְc לָשׁ֣וּב מֵאַחֲרָ֑יִךְd כִּ֠י אֶל־אֲשֶׁ֨ר תֵּלְכִ֜י אֵלֵ֗ךְ וּבַאֲשֶׁ֤ר תָּלִ֨ינִי֙e אָלִ֔יןf עַמֵּ֣ךְ עַמִּ֔י וֵאלֹהַ֖יִךְ אֱלֹהָֽי׃

١٧ בַּאֲשֶׁ֤ר תָּמ֨וּתִי֙ אָמ֔וּת וְשָׁ֖םa אֶקָּבֵ֑רb כֹּה֩c יַעֲשֶׂ֨ה יְהוָ֥ה לִי֙ וְכֹ֣הd יֹסִ֔יףe כִּ֣י הַמָּ֔וֶתf יַפְרִ֖ידg בֵּינִ֥י וּבֵינֵֽךְ׃

١٨ וַתֵּ֕רֶא כִּֽי־מִתְאַמֶּ֥צֶתa הִ֖יא לָלֶ֣כֶת אִתָּ֑הּb וַתֶּחְדַּ֖לc לְדַבֵּ֥ר אֵלֶֽיהָ׃

١٩ וַתֵּלַ֣כְנָה שְׁתֵּיהֶ֔םa עַד־בֹּאָ֖נָה בֵּ֣ית לָ֑חֶם וַיְהִ֗י כְּבֹאָ֨נָה֙ בֵּ֣ית לֶ֔חֶם וַתֵּהֹ֤םb כָּל־הָעִיר֙ עֲלֵיהֶ֔ן וַתֹּאמַ֖רְנָה הֲזֹ֥אתc נָעֳמִֽי׃

٢٠ וַתֹּ֣אמֶר אֲלֵיהֶ֔ן אַלa ־תִּקְרֶ֥אנָהb לִ֖י נָעֳמִ֑י קְרֶ֤אןָc לִי֙ מָרָ֔א כִּי־הֵמַ֥רd שַׁדַּ֛יe לִ֖י מְאֹֽד׃

٢١ אֲנִי֙ מְלֵאָ֣הa הָלַ֔כְתִּי וְרֵיקָ֖םb הֱשִׁיבַ֣נִי יְהוָ֑ה לָ֣מָּהc תִקְרֶ֤אנָהd לִי֙ נָעֳמִ֔י וַֽיהוָה֙ עָ֣נָהe בִ֔י וְשַׁדַּ֖יf הֵ֥רַ֥עg לִֽי׃

٢٢ וַתָּ֣שָׁב נָעֳמִ֗י וְר֨וּת הַמֹּואֲבִיָּ֤ה כַלָּתָהּ֙a עִמָּ֔הּ הַשָּׁ֖בָה מִשְּׂדֵ֣י מֹואָ֑ב וְהֵ֗מָּה בָּ֚אוּ בֵּ֣ית לֶ֔חֶם בִּתְחִלַּ֖תb קְצִ֥ירc שְׂעֹרִֽיםd ׃

וּֽלְנָעֳמִ֞יa מידעb לְאִישָׁ֗הּ אִ֚ישׁ גִּבֹּ֣ורc חַ֔יִלd מִמִּשְׁפַּ֖חַת אֱלִימֶ֑לֶךְ וּשְׁמֹ֖ו בֹּֽעַז׃

٢ וַתֹּאמֶר֩ ר֨וּת הַמֹּואֲבִיָּ֜ה אֶֽל־נָעֳמִ֗י אֵֽלְכָה־נָּ֤א הַשָּׂדֶה֙ וַאֲלַקֳטָ֣הa בַשִּׁבֳּלִ֔יםb אַחַ֕רc אֲשֶׁ֥ר אֶמְצָא־חֵ֖ןd בְּעֵינָ֑יו וַתֹּ֥אמֶר לָ֖הּ לְכִ֥י בִתִּֽיe ׃

٣ וַתֵּ֤לֶךְ וַתָּבֹוא֙ וַתְּלַקֵּ֣טa בַּשָּׂדֶ֔ה אַחֲרֵ֖יb הַקֹּצְרִ֑ים וַיִּ֣קֶרc מִקְרֶ֔הָd חֶלְקַ֤תe הַשָּׂדֶה֙ לְבֹ֔עַז אֲשֶׁ֖ר מִמִּשְׁפַּ֥חַת אֱלִימֶֽלֶךְ׃

٤ וְהִנֵּה־בֹ֗עַז בָּ֚א מִבֵּ֣ית לֶ֔חֶם וַיֹּ֥אמֶר לַקֹּוצְרִ֖יםa יְהוָ֣ה עִמָּכֶ֑ם וַיֹּ֥אמְרוּ לֹ֖ו יְבָרֶכְךָ֥ יְהוָֽה׃

٥ וַיֹּ֤אמֶר בֹּ֨עַז֙ לְנַעֲרֹ֔וa הַנִּצָּ֖בb עַל־הַקֹּֽוצְרִ֑יםc לְמִ֖יd הַנַּעֲרָ֥הe הַזֹּֽאת׃

٦ וַיַּ֗עַןa הַנַּ֛עַרb הַנִּצָּ֥בc עַל־הַקֹּוצְרִ֖יםd וַיֹּאמַ֑ר נַעֲרָ֤הe מֹֽואֲבִיָּה֙ הִ֔יא הַשָּׁ֥בָה עִֽם־נָעֳמִ֖י מִשְּׂדֵ֥ה מֹואָֽב׃

٧ וַתֹּ֗אמֶר אֲלַקֳטָהa ־נָּא֙ וְאָסַפְתִּ֣יb בָֽעֳמָרִ֔יםc אַחֲרֵ֖יd הַקֹּוצְרִ֑יםe וַתָּבֹ֣וא וַֽתַּעֲמֹ֗וד מֵאָ֤זf הַבֹּ֨קֶר֙g וְעַד־עַ֔תָּהh זֶ֛ה שִׁבְתָּ֥הּ הַבַּ֖יִת מְעָֽטi ׃

٨ וַיֹּאמֶר֩ בֹּ֨עַז אֶל־ר֜וּת הֲלֹ֧וא שָׁמַ֣עַתְּ בִּתִּ֗יa אַל־תֵּלְכִי֙ לִלְקֹט֙b בְּשָׂדֶ֣ה אַחֵ֔רc וְגַ֛ם לֹ֥א תַעֲבוּרִ֖יd מִזֶּ֑ה וְכֹ֥הe תִדְבָּקִ֖יןf עִם־נַעֲרֹתָֽיg ׃

٩ עֵינַ֜יִךְ בַּשָּׂדֶ֤ה אֲשֶׁר־יִקְצֹרוּן֙a וְהָלַ֣כְתְּ אַחֲרֵיהֶ֔ןb הֲלֹ֥וא צִוִּ֛יתִיc אֶת־הַנְּעָרִ֖יםd לְבִלְתִּ֣יe נָגְעֵ֑ךְf וְצָמִ֗תg וְהָלַכְתְּ֙ אֶל־הַכֵּלִ֔יםh וְשָׁתִ֕יתi מֵאֲשֶׁ֥ר יִשְׁאֲב֖וּןj הַנְּעָרִֽיםk ׃

١٠ וַתִּפֹּל֙a עַל־פָּנֶ֔יהָ וַתִּשְׁתַּ֖חוּb אָ֑רְצָה וַתֹּ֣אמֶר אֵלָ֗יו מַדּוּעַ֩c מָצָ֨אתִי חֵ֤ןd בְּעֵינֶ֨יךָ֙ לְהַכִּירֵ֔נִיe וְאָנֹכִ֖י נָכְרִיָּֽהf ׃

١١ וַיַּ֤עַןa בֹּ֨עַז֙ וַיֹּ֣אמֶר לָ֔הּ הֻגֵּ֨דb הֻגַּ֜דc לִ֗י כֹּ֤ל אֲשֶׁר־עָשִׂית֙ אֶת־חֲמֹותֵ֔ךְd אַחֲרֵ֖יe מֹ֣ות אִישֵׁ֑ךְ וַתַּֽעַזְבִ֞יf אָבִ֣יךְ וְאִמֵּ֗ךְg וְאֶ֨רֶץ֙ מֹֽולַדְתֵּ֔ךְh וַתֵּ֣לְכִ֔י אֶל־עַ֕ם אֲשֶׁ֥ר לֹא־יָדַ֖עַתְּ תְּמֹ֥ולi שִׁלְשֹֽׁוםj ׃

١٢ יְשַׁלֵּ֥םa יְהוָ֖ה פָּעֳלֵ֑ךְb וּתְהִ֨י מַשְׂכֻּרְתֵּ֜ךְc שְׁלֵמָ֗הd מֵעִ֤ם יְהוָה֙ אֱלֹהֵ֣י יִשְׂרָאֵ֔ל אֲשֶׁר־בָּ֖את לַחֲסֹ֥ותe תַּֽחַת־כְּנָפָֽיוf ׃

١٣ וַ֠תֹּאמֶר אֶמְצָא־חֵ֨ןa בְּעֵינֶ֤יךָ אֲדֹנִי֙b כִּ֣י נִֽחַמְתָּ֔נִיc וְכִ֥י דִבַּ֖רְתָּ עַל־לֵ֣ב שִׁפְחָתֶ֑ךָd וְאָנֹכִי֙ לֹ֣א אֶֽהְיֶ֔ה כְּאַחַ֖תe שִׁפְחֹתֶֽיךָf ׃

١٤ וַיֹּאמֶר֩ לָ֨ה בֹ֜עַז לְעֵ֣תa הָאֹ֗כֶלb גֹּ֤שִֽׁיc הֲלֹם֙d וְאָכַ֣לְתְּ מִן־הַלֶּ֔חֶם וְטָבַ֥לְתְּe פִּתֵּ֖ךְf בַּחֹ֑מֶץg וַתֵּ֨שֶׁב֙ מִצַּ֣דh הַקֹּֽוצְרִ֔יםi וַיִּצְבָּטj ־לָ֣הּ קָלִ֔יk וַתֹּ֥אכַל וַתִּשְׂבַּ֖עl וַתֹּתַֽרm ׃

١٥ וַתָּ֖קָםa לְלַקֵּ֑טb וַיְצַו֩c בֹּ֨עַז אֶת־נְעָרָ֜יוd לֵאמֹ֗ר גַּ֣ם בֵּ֧ין הָֽעֳמָרִ֛יםe תְּלַקֵּ֖טf וְלֹ֥א תַכְלִימֽוּהָg ׃

١٦ וְגַ֛ם שֹׁלa ־תָּשֹׁ֥לּוּb לָ֖הּ מִן־הַצְּבָתִ֑יםc וַעֲזַבְתֶּ֥ם וְלִקְּטָ֖הd וְלֹ֥א תִגְעֲרוּe ־בָֽהּ׃

١٧ וַתְּלַקֵּ֥טa בַּשָּׂדֶ֖ה עַד־הָעָ֑רֶבb וַתַּחְבֹּט֙c אֵ֣ת אֲשֶׁר־לִקֵּ֔טָהd וַיְהִ֖י כְּאֵיפָ֥הe שְׂעֹרִֽיםf ׃

١٨ וַתִּשָּׂא֙a וַתָּבֹ֣וא הָעִ֔יר וַתֵּ֥רֶא חֲמֹותָ֖הּb אֵ֣ת אֲשֶׁר־לִקֵּ֑טָהc וַתֹּוצֵא֙ וַתִּתֶּן־לָ֔הּ אֵ֥ת אֲשֶׁר־הֹותִ֖רָהd מִשָּׂבְעָֽהּe ׃

١٩ וַתֹּאמֶר֩ לָ֨הּ חֲמֹותָ֜הּa אֵיפֹ֨הb לִקַּ֤טְתְּc הַיֹּום֙ וְאָ֣נָהd עָשִׂ֔ית יְהִ֥י מַכִּירֵ֖ךְe בָּר֑וּךְf וַתַּגֵּ֣דg לַחֲמֹותָ֗הּh אֵ֤ת אֲשֶׁר־עָשְׂתָה֙ עִמֹּ֔ו וַתֹּ֗אמֶר שֵׁ֤ם הָאִישׁ֙ אֲשֶׁ֨ר עָשִׂ֧יתִי עִמֹּ֛ו הַיֹּ֖ום בֹּֽעַז׃

٢٠ וַתֹּ֨אמֶר נָעֳמִ֜י לְכַלָּתָ֗הּa בָּר֥וּךְb הוּא֙ לַיהוָ֔ה אֲשֶׁר֙ לֹא־עָזַ֣בc חַסְדֹּ֔ו אֶתd ־הַחַיִּ֖יםe וְאֶת־הַמֵּתִ֑יםf וַתֹּ֧אמֶר לָ֣הּ נָעֳמִ֗י קָרֹ֥ובg לָ֨נוּ֙ הָאִ֔ישׁ מִֽגֹּאֲלֵ֖נוּh הֽוּא׃

٢١ וַתֹּ֖אמֶר ר֣וּת הַמֹּואֲבִיָּ֑ה גַּ֣ם׀ כִּי־אָמַ֣ר אֵלַ֗י עִם־הַנְּעָרִ֤יםa אֲשֶׁר־לִי֙ תִּדְבָּקִ֔יןb עַ֣ד אִם־כִּלּ֔וּc אֵ֥ת כָּל־הַקָּצִ֖ירd אֲשֶׁר־לִֽי׃

٢٢ וַתֹּ֥אמֶר נָעֳמִ֖י אֶל־ר֣וּת כַּלָּתָ֑הּa טֹ֣וב בִּתִּ֗יb כִּ֤י תֵֽצְאִי֙ עִם־נַ֣עֲרֹותָ֔יוc וְלֹ֥א יִפְגְּעוּd ־בָ֖ךְ בְּשָׂדֶ֥ה אַחֵֽרe ׃

٢٣ וַתִּדְבַּ֞קa בְּנַעֲרֹ֥ותb בֹּ֨עַז֙ לְלַקֵּ֔ט עַד־כְּלֹ֥ותc קְצִֽירd ־הַשְּׂעֹרִ֖יםe וּקְצִ֣ירf הַֽחִטִּ֑יםg וַתֵּ֖שֶׁב אֶת־חֲמֹותָֽהּh ׃

וַתֹּ֥אמֶר לָ֖הּ נָעֳמִ֣י חֲמֹותָ֑הּa בִּתִּ֞יb הֲלֹ֧א אֲבַקֶּשׁc ־לָ֛ךְ מָנֹ֖וחַd אֲשֶׁ֥ר יִֽיטַבe ־לָֽךְ׃

٢ וְעַתָּ֗הa הֲלֹ֥א בֹ֨עַז֙ מֹֽדַעְתָּ֔נוּb אֲשֶׁ֥ר הָיִ֖ית אֶתc ־נַעֲרֹותָ֑יוd הִנֵּה־ה֗וּא זֹרֶ֛הe אֶת־גֹּ֥רֶןf הַשְּׂעֹרִ֖יםg הַלָּֽיְלָה׃

٣ וְרָחַ֣צְתְּa ׀ וָסַ֗כְתְּb וְשַׂ֧מְתְּc שׂמלתךd עָלַ֖יִךְ וירדתיe הַגֹּ֑רֶןf אַלg ־תִּוָּדְעִ֣יh לָאִ֔ישׁ עַ֥ד כַּלֹּתֹ֖וi לֶאֱכֹ֥לj וְלִשְׁתֹּֽותk ׃

٤ וִיהִ֣י בְשָׁכְבֹ֗וa וְיָדַ֨עַתְּ֙ אֶת־הַמָּקֹום֙ אֲשֶׁ֣ר יִשְׁכַּבb ־שָׁ֔םc וּבָ֛את וְגִלִּ֥יתd מַרְגְּלֹתָ֖יוe ושׁכבתיf וְהוּא֙ יַגִּ֣יד לָ֔ךְ אֵ֖ת אֲשֶׁ֥ר תַּעֲשִֽׂין׃

٥ וַתֹּ֖אמֶר אֵלֶ֑יהָ כֹּ֛ל אֲשֶׁר־תֹּאמְרִ֥י a אֶֽעֱשֶֽׂה׃

٦ וַתֵּ֖רֶדa הַגֹּ֑רֶןb וַתַּ֕עַשׂ כְּכֹ֥ל אֲשֶׁר־צִוַּ֖תָּהc חֲמֹותָֽהּd ׃

٧ וַיֹּ֨אכַל בֹּ֤עַז וַיֵּשְׁתְּ֙a וַיִּיטַ֣בb לִבֹּ֔ו וַיָּבֹ֕א לִשְׁכַּ֖בc בִּקְצֵ֣הd הָעֲרֵמָ֑הe וַתָּבֹ֣א בַלָּ֔טf וַתְּגַ֥לg מַרְגְּלֹתָ֖יוh וַתִּשְׁכָּֽבi ׃

٨ וַיְהִי֙ בַּחֲצִ֣יa הַלַּ֔יְלָה וַיֶּחֱרַ֥דb הָאִ֖ישׁ וַיִּלָּפֵ֑תc וְהִנֵּ֣ה אִשָּׁ֔ה שֹׁכֶ֖בֶתd מַרְגְּלֹתָֽיוe ׃

٩ וַיֹּ֖אמֶר מִי־אָ֑תּa וַתֹּ֗אמֶר אָנֹכִי֙ ר֣וּת אֲמָתֶ֔ךָb וּפָרַשְׂתָּ֤c כְנָפֶ֨ךָ֙d עַל־אֲמָ֣תְךָ֔e כִּ֥י גֹאֵ֖לf אָֽתָּה׃

١٠ וַיֹּ֗אמֶר בְּרוּכָ֨הa אַ֤תְּb לַֽיהוָה֙ בִּתִּ֔יc הֵיטַ֛בְתְּd חַסְדֵּ֥ךְe הָאַחֲרֹ֖וןf מִן־הָרִאשֹׁ֑וןg לְבִלְתִּיh ־לֶ֗כֶת אַחֲרֵי֙i הַבַּ֣חוּרִ֔יםj אִם־דַּ֖לk וְאִם־עָשִֽׁירl ׃

١١ וְעַתָּ֗הa בִּתִּי֙ אַל־תִּ֣ירְאִ֔יb כֹּ֥ל אֲשֶׁר־תֹּאמְרִ֖י אֶֽעֱשֶׂה־לָּ֑ךְ כִּ֤י יֹודֵ֨עַ֙c כָּל־שַׁ֣עַרd עַמִּ֔י כִּ֛י אֵ֥שֶׁתe חַ֖יִלf אָֽתְּg ׃

١٢ וְעַתָּה֙a כִּ֣י אָמְנָ֔םb כִּ֥י אםc גֹאֵ֖לd אָנֹ֑כִי וְגַ֛ם יֵ֥שׁe גֹּאֵ֖לf קָרֹ֥ובg מִמֶּֽנִּי׃

١٣ לִ֣ינִיa ׀ הַלַּ֗יְלָה וְהָיָ֤ה בַבֹּ֨קֶר֙b אִם־יִגְאָלֵ֥ךְc טֹוב֙ יִגְאָ֔לd וְאִם־לֹ֨א יַחְפֹּ֧ץe לְגָֽאֳלֵ֛ךְf וּגְאַלְתִּ֥יךְg אָנֹ֖כִי חַיh ־יְהוָ֑ה שִׁכְבִ֖יi עַד־הַבֹּֽקֶרj ׃

١٤ וַתִּשְׁכַּ֤בa מרגלתוb עַד־הַבֹּ֔קֶרc וַתָּ֕קָםd בטרוםe יַכִּ֥ירf אִ֖ישׁ אֶת־רֵעֵ֑הוּg וַיֹּ֨אמֶר֙ אַל־יִוָּדַ֔עh כִּי־בָ֥אָה הָאִשָּׁ֖ה הַגֹּֽרֶןi ׃

١٥ וַיֹּ֗אמֶר הָ֠בִיa הַמִּטְפַּ֧חַתb אֲשֶׁר־עָלַ֛יִךְ וְאֶֽחֳזִיc ־בָ֖הּ וַתֹּ֣אחֶזd בָּ֑הּ וַיָּ֤מָדe שֵׁשׁf ־שְׂעֹרִים֙g וַיָּ֣שֶׁתh עָלֶ֔יהָ וַיָּבֹ֖א הָעִֽיר׃

١٦ וַתָּבֹוא֙ אֶל־חֲמֹותָ֔הּa וַתֹּ֖אמֶר מִי־אַ֣תְּb בִּתִּ֑יc וַתַּ֨גֶּדd ־לָ֔הּ אֵ֛ת כָּל־אֲשֶׁ֥ר עָֽשָׂה־לָ֖הּ הָאִֽישׁ׃

١٧ וַתֹּ֕אמֶר שֵׁשׁa ־הַשְּׂעֹרִ֥יםb הָאֵ֖לֶּהc נָ֣תַן לִ֑י כִּ֚י אָמַ֣ר d אַל־תָּבֹ֥ואִי רֵיקָ֖םe אֶל־חֲמֹותֵֽךְf ׃

١٨ וַתֹּ֨אמֶר֙ שְׁבִ֣י בִתִּ֔יa עַ֚ד אֲשֶׁ֣ר תֵּֽדְעִ֔יןb אֵ֖יךְc יִפֹּ֣לd דָּבָ֑ר כִּ֣י לֹ֤א יִשְׁקֹט֙e הָאִ֔ישׁ כִּֽי־אִם־כִּלָּ֥הf הַדָּבָ֖ר הַיֹּֽום׃

וּבֹ֨עַז עָלָ֣ה הַשַּׁעַר֮a וַיֵּ֣שֶׁב שָׁם֒b וְהִנֵּ֨ה הַגֹּאֵ֤לc עֹבֵר֙ אֲשֶׁ֣ר דִּבֶּר־בֹּ֔עַז וַיֹּ֛אמֶר ס֥וּרָהd שְׁבָה־פֹּ֖הe פְּלֹנִ֣יf אַלְמֹנִ֑יg וַיָּ֖סַרh וַיֵּשֵֽׁב׃

٢ וַיִּקַּ֞ח עֲשָׂרָ֧ה אֲנָשִׁ֛ים מִזִּקְנֵ֥י הָעִ֖יר וַיֹּ֣אמֶר שְׁבוּ־פֹ֑הa וַיֵּשֵֽׁבוּ׃

٣ וַיֹּ֨אמֶר֙ לַגֹּאֵ֔ל חֶלְקַת֙a הַשָּׂדֶ֔ה אֲשֶׁ֥ר לְאָחִ֖ינוּb לֶאֱלִימֶ֑לֶךְ מָכְרָ֣הc נָעֳמִ֔י הַשָּׁ֖בָה מִשְּׂדֵ֥ה מֹואָֽב׃

٤ וַאֲנִ֨י אָמַ֜רְתִּי אֶגְלֶ֧הa אָזְנְךָ֣b לֵאמֹ֗ר קְ֠נֵהc נֶ֥גֶדd הַֽיֹּשְׁבִים֮ וְנֶ֣גֶדe זִקְנֵ֣י עַמִּי֒ אִם־תִּגְאַל֙f גְּאָ֔לg וְאִם־לֹ֨א יִגְאַ֜לh הַגִּ֣ידָהi לִּ֗י ואדעj כִּ֣י אֵ֤יןk זוּלָֽתְךָ֙l לִגְאֹ֔ולm וְאָנֹכִ֖י אַחֲרֶ֑יךָn וַיֹּ֖אמֶר אָנֹכִ֥י אֶגְאָֽלo ׃

٥ וַיֹּ֣אמֶר בֹּ֔עַז בְּיֹום־קְנֹותְךָ֥a הַשָּׂדֶ֖ה מִיַּ֣ד נָעֳמִ֑י וּ֠מֵאֵתb ר֣וּת הַמֹּואֲבִיָּ֤ה אֵֽשֶׁת־הַמֵּת֙c קניתיd לְהָקִ֥יםe שֵׁם־הַמֵּ֖תf עַל־נַחֲלָתֹֽוg ׃

٦ וַיֹּ֣אמֶר הַגֹּאֵ֗לa לֹ֤א אוּכַל֙b לגאולc ־לִ֔י פֶּןd ־אַשְׁחִ֖יתe אֶת־נַחֲלָתִ֑יf גְּאַלg ־לְךָ֤ אַתָּה֙ אֶת־גְּאֻלָּתִ֔יh כִּ֥י לֹא־אוּכַ֖לi לִגְאֹֽלj ׃

٧ וְזֹאת֩ לְפָנִ֨ים בְּיִשְׂרָאֵ֜ל עַל־הַגְּאוּלָּ֤הa וְעַל־הַתְּמוּרָה֙b לְקַיֵּ֣םc כָּל־דָּבָ֔ר שָׁלַ֥ףd אִ֛ישׁ נַעֲלֹ֖וe וְנָתַ֣ן לְרֵעֵ֑הוּf וְזֹ֥את הַתְּעוּדָ֖הg בְּיִשְׂרָאֵֽל׃

٨ וַיֹּ֧אמֶר הַגֹּאֵ֛לa לְבֹ֖עַז קְנֵהb ־לָ֑ךְ וַיִּשְׁלֹ֖ףc נַעֲלֹֽוd ׃

٩ וַיֹּאמֶר֩ בֹּ֨עַז לַזְּקֵנִ֜ים וְכָל־הָעָ֗ם עֵדִ֤יםa אַתֶּם֙ הַיֹּ֔ום כִּ֤י קָנִ֨יתִי֙b אֶת־כָּל־אֲשֶׁ֣ר לֶֽאֱלִימֶ֔לֶךְ וְאֵ֛ת כָּל־אֲשֶׁ֥ר לְכִלְיֹ֖ון וּמַחְלֹ֑ון מִיַּ֖ד נָעֳמִֽי׃

١٠ וְגַ֣ם אֶת־ר֣וּת הַמֹּאֲבִיָּה֩ אֵ֨שֶׁתa מַחְלֹ֜ון קָנִ֧יתִיb לִ֣י לְאִשָּׁ֗ה לְהָקִ֤יםc שֵׁם־הַמֵּת֙d עַל־נַ֣חֲלָתֹ֔וe וְלֹא־יִכָּרֵ֧תf שֵׁם־הַמֵּ֛תg מֵעִ֥ם אֶחָ֖יוh וּמִשַּׁ֣עַרi מְקֹומֹ֑ו עֵדִ֥יםj אַתֶּ֖ם הַיֹּֽום׃

١١ וַיֹּ֨אמְר֜וּ כָּל־הָעָ֧ם אֲשֶׁר־בַּשַּׁ֛עַרa וְהַזְּקֵנִ֖ים עֵדִ֑יםb יִתֵּן֩ יְהוָ֨ה אֶֽת־הָאִשָּׁ֜ה הַבָּאָ֣ה אֶל־בֵּיתֶ֗ךָ כְּרָחֵ֤לc ׀ וּכְלֵאָה֙d אֲשֶׁ֨ר בָּנ֤וּ שְׁתֵּיהֶם֙e אֶת־בֵּ֣ית יִשְׂרָאֵ֔ל וַעֲשֵׂה־חַ֣יִלf בְּאֶפְרָ֔תָהg וּקְרָאh ־שֵׁ֖ם בְּבֵ֥ית לָֽחֶם׃

١٢ וִיהִ֤י בֵֽיתְךָ֙ כְּבֵ֣ית פֶּ֔רֶץa אֲשֶׁר־יָלְדָ֥הb תָמָ֖רc לִֽיהוּדָ֑ה מִן־הַזֶּ֗רַעd אֲשֶׁ֨ר יִתֵּ֤ן יְהוָה֙ לְךָ֔ מִן־הַֽנַּעֲרָ֖הe הַזֹּֽאת׃

١٣ וַיִּקַּ֨ח בֹּ֤עַז אֶת־רוּת֙ וַתְּהִי־לֹ֣ו לְאִשָּׁ֔ה וַיָּבֹ֖א אֵלֶ֑יהָ וַיִּתֵּ֨ן יְהוָ֥ה לָ֛הּ הֵרָיֹ֖וןa וַתֵּ֥לֶדb בֵּֽן׃

١٤ וַתֹּאמַ֤רְנָה הַנָּשִׁים֙ אֶֽל־נָעֳמִ֔י בָּר֣וּךְa יְהוָ֔ה אֲ֠שֶׁר לֹ֣א הִשְׁבִּ֥יתb לָ֛ךְ גֹּאֵ֖לc הַיֹּ֑ום וְיִקָּרֵ֥אd שְׁמֹ֖ו בְּיִשְׂרָאֵֽל׃

١٥ וְהָ֤יָה לָךְ֙ לְמֵשִׁ֣יב נֶ֔פֶשׁ וּלְכַלְכֵּ֖לa אֶת־שֵׂיבָתֵ֑ךְb כִּ֣י כַלָּתֵ֤ךְc אֲֽשֶׁר־אֲהֵבַ֨תֶךְ֙d יְלָדַ֔תּוּe אֲשֶׁר־הִיא֙ טֹ֣ובָה לָ֔ךְ מִשִּׁבְעָ֖ה בָּנִֽים׃

١٦ וַתִּקַּ֨ח נָעֳמִ֤י אֶת־הַיֶּ֨לֶד֙a וַתְּשִׁתֵ֣הוּb בְחֵיקָ֔הּc וַתְּהִי־לֹ֖ו לְאֹמֶֽנֶתd ׃

١٧ וַתִּקְרֶאנָה֩a לֹ֨ו הַשְּׁכֵנֹ֥ותb שֵׁם֙ לֵאמֹ֔ר יֻלַּדc ־בֵּ֖ן לְנָעֳמִ֑י וַתִּקְרֶ֤אנָֽהd שְׁמֹו֙ עֹובֵ֔ד ה֥וּא אֲבִי־יִשַׁ֖י אֲבִ֥י דָוִֽד׃ פ

١٨ וְאֵ֨לֶּה֙a תֹּולְדֹ֣ותb פָּ֔רֶץc פֶּ֖רֶץd הֹולִ֥ידe אֶת־חֶצְרֹֽון׃

١٩ וְחֶצְרֹון֙ הֹולִ֣ידa אֶת־רָ֔ם וְרָ֖ם הֹולִ֥יד אֶת־עַמִּֽינָדָֽב׃

٢٠ וְעַמִּֽינָדָב֙ הֹולִ֣יד אֶת־נַחְשֹׁ֔ון וְנַחְשֹׁ֖ון הֹולִ֥יד אֶת־שַׂלְמָֽה׃

٢١ וְשַׂלְמֹון֙ הֹולִ֣יד אֶת־בֹּ֔עַז וּבֹ֖עַז הֹולִ֥יד אֶת־עֹובֵֽד׃

٢٢ וְעֹבֵד֙ הֹולִ֣יד אֶת־יִשָׁ֔י וְיִשַׁ֖י הֹולִ֥יד אֶת־דָּוִֽד׃